Yo Roll (新文華中心) (已結業)

日式料理、壽司店喺香港遍地開花，由米芝蓮級數、中價嘅、以至迴轉店，都有唔少捧場客。早前去尖東辦事，途經新文華中心，發現天橋附近新開咗間叫「Yo Roll」嘅卷物店，門面很有特色，以日本新宿街頭嘅打卡熱點「歌舞伎町一番街」作設計。舖頭以外賣為主，店面不大，睇咗餐牌，單係 Sushi roll 就已經有成 10 款，另外仲有手卷、刺身、小食、丼飯等供應。 聽店員講，佢哋嘅材料好講究，魚生大多來自日本，用料新鮮，而米飯就選用德島縣嘅出產米。點咗兩款卷物：富士卷 ($68)、武士卷 ($68) 同 一客蒲燒鰻魚丼 ($68)。兩款卷物賣相都好精美，富士卷嘅餡料主要係用咗鰻魚同牛油果，配合自家製嘅鰻魚醬，面頭再綴以蛋黃醬、鮮美嘅木魚花和晶瑩的蟹籽。牛油果入口即溶，同軟身嘅鰻魚好夾，仲有粒粒咬到卜卜響既蟹籽，口感同味道層次都好豐富，至於武士卷嘅餡料就有蔥拖羅、紫蘇葉同黃蘿蔔。拖羅蓉夾雜住京蔥嘅香味，食落啖啖魚油香，紫蘇葉辛溫，醃漬黃蘿蔔脆爽無添加，配上軟糯微酸嘅米飯，愈食愈滋味。另外個蒲燒鰻魚丼，用料亦不手軟，雖然只係點咗客細嘅，但都有大約半條鰻魚的份量，價錢好抵食！件件鰻魚都好厚身，肉質軟腍細緻

小店以外賣為主，亦有少少位for立食😋食物種類都算多，熱食、手卷、丼飯、卷物等，期間都有唔少人黎買外賣，果然香港人係鍾意食日本菜呀下🤣🙌🏻即叫即做，我等左十分鐘就有得食，睇相都見到幾吸引幾足料喇！忍唔住立食左兩舊先🥰店家既拖羅卷細心地加埋蔥花，令口感大大提升之餘，亦食到青蔥既清新感！雖然唔free，但面頭既魚子醬、三文魚籽非常鮮味😳加拿大海膽未至於去到好鮮甜，但份量極慷慨，毫不吝嗇❤️！！再加上少少金箔點綴，視覺效果係滿分😌👏🏻👏🏻壽司飯偏室溫，絕唔係出邊舖頭果啲雪到凍冰冰硬骨骨，成個yo roll真係好好食好豐富😭😭😭

今日經過尖東附近發現一間非常高質素的日本外賣小店Yo Roll。他的門面環境好像到了歌舞伎町一樣🇯🇵，令人充滿回憶。這裏款式眾多，每一款都好想試一下🌟。最後我叫了一個人氣之選Yo Roll $168 ，金箔、海膽、魚子醬、三文魚子、蔥拖羅，每一樣都是我至愛😍，可以一次過滿足咁多個願望，非常興奮。海膽完全沒有腥味，口感一流，陣陣的魚子醬味道😋，拖羅多份量多，仲選擇了用高質藍鯨吞拿魚製成，簡直令人回味。之後我再叫了兩個手卷，一個炸蝦手卷和一個和風沙律手卷！一個簡單的手卷都好美味，因為所有壽司都用了德島縣產米🍚！下次我都一定再光臨，因為很多款式真的要試一下！🤩

