Yamm

營業中

休息中

今日去Yamm 食lunch buffet，因為之前買左buy one get one coupon, 所以今日同朋友去食，可能疫情關係，人唔多，食物種類也不太多，冷盆亦是想像中小，主要熟食為主，但味道就可以，甜品方面就好好，很多選擇，餐廳很細心，在衛生方面做得很好，為每位客人準備信封作口罩套，每次出去取食物都需要戴口罩出去選擇食物，呢個安排在疫情下確實是需要的。每張枱2人，保持一定距離，可算是坐得舒服，放心的。

由於是會員，有yamm的買一送一下午茶自助餐優惠🍽吃了超過五年，每次吃都差不多這樣說，沒什麼特別好吃，不過不失但今年有所不同，不同在於食物的種類和質素，例如多了港式的牛肚、牛筋、牛𦟌、蝦餃、燒賣、牛肉、酸齋、豬紅⋯，友人說龍蝦鉗暖暖的，且有鮮味，我試了，果然如所說的。以往的龍蝦鉗不會暖、不會有鮮味、肉質有點死實實最令我喜愛和感到開心的，就是吃Movenpick🍦，我總共吃了五球朱古力🥳，實在太好味😋疫情關係，多方面都有限制，生意當然大不如前，那就要在食物種類和質素方面做好些

一年一次生日，緊要對自己好D，今次就試一試美麗華酒店ge buffet!!野食方面，選擇揀唔係好多，基本上每樣都試一轉之後都未飽，可以去返焯一D自己覺得好食ge食物。呢個係我覺得食buffet最好ge狀態，因為食buffet就係想每樣都食D，好食ge就食多幾件，咁就最滿足。基本上每一樣野個水準都唔差，不過以下ge幾樣係特別出色！1. 冷盤龍蝦呢間ge冷盤龍蝦真係超好食！平時出面食開果d都會係無味，或者有d雪雪地ge味道，但係呢道ge龍蝦無呢個問題之餘仲係好容易就食到龍蝦ge鮮甜！最後我食左8件，即係4隻，無一件令我失望，必食！2. 鵝肝成個煎煮過程同調味岩岩好，完全食得出鵝肝ge肥同油份。就算放凍左食都完全無d臟味，證明鵝肝本身已經好新鮮！3. 刺身刺身好新鮮，亦都好容易食得出魚鮮，加上佢ge wasabi係即磨果款，而唔係d泥膠辣根果款，所以係極好食！淨係食d即磨wasabi都正！4. 雪糕雪糕係movenpick，有六款味道，有專人挖比你食，正！其實仲有好多好野食，不過以上係我印象最深刻，大家可以試下去發挖其他更好ge食物。

Since there are a lot of discount going on during the COVID pandemic time, we booked this one and got a taste of it. A great variety of food were served. Among them all, I like the foie gras the most.  free flow of oysters and lobsters were served too. However some food is a little salty, otherwise, all is great.

第一次食呢間，因為我吾食蠔，所以今晚我主攻蒸龍蝦和刺身(大廚話每月一次特別主題)海鮮檔即蒸龍蝦每人每次攞半隻，我都食左3隻真係冇得輸，肉質彈牙兼味道鮮甜，感覺好新鮮，冷盤龍蝦都吾差。至於刺身方面，師傅俾得份量足不在話下，帶子夠厚肉，赤蝦新鮮，仲有海膽豆腐鵝肝煎得啱啱好，外面燶燶地，入口時已感覺到油香，咬落去更加不得了，成個口都充滿甘+香+酥，回味無窮。甜品只試左班蘭窩夫及豆腐花，還可以，冇特別。原價$7xx，中銀卡有78折，我食龍蝦都回本

對於yamm 自從初初開業幫襯一路上也沒有回頭, 今次走訪大部份由於後輩一早已經訂了位, 選擇時間在於午市，餐廳位於餅店的另一端, .由疫情期間多間酒店出外取食物都會要求客人帶回口罩這間亦不例外, 午餐時段食物種類/多少,今次我便奉上影片,而沒有加插任何相片，敬請原諒｡｡｡｡如文章審批完畢將會大家亦可以看到,整體而言個人就覺得午事時段，食品不算太大吸引,如果以三百多元的價錢理應還有更多選擇，就如稍後我會更新投放一文近一星期在《沙田新酒店》內的自助午餐,敬希留意｡｡｡★附上當日影片, 如要睇片可坐定定在大電腦前按入圖内收看★

