109
8
9
港鐵將軍澳站 A2 出口, 步行約6分鐘; 至善街公眾停車場旁邊
繼續閱讀
電話號碼
21171884
開飯介紹
位於將軍澳的火鍋店,提供火鍋放題,有七款火鍋湯底選擇,其中推薦蟲草花南瓜鍋,養生美顏。餐廳可以單點刺身、海鮮船,亦可以額外追加極上肥牛,能無限添飲非酒精類飲品,並提供飯後甜品。
繼續閱讀
營業時間
今日營業
07:30 - 15:30
17:00 - 23:00
星期一至日
07:30 - 15:30
17:00 - 23:00
*最後落單時間:22:30
以上資料只供參考, 請與餐廳確認詳情
有關獎賞計劃
相關文章
呢幾日天氣好似秋天咁,舒服得令人興奮,而晚上仲覺得少少清涼,仲有興致去食火煱。加上假期前夕就想食餐火鍋放題,任飲任飲夠滿足。呢間除咗有茶飲,晚市仲有150分鐘任食任飲火鍋放題。各式凍飲可以自己去雪櫃拎,罐裝紙盒都有。未食火鍋,先食招牌鷄煲 (可追加),辣度入選,唔辣又唔係幾好食,就BB辣啦。除咗鷄件,仲有紅綠椒加大量洋蔥及蔥去爆香,加埋豬皮去索惹味醬汁,呢一煲,好快被我地食晒。再黎五款小食,每天不同,今晚有松露蝦多士,涼伴雲耳,麻辣鴨血,椒鹽三文魚頭腩及漬牛膀。食緊麻辣鴨血之際,三文魚刺身送到。港人對佢又點可能抗拒?! 一啖一塊過吓口癮。跟住就可以轉做火鍋時間啦,多款特色湯底選擇,最後都係還原基本步同下火之選,芫茜皮蛋湯是也。打邊爐點少得海鮮?! 六款不定時轉款湊合成為海鮮拼盤。今晚”佳麗”為鮑魚,廣島蠔,龍躉片,蜆,蝦及翡翠螺。每款2隻/件,以冰底墊住保持鮮度。鮑魚帶點厚度,入口夠彈牙。廣島蠔烚完雖然變細咗,但蠔味幾出。之後嘅任食類包括肥牛,黑豚肉,丸,菜,菇類,薯粉烏冬等肥牛及黑豚肉肉色靚仔,脂肪比例平均,薄薄一片好快熟。頭轉唔駛自己落單,侍應送上心水推介,例如年糕福袋,黃金魚腐,各式丸類及魚片頭。呢款手打牛丸,大大粒入口超濃牛味,肉汁爆射,推介。仲有個蔬菜籃,色彩繽紛,菜心同娃娃菜都好甜。食完幾轉都好飽,咪忘記仲有雪米糍做甜品呀。
繼續閱讀
今日嚟將軍澳探朋友,上次嚟過『初心』都好滿意☺️因為可以同一時間滿足我幾個願望,又可以食刺身,又可以食海鮮🌶️又可以食雞煲🐔又可以打邊爐,超滿足🩷超開心😆三文魚刺身好新鮮,非常好食😋仲有5款小食,黑松露蝦多士超正😍雞煲啲雞炆到好入味🐔雞肉好嫩滑多汁,雞煲啲汁又好惹味和辣辣哋😋好食到唔停口😆湯底我哋揀咗四川麻辣鍋🌶️仲有海鮮🤤有廣島生蠔🦪海蝦🦐翡翠螺🐚鮑魚🐟龍躉件,全部都好新鮮😍打邊爐點少得肥牛😆呢個係安格斯牛小排🥩啲油脂分布好靚,好重牛肉味,超好食😋另外,推介手打牛丸和水餃皇🥟超大粒仲好有口感🥰蔬菜都好新鮮🩷同埋竟然有我至愛嘅菜心😍食完咁正嘅邊爐,仲有好好味嘅甜品😚令呢一餐畫上完美嘅句號😆今日星期日全場爆滿🥳可想而知呢度嘅邊爐有幾吸引👍🏻呢度嘅食物高質又多款式👍🏻仲有新鮮刺身和海鮮食😋性價比超高👍🏻非常推介大家嚟食☺️
繼續閱讀
俾我搵到間抵食嘅任食打邊爐雞煲,仲有送刺身同海鮮,兩個人食到捧住個肚。星期五、六日係做緊$328一位,2.5小時任食。味道不過不失,但重點勝在款式夠多,而且係任食,時間長可以令你回本。一開始會有三文魚刺身,之後就可以食雞煲,仲有宮廷小食,包括黑松露蝦多士、木耳等等的前菜,所有嘢都可以無限加添。食完雞煲就可以轉打邊爐,湯底都有好多款選擇,清清地我就揀咗個養生蓮花湯底,真係大大棵蓮花可以放入去食。另外佢仲會送一個海鮮盤,有鮑魚、螺、墨魚,沙白等,都算幾豐富。嘢飲方面,除咗基本汽水果汁,呢度竟然啤酒都係似飲,都真係幾抵。
繼續閱讀
餐廳在地鐵站附近,走數分鐘路程便到了,附近商場林立,吃後還可到處逛!火鍋放題的性價比也高,首先會先吃雞煲及小吃,雞煲的可自選辣度或不辣也可以,內裡配料有腐皮及豬皮,都是吸汁配料,味道濃郁;而小吃的都有很多選擇,當中的黑松露蝦多士更是必吃,多士脆卜卜,炸後十分香,更有麻辣豬血及蒜蓉雲耳等小吃,味道都很好!吃雞煲後就會開始吃火鍋,首先會來一盤海鮮、有螺、龍躉、帶子及鮮蝦,每天會出不同的4款;還會有一盤刺身附送,刺身新鮮肥美!飲品方面也有數個雪櫃的飲品可選擇,種類繁多!甜品的也有數款,湯水、雪糕糯米糍及椰汁紅豆糕也有!另外,喜愛喝啤酒的也是任喝,性價比十分高!
繼續閱讀
走左去將軍澳~初心~火鍋雞煲任食, 呢間有 150分鐘任食,真係可以慢慢嘆,免費嘢飲除無酒精飲品外,仲加埋嘉士伯啤酒任飲。🍻🍻一坐底就上碟肥美三文魚刺身食下先, 咁就一路食一路揀湯底。招牌雞煲隨即上,香噴噴,個醬汁好好味。每日有小食5款選擇,每樣黎一碟試試先,木耳、麻辣鴨血、松露蝦多士、紫薯同椒鹽三文魚頭腩,最鐘意黑松露蝦多士,好香呀。叫左豬骨湯,好香濃鮮甜。每日六款海鮮拼盤,蝦、鮑魚、墨魚、蠔、蜆同龍躉,樣樣新鮮彈牙。邊爐配料成5,60款,好多都好正。🔸️手打牛丸,牛香味十足,鬆化又彈牙🔸️ 年糕福袋,好多火鍋店都唔見🔸️生魚片,好嫩滑。🔸️極上肥牛,肉質結實,牛味濃。三文魚刺身同埋海鮮拼盤係一次性之外,其他全部任食。晚餐太豐富啦。🤤
繼續閱讀