初心

真材實料老香港味道今日已買小見小初心是我住將軍澳甘耐以來每星期都會去一次既食堂以前會成日去飲茶 屋企人提議試吓晚餐估唔到晚餐都好抵死一行4人埋單唔駛$700龍蝦係超有驚喜有蝦膏蠔餅係真材實料啖啖都有蠔水煮魚連平時唔食魚既人都話好食海鮮豆腐煲估唔到入面有大量魷魚帶子同竟然有北寄貝腰果炒雞丁入面既甘筍薑都竟然有界花仲要有朶蘭花做裝飾。這些功架是細個去大酒樓才會見到的， 近廿年幾乎未見過。眼見將軍澳好多餐廳都結業希望初心能繼續撐下去…查看更多

雞煲嘅味道其實幾唔錯，啲雞煮得入味又香口，食落滿滿既滿足感。但係去到打邊爐部分就有啲失望啦。啲牛肉切到超薄，而且每次啲料都係$1一舊咁樣俾，搞到要不停嗌不過值得一讚就係佢有個自助嘅飲品吧，啲飲品種類多到你眼花繚亂，咩汽水、果汁、茶都有，任你拎，呢點真係幾加分:)總括嚟講，呢間嘅雞煲味道OK，值得試下，但如果你係衝住打邊爐嘅話，可能會有啲失望…查看更多

睇食評見到係將軍澳區最高分嘅邊爐，就信咗去食。叫咗雞煲+打邊爐，雞煲唔入味，有種雞還雞，醬還醬嘅感覺。去到邊爐，事前會上一堆6個小食，呢個就睇人，因為堆跟餐小食真係唔好食，我寧願有得揀唔要，最後食得幾啖就冇食過，有啲浪費食物又「質」飽咗個胃。重頭戲就係個邊爐，有6款海鮮冇得添嘅（正常啦，街坊餐廳水平）牛肉得一款肥牛，其他配料都係嗰啲嘅啦，可以揀嘅配料一定唔算多，但夠食嘅。咁質素就一定唔高，都係嗰句：街坊邊爐水平。然後賣單兩個人就700蚊。呢個價錢，可以有更好嘅選擇。如果為雞煲同邊爐面去嘅話，係絕對絕對唔建議嘅，因為都真係麻麻，但平時想樓下打個邊爐，唔想去太遠地方，都係一個就腳嘅選擇。值得讚嘅地方：侍應、伙記全部都好nice！服務好好！…查看更多

今天，兒子和他的朋友參加活動，我們兩位媽媽決定在將軍澳站附近找個地方享用晚餐。聞風而來，我們來到了「超抵好味雞煲」，這裡以食材新鮮、超值的靚湯底火鍋而聞名。一走進餐廳，就有一位非常有禮貌的服務員向我們詳盡解釋點菜的方法。首先，我們品嚐了一些宮廷小食，包括涼拌雲耳、麻辣鴨血、椒鹽三文魚頭腩、松露蝦多士和日本紫薯。每一道小食都精緻可口，特別是雞煲的BB辣，香濃的雞味令我們陶醉，這是我喜歡的本城煮雞的方法：肉質滑嫩且鮮甜，超乎我們的期待。接著，火鍋也端上來了，我們選擇了養生蓮花鍋。這是我第一次在火鍋中見到一朵新鮮的蓮花，讓整鍋火鍋散發出清新的香氣。火鍋的配料非常豐富，一道環球海鮮拼盤，包括龍躉肉、廣島生蠔、翡翠螺、生猛海蝦、大鮑魚、海蜆，另外手打牛丸、水餃王、魚皮餃、牛柏葉、日本蟹柳、年糕福袋、芝士腸，還有各式新鮮蔬菜，甚至還有稻庭烏冬、靚肥牛和黑豚肉，每道菜新鮮上乘，不計成本，海蝦的腳還在動呢。精選食材，每一口都令人滿足。餐廳的飲品選擇也相當豐富，除了啤酒任飲，還有多款汽水以及無氣的果汁，熱茶也隨選隨飲。我最喜歡的山楂汁和蘆薈汁，為整餐增添了清新感。最後，我們以一份杞子桂花糕和雪米糍作為甜品，完美結束了這頓美味的晚餐，隨後我們就去接孩子們。整體來說，這次的用餐體驗令我們十分滿意，期待下次再來！…查看更多

入秋啦🍂又係時候打邊爐。之前經過都有留意到呢一間舖, 原來佢哋除咗做點心小菜，仲有個超抵食嘅雞煲火鍋放題。平日星期一至四只須$298 /位，價錢包左宮廷小食，三文魚刺身，雞煲，海鮮拼盤，火鍋，多款飲品種類任飲，加士伯醇滑啤酒都係任飲傢。仲要食足150分鐘。入到嚟第一嘅感覺係每位店員都好客之道，好熱心詳盡講解店舖有啲乜嘢食，每款項目包啲咩，難得一見。(1)宮廷小食 （可追加）松露蝦多士麻辣鴨血涼拌雲耳椒鹽三文魚頭腩鹽香炸雞翼(2)三文魚刺身雖然唔可以追加，但每一塊都是厚切肥美。(3)雞煲 （可追加）雞件滑溜，比出邊雞煲不會太死咸濃味(4)火鍋湯底都有10款選擇，酸菜魚或椰子文昌雞鍋需要額外加錢，最後我哋就揀咗個養生蓮花鍋，貪佢清清地咁先食得出配料嘅新鮮。另外就係要睇住嗰朵蓮花放落去嘅儀式感🤭(5)環球海鮮拼盤每天會有六款（非追加）當日拼盤有海蝦，廣島蠔，翡翠螺，龍躉件，蟶子皇，花甲。 全部都好新鮮鮮甜。好比一些大集團。配料我會推介以下幾款👍👍手打牛丸：彈牙重牛味極上肥牛：看起來很瘦，但一點都唔嚡口，重牛香味。鮮鵝腸： 一上菜就見到肥膏滿滿非常新鮮，絕不是雪藏品質。鮮雞子：粉紅嫩滑。日本蟹柳：超大條，口感滿滿。水餃：大大粒，滿滿的餡料。飽滿的一餐，店員再送上兩粒雪糕糯米糍，作為完美的句號😍…查看更多