Yo Roll (新文華中心) (已結業)

尖東條小食街開左間新野, 門面好得意好眼catching, 好似係日本街頭會見到既外賣店咁, 近排無堂食, 見有壽司卷物又有don飯, 就係度買d野番屋企la!蔥吞拿魚腩don $98吞拿魚腩蓉份量多足以撈哂成碗飯, 魚蓉入口鮮味, 加埋芝麻同蔥更添風味。最特別係壽司飯係赤醋飯, 口感更彈牙, 醋味更香更突出, 加分。火炙don $88火炙過既三文魚同魚背更香口,特別係魚背油脂十分豐富, 炙熱過既焦香加上魚油, 正! 配埋塊紫蘇葉又幾特別。三文魚手卷買左個手卷即場食, 手卷紫菜脆卜卜, 三文魚厚身大塊新鮮, 好食!小小一間外賣店估唔到又咁有水準, 唔洗下下去連鎖店, 外賣之選👍🏻

武士卷拖羅、紫蘇葉、蔥、黃蘿蔔一卷有八切吞拿魚嘅份量都多！！食到好香吞拿魚蓉味夾住蘿蔔、紫蘇葉嘅清新唔會覺得肥膩就算唔點豉油都已經夠味另外我都幾鍾意佢個飯！係有調製過，加入醋嘅日本米！忍者卷黑松露蛋黃醬、牛油果、軟殼蟹同樣一件八切黑松露、軟殼蟹份量相當多唔會互相搶咗對方嘅味濃郁嘅黑松露味同時間亦都食到軟殼蟹蟹味推介必試！醬油漬吞拿魚手卷好厚嘅吞拿魚同時好重醬油味略嫌醬油味蓋過魚生香味但魚生嘅質感係新鮮

🧨今日放工要出去尖沙咀攞蘿蔔糕🧧而家晚市仲係🈲️堂食階段❌咁就唯🈶️喺尖沙咀睇吓有咩外賣可以買返屋企食❤咁啱經過尖東見到呢間外賣賣嘅壽司嘅舖頭🍣佢鋪頭好搶眼👀感覺似係歌舞伎町條街入面啲舖頭😍😍好閃好吸引呢😍我見到佢哋嘅壽司款式亦都🈶️好多選擇😍而且除咗壽司🍣之外仲有鰻魚飯、魚生飯、手卷添🍱今次我就順路順便買咗幾款壽司🍣外賣返屋企慢慢嘆嚕❤啱晒而家放工要買外賣返屋企食嘅我哋呀👍🍣「富士卷」$68 / 8件：呢個「富士卷」🈶️我最鍾意❤嘅鰻魚同埋牛油果🥑加埋啲醬汁、木魚絲😋一份壽司已經🈶️8⃣️件❤真係又好食好抵食呢👍🍣「武士卷」 $68 / 8件：鍾意食「拖羅」嘅朋友仔呢份壽司就應該可以滿足到你啦😋@武士卷」裡面嘅拖羅部份🈶️好多😍啖啖都充滿住拖羅❤大滿足呀👍🍣「忍者卷」$78 / 8件：👑壓軸介紹呢個「忍者卷」就係今次我覺得最精彩嘅一份壽司🍣佢哋外賣嘅壽司絕不馬虎仲係超認真呢❤「忍者卷」裡面有軟殼蟹同埋牛油果🥑(係呀又係牛油果呀🥑因為我真係好鍾意食牛油果🥑呢)❤加埋黑松露蛋黃醬😋wow下次要叫多一份呀👍💰$214 (2 ppl)..🚩Yo Roll..📍尖沙咀東部科學館道14號新文華中心62號舖

