影片
港鐵佐敦站 E 出口, 步行約2分鐘
繼續閱讀
電話號碼
55438551
營業時間
今日營業
全日休息
星期一至二
11:00 - 15:00
18:00 - 22:00
星期三
全日休息
星期四至日
11:00 - 15:00
18:00 - 22:00
以上資料只供參考, 請與餐廳確認詳情
食家推介
呢間位於佐敦既意大利餐廳由意大利人主理，主打手工意粉，朋友食過話好味，今次再帶我黎試☺️意式生牛肉他他拌自家製醬汁牛肉他他調味恰到好處，其中入面既酸瓜係成個牛肉他他既靈魂呀，整個質感唔會話太黏或太散，配cracker 食送酒真係一流雞胸拌意式馬莎拉酒汁拌小量沙律以為係一個沙律仔，無諗過會有咁多件雞胸，醬汁用上意大利馬莎拉酒、忌廉同蘑菇烹調，酒味好濃郁，同埋係蛋白質呀😍番茄醬混多重芝士貓耳朵粉手製既貓耳朵粉真係好al dente, 食得出好新鮮，沙樂美腸Nudja溶化左係個番茄醬入面，再加入唔同香料同多重芝士，惹味又好食米蘭風味蘑菇意大利燉飯用上意大利米”Carnaroli”，以正宗煮法烹調，所以飯芯是脆口，加入了番紅花，整個燉飯顏色帶微黃，每一口都帶著香濃既菇味，無論濕度、味道我都好喜歡提拉米蘇意大利經典甜品Tiramisu，手指餅索滿濃濃既咖啡酒，全杯濕潤得黎又幼滑雖然餐廳唔算大，但就有種外國小酒館既氣氛，食物好食酒好飲，價錢亦都平易近人，唔怪得閒日都座無虛席啦
繼續閱讀
係佐敦都食過一間手工意粉餐廳叫做sfizio同之前食過既cafe revol係同一條德成街呢間餐廳就夠顛啦因為我地比老細鬧呀真係記足佢年半都要寫餐廳味道完全無問題呀手工意粉都唔會差得去邊但一開始同侍應落單話甜品想要tiramisu唔記得佢話今日無賣定賣晒啦咁咪無落到甜品點知到食完晒個老闆自己走過黎問甜品要咩咪照講唔要lor點知佢就西晒面唔開心啦都仲未發作既話說間舖當時得果一兩檯客大把位淨我地食完就繼續坐左陣吹水點知個意大利佬就黎料啦拎住張單唔知發咩顛走過黎兇我地直頭拎晒意大利國定手勢鬧人咁不過意大利文聽唔明好似坐係度就係唔岩咁但你又無話限時又無其他客我地十一點九黎食講緊十二點半都未到即係坐左一個鐘都無都唔知佢做乜野果個唔知係老闆娘定侍應既女人先尷尷尬尬過黎打完場食餐飯都要比人鬧就真係第一次我好小氣應該會記一世咁循例講下佢地食物lunch由八十幾去到百中都有餐湯係杯上叫左三款意粉沙樂美腸蕃茄醬芝士貓耳朵粉四式芝士雲吞同埋肉醬全蛋寬麵即係我都話對佢地意粉係完全無投訴口感好好份量都算比中高檔既多係無乜擺盤同配菜姐仲有貓耳朵粉同寬麵兩碟有d相似應該叫忌廉汁果隻會多d選擇同埋唔太明佢地唔做carbonara既原因飲品就三杯都要晒凍檸菜咁比人鬧無癮緊係走啦張單就手寫既睇番先知凍飲要加六蚊同埋仲要加一得到咁既服務真係多謝晒其實以lunch黎講每人食左百六蚊都唔係叫做無消費掛只係唔食你個甜品姐咁可能我地存在真係好礙眼啦意大利佬真係神神化化聽人講little napoli個老闆又係會鬧伙記既明明我係咁鍾意睇同支持意大利波真係搞不掂
繼續閱讀
Handmade orecchiette Nduja Sfizio’s style香辣沙樂美腸蕃茄醬多重芝士煮新鮮貓耳朵滿心期待 最鍾意食嘅貓耳朵好可惜 冇晒貓耳朵轉左類似螺絲粉 但係口感都幾好chewy 味道比較偏辣 好香茄醬味每一條粉都平均地包滿咗醬汁Gnocchi Al Pesto Alla Genovese 軟糯薯粉糰配羅勒醬我期待嘅薯仔粉團係比較煙靭 所以呢一間嘅薯仔粉團 不合我口味 而且佢嘅味道有兩款藍芝士和羅勒醬 （兩隻都不是我喜歡的味道）如果二選一，我只好揀羅勒醬 好重嘅羅勒醬味Tiramisu係我喜歡嘅味道Creamy texture Cream 唔會太甜 有淡淡的雲呢拿味lady finger 吸收啲咖啡啱啱好 唔會太多 搞到水汪汪，亦都唔會太少 食到餅乾粒Semi gelatoCreamy texture 半溶狀態嘅雪糕唔會太過甜淡淡嘅cream味仲有啲nuts開頭份量都覺得比較少 但係最後都夠飽肚性價比高 啱啱好$500仲有兩杯檸茶 夠凍 紅茶好香 帶出淡淡嘅檸檬味
繼續閱讀
🌟餐廳位置喺佐敦，地鐵站距離都好近，今日比較鍾意食嘅手工意粉有four cheese ravioli, 味道非常濃郁，而且餐廳係主打手工意粉，非常傳統嘅意大利口味，而且黑松露味非常match, 呢個價錢嚟講算係非常高質，亦都有其他唔同手工意粉俾大家選擇，大家可以一試。好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟
繼續閱讀
宇宙最強意粉 終於出場Al dente就一定係must, 但係個味道真係crazy咁好食Wine都只係markup一倍， fair但係最正嘅係，Spencer 嘅service係超級超級professional, 媲美hotel level對食材嘅認知，passion, 都係max level重點重點重點，超級抵食係到又好食又好玩簡直可以當係飯堂I must go back for the pasta and service again and again, no doubt唔好話我無提你，一定要book位
繼續閱讀