好耐冇食過自助餐啦，最近屋企人生日 ，預咗book尖沙咀美麗華酒店Yamm 。見佢呢排喺好多雜誌都好多人推薦，賣曬廣告，原本七百幾蚊依家減到五百幾蚊。廢話少講，黎一個清單√生蠔(一次攞3隻，法國，新鮮，滑)√長腳蟹(略幼，仲有凍蝦，蜆，青口)√龍蝦(有糕)√刺身(一Set 過幾好，見圖)√壽司(有赤貝，三文魚)√燉湯(鮑魚乜乜乜，幾好)√海蔘(中式野)√芝士籃√煙三文魚√生果(火龍，西瓜...)√牛排(我戒左，試唔到)√鵝肝多士(正)√中式雞( 蔥油雞、海南雞、霸王雞)素食沙律吧，生果吧，都有特別既一個素烏冬，唔錯！送一杯餐飲一杯餐茶環境算係幾寧靜闊落，不過我嫌服務員某嗰啲態度麻麻地，好似攞咗一個燉湯咁樣，佢地啲語氣態度唔係咁理想。行嚟行去行咗幾轉，都仲可以有嘢攞到食嘅都算係唔錯。要頂早1.5月Book ah

好耐未試過美麗華嘅自助餐，今次見到有coupon就嚟咗食lunch buffet。今次台灣食物做主題，我原本都滿心期待，點知都係有啲伏位。黑胡椒蟹肉質瘦削，啲殼炸得唔夠脆咬唔到，又毫無鑊氣可言。最慘係每次攞都要等個廚逐啲逐啲炸一細碟出嚟，成品又唔見得出色，我真係唔明出呢道菜意義何在蠔餅又放喺個鍋入面煱到腍咗，無晒口感。其次，個牛肉meatloaf乾爭爭咁，完全under-seasoned，幾多醬汁都救唔返。相反ribs就唔錯，肉質有彈性，有啲肉香味。海鮮方面就表現平均，蟹鉗同蜆肉都算鮮甜，同埋午市有生蠔幾抵食。至於台灣嘢嚟講牛𦟌同牛筋最出色，夠腍同入味。最後，甜品款式較少，唔算特別吸引。當中以朱古力布甸同葡撻較有驚喜，味道香濃。窩夫都唔錯，可惜斑蘭味唔太突出。整體上呢餐其實性價比高，服務又勤快，只不過某幾樣台式主菜真係要執執佢，款式亦應該多番啲。你用得寶島做主題，唔係敗筆喺台菜度呀嘛？

Yamm 自助餐 (尖沙嘴)我地返黎啦!!!! 終於有返時間出post! 超級入口即溶ge火焰三文魚同鰻魚手握壽司 師傅即場新鮮整起 高水準呀👍🏻👍🏻👍🏻 之後再為大家陸續報告! 當然仲有其它新鮮到爆ge海鮮🙃食物評分: 9/10坐得舒服 而且數量唔多架咋 建議book定位先呀環境: 8/10收碟快 而且服務態度友善 仲有得慶祝生日架 酒店會為你好好準備!!!服務: 9/10

Mira既自助餐其實令我有少少失望。首先，由於疫情下，少左顧客食自助餐，餐廳供應食物速度很慢，出面經常出現吉碟。而且，食物選擇種類少，來來去去都係花膠、鮑魚。生蠔幾好食，出面唔使排隊，每次可拎3隻。生果唔甜，很一般。煙三文魚新鮮好味，花膠好腥，鮑魚還可以，不過都係無乜味。甜品種類好少，擺左係另一邊，得幾款，全部都好甜，麻麻，唔係太吸引。反而，即場整既壽司好靚好好味，上圖係海膽和牛壽司，有質素，海膽鮮甜，不過好快俾人拎晒就無。湯要等廚師即場整熱，要等5分鐘，有d咸。movenpick 雪糕作結。另外加左$68轉做free flow任飲coffee or tea，我覺得選擇好少，唔會再黎。服務方面，正常，略嫌侍應收碟速度太快，直情係望住你食野，食完極速收碟，咁樣食野好大壓力。

Lunch buffet 價錢$328，海鮮有生蠔（排隊每次3隻）、青口、蜆（好細）、蝦、長腳蟹（好鮮甜）。芝士choice 唔多, 凍肉（salami 類）都好少, 刺身ok, 有三文魚、鯛魚等, 個帶子好甜！熱盤推介鵝肝非常大件！牛扒好有牛味！甜品有個斑斕味waffle ，配雪糕好好味！總括嚟講，都可以一試嘅，但未至於低食。

難得有一日假期，亦適逢最近香港既酒店有好多吾同既promotion, 所以今日早上來到美麗華酒店既餐廳Yamm試下佢地既breakfast buffet。早餐食物選擇吾少，中，西，港式都有。法式豬肉腸，即叫即做cheese and ham/bacon炒蛋及黑松露/磨菇奄列，Benedict egg, 煎龍利柳，炒麵，炒雜菌，炸茄子，焗蕃茄，中式煎腸粉配海鮮醬，小龍包，港式魚肉燒賣，泰式蝦餅，炸薯餅，皮蛋雞粥，中式包點，西式包點，麵包布丁，港式奶茶，咖啡，橙汁，柚子汁。食物質素平均，款式多元化，好啱香港人口味，唯獨係杯港式奶茶既茶味帶點苦澀，咖啡亦不夠熱，但餐廳環境舒適，可以係道慢慢嘆反個零靜既早上~!!

