Yuyu Sushi

營業中

休息中

係喜薈入面有好多新餐廳，有啲連鎖都試過，今次試下日本菜。呢間而家做緊同款壽司，第二件半價，所以吸引到我地幫襯。我地叫左兩串燒牛，真係好食嘅，有牛味有口感，不過如果燒嘅時間短啲，無咁熟就好。12件壽司，賣相唔錯，而且食材新鮮，肥瘦適中，當日最好食係帶子。第二件半價就抵食嘅，如果正價食，我就覺得未到果個level。最後嘅清酒煮蜆，清酒味香，蜆肉夠大夠甜無沙，而且數量唔算少。我地算早去，係第一枱客，座位都幾闊，不過佢出餐就比較耐，我地諗住呢啲都好簡單，但係等左20分鐘先開始有食物上枱。

An excellent choice to pick after a busy day of work. A taste of Japan with a fair varieties of Japanese food. Definitely quality food which somehow of a reasonable price. Likewise, I love the idea of buy 1 sushi get the 2nd one half price(well you have to order the same one though). Comfy restaurant with passionate waitresses. I was happy to pay extra on top of the service charge.My husband and I ordered slightly too much for two and had to pack the salad as takeaway 🥗 I guess that will be my l

今日老婆放工嘈之巴閉要食好啲，左諗右諗又黎左呢間屋企樓下既日本料理。今次已經係第二次黎，上次試過壽司，壽喜燒，冷烏冬。壽司正，魚生夠就鮮，加上新張期內第二件半價。壽喜燒，湯濃郁好味，牛肉入口溶夠牛味，只係略嫌份量少左啲，以呢個份量黎講價錢略貴。冷烏冬份量就夠晒多，但偏淋唔夠爽口唔夠彈牙，個汁都偏淡唔夠味。今次當然安歌壽司，好食之餘貪佢第二件半價。再黎雞翼串燒，串燒亦都係第二串半價。雞翼好得，皮香肉嫩，juicy!然後加一個咖哩豬扒飯，中規中矩，不太突出，合格。最後係重點喇，上次黎無試炸嘢，今次點左個櫻花蝦炸豆腐。一流呀！🤤諗起都想再食呀！滑豆腐沾左薄炸粉同櫻花蝦一齊炸，櫻花蝦既濃味加脆口，同豆腐既嫩滑加清淡配合得天衣無縫！不過有一點要注意，唔好比啲汁浸住太耐，盡快夾起，否則淋左唔夠完美。是晚兩人消費$400。😌上次開張無耐見人客不多，今次再黎已經坐滿人，聽到鋪面經理(老細？！)講鋪頭其實係開業多年，加租迫遷先搬黎。食品質素好，希望生意越做越好，繼續努力！

朋友介紹 Yuyu Sushi 於長沙灣重開, 今晚相約另外一家人一行七人 (四大三小) 前往試試.新店面積比以前灣仔船街舖大得多, 重有個 section 可以包場開私人派對或搞活動.今晚 order 咗手卷, 寿司, 魚生, 串燒, 鹽燒三文魚頭, 鯛魚湯烏冬, 水準全部 OK. 經理同服務員 service 唔错，最后又同好好先生老板吹水。最爽係揸架車去食晚飯泊响青山道附近不怕抄牌......of coz not 100% guarantee : )

長沙灣新開既日本餐，行過就入去試下。午市仲可以優惠嗌一客魚生or壽司，魚生非常新鮮好味！比想像中高質！嗌咗份親子丼，海膽，三文魚子同半熟三文魚，仲有沙律同湯。份量其實幾大份，放lunch一定夠食！飯有啲太濕唔夠口感，但整體而言味道很好。另外推薦佢地既三文魚乾同埋串燒都唔錯！其次仲有天婦羅，香脆可口，配喬麥麵一set，真心唔錯。餐廳環境舒適，服務態度亦好，絕對係長沙灣區少有既高質日本餐！價錢可能略貴，但係物有所值。

今日返完教會之後, 見到開咗間新日本野, 環境吾錯，又有lunch set, 便同五個朋友一起去試一試😁見到lunch set menu 都有好多選擇，又有一個男士應主動推介魚生飯，壽司，烏冬仲有青魚⋯於是便每人點一個餐首先嚟到嘅係魚生飯,啲魚生好新鮮同埋真係真材實料😋另外叫咗一個壽司加牛肉烏冬set，壽司好好食，牛肉就比較普通🙂整體而言，都很滿意！而且這裏附近沒有很好吃的日本餐廳，所以下次值得再來～

