Yamm

營業中

休息中

星期六brunch，趁有mira membership，去一試佢嘅brunch buffet，今日座位都坐得幾滿🤔生蠔係法國生蠔，任食，每人每次限取三隻，開蠔開得好快，每一次都唔係好識點等，味道偏鹹，蠔肉都幾脹卜卜👌🏽聽waiter 講，星期一至五buffet係冇生蠔，一定要係星期六日先有，蠔迷要注意啦～冷盤，青口同蜆肉，味道好淡，食唔出鮮味。小龍蝦都幾好食👍🏼 佢嘅長腳蟹好少refill，我只見到佢fill 左兩次😱有cocktail (mira mix- cosmopolitan) & champaign 任飲 🥂 呢個好少有燒西冷，長期有人serve 👍🏼 仲有北京填鴨食，鴨肉佢會切好大塊比你🤣🤣刺身就只有呢幾款，三文魚，鯛魚，八爪魚Cheese buffet with salad 🥗😚鵝肝就係限量供應😛 每次燒大概20碟出黎～鵝肝好厚，又唔係太油膩，以buffet來講燒得好過其他同級酒店自助餐甜品🤤🍰🧁🍬🍫有朱古力噴泉 chocolate fondue fountain 小朋友見到一定好開心👍🏼今次就冇乜食熱盤，因為佢調味比較重，有啲鹹🤔 抵讚嘅係，佢有香檳任飲，生蠔每次攞基本

好少食自助餐，因為飯量不是很大，食自助餐都唔抵，剛好Yamm有優惠就來試試。食海鮮才夠本，主攻龍蝦，長腳蟹腳，有膏而且肉質彈牙，鮮甜美味，覺得好新鮮。生蠔區很受大眾喜愛，每人每次限領3隻，所以長期都係排緊隊，生蠔新鮮，滑，唔怪得一直都係長隊。熟食有海南雞飯，蝦球蟹肉湯伊面，量不是很大，剛好留著肚子吃其他的。還有一款鵝肝多士超正，煎得岩岩好，鵝肝應該是很新鮮，不會有髒味，咬下去充滿了油香酥脆，讓人回味無窮。感覺這次自助餐讓人食得回本！

今日難得嚟到yamm食自助餐疫情後都無乜機會食自助餐係之前就有食過呢一間yamm嘅晚市自助餐嗰陣係好多嘢食 有海膽、鵝肝、生蠔等等我都預咗午市係少好多嘢食不過估唔到水準真係差好遠首先係啲冷盤啲海鮮感覺就得個雪味融雪亦都未做得好好d ham都有浸怪味反而芝士有一兩隻都OK啲魚生正正常常啦都食得過嘅個牛扒都唔錯啲肉幾嫩佢亦都切得厚薄剛剛好串燒、豬扒呢d都不值一提反而個葡撻幾好食但食葡撻真係有排都未回到本最後再食咗幾杯雪糕主要係真係其他嘢冇乜好食

昨天同朋友去食埋最後一張The Mira tea buffet coupon,怎料食物水準插水式下降，跟6月用第一張coupon比較真的感到截然不同，當時仍有刺身供應，但食物種類巳比未行coupon時級數將貨就價, 沒想到現在更慘不忍睹，雖然用coupon，價錢比正價52折，要降低要求，但都不至於此吧！咁就唔好用放寬限聚令優惠作召來，令Fans大失所望啦！1）首先沒有刺身供應，只有壽司2）沒有海南雞飯，改為冬瓜火鴨絲湯飯3）㸃心不新鮮，山竹牛肉的牛肉有怪味4）甜品好睇不好吃，過甜5）燒雞翼只有面頭的調味，雞翼本身一點味都無，無醃6）即煮枱，麵食1人限定：雲吞1粒，水餃1粒，菜1棵，麵1碗，指定份量，要多粒雲吞都話唔得，要另叫多1 碗，咁無彈性的安排，我感到究竟是否食近自助餐？極之差，以事論事，沒有失實👎👎👎

好耐無食buffet，疫情開始到而家應該都成年冇食，餓咗好耐😂😂😂為慶祝生日，所以就想食buffet，其實好遲先book位，本身都係話full晒，但因為有喺酒店住，佢哋有預留少量位置比住客，所以先有得食安排咗坐近攞食物位置非常好，我可以睇住生蠔幾時多人排隊幾時冇人排，二人食咗三打生蠔，生蠔偏細隻，係法國生蠔，得一款，頭果輪質素冇咁好，之後食嘅較為新鮮，係咁耐冇食過生蠔任食之下，不過不失啦另外亦都食咗其他冷盤，包括刺身壽司，負責切魚生嗰位職員黑口黑面，攞幾次都要慢慢等佢俾反應仲要係冇尾音嘅，完全窒礙大家去拎魚生嘅意欲，而魚生亦都一般，較為特別嘅係有雕魚，另外有一啲小碟小杯嘅魚生，包括海膽豆腐同埋泰式生蝦，泰式生蝦好好食我食咗好多杯生野另外有其他海鮮類，龍蝦有驚喜，平時基本上我係唔食嘅，因為好似擦子膠，但呢度嘅龍蝦肉質爽又多膏，鮮甜好味，值得食完再食，另外仲有一款蟹肉法包亦都好好食（即係好似東京好出名果一款）近排做緊蟹嘅主題，所以多咗好多蟹菜色嘅款式，可惜我並唔好蟹，只試左一兩款side dish (risotto焗釀蟹蓋同埋蟹粥，但唔記得影相😅），其他冇太大興趣熟食黎講唔多選擇，都係咖喱