這次在尖東一帶覓食一下，期間發現一家新開的小店，門口充滿日本風的小店，感覺挺特別的🙈。店舖是以日料外賣為主，有丼飯、手卷和卷身等等，價錢不算太貴。-💥富士卷 HKD$68，材料有鰻魚、牛油果、蔥、鰻魚醬及蛋黃醬 面頭鋪滿很有動感木魚絲🙈。這個口感豐富，加入牛油果口感清新，醬汁味道不太咸。-💥風林火山卷 HKD$68，材料有三文魚和蟹籽，蟹籽包圍著卷物，賣相橙橙的挺特別😆。三文魚是帶點辣的版本，吃的時間挺惹味，整體口味道可以的。-💥蒲燒鰻魚丼飯 HKD$68，這個是細份版本，賣相挺吸引的🤩。丼飯裡有雞蛋絲，令到丼飯賣相更鮮豔。鰻魚肉質嫰滑，而且吃不到骨頭，醬汁味道甜甜的。-

經過尖沙咀既yo roll日本菜癮又發作，就買番個2個丼同隻蝦番屋企慢慢品嚐😋依間店既食材非常新鮮，而且地點方便，睇黎我之後會成日幫襯🤣為食餐單: 蒲燒鰻魚丼🍱 $88(L)有大同細丼選擇，我就揀左大丼😋滿滿既大大塊鰻魚舖滿丼既上面，下面有蛋絲壓住，最下面就係有鰻魚汁料理過既壽司飯🤤鰻魚好肥美，食落好滑又香，加埋鰻魚汁一齊食真係正啊🤤蛋絲好襯鰻魚，夾埋一齊食，蛋甜甜的好好味🥰壽司飯酸酸甜甜香香非常開胃又美味🤤雜錦魚生丼🍱 $78魚生好足料，上面有好吸晴既大大粒魚籽，咬下去爆開既魚籽味好香🥰魚生好新鮮，有三文魚、油甘魚、吞拿魚等，仲有d青瓜粒做點綴，好香新鮮魚味，好正😋底下既壽司飯一樣咁好食😋牡丹蝦🦐 $38/隻牡丹蝦好甜好鮮味，肉質好滑😋

Yo Roll新開係尖東日式外賣專門店, 款式總類好多, 有手卷、卷物、刺身、丼飯同日式小食🍣 京都 Kyoto $90藍旗中吞拿魚腩Bluefin Semi Fatty Tuna $60北海道帶子 Hokkaido Scallops $20鰻魚 Eel $20店中幾款signature 手卷, 以日本地名(東京、京都、大板、北海道) 命名亦係最昂貴. 今次order 左京都, 有海膽、三文魚籽、蔥吞拿魚腩, 睇落勁豐富📸 海膽幾甜, 吞拿魚腩味道亦唔錯, 不過三文魚籽重海水味有點太咸, 幾好食不過都唔平.吞拿魚腩同鰻魚正常發揮, 反而最欣賞係帶子,鮮甜而且超足料. 除左鋪滿面一層, 食到中間紫菜都有包住帶子~ 美中不足係幾款紫菜都唔脆. 用左赤醋米本身已略調味過, 就咁食都夠味. 另外有醬油同wasabi 醬油, 後者wasabi 味唔重

近呢大半年，成日聽到呢一句：「睇咗當去咗」，或者喺「食咗當去咗」。由於疫情持續，又反反覆覆，各位都收緊入境防疫措施，就算好似依家有啲國家全開放，但返番香港都要隔離，出門旅行都似乎遙遙無期。小弟去過關西、九洲、北海道，但就未去過東京，今晚嚟「Yo Roll」就當去咗新宿嘅歌舞妓町，哈哈！「Yo Roll」個門面好搶眼，因為仿照歌舞妓町嘅牌坊嚟做，紅色招牌喺咁閃，遠遠都見到。企晌門口打打卡，應該可以呃到吓人，以為晌新宿啲壽司外賣店。睇到側旁掛住個牌「德島縣產米使用」，自然對出品更有期望。雖然喺外賣店咋，但食物款式非常之多，鋪面上嘅電視屏幕就顯示出各款產品，有相片作參考，唔介意企定定慢慢睇。食物大類分為刺身、手卷、丼定食及卷物，有平有貴，豐儉由人。嘢食食過先知得唔得，但包裝盒就睇得出唔喺啲平價軟膠貨色，摸上手比較硬淨，所以，啲壽司卷拎到返屋企都仲好穩陣，唔會走晒位。啲米除咗用德島產之外，仲早已加入赤醋做調味，更好食之餘，色澤帶啡，外觀卻好光亮。櫻花卷 $48 呢個卷物喺全素，最啱我老婆，裡面有薑片、白蘿蔔、紅蘿蔔、沙律菜、紫蘇葉，所以，食起嚟有微微辣勁，而紫蘇嘅味好突出，喜歡嘅人就會覺得好幽