上星期去開長沙灣見到一間新開日本餐廳，見佢感覺好舒服就入去試下😆試左個刺身飯lunch set...又有湯又有沙律，個刺身飯仲要幾精美😊果然味道無令人失望～好！新！鮮！一食就feel到同其他地方既刺身好唔同，甘就好奇問下個待應，原來佢地係用空運既新鮮魚返黎手切！好驚喜～ 一定會再試～

三個人去食飯 見岩岩新開既所以去試下 一入到去 服務同座位都算ok 打開餐單一睇 價錢略貴 先叫左d 熟食 等左大約30分鐘 仍然未有野食 8十幾蚊既茶漬飯 好似比人食過咁 D飯連半碗都無 之後到壽喜燒 $145 入面得5 - 6 塊牛肉 加一隻蛋 有d粉絲 有d菜 一舊豆腐然後黎左一個魚生飯$135 魚生算新鮮 份量都算正常不過飯量都係不多因為食完都唔夠飽 所以加左一個三文魚手卷 同三文魚壽司 魚生都幾厚同新鮮 但一件三文魚壽司要$14 手卷就$28總結 味道係好食 但唔值呢個價 壽司同手卷後加 所以張單睇唔到 以上既野埋單$600

見佢新開，又幾多人 諗住入去試試啦。入到去服務都幾好架，應該幾好食既 。諗住淨係試試餐廳既食物，所以都唔係點左好多野食，大約等左15分鐘開始上三文魚腩壽司同海膽軍艦 🍣 點知 叫個三文魚腩壽司好似普通三文魚壽司咁 。我地仲叫左杯巨峰提子梳打，飲落去無氣，應該係加左水咁 ，入面好貼心咁有啫喱入面，但係佢俾d飲熱咖啡但啲幼飲管我，點飲埋d啫喱呀🤬之到到明太子雞翼，我估正常係唔會伏既，上到抬 一客有一隻 價錢係32蚊，食落去第一啖已經係勁咸，可能我個人食得無咁重口味啦 ，咁我都算啦。佢再上埋個蒲燒鰻魚飯，鰻魚飯無汁 ，飯既份量大約有茶餐廳叫一碗白飯既半碗啦，買158蚊我真係覺得好唔值e個價錢。之後食到差唔多 ，個牛油果軟殼蟹卷仲未到，咁我地就問下啦 ，個時間已經係落單時間過左30分鐘啦，個待應問完答我地 er..師傅炸緊...唔係 整緊架啦！咁之後我地等左10分鐘仲未到，之後我地諗住取消去埋單啦，當我地埋完單之後見到我地客牛油果軟殼蟹卷啦 ，原來佢製作時間要最少45分鐘 咁會唔會同客人講聲呢！雖然走個陣個待應已經係咁唔好意思啦 ！不過我地唔會再有下次，貨品好唔值個價錢！！！

上星期同朋友途經喜薈，附近雖食肆林立，但大多數都是平民食店為主，看見有一間裝修得有日式時尚感的日本餐廳Yuyu Sushi，即刻上網search下原來係以前灣仔船街享負盛名的壽司店捲土重來！立刻要試下！一入到去已經比個裝修吸引左，第一個感覺係好有型！非傳統壽司店的格局，選用左好有藝術感的擺設，而且座位都好闊，氣氛令人好舒服。點左個刺身盛！拖羅好新鮮肥美，入口即溶！三文魚腩的油脂分佈好靚，好肥美又吾漏，想到師傅一定係嚴選食材！再食埋隻大蝦刺身，好少食到咁彈牙的肉質而又咁鮮甜，係好新鮮才做到！之後再點左吾同種類的壽司，樣樣都做得好出色。厚切的油甘魚令人回味無窮。值得推介既係海膽壽司！極鮮甜而且一d 多餘的味道都無，係好純o既海膽甜味！一食就知係高級食材，吾係度度都食到！而且海膽份量好充足，實屬難得！另外見到menu有樣好特別既小食係櫻花蝦豆腐，部長話係此店自創的名物，所以即刻要試下。一入口熱辣辣係鮮炸，外脆內軟而且櫻蝦好多味道都好鮮甜！食落豆腐軟滑，兩樣野好夾，值得一試！