失望的自助餐體驗😟已經第三次食美麗華酒店嘅Yamm自助餐以往覺得質素都唔錯 但今次真係有啲失望😅平時最鍾意係因為有生蠔🦪龍蝦🦞蟹腳任食但今次質素相對上有啲下降生蠔有海水味係正常雖然都好新鮮但今次係勁鹹嘅鹽水😣就算加咗檸檬汁都有少少難以入口.龍蝦蟹腳肉質唔算好鮮甜普普通通 龍蝦肉質仲有少少鞋身🤭蝦size 喺自助餐來講都算好細隻其他青口螺肉係正正常常.日本壽司刺身方面🍣款式其實唔算太多質素都係中規中矩 未符預期壽司飯更加係做得比較差😟一夾就散😣吞拿魚亦都係有筋.甜品區方面更加係大失所望以往甜品區嘅範圍而家只縮小到得返三份一甜品款式對於酒店級數來講其實係完全唔合格😟完全無一樣揀得落手😅係好普通嘅奶凍果凍布甸甚至有雜果忌廉海綿蛋糕☹️連好普通嘅3.6牛乳奶凍都冇😣唯一好少少係有班蘭窩夫配雪糕.比較好少少嘅鵝肝多士，芝士龍蝦仲有即叫即製嘅火炙韓醬和牛手抓餅師傅現場即製 用火槍燒熟和牛薄片🔥 口感不錯.總體來講要比酒店自助餐嘅價錢但係呢一個質素真係不能接受😕款式已經唔算多去到中段時間已經唔知拎咩食好😟.晚市（晚上 6時 30 分至 10 時)成人：HK$728+1.

想食Yamm buffet 好耐，今次上網book晚餐85折，加埋一都要約$700位，食物種類好少，坐位幾逼，最衰係訂枱留左名寫蛋糕🍰，但最後無位。。。依個價錢咁嘅貨仔，不能接受！🤬🤬🤬🤬🤬🤬.龍蝦🦞主題buffet，佢嘅凍海鮮係幾好，有生蠔、龍蝦、蟹腳、青口、蜆、蝦🦐，刺身都幾好！有熱焗龍蝦、炒、湯等，都係凍龍蝦出色好多.但熱盤、甜品🍮同生果選擇勁少。。。好少可揀唔到野食，唯一幾好食係佢個既燒和牛抓餅同即整斑蘭waffle，其他都好一般。生果咁平都係得三四款！甜品又細件又唔吸引！.絕對無下次！the market, grand Hyatt, 同mr steak都好過佢好多，難怪咁多負評，酒店應正視依個問題👎🏻👎🏻👎🏻👎🏻👎🏻

一直聽聞yamm的自助餐水準不俗，終於在九月下旬去吃仍是以和牛及龍蝦為主題的自助晚餐。折扣下仍要六百多元，但海鮮新鮮味美，絕對值得。龍蝦及蟹腳新鮮，比起紅磡另一間酒店的新鮮好多好多(紅磡那間根本無味)。還有星加坡炒龍蝦也好味，另外有壽司、沙律菜及葡撻也是美味可口。

好耐沒有食下午茶自助餐了，今日約左好朋友去美麗華酒店-Yamm 食tea buffet，酒店環境很舒服，可能疫情緩和左，所以酒店都幾多人，大約3點20分開始安排入坐，3點半自助餐正式開始，種類都算多，當中我覺得甜品最吸引，紐約芝士蛋糕👍🏻，好小食朱古力蛋糕嘅我，今次都覺得朱古力蛋糕好好味，有濃厚嘅朱古力味，又唔甜，加埋桃是最佳配搭😋。食飽叫杯Earl grey伯爵茶，同朋友傾下計，非常愉快嘅一個假期。

