Wooloomooloo Prime

營業中

休息中

喺生日嘅大日子我哋book咗呢間出名慶祝生日會畫碟同影即影即有嘅餐廳慶祝。一開始嚟到餐廳喺reception嗰陣已經問過一次係咪有睇到remarks慶祝生日，店員亦有話睇到remarks，會畫碟。呢道嘅食物質素一般，但本身諗到個景咁靚就冇乜所謂啦。環境方面，個景係靚，但餐廳環境嘈吵，好似去咗茶餐廳咁。最緊要嘅係生日甜品。Order甜品嗰陣有再問一次甜品碟上係咪可以寫happy birthday，店員都話會寫，但到上甜品嗰陣都係冇，超級失望，冇曬驚喜😢😭，要再叫店員拎返入去寫，但已經冇曬mood，都冇心情影相，一年一次嘅生日就咁比呢間餐廳破壞咗，千祈唔好嚟呢間餐廳慶祝！😢😢😢

聖誕新年假期鄰近，心情大好，胃口也大開。由牛扒開始，倒數計時歡送2021。餐廳氣氛一流，昏暗的燈光烘托維港美景。裝飾滿盤，叫人無法抗拒聖誕大餐。餐牌選擇不多基本都齊全。主打還是牛扒。一公斤牛扒可以分享，另外再點沙拉和意粉。3-4人可以完全滿足。牛扒影完馬上切為4份，肥瘦參半，五成熟有小小乾，估計三成熟會好些。海鮮意粉很美味。賣相吸引，襯托聖誕氣氛。餐廳角落特意安排了美景打卡位，很多客人特意在此打卡，是個非常有心的安排。

千揀萬揀，朋友揀咗呢間同我慶祝生日。入到去嘅時候，落地大玻璃可以見到維港景色，已經令我深深眼，坐低咗之後眼都離唔開維港嘅景色，加上餐廳燈光昏暗，顯得維港燈光十足。餐廳好有氣氛，兩個女仔嘅晚餐，都顯得10分浪漫。😆😆😆😆我哋叫咗牛扒，龍蝦，同黑松露薯條，三樣嘢都食到我哋捧住個肚走，環境再加上同自己好朋友嘅晚餐，都提高左食物質素。嘢食唔會太過重口味，味道啱啱好。最後朋友為我送上花束， 10分窩心。當然少不了準備一個心太軟及寫上生日字句，😁😁😁好sweet嘅一晚。

同老公食個lunch慶祝周年紀念，我地12點幾去到，都開始多人，不過地方都夠寬敞。預先book 左window seat, 職員都有幫我地安排到。首先有餐包，暖暖的剛好牛油放落去就慢慢溶化。前菜叫左蟹餅同沙律，蟹餅好食，每啖都充滿蟹肉，正。沙律有芽菜，雞肉同蘿蔔絲，都好fresh.主菜叫左雞胸同三文魚，雞胸好滑呀。甜品叫左cheese platter

幫好朋友慶祝生日想靚景配美食, 呢度絕對符合到我嘅要求. 預先book定枱講明慶祝生日, 侍應都特別安排窗口位比我地, 整個尖沙咀維港夜景一覽無遺. 先黎兩杯白酒, Riesling我個人都覺得唔錯. 頭盤先黎Salmon Tartar, 煙三文魚同三文魚刺身混合牛油果醬同其他調味料, 清新開胃, 三文魚味道突出. 主菜Wooloomooloo Steak要medium rare煎得剛剛好, 牛扒本身質素高, 入口肉香撲鼻, 同時有幾款醬汁選擇, 各有不同味道. Chicken Supreme 半隻春雞又煮得出色, 連雞胸部份都非常滑, 有入口即溶嘅感覺. 小食Truffles Fries估唔到份量都好大, 粗薯條加埋松露係我杯茶. 最後特別生日dessert 朱古力心太軟配雪糕, 碟上面仲寫埋Happy Birthday, 朱古力蛋糕外脆內軟, 朱古力漿熱辣辣好好味, 生日主角當然都好滿意呢一餐

今日跟同事友好到這間餐廳午飯，剛好天氣非常晴朗，心情也非常輕鬆，望著窗外美麗的維港景色，藍天白雲，加上優雅的室內佈置，未開始用餐，已經有一種講不出的滿足。今日兩人選擇了Executive Lunch Set，價錢合理，選擇也有很多。餐廳提供的免費餐包也頗可口。今日的頭盤，一個選了出名的crab cake， 另一個選了新鮮的沙律，份量不算大，但剛剛好。Crab Cake 真的非常美味！主菜一個選Steak Tartar， 另一個選了Filet Diane， 兩個主菜也不錯，尤其是牛牛柳，煮得十分軟滑，磨菇汁也恰到好處。甜品方面，我和同事都選取了芝士蛋糕， 感覺鬆軟可口。因為今個月生日，可以自由選取一個免費甜品，我選擇了他的招牌 Hot Chocolate Cake，朱古力蛋糕甜度剛剛好，雪糕也非常好味，為整個午餐寫上一個完美的句號！

今晚同好耐無見既老友慶祝生日.太太就揀左呢度可以睇到維港全景.同埋,佢好想試呢間餐廳好耐,有少少私心我地都叫左2個STARTER.我覺得生牛肉薄片,係好好食既,但個TAR TAR就無咩味,蟹肉就有少少腥.lobster soup樣子很不錯, 但味道不夠, 也沒有什麼龍蝦肉...肉眼就叫左5成熟，煮得剛好.味道好濃.而海鮮意粉就比較一般,無太大特別.總括就可以一試,但就短時間就未必再黎住...

