影片
營業時間
今日營業
11:30 - 15:00
17:30 - 22:00
星期一至日
11:30 - 15:00
17:30 - 22:00
以上資料只供參考, 請與餐廳確認詳情
有關獎賞計劃
食家推介
招牌菜
中環🚇呢間文興酒家源於倫敦🇬🇧開業多年著名嘅中餐館，喺香港亦都已經開業多年🌟，入邊裝修佈局雅緻得體✨，出品高質價錢合理💰，亦係政商界嘅著名飯堂之一🥢。呢度除左好似一般酒樓有茗茶🫖之外，亦有多款果味梳打特飲🍹，同埋奶茶咖啡☕，啱曬唔同人士嘅喜好❤️。滷水豬仔腳🐷去咗大部分骨，啖啖肉充滿骨膠原🤤，入口滷水香十足，🍖肉質軟嫩Q彈。 燒味雙拼🔥（蜜汁叉燒拼燒鴨🦆）絕對係呢度必食嘅✅。半肥瘦叉燒🐖超鬆軟，有小小燶邊啱啱好👍，咬落 juicy 肉汁狂瀉💦，超正呀！燒鴨佢哋特別選用被譽為🦆鴨子中的「和牛」，有「天下第一鴨」🏆之稱嘅「愛爾蘭銀山鴨」👏，鴨肉好粉嫩而且肉厚多汁💧，個皮燒得好香脆😍而且唔會太肥，點小小🤏佢哋特製嘅甜豉油味道更加有層次✨！燉湯🥣用料十足好高質👍，肉香味同菇鮮味🍄互相輝映，湯色如茶但超濃郁😋，飲完成個人都好舒服😌。蟹黃脆蝦球🦀一上枱充滿視覺衝擊，炸蝦球🍤成個乒乓波🏓咁大，外脆內彈牙，面頭鋪滿蟹黃醬🦀，鹹鮮澎湃🌊，加上底層脆多士🍞吸盡精華，三層口感大滿足呀💥！金銀蒜鮮魷蒸茄子🍆上咗枱都仲會一路♨️暖住好貼心❤️，超香濃嘅金銀蒜🧄鋪滿喺鮮味爽脆嘅魷魚🦑同埋淋滑嘅茄子上邊，茄子🍆吸盡蒜油香，送飯一流🍚。鮮茄魚肚浸時蔬🥬嘅精髓就在於發到脹卜卜嘅魚肚🥢索滿清鮮魚湯嘅🐟精華，加上上菇🍄、白菜仔🥬同埋鮮茄🍅，配搭好豐富✨。呢度嘅招牌炒飯🔥用料實在太過分🤯，一上枱面頭鋪滿日式鰹魚碎🐟都未感受到佢嘅威力💥，一舀起先發現佢入邊勁多料🤩，花膠、鮮魷魚🦑、櫻花蝦、蝦米🦐同埋香菇碎🍄等嘅海味共冶一爐🌊，嗰種鮮味好似成條🤤海味街搬咗過嚟咁！加上飯粒炒得夠乾身🔥又超入味，用熱辣辣瓦煲🍲上放耐左底部仲會有小小飯焦香😍，真係超正💯！
繼續閱讀
今晚屋企有啲事，唔能夠早食飯，但係餐廳8:40 仲有位，我同屋企人就嚟咗呢度，坐低想快快脆嗌個6人餐。不過想落餐嗰陣，個男侍應又嗌後面個阿姐（姓林）講落單，阿姐又施施然先行埋嚟，然後話賣晒龍躉魚個6人餐冇魚賣，－係你轉蠔，或者散嗌其他嘢啦。其實龍躉魚（$699) 同蠔價錢 差唔多貴一倍，阿姐叫我哋轉，佢緊係冇問題啦。我話如果例牌6隻3百幾，佢係要比返10隻啦，佢話入去問廚房未必肯，人哋都收工啦，你散嗌其他嘢啦。（其實我唔明個邏輯，點解廚房收工同嗌我散叫其他嘢食會有關係）我問你哋last order 幾點，佢話9pm, 我話依家都未夠9點，佢話唔係咁計架，人哋廚房9點真係收爐，所以依家8點4 0幾分，我哋真係唔應該接你order 架，我話咁樣你哋點解唔落閘，仲比我哋入嚟？跟著阿姐話，問廚房其實係好麻煩架，又唔知廚房點。我話你入去問咗先得唔得？佢滿眼不耐煩嘅眼神，然後入咗去。我真係唔明點解order 野食要咁辛苦咁勞氣。結果我哋都係成功落咗單，不過呢個林性阿姐眼神充滿怨氣，佢望住我哋張枱，同佢隔離個（相對後生啲嘅）男侍應分享我哋呢枱嗌餐嘅麻煩嘢。我真係surprised 點解可以咁明目張膽咁樣講客是非。於是我叫呢個阿姐行埋嚟，我問佢叫乜嘢名，佢話佢姓林，有咩事，我話，無嘢，想睇吓佢嘅服務質素可以有幾好。然後佢問我佢服務有咩問題，我話我只係想留意下啫，冇咩特別。隔咗10幾分鐘，9成食物都上晒枱，我再問個男侍應你哋幾多點關門，佢就望都唔望我，邊行邊走話，我哋係收10點嘅。我明白個個人都想準時收工，個個人都怕麻煩，但係今時今日，香港食肆生意咁低迷，咁多餐廳酒樓執笠，香港呢啲侍應仲係咁唔爭氣，用呢啲態度鼓勵顧客唔幫襯佢哋。我都好想個問下個老闆點解可以咁。
