影片
電話號碼
28652878
開飯介紹
人氣韓國燒烤店，招牌為燒韓牛，當中以肩胛肉及護心肉最為推薦。
繼續閱讀
營業時間
今日營業
11:30 - 16:30
17:30 - 22:00
星期一至日
11:30 - 16:30
17:30 - 22:00
公眾假期
11:30 - 16:30
17:30 - 22:00
公眾假期前夕
11:30 - 16:30
17:30 - 22:00
*外賣截單時間為20:30
以上資料只供參考, 請與餐廳確認詳情
有關獎賞計劃
地址－炑八韓烤 (MegaBox)九龍灣宏照道38號企業廣場5期MegaBox地下21號舖前排至得閒睇完成套魷魚遊戲(唔準話我遲)，咁岩行MEGA BOX時見到呢間居然做呢個主題喎，即刻去試下先，一坐低職員已經幫手倒爐邊蛋及芝士粟米，另外就送上泡菜，佢最貼心係每上一道泡菜，都會介紹係咩黎，唔會盲摸摸咁唔知食咩，另外仲送上生蒜片，生菜同前菜沙律，除左沙律冇問外，其餘都係免費任加，保證夠食，正。💋新鮮魷魚，呢個一上黎時見到個造型真係不得了，我地煎完就剪黎食啦，佢都幾大條下，剪到唔少出黎，食落幾彈牙，又有香脆的表面，唔錯。💋深海鱈魚肉，呢個佢算係厚切咁上碟，感覺已經好抵了，食落啖啖肉咁，又唔會話過嚡，食落魚味都幾重下，無需過多的調味都可以食到食物本身的味道。💋韓式香腸，呢個雖然睇落似普通芝士腸咁，但食落都感覺到分別的，我地都煎到佢表面脆身，唔錯。💋安格斯外裙肉及和牛牛肋條，呢個佢都係切得幾厚身，唔會食完都唔知有冇食過的錯覺XD，將生菜包裹住佢地同埋蒜片，食落油膩感大減外，仲帶有一點的蒜頭獨有的辛辣味，同時又唔會令到牛味被覆蓋，絕對令人回味無窮。💋梨汁雞肉，佢D雞肉睇落以為份量好多，原來係因為佢切得厚身，所以有呢個錯覺，而可能佢醃得夠時間的關係，所以就算煎完都好，都食得出梨汁的甜味，配上雞肉爽口彈牙的口感，正。💋月見牛腹肉，估唔到呢度都有月見牛腹肉食，我地煎完後再蘸埋蛋漿，佢蛋漿有另外加添調味料，所以食落帶一點鹹味，味道層次豐富，正！💋醬油五花肉，佢呢個五花肉已經用醬油預先醃好，所以煎完就算唔加調味料都好，都十分夠味，而且佢五花肉睇上去已經見到肥瘦均稱，一層一層咁，畫面真美，食落仲幾彈牙，唔會過嚡。💋紅燈及綠燈沙冰，呢兩杯飲品簡直同成個餐主題好夾，飲落清爽解膩，係韓燒咁熱的環境下飲，簡直係透心涼。💋Front Man 椪糖曲奇雪糕，最後食返個雪糕作結先，呢個雪糕食落雲呢拿味勁重，而且佢塊椪糖曲奇又可以自己拗出唔同造型，而我就好叻叻咁拗出個星形出黎，真係有得食，又有得玩，為呢個豐富的晚餐畫上完美的句號。
繼續閱讀
以《魷魚遊戲》為靈感的真人實境秀《魷魚遊戲：真人挑戰賽》早前在Netflix已經播左啦有無睇呢?! 我就去左Megabox呢間餐廳叫左🚦紅綠燈魷魚遊戲韓烤套餐🦑過下癮啦🤩 原來係Openrice訂座就可以享有呢個餐既88折優惠！好抵！呢度餐廳門面已經擺放左大大個公仔紙板係度好矚目🤣 裡面都好有心思! 擺左好多魷魚遊戲劇照既卡紙裝飾🙆🏻♀️ 我地今次食呢個餐超正!.🚦紅綠燈魷魚遊戲韓烤套餐🦑- 新鮮魷魚- 醬油五花肉- 安格斯外裙肉- 和牛牛肋條- 月見牛腹肉- 梨汁雞肉- 深海鱈魚肉- 韓式香腸🍭椪糖曲奇雪糕🚦紅糖沙冰🚦綠燈沙冰.一來到就有韓國好流行既幾款小食，加上烤爐旁放上芝士粟米同泡菜蛋，已經好豐富🤩 烤肉到哂後，好壯觀😍 要拎住魷魚打卡啦🤣 魷魚已處理，直接放上去簡單燒香就可以，好香好爽！.燒肉方面，個人最喜愛醬油五花肉🍖真係不得了！油脂香爆發，唔駛點醬都好好食，入口即溶，加片生菜同配料包住五花肉食，好正！而第二樣最喜愛就係安格斯外裙肉！🥩 肉味濃郁，肉質軟，好好食！.深海鱈魚肉好香，魚肉好鮮！梨汁雞肉都唔錯，好香！和牛牛肋條同月見牛腹肉既肉質就較厚實🙆🏻♀️ 爐邊既芝士粟米同泡菜蛋可以係咁refill，我地食左兩round就夠哂🤣.食魷魚遊戲套餐當然唔少得玩下遊戲🤪 甜品既椪糖曲奇雪糕就有得玩啦！我地兩個都係星星款🌟Challenge accepted!! 不過我玩唔夠一分鐘就fail左🤣🤣🤣 曲奇雪糕好好味😋 紅燈沙冰同綠燈沙冰都好靚，紅紅綠綠咁，味道有少少似波子汽水沙冰咁