📍香港📍尖沙咀📍Wooloomooloo Prime📍尖沙咀彌敦道100號The ONE 21樓📍星期曰至三 11:45~22:00，星期四至六 11:45~00:00超適合情侶或者朋友慶祝嘅餐廳!!! 記住bk窗邊位欣賞維港夜景🌃🦄 Wooloomooloo steak (450g) $765🦄 評分: 8.5/10做到客人要求既Medium rare🥰🥰肉嫩juicy🥩本身用cajun spice醃製已經好夠味好好食😋貪得意都有試下佢四款醬 （黑椒汁，紅酒汁，阿根廷醬，賓利士醬)都係原味最好食😋🦄 Seafood Plateau (per person) $850🦄 評分: 8/10一人份絕對足夠兩個人share😜龍蝦🦞大蝦🦐新鮮彈牙👏🏻煙三文魚唔會太鹹平時唔鍾意食嘅我都接受到👍🏻三文魚同吞拿魚刺身普通👌🏼如果有鮮帶子會更開心🤫🤫#foodieschu尖沙咀

慶祝3周年紀念，當然要搵好嘢食啦,揀咗呢一度.因為有預早留枱,所以,可以坐窗邊位置.可以望到維港,望住夜景食飯，又的確係好舒服今次叫咗嘅係牛扒，叫五成熟不過上到碟切開嘅時候發現好似係七成，但食落唔鞋，好有肉味。海鮮意粉都不錯.最後加一個焦糖燉蛋,真的十分滿意,值得將來丙試.

分享一下小編其中一間好喜歡嘅餐廳 係俾尖沙咀同維多利亞港個靚景圍住嘅𝙒𝙤𝙤𝙡𝙤𝙤𝙢𝙤𝙤𝙡𝙤𝙤 𝙋𝙧𝙞𝙢𝙚🤩 特別推薦大家同友人/另一半有慶祝活動可以過嚟一試 食物質素很可以 嗌返支𝙋𝙧𝙤𝙨𝙚𝙘𝙘𝙤飲住欣賞個景 加埋餐廳氛圍暗暗的 幾浪漫🥰點餐後 餐廳會率先送上熱辣辣鬆軟麵包🍞 搽淋上咗粗鹽嘅自家製牛油👍🏻 比起普通有鹽牛油更加好味 再多咗重口感😛覺得嚟呢度嘅𝘾𝙧𝙖𝙗 𝘾𝙖𝙠𝙚 ($200)係要起碼試一次嘅前菜 蟹肉佔嘅比例真係讚讚讚 切開見到層層蟹肉 配搭他他醬 或者加少少coleslaw食感覺再清新啲😙然後就梗係要食牛🐮𝙒𝙤𝙤𝙡𝙤𝙤𝙢𝙤𝙤𝙡𝙤𝙤 𝙎𝙩𝙚𝙖𝙠 ($570)識食一定係食medium rare同時餐廳又真係煮到呢個熟度嘅話 真係十分已經俾五分你合格先😆 肉質幼嫩juicy 牛扒另外附上4種醬汁𝘽𝙚𝙖𝙧𝙣𝙖𝙞𝙨𝙚, 𝘾𝙝𝙞𝙢𝙞𝙘𝙝𝙪𝙧𝙧𝙞, 𝙋𝙚𝙥𝙥𝙚𝙧𝙘𝙤𝙧𝙣, 𝙍𝙚𝙙 𝙒𝙞𝙣𝙚 醬汁味道唔會因為太濃而搶走牛嘅主角位 侍應更會再俾幾種芥末你選擇(!) 不過塊牛本身已經煎得靚 個人認為有少少鹽調味已經很ok了🥰小編喜歡一切用奶油煮嘅蔬菜 嗰啲奶油菠菜呀 奶油津白呀 我全都要🤣

座落於尖沙咀The ONE21樓，落地玻璃窗上，可遠眺望維港景緻的澳洲菜餐廳Wooloomooloo Prime.Crab Cake🦀這個蟹肉豐富，用料十足，用刀叉輕輕地切開便看見絲絲蟹肉，嫩滑甜美，味道清香，熱洪洪的最好吃😋.Seafood Linguini🍝意粉配上海鮮有青口、蜆和蝦😛蝦肉結實有彈牙，青口和蜆入口仍吃得出其鮮味👍🏻.Wooloomooloo Steak 340gRib eye用上Cajun spice醃製，而本人要求要medium rare，肉質很嫩滑很juicy😋隨steak附上四種醬料，可因應個人喜好自行選擇醬料🤪醬料包括：Red Wine Madeira- 主要成分有紅酒、奶油等等Béarnaise-主要源自法國，主要成分有蛋黃, 無水奶油, 白酒醋Five Peppercorn-主要源自法國，主要成分有奶油、胡椒、 葡萄酒、白蘭地Chimichurri Sauce-主要源自於阿根廷，主要成分有橄欖油、蒜末、切碎的歐芹、牛至和紅葡萄酒醋製成.Baked Potato焗薯薯香味重，口感粉腍，還夾著酸忌廉和煙肉是不錯的配搭👍🏻