今日朝早去咗紅磡做嘢, 做完又到食晏時間, 諗起附近有條食街, 於是過咗去覓食天氣有啲熱, 食街又多做外賣冇堂食, 大食妹最後決定嗌Yo Roll外賣返屋企食<富士卷>Yo Roll嘅富士卷超好食, 大食妹推介富士卷裏面包住鰻魚、牛油果、葱, 配搭鰻魚醬同蛋黃醬, 再係上面放上超香木魚絲, 料多但味道唔雜層次分明, 食完會上癮<火炙丼>Yo Roll嘅丼飯一啲都唔輸蝕, 壽司米調味非常完美, 做到酸而不散嘅地步壽司飯好多, 一定食得飽火炙丼上面舖上左三文魚、三文魚腩同左口魚邊三文魚有啲瘦, 但配合肥肥嘅左口魚邊就啱啱好啦<薯仔沙律>好耐無食薯仔沙律, 加左一份兩球嘅薯仔沙律裏面有薯仔蓉、雞蛋、蘿蔔同洋蔥, 簡單好食

以前讀Poly都會在尖東搵食，都一段時間沒回來了～一到尖東，都發現好多店都轉手了～這間是食手卷壽司，看完menu就點了一份Yo Roll，是超高級呀～Yo Roll 卷物即是海膽、魚子醬、拖羅同三文魚子，再加上了金箔。Yo Roll好吸睛！一盒有八件，每件都有滿滿的海膽！海膽都好新鮮，再加上咸咸的魚子醬同三文魚子，口感好豐富呢～最喜歡是壽司飯，本來都加入了醬油，所以不用再加醬汁啦～除了卷物，還點了帶子和三文魚腩手卷，職員好體貼地加了紙卷，讓你可以即時食手卷！即叫即整，紫菜好香脆，刺身都好新鮮。

工作關係，大清早便外出，雖然有吃午飯，但或許太奔波勞碌的關係，還未到晚餐時份，已覺有點餓，於是來到尖沙咀，忍不住四處找小吃。最後，在尖沙咀東部的新文華中心地下，發現這家主要發售日食的小店 -《Yo Roll》。小小店子，專做外賣，食物選擇可不少，有卷物、壽司、手卷、刺身、小食等。原先只打算吃一件手卷充飢，但太多想試了，最後決定順便外賣是日晚餐回家慢慢食。手卷？當然即場食啦！食物是即點即製，所以落單後要稍等片刻。我選了三文魚腩手卷，兩大片三文魚腩，肉質肥美嫩滑，不但擁有濃郁的鮮味，還有豐富的油脂，最重要是三文魚腩不是隨意地放在手卷上，而是真正與壽司飯卷在一起，吃時，每一口也充滿了肥美的三文魚腩；加上廚師早已把醬油混入壽司飯中，個人覺得，不用再添加豉油已很味美。而「刺身沙律」及「鰻魚丼」，當然要外賣回家與蝦子餅共享！取食物時，鰻魚丼還是溫熱的，果然是即點即製。蝦子餅不愛剌身，鰻魚丼當然是為他而設。大大片的鰻魚切件而上，並完全把飯底覆蓋，份量十足。鰻魚肉肥油香，除了鰻魚汁，鰻魚面還散上點點黑芝麻，令鰻魚即時提香，而且還配送香滑蛋絲，感覺一點也不像速食呢！最近剛剛見完醫生，醫生建議要食得健康晚