繼續閱讀
大前日（6-6-2025 Fri）同老公諗買叉燒返屋企做餸，去邊喥買？我記起多日前佢send咗一段關於呢間外賣嘅美食片段（https://www.facebook.com/share/v/1BdMVeekXX/），就上嚟睇吓，睇咗後，原來呢間竟然係喺英國開，反而2020年至喺香港開店，而且燒櫻桃鴨係招牌菜，咁我話俾老公知，同問可唔可以兩樣都買。唔知佢喺邊嚟問咗，話斬料外賣要喺中環店買，咁佢放工就嚟買啦，佢只買咗半隻燒鴨，冇買叉燒，因為好貴，冇上／下庄同例牌。而我search到大埔店（https://www.openrice.com/zh/hongkong/r-%E6%96%87%E8%88%88%E9%85%92%E5%AE%B6-%E5%A4%A7%E5%9F%94-%E7%B2%B5%E8%8F%9C-%E5%BB%A3%E6%9D%B1-r692079）堂食有燒鴨叉燒雙拼（ https://www.openrice.com/zh/hongkong/review/%E5%88%A5%E6%9C%89%E6%B4%9E%E5%A4%A9%E5%98%85%E4%B8%AD%E9%A4%90%E5%BB%B3-e5814222），佢答都冇。買完返嚟我睇睇，外賣袋好大個，但個盒係正常飯盒size，打開睇，份量好少，睇埋張單，連各$2.00嘅外賣盒同膠袋，盛惠$272.00，好貴呀！我哋開餐喇，先唔蘸佢嘅汁食，其實好普通，冇乜特別，蘸佢嘅汁食，當然會好味啲，食到個汁有酒味，鹹鹹甜甜咁，不過呢個係起晒骨，但我哋覺得有骨會好食啲，而原來二百幾蚊係買鴨汁同去骨服務。或者佢喺香港其實好普通，但喺英國因為其他酒家做得唔好啩。抵食係1.5分其他：$2.00買個膠袋都算，幫佢做宣傳都算，問題係，個袋唔係用魔術貼，而係用面膠紙黐，唔可以多次重覆使用，好唔環保。
繼續閱讀
此 Four Seasons 不同彼 Four Seasons呢間文興酒家嘅招牌燒鴨被英國《金融時報》譽為世上最好食嘅燒鴨~ 真係估唔到英國嘅港式燒鴨竟然會紅到反攻返香港 lol佢哋嘅燒鴨採用櫻桃谷鴨，上台嘅時候去曬骨啖啖肉，皮超脆肉味香濃唔肥膩~ （建議搭配埋文興同麥子聯成嘅收工啤「萬珠Sour 」 - 搶鏡嘅芒果味同淡淡椰香🥭🥥酸香醒神）叉燒比較但瘦肉質都夠柔軟，蜜汁比較搶，十分香甜~乳豬夠曬脆扑扑油香十足~整體啲燒味都幾有水準~ Yummy~ 陳皮家鄉蒸龍躉 - 龍躉皮膠質豐富，配上陳皮嘅清新香氣，食落豐潤而不膩疍家荷香蒸飯 個飯充滿瑤柱同蟲草花嘅鮮香仲有淡淡嘅荷葉香氣不錯吃，但最奇怪係個魚肚係無味嘅？🤨好奇怪喎點解唔係一齊蒸
繼續閱讀
今年團年飯决定唔再幫襯大洒樓，一於支持小店，但又去邊間好呢？在Open Rice刷到一間叫"文興洒家“，見到口碑唔錯，為了確保餐團年飯食得開心，於是在訂枱前試一試它的出品，餐厅是一間小型菜館，雖然地方细细，但枱與枱也有距離，唔會太迫，今次試它的叉燒及幾款點心，叉燒是厚切，真的好食，我點了雞包仔，麵粉發得好好，好鬆軟，至於餐廰服務也很好，價錢好合理，這餐中午飯食得好愉快，所以即時决定今年團年飯就在文興食
繼續閱讀