一個充滿期望的晚餐，各人都点自己喜愛的食物，本人尤其喜歡牛扒，一塊好的牛扒，只要控制得火路好，小小鹽調味已很好味，而今晚我們点了一份羊扒，一份豬扒，兩份牛扒，還有其他小食，而全晚各種食物出品，都很平均，唯一本人所点的牛扒，真是強差人意，点五成熟，來到七成熟，鞋到不得了,仲要冇牛味，奇怪！我想各位食家都明白，厨師用了什麼手法處理，才有此效果，講真全晚只係食夜景，食品真係一般，亦談不上高級，四個人食一餐飯結帳3400元，有興趣可以一試！

牛扒大餐同朋友慶祝生日，諗住搵間穩穩陣陣嘅，最緊要有得泊車，今日就揀咗The One商場入邊嘅呢間。頭盤——帶子配三文魚子開胃嘅前菜👍師傅冇將帶子過分調味，可以食清楚帶子嘅鮮味。龍蝦湯——好多地方食龍蝦湯一係就太稀再唔係就好鹹，呢間餐廳嘅龍蝦湯係非常濃郁，但係完全唔會覺得鹹。連骨西冷——我哋有三個人，所以叫咗一個三人份量連骨西冷，令人驚喜嘅就係雖然我哋叫半生熟，係有血嘅，但係都容易入口，唔會有好多血肉黐實而令到好難咬。黑松露薯條——我就唔係好號黑松露，但係朋友就好鍾意，薯條炸得好脆，上碟溫度夠熱辣辣。心太軟——基本甜品，冇乜問題，但係性價比就未必好高。

同男朋友周年紀念, 是但搵咗呢間食, 貪佢位置方便, 喺The One樓上🤣環境唔錯幾浪漫💓餐前麵包🥖熱辣辣幾軟熟, 同埋我好欣賞佢個牛油有咁多鹽😆跟住就叫咗蟹餅啖啖蟹肉, 唔錯☺️旁邊仲有少少沙律菜同埋脆片蕃茄海鮮意粉🍝蕃茄味濃郁, 海鮮都唔少, 有蝦, 青口, 蜆肉等等嚟到呢度梗係要食牛扒啦我嗰日本身係完全*唔想食*肉眼扒, 因為覺得好肥膩, 想食啲肉味重啲lean啲嘅牛扒我已經圖文並茂咁樣問個侍應我想食嗰塊牛扒應該係叫咩名(因為驚叫錯咗), 但係無論點都好我好肯定唔係ribeye😅 其實應該係flat iron咁我就問個侍應, 跟住個侍應唔識答我, 跟住佢好似問咗其他同事, 跟住佢同我講係ribeye, 然後我都唔知講咩好, 咁問得佢唯有信佢同埋叫啦如果唔係好冇禮貌😂結果出到嚟真係唔係我想要嗰個部位🥲雖然真係比較多肥膏, 但係肉質其實都算幾好食嘅, 所以唔緊要啦🥲佢仲有四隻醬汁俾你配搭👍🏻最後甜品方面, 求其叫咗menu話出名嘅心太軟, 其實都知道普通, 不過都要叫下🤣結果真係比較普通😆總括來講其實我覺得食物質素同環境都唔錯嘅, 不過主要食個環境, 間唔中嚟下都OK, 尤其是有慶祝

公司Team lunch, budget 人頭$300，老細就揀咗呢間餐廳，餐廳個環境係好靚，我哋分咗三張枱，每枱四個人，喺窗邊位。邊食邊睇個view真係加分好多。我哋叫咗每人一個set lunch，有頭盤主菜同埋甜品，$198都ok.頭盤我叫咗個煙三文魚拼鮮三文魚他他，好好食，好開胃主菜我自己就食香煎銀鱈魚柳，都唔錯，好厚肉，同埋魚肉唔鬆散，唔錯，但可能對某啲人嚟講份量會偏少。另外兩個主菜就係其他同事食嘅，分別係牛柳同埋大蝦意粉，同事就話個牛柳普普通通但都OK嘅，但我就冇試過啦。甜品我就揀咗燉蛋，我自己本身唔係太食得甜，我覺得呢個都好甜，唔太食一個，但個賣相就唔錯有同事就揀咗芝士拼盤做甜品，佢就話後悔冇揀燉蛋😂整體來講lunch set呢個價錢食到依啲嘢，再加埋個景其實都值嘅，我覺得相比起尖東嗰間分店，呢間嘢食同埋個景略勝一籌。