回想返以前大學經常會黎到尖東一帶,今日重回舊地見到舊有既餐廳都仲係到,亦開左一d新既餐廳！經過見到呢間充滿日本祭典風既日式飯卷店好似好吸引而且款式又多就決定買返屋企試下！和風牛肉丼和風定食便當有沙律,前菜,主食 及米飯.和風牛肉唔會太肥膩,肥牛片肥瘦均勻而且肉質唔會過乾.配上和甜既牛肉汁又帶點牛脂香相當惹味得黎又唔會過鹹膩.配上飽滿又煙韌既珍珠米好十飯.蒲燒鰻魚丼 (大)鰻魚份量多而且魚身上既醬汁厚實包裹住鰻魚,味道甜而不膩.鰻魚肉質細緻而且香滑,入口啖啖肉又帶點炭燒香得黎肥美.鰻魚上灑上黑白芝麻為鰻魚增添脆口感及芝麻香.底下白飯上帶點雞蛋絲及鰻魚汁今米飯更香甜美味.武士卷壽司醋飯用上赤醋,令壽司飯味道更醇更香.內裏既拖羅蓉香軟甘甜,加上爽脆既香蔥碎令味道更鮮更有層次感.赤醋飯上同樣加上黑白芝麻令味道更香.

最近絕對是奧運狂熱🔥 先要感謝一眾香港🇭🇰的運動員，實在表現出色！有沒有獎都實在值得我們給予更多的掌聲👏🏻今年因著東京舉行的關係，除了能夠同步直擊賽事以外，還令人非常想念日本的一切😭～說著說著就想到日本🇯🇵的美食，這次就跟妹妹來到一間以手卷、卷物和丼飯的外賣店，慰藉一下心靈😌東京 TOKIO 手卷 $70店家提供三十多款的手卷予客人選擇，其中四款是以日本🗾著名的城市來命名，也是店家推薦的組合口味既然今年是「東京奧運」當然要來一個「東京」手卷吧！這個手卷包含了牡丹蝦🦐、蝦頭膏跟三文魚子，看配搭應該味道不會差從店員手上接過成品後的第一個感覺是很豐富的一個手卷🤩！牡丹蝦蝦肉新鮮甜美，爽口又充滿彈性；蝦頭膏質地幼滑味道甘香，濃而不膩👍🏻；滿滿的三文魚子，每粒的size也不算少但鹹香兼備，配蝦肉蝦膏非常合適～😄富士卷 $68聽名字未必知道這個是怎樣的卷物🤔，原來這款是一個變奏版的鰻魚卷！這款是肥美的鰻魚搭配牛油果🥑做餡料，加上濃郁的鰻魚醬和清爽的蛋黃醬，單看這個已經知道味道經已十分豐富再搭配木魚絲跟蟹子增加口感，外層再用火槍🔥燒過逼出香氣，令整體無論味道跟口感都提升了 💕愛吃鰻魚的朋友要來試試這

係附近返工，見呢間日本店新開張，專做外賣，今日天氣熱，試下個魚生飯 $78個飲有撈味，魚生真係好新鮮，特別係三文魚籽，平時食都有少少腥味，呢個完全無，好新鮮，下次可以再食，值得推介

點了一個富士卷，有八件，夠飽既。主要材料有鰻魚，牛油果，木魚絲，蛋黃醬。因為個盒細，琴埋蓋個topping木魚絲蟹子已經扁晒炒埋一碟，賣相好一般，蟹子亦唔係多。食落口，個鰻魚係暖既幾好味，同蛋黃醬都好夾，但完全食唔出牛油果，睇真d，因為牛油果真係只係俾左丁點咁少少，比起其他壽司店卷物既牛油果份量確係少，好孤寒。作為外賣店但收$68，我會對食物質素有期望。個門面裝修到天花龍鳳，但野食就唔太值呢個價。

It's been a while since I was last in TST East. I had not noticed a pedestrianised street full of restaurants and eateries. It was a hot day and we decided to try this new sushi takeaway as the shop front looked so attractive. There were 4 of us and we had difficulties deciding on whether  we wanted the bentos or rolls.As the rolls were made fresh, we decided to try these and waited about 10 minutes for the order to be prepared. We shared 3 maki sets each with 8 piecesThe Signature Yo Roll was r