繼續閱讀
最鐘意平日去Mega box行街，因為比較大同比起德福小人，好行好多！今日同朋友行完街，行到地下果層見到好大個《魷魚遊戲》入面個木頭人娃娃😍我同朋友都勁鐘意呢套劇，立即行去睇下先！去到原來係炑八燒烤x魷魚遊戲出左好多精品同套餐，我地見到｢紅綠燈魷魚遊戲套餐｣食物都好吸引，決定入去食晚餐😋坐低後店員就拎d前菜出黎，樣樣都好好味，我地最鐘意係泡菜同魚糕昆布，另外仲有泡菜蛋同埋粟米芝士，以上全部都可以免費refill 架😍😋｢紅綠燈魷魚遊戲套餐｣$758（記住要係OpenRice預訂魷魚遊戲套餐，因為有88折優惠，抵）內含：新鮮魷魚醬油五花肉梨汁雞肉深海鱈魚肉韓式香腸安格斯外裙肉和牛牛肋條月見牛腹肉鮮冬菇，南瓜，雞髀菇隨餐更附送限量版魷魚遊戲貼紙我地最鐘意食牛，但估唔到醬油五花肉燒出黎超驚喜，用生菜包住黎食，冇咗啲油膩感超正👍🏻😋「紅燈沙冰」及「綠燈沙冰」$48問左店員係咩味，佢地話係用泰國紅綠糖水打出黎既沙冰，我飲綠燈沙冰覺得似棉花糖味，朋友果杯紅燈沙冰就似吹波糖味，我地都覺得好清甜好飲👍🏻😋「FRONT MAN椪糖曲奇雪糕」$38食完韓燒後點小得食甜品，估唔到佢個餅超正，撈埋個雪糕簡直一絕🫶🏻
繼續閱讀
今日嚟到位於九龍灣MegaBox嘅韓式燒肉餐廳。餐廳最近推出魷魚遊戲套餐🚥所以店內嘅佈置都係同魷魚遊戲有關，門口放咗大型紙牌公仔，入面亦貼上好多同魷魚遊戲有關嘅圖案。餐廳入面有唔少卡位、圓桌位置及四至六人座位。餐牌都換上魷魚遊戲主題～🔺每次都最期待前菜部份，餐廳嘅前菜有泡菜、芽菜、醃蘿蔔、魚糕、青瓜海帶及沙律，仲可以無限添加芝士粟米及泡菜爐邊蛋～✨ Special Menu 紅綠燈魷魚遊戲套餐 $758新鮮魷魚、醬油五花肉、梨汁雞肉、深海鱈魚肉、韓式香腸、安格斯外裙肉、和牛牛肋條、月見牛腹肉套餐入面已經包含多款肉類，新鮮魷魚爽彈鹹香；五花肉就最啱用生菜包住，再放上韓國醬料、蒜頭同辣椒；其他肉類都相當唔錯，安格斯外裙肉及和牛牛肋條多牛味濃郁，而最推介嘅就係月見牛腹肉，肉質細嫩，再點埋雞蛋漿一齊食，更加滑溜～🍦椪糖曲奇雪糕 $38椪糖曲奇好重奶香味，配上雲呢拿雪糕及香甜嘅草莓，係唔錯嘅甜品～✨特飲🔴紅燈沙冰 $48🟢綠燈沙冰 $48兩杯飲品嘅飲管上面都加上着住魷魚遊戲制服嘅人物卡片，加埋佢嘅顏色，真係同成個主題好夾。🌟 #優惠情報🌟🔺而家購買套餐，會附送限量貼紙一張🔺購買特飲，會附送限量版杯墊一個🔺喺店舖消費折實滿$500 ，會送魷魚遊戲主題2024年曆卡一張💥店舖更推出多款限量聯乘精品，包括各種魷魚遊戲人物造型既筆、環保袋、貼紙、資料夾、筆記簿及節日卡等，全部都好靚，好精緻，而且買兩件以上會送限量聖誕紙袋～
繼續閱讀
今日同屋企人好想食韓式燒烤，今次想食高質素嘅牛，login 炑八會員app, 見到炑八有85折coupon，仲有我啲積分可以換到兩杯飲品，咁就當然即刻去朝聖😎去炑八食嘢最開心嘅地方，就係以上嘅前菜係任食，可以無限添加，前菜質素好得，真係令人食完一次又想再追加一次😝因為實在太肚餓嘅關係，我哋雞牛豬都各叫一碟。梨汁雞腿肉 $88風味牛肉拼盤 $298韓國梅花肉$158真係好食到不得了🤓雞肉大大件，好抵食。牛拼盤真係食得出牛味，口感一流。豬梅花肥瘦恰當，我同屋企人都讚不絕口👍🏻👍🏻加埋張85折coupon，仲有兩杯免費飲品真係超級抵，事隔幾日已經心思思想再食😋
繼續閱讀