WM咖啡廳

兩公婆去這餐廳吃平日自助午餐，很早就入座，我問可不可以坐近吧枱嘅四人座位，她說不可以，fine ，算數⋯⋯只安排座位很逼夾的二人坐位，環境有啲似canteen feel，最激氣嘅係那將近吧枱嘅四人座位由頭到尾都冇人坐，頂佢個肺！講吓食物真係好渣，雖然係二百幾蚊唔可以有太高要求，但食物質素真係不值，完全冇一樣食物係令我讚嘅，這個價錢在旺角帝京酒店又或者其他四星酒店，已經食得好好了！行開西貢入去酒店打下卡行吓冇問題但餐廳就唔建議去了！

早前放假到西貢一日遊，晚餐選了WM Hotel的WM咖啡廳，環境闊落優雅。節慶晚餐($588)意式雜錦拼盤色彩斑斕，材料豐富，充滿鹹香。栗子蘑菇忌廉湯熱騰騰，質感綿滑，菇味濃厚，吃到栗子粒，增加口感。燒美國特級牛肉眼扒配賓尼士醬牛扒大塊，份量十足，滿口油香。香煎美國銀雪魚柳及珍寶帶子配香檳忌廉汁銀雪魚柳厚身，肉質嫩滑，帶子肉厚大粒，兩面煎至焦糖色，咬下去內裡仍保持軟嫩。白朱古力聖誕樹頭蛋糕配紅加侖子汁賣相充滿聖誕氣氛，紅加侖子汁中和了白朱古力的甜膩感。

.♡ —————— 𝗗𝗲𝘁𝗮𝗶𝗹𝘀 —————— ♥【餐廳】WM咖啡廳 @【地區】#Dr_eat_西貢【類型】#Dr_eat_自助餐【價位】中價位【用餐時段】週末自助早午餐【𝗛𝗶𝗴𝗵𝗹𝗶𝗴𝗵𝘁】「團圓賀歲自助餐」首50位訂座並繳付全費，即享七五折優惠────────────────────【環境/服務/衛生】。分成室內室外兩Part。室內裝潢優雅舒適，同時富現代風格。室外面對住WM酒店嘅打卡熱點小禮堂。當日仲有一對新人結婚。食自助餐之餘，同樣Feel到幸福美滿嘅感覺。服務貼心有禮。Refill速度令人滿意.【價錢】。週末自助早午餐由12:00-14:30。星期六至日 $468/位成人，$308/位小童.【刺身及冷盤】。有加拿大海螺，凍蝦，澳洲藍青口，三文魚，吞拿魚，希靈魚，即開生蠔等。小評：第一Round必食最矚目的刺身及冷盤。樣樣都非常新鮮，且Refill速度不錯。特別讚一下即開生蠔，肉質爽口，海水味重，鮮甜中帶點Fruity.【前菜&沙律菜】。有聖女茄，沙律菜，車打芝士，馬蘇里拉芝士，馬蘇里拉，水牛芝士蕃茄，德國薯仔沙律，木魚花日式燒茄子，巴馬火腿等。小評：前菜及沙律菜款式多，新鮮

聖誕前夕我同朋友去咗位於西貢嘅WM Hotel Staycation過節🏨，呢間酒店好靚啊，勁有外國旅遊度假嘅感覺。我哋夜晚亦留喺酒店食聖誕大餐，並幫襯咗「WM咖啡廳」。我哋Check-in時已經請前台幫忙訂枱，夜晚去到餐廳，店員就立刻有我哋資料，並安排入座。店員服務態度友善，全程主動提供協助👍。餐廳面積極大，所以完全唔使擔心會無位😜。環境裝修唔算好華麗，不過勝在光猛闊落，坐得舒服。我哋坐喺窗邊位，可以望住出面嘅教堂以及中庭位置。節慶晚餐Festive Set Dinner🍽，包含四道菜，每位承惠$588，價錢唔平，不過慶祝節日無計啦。意式雜錦拼盤，呢碟前菜沙律好豐富🥗，由多種食材組成，包括風乾火腿、煙三文魚、蕃茄乾、燒甜椒、水牛芝士、雅枝竹同埋橄欖等。調味用上醋，酸酸的，幾醒神開胃。餐湯係栗子蘑菇忌廉湯，湯品用上鮮蘑菇打成，並加入粟子肉。🍄菇味非常濃郁，口感好厚好Creamy。店員同時為我哋送上麵包籃🥖，有三個款式，夠晒飽啊。主菜有三款選擇，而我哋無要嗰款就係香煎美國銀雪魚柳及珍寶帶子配香檳忌廉汁🐟，皆因我哋係食肉獸。燒美國特級牛肉眼扒配賓尼士醬，🥩牛扒好大塊，我估計有成8至10安士

🎅🏼聖誕節食聖誕大餐是常識吧今日去咗香港遠離鬧市嘅後花園🏕️上年先啱啱落成嘅WM Hotel🏝️位置LG樓層 對住愜意既環境加上聖誕既氛圍⛲️加埋臨海小禮堂食buffet 你都咪話唔過癮❤️==============================嘢食種類唔少嘢 特別介紹有即開生蠔🦪非常新鮮一啲都唔腥💯波士頓龍蝦啖啖肉🦞仲有即叫即切燒牛肉🥩好食嘅牛肉基本上加少少honey Master已經好好食👍🏻另外牛肝菌忌廉汁Risotto都不能錯過 Creamy得黎唔漏🍚 熱食冷盤都非常出色❤️甜品亦都唔例外🍰正值聖誕節多款甜品用左聖誕造型🎄應節之餘又好食🤶🏻==============================遠離鬧市真係有度假嘅感覺🫧Chill住嘆buffet真係唔係市區嘅酒店可以比到你🌿如詩如畫既酒店值得專登入嚟呢片鬧市綠洲🌴

好開心無意中比我發現到幾百蚊，可以喺酒店度食聖誕餐，就係西貢間WM hotel $588一個四道菜嘅聖誕餐，出返市區，實在冇可能幾百蚊食到。 唔係講笑啲嘢食仲要好好食，主菜仲可以揀牛扒，酒店質素的確高，由前菜、主菜最後連甜品樹頭蛋糕，都好好味。前菜有特色，餐湯係栗子蘑菇湯，真係食到一粒粒栗子，好香好好味。牛扒係肉眼扒，牛肉味道濃郁，有口感，仲要好大塊又唔使額外加錢，五成熟啱啱好，芥辣唔會好辣但好香，紅酒汁可以提升成塊扒嘅味道，酒店水準的確高質。最後仲有餐飲，可以嗌咖啡同埋新鮮檸蜜，另外甜品蛋糕上的聖誕老人配飾，實在冇可能唔瘋狂影相，食完飯仲可以喺酒店周圍打卡，無端端好似去咗半個旅行一樣，平安夜快樂！Yeahhh

聖誕節🎅就梗係要食餐好咁慶祝一下🥳🥳Be就入咗西貢WM酒店食聖誕大餐啦🎉呢度環境真係好有異國風情🌴個氛圍relax到Be以為自己去咗旅行！打卡當然係必須❤️.餐廳推出咗節慶Set Dinner🍽️$588@另加一✨ 燒美國特級牛肉眼扒配賓