疫情關係，夜晚冇得出街食，唯有買外賣返屋企。買外賣都可以食好西，氹吓自己開心。今日我途經尖東就響呢間賣日式壽司卷物小食店買埋晚餐返屋企。呢間日式小店裝修得好有日本風情，感覺好像去到日本一樣。武士卷用咗拖羅，醃蘿蔔，紫蘇葉同埋蔥等材料。日本壽司米軟糯加入咗赤醋，拖羅蓉好綿滑，冇根，份量亦都多，加上紫蘇葉同埋蔥，特別香，蘿蔔爽脆增加口感，幾好味。相撲手卷呢款卷物外表吸睛，壽司飯入面包着滿滿的蟹肉，卷物上面是芝士還有蟹膏及蟹子，非常豐富及邪惡。芝士經過火炙，微微溶化，令人垂涎欲滴。將卷物整個放入口，啖啖嘅鮮味蟹肉加香濃甘香嘅蟹膏充斥整個口腔，令人非常滿足，加上芝士嘅鹹香，令人一件接一件。三文魚壽司本身係手卷，但因為我外賣回家，怕紫菜會變軟，所以轉咗做壽司，三文魚質素唔錯，大大塊，愛吃三文魚嘅我嫌只得兩件，order 太少。和風牛肉飯呢個飯才$40 ，相當抵食。牛肉同飯分開盛載，仲有埋一小盒前菜。牛肉份量不算少，都有牛肉味，洋蔥煮得好入味且香甜，和風牛肉醬汁微甜調味適中，很好佐飯。總括而言，呢間日式小店嘅外賣不錯，包裝得乾淨美觀，食物質素不錯，卷物價錢不算便宜，但物有所值。

出開尖沙咀買野，呢間外賣壽司店門面相當搶眼，紅噹噹嘅招牌令人一經過就望見佢，好吸睛～▪️忍者卷卷物入面有黑松露蛋黃醬、牛油果同軟殼蟹，總共有八件，餡料勁足!!!! 每一小卷都好大舊，夾住好多料，軟殼蟹香脆，牛油果軟綿綿，口感豐富，飽肚感十足～加上有黑松露蛋黃醬，令到食落更惹味！▪️雙撲手卷雖然佢個名係手卷，其實都係卷物黎，餡料有火焰芝士、蟹肉同蟹膏！同樣係勁多餡！！卷物中間嘅蟹肉係超級多！面頭仲有蟹膏同燒過嘅芝士，真係無得頂，蟹膏超香，勁滿足～▪️燒三文魚腩手卷刺身新鮮，料又俾得足，三文魚腩好肥美，加上燒過魚油味更香，紫菜又脆，好好味～▪️辣味三文魚手卷辣味三文魚係碎粒，每粒都好大粒，口感十足，食到底都仲有餡，好正！整體無論係壽司抑或係卷物都好足料，非常唔錯！

專營即叫即做壽司、手卷及日式便當我相信經常經過尖東嘅朋友都會留意到小店雖然只係做外賣但門口巨型嘅紅色拱門燈牌設計絕對會令大家有錯覺瞬間去咗日本淨係見到張相都唔似喺香港門面設計非常吸睛今次就買咗一個店長推介嘅YO·丼新鮮嘅海膽、葱吞拿魚腩、三文魚子鋪滿成個便當，淨係賣相已經好吸引每一款都係新鮮送到，完全無腥味仲要係入口即溶配埋已經混合左醬油嘅珍珠米飯每一啖都非常足料咁鍾意食三文魚嘅我另外仲點左三文魚腩手卷三文魚腩超級厚切基本上食到手卷中間仲係有魚腩性價比超值

尖東及紅磡交界食家有很多美食，晚市咁糖食就打算買壽司回家吃。.餐廳名叫Yo Roll，所以叫了兩個壽司卷：風林火山卷 - 辣三文魚、蟹籽；喜歡吃三文魚的朋友相信都會點這個卷；三文魚分量多辣辣地，加上蟹籽卜卜脆，味道夾。值得一讚他們用的是糖醋壽司飯，微微的酸味更加開胃。富士卷 - 鰻魚、木魚絲、牛油果；這個壽司卷賣相很有藝術感，加入健康又creamy的牛油果，配搭新穎。至於性價比高的，就是加州手卷、三文魚手卷，各$15；及和風牛肉丼$40，份量比想像多，味道也很不錯。

尖東一帶有唔少小食店，禁堂食後反而更受歡迎🤔。呢間手卷專賣店雖然顧客唔少，但出餐好快，呢次等咗10分鐘就拎得。🍣燒三文魚腩手卷 $30燒三文魚唔止得面嗰兩片，食到差唔多到底都仲有🤭。厚切又肥美，口感一啲都唔嚡。白飯加入咗赤醋，味道偏甜。🍚鵝肝蘑菇牛肉飯 $168白飯表面鋪上大量牛肉超誇張，仲有唔少本菇同洋蔥。牛肉吸收晒醬油同味醂嘅甜味。相對地鵝肝煎嘅時間耐咗少少，食落唔夠爆汁嘅感覺。🌟推薦：燒三文魚腩手卷份量多又好味

晚市無得出去食，呢個星期都係外賣回家，幸好原來都好多特色外賣店，2個人食咗3款卷物都好飽～🍣風林火山卷💰$68卷物全部賣相都好靚，外賣就算用上膠盒，但佢花紋竟然係lace，連外賣盒都咁靚🤩呢款係辣味三文魚蟹子卷，面頭好多蟹子，雖然佢話係辣味三文魚，但我就食唔到辣味，可能我食得辣😅🍣雙撲手卷💰$78 呢款係火焰芝士+蟹肉蟹膏，蟹肉蟹膏幾濃又多饀，火焰芝士好香，芝士係成個卷物嘅重點，口感豐富好多都係因為塊芝士🉐🍣富士卷💰$68呢款係有鰻魚、木魚絲、牛油果、葱、鰻魚醬、蛋黃醬有鰻魚、牛油果做卷物饀好味又豐富，味道夾，有埋咁多醬汁味道更好🚩Yo Roll (尖沙咀) @yoroll.hk 📍尖沙咀東部科學館道14號新文華中心地下62號舖

冇堂食兩個禮拜點做🤔好梗係去搵外賣啦😅朋友話尖沙咀附近有間日本嘅外賣壽司店好正㗎😍梗係去試下啦😋😋忍者卷、 餡料包括黑松露蛋黃醬、牛油果、軟殼蟹， 咬落去軟殼蟹脆卜卜牛油果好多呀仲有加埋啲黑松露蛋黃醬放係上面， 最正曬啲蛋黃上超多呀係超級惹味同埋好味，一試難忘🤩 睇下幾靚食落去真係好好味呀🤩彩虹卷，餡料包括芝麻、紫菜、魚鬆粉、帶子、炸蝦、軟殼蟹、沙律醬、是拉差， 嘩食落去好豐富呀😋勁多醬料😍有脆卜卜嘅軟殼蟹🦀又有帶子同蝦嘅鮮味😋 睇下係咪好靚呢😍 啲醬料連埋一齊食，基本上真係唔需要用醬油同埋wasabi架就可以食到佢原有嘅風味，而且仲好好味添呀😋 仲叫咗個蕃茄免治豬肉丼，嘩！ 熱辣辣仲好香噴噴😍你睇下啲茄汁鋪滿曬喺啲飯度好惹味呀！小朋友好快就ko咗喇💯💯YoRoll 外賣地點：東部科學館道14號新文華中心地下62號舖

無晚市但係好想食日本嘢🥺Yoroll 絕對係你嘅好選擇呢度有林林總總嘅手卷 丼飯 壽司同小食包羅萬有 全部即叫即整 獨立包裝非常衛生最正係比我發現呢度有關東煮🍢$28係平民價錢 一般的蘿蔔、蒟蒻、海帶結、蒟蒻絲都齊備 仲有大大條蟹棒 好正抖！另外仲有一小兜嘅芥末八爪魚🐙芥末辣辣的很對胃口 分量足夠依家可以做到外賣 拎返屋企慢慢嘆👍🏻另外我都叫咗一個壽司套餐$88乍有晒蟹子三文魚、玉子、左口魚、鰻魚、蔥吞拿魚腩同炸蝦卷 果然係離晒譜 勁平勁抵食 賣相好吸引 即叫即整 而且仲好新鮮添 附送仲有一個海藻前菜如果鍾意熱食嘢嘅朋友 亦都可以試吓呢個和風牛肉丼飯裏面夾雜咗好多洋蔥🧅 外賣分上下層加埋洋蔥汁一齊送飯感覺更滋味呢！