本身無打算寫食評，因為mira既自助餐質素不嬲都幾好，自助餐既食物黎黎去去都係咁，無咩好講，所以無影相....睇到依度，大家應該出番去睇下一篇且慢，有碗話碗，真心，如果你諗緊食lunch buffet，不如食佢個tea buffet，因為食物種類多d，價錢平d，無fake你，tea buffet比lunch buffet更多野食Lunch buffet有咩食？熱盤一般有d炒雞球呀咖哩呀咁完全不值一提鐵板有蘿蔔糕炸物有炸帶子炸豬頸肉串燒有串燒雞燒味有兩款雞飯麵即煮有滷肉飯同牛肉麵即切有燒牛肉同德國腸，隔離有蚵仔煎同印度野凍盤都係基本野煙三文魚火腿個d有4款刺身同幾款壽司一款湯同一個碗仔翅兩三款麵包同一兜豆腐花甜品大約十款同招牌班蘭pancake同雪糕Tea buffet多左咩？麵包類有7/8款有牛角包玉桂卷等等燒味部除左海南雞飯仲有6款點心，一小籠兩件個隻串燒有厚燒牛舌鐵板肯定唔係蘿蔔糕仲有一盅盅燉既糖水兩款其他午市有既茶市都有唯獨係午市有凍既龍蝦蚶所以，唔係佢d野唔好食，係唔抵食，尤其係你食完tea buffet 再食lunch buffet，心理上落差太大

The Mira - Yamm應該冇咩人唔識之前有優惠，成功搶到午餐優惠！Book 左9月份.因為疫情關係，餐廳都特別安排左相關保護措施，例如要先測量體溫，枱之間都加左圍板，提供消毒濕紙巾，口罩封套，，食物加多左蓋蓋住，規定食客拎野食時一定要帶口罩等等.Lunch buffet， 海鮮有龍蝦拑，蜆，蝦，青口同焗龍蝦； 刺身有三文魚，八爪魚，同帶子.重有玫瑰雞同豉油雞等等。雪糕就有movenpick. 整體因爲有優惠，所以覺得幾抵食.餐廳安排都令食客幾安心.

今日去咗Mira Place食Tea buffet，時間係3:30食到5:30，價錢來講相當實惠^_^ 唔使$200一位～因為有折扣嘅關係，嘢食來講食物種類唔多，但係都有相當嘅質素～可能因為好耐冇食過點心所以都覺得幾好食，有個即整嘅班蘭窩夫🧇，非常之唔錯雪糕仲要係Movenpick，本來以為得好少甜品，點知原來可以去買另一間Cafe嗰度攞佢啲蛋糕，非常之喜歡💕甜品入邊最鍾意食個Tiramisu，其他就不過不失算對得起個價錢啦，唔使$200可以食到飽算係咁㗎啦3:30之前已經有超多人排隊，所以建議大家可能早少少去。

同事介紹，有coupon加折扣，午餐自助餐都算抵，所以去試下， 佢每個星期，都有唔同主題，今次係日本， 佢海鮮種類唔多，供應都比較少， 不過會不停refill， 可能因為係午餐， 不過佢都有燒牛肉， 同價錢都成正比嘅， 刺身種類唔多，不過壽司種類多， 佢個豉油雞好好食， 之前其實都食過佢嘅晚餐自助餐， 都好好味，可能因為疫情， 所以佢哋控制成本下， 但都可以嘅， 同埋因為我係酒店， 可以坐耐啲，同埋靜靜地同朋友傾計， 可以一試嘅

終於回復晚市 撞正我同MY BOSS 兩年半所以即刻狗衝Book餐廳 食返餐好😆而我係勁想食Buffet😂 有冇人同我一樣👇🏻首要條件係任食生蠔🦪？所以最後決定去Yamm (之前食過lunch buffet)除咗有任食生蠔之外， 晚市嘅主題係龍蝦同和牛😋😋所以係超級超級吸引我🤩無論係刺身 壽司 熟食 樣樣都好新鮮 好好味三個鐘任食 甜品我都食左兩輪🤣最後都食到8點9 好完滿 好滿足🥰 超推薦😝BTW MY BOSS預備了Cake Cake好Surprised😘😘❤️ -裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

為左狂食生蠔同海鮮 所以揀左mira既buffet。冰鎮海鮮區好吸引☺️☺️有波士頓龍蝦，長腳蟹腳、青口、蜆。除蜆係完全冇味之外，其他海鮮都唔錯，肉質厚實同埋尚算鮮甜。生蠔區都非常受歡迎，每人每次只限拎3隻，所以長期都係排緊隊，今晚既蠔得一款，係法國生蠔，海水味唔重，唔算鮮甜，不過不失啦。熱食就比較少食，比較吸引既有鵝肝多士、即叫即整既燒牛肉手抓餅🤤🤤呢個唔錯幾高質，另外有新加坡胡椒龍蝦、印度薄餅同咖哩等等，其他熱食就冇乜特別，同其他buffet一樣普普通通，賣相一啲都唔吸引。另外，比較受歡迎既係壽司區，有赤貝、油甘魚、赤蝦等款式唔算多，質素正常，除左壽司之外都係鮑魚仔同帶子刺身。有咁多海鮮同生蠔，賣單$8xx都可以接受，叫做回到本。