一早book 咗星期六食自助餐午餐，開始時間係11:30。去到早咗15分鐘，咁試吓可唔可以入座等啦，點知餐廳接待小姐好冇禮貌咁話未夠鐘就冇下聞，望都唔望你一眼。咁好啦咪喺lobby 坐陣等啦。夠鐘時再去餐廳口諗住等安排入座，嗰刻已經好多人聚集，餐廳接待小姐們完全冇理會更加冇安排入坐，擾攘5至10分鐘，終於有人問佢哋兩位小姐，佢哋兩位先黑住面開金口問啲人有冇訂位，因為咁餐廳口等入座嘅客人成堆咁湧入去！相當混亂。安排咗一個比較近攞食物嘅梳化位，梳化坐落去好低，食嘢時攪到好唔舒服。問心環境係幾好，當日入座率7成，枱與枱之間距離一般。食物種類唔算太多，冷盤食物都有生蠔！不過質素差到貼地，瘦到冇肉食，而且開生蠔位師兄又係黑口黑面，每次每人攞3隻。我咁鍾意食生蠔都係攞2次，都唔知食咗啲咩。龍蝦冇甜味，一咬落去成陣雪水味，我咬咗一啖就放棄。牛扒靱同多筋，片皮鴨（冇試，目測鴨片皺同好似漏氣咁，唔似脆）冇燒羊架，不過有咖喱羊架，肉同汁味道可以，不過一塊羊架大半以上嘅份量係肥膏。刺生同壽司款式都幾靚，至少吞拿魚唔錯嘅。其他我有食過嘅食物有：-越南湯粉，湯頭比較淡。鵝肝供應量足夠，同食落脆面心軟，鵝肝味唔太

Yamm 不嬲大家都係去食佢個自助餐，a la carte 應該都好少人試過，食完之後我就知道點解啦，因為真係好鬼難食。意粉係正路嘅酒店價錢你話貴又唔係好貴嘅，$200差不多吧。隨午餐附送嘅包係好食過佢意粉本身好多，起碼係熱熱地，芝麻包都幾鬆軟咁。首先黎個 carbonara，意粉嘅質感都算係幾好食，味道還好啦，正正常常幾 creamy 咁，不過撈埋煙肉就肯定鹹少少架喇，carbonara 不嬲都係咁，尚可接受。恐怖既係依碟 seasonal vegetables，奉勸閣下如果唔想腎衰竭都唔好嗌，有病，鹹到離哂大譜，其實食著呢啲餐廳真係好煩，我真係唔會去換過第二碟囉，就算我好聲好氣咁樣要求我都會好驚啲人會 lur 口水攞碟嘢度，始終係我彈緊佢哋嘅味道有問題，所以焗住成碟食晒。嗰啲蔬菜仲鹹個意粉本身，真係低處未算低，佢附送嘅芝士又更加鹹。總括嚟講，鹹到嚇死你！咁既味道夠膽死煮出嚟俾人食真係口眼無恥！

公司每年都有一次聚餐，今年黎到Yamm食lunch buffet。之前自費食過dinner buffet都唔錯既，不過自己細食，就覺得buffet好唔抵。今次係lunch，價錢就貼地好多。通常食buffet我都主攻熟食同甜品，呢間呢兩方面都做得唔錯。先講熟食，精選既有天婦羅、燒開邊龍蝦、煙肉卷、蘆荀卷、日式豆腐同埋魚多士。龍蝦佢都有海鮮bar嗰隻白烚version，我就覺得燒過既香好多。個魚柳下面件多士，金黃色脆到極點，其他野食味道都唔錯。去到甜品喇，除咗影咗呢堆，佢個斑蘭窩夫加雪糕都正。窩夫即叫即整，個粉漿溝得好，個火候都ok，外脆內軟，不過有啲痴底，賣相就一般。精選甜品有葡撻、木糠布甸、朱古力撻同個蜜桃撻。兩個撻個撻皮都係脆身既，木糠布甸好幼滑，葡撻就正常必食甜品。個人覺得以lunch buffet黎講呢間既質素同款式數量算係有個唔錯既平衡，價錢都ok，鍾意食buffet既不妨試下。