是日同HONEY去左尖東，見到哩間店舖門口好有日系感覺的YO ROLL~系一間日式手卷、卷物和丼飯的外賣店，真的好多不同款式和選擇，也有好多特色的卷物，加上店面響亮嘅音樂~真的令人精神無比哈哈同HONEY點左D卷物作為回家的DINNER，點左忍者卷，武士卷，風林火山卷風林火山卷風林火山卷個名真的好夠POWER，餡料系辣味三文魚，另外卷飯外圍系蟹子，飯卷食落會有少少辣味，另外加上外圍的蟹子，真的好有口感，哩個卷都系HONEY最愛~~武士卷武士卷就由拖羅、紫蘇葉、碎蔥、少少的黃蘿蔔，武士卷的拖羅蓉真的好正，另埋少少紫蘇葉的味道，感覺唔會有腥味忍者卷忍者卷餡料方面會有軟殼蟹同牛油果，加埋上面的黑松露蛋黃醬同埋黑色的蛋蟹子，哩個食落有好多味道，另外軟殼蟹都脆口，好好食~~哩度的卷物真的唔錯，下次嘗試下佢D刺身同埋手卷先~~~

尖東新開左間手卷店，咁岩行過見到好似幾吸引咁，好想食新鮮即整既手卷，於是去試試。望個牌度有好多款手卷，我叫左兩個最愛既海膽手卷同一份三文魚子小食。海膽手卷好快就整好，海膽份量絕對係豐富既，而且壽司飯用左靚既醋飯，粒粒色澤鮮明。食落海膽好新鮮，一啲都唔腥，而且醋飯絕對有誠意的，即使唔洗落好多鼓油都食出鮮甜味、令整個手卷味道更上一層，一次過食左兩個手卷！三文魚子是我的最愛，滿滿的，加落手卷度食好正！

今晚自己一個食晚餐，當然買外賣算🙈 諗起之前經過Yo Roll想試下，就決定係你啦！Yo Roll 係尖東去紅磡巴士站必經條天橋隔離，加上店面好特別，有啲似日本鳥居，好易就搵到！放工時間都唔少人買手卷醫肚，一睇Menu原來種類好多，樣樣都想試！雖然想食手卷，但擔心返到屋企紫菜會淋，所以最後揀卷物同刺身～🌟忍者卷 $78🍣材料有黑松露，蛋黃醬，牛油果，炸軟殼蟹，好吸引💕🍣炸魚殼蟹就算返到屋企都仲係外脆內軟🍣加上香滑嘅蛋黃醬同黑松露，令卷物嘅味道昇華🍣呢個組合冇得輸🌟帶子 $68🍣一盒五件，每粒都圓圓白白🍣帶子鮮甜，肉質軟嫩🌟三文魚子 $58🍣三文魚子營養豐富，輕輕咬開，鮮香滿溢口腔🍣最鍾意三文魚子拌飯，每啖都充滿魚香鮮味🌟海膽魷魚 $38🍣呢個小食比較少見🍣 將海膽變成醬汁，再拌生魷魚，每條魷魚都沾滿海膽醬🍣有啲似韓式生醃魷魚，口感嫩滑的魷魚加上海膽醬更鮮甜總結：食材新鮮，即叫即整，卷物份量都唔少。下次試手卷！

晚市繼續禁堂食都阻止唔到我周圍搵好野食既決心外賣自取一樣咁高質記得尖東呢條食街好多特色外賣店今次比我搵到呢間Yo Roll既壽司卷外賣返屋企食今日叫左兩款卷物同一個丼飯所有食物都係即叫即做保證新鮮❤️忍者卷 ($78)呢款人氣卷物有黑松露蛋黃醬、牛油果、軟殼蟹三款材料蛋黃醬本身已經加左黑松露醬面頭都毫不吝嗇咁加左啲黑松露醬啱哂我呢個黑松露控雙撲手卷 ($78)呢款都係人氣推介有火焰芝士、蟹肉、蟹膏三款材料隔住口罩都聞到蟹膏既香味好想快啲返屋企食上面仲加左蟹籽入面有好多蟹肉❤️蟹迷必點既卷物和風牛肉丼 ($40)揀左兩款卷物就揀個熟食和風牛肉丼都係$40超抵份量都唔少 (性價比超高💯)牛肉唔會好韌配埋洋蔥同日式燒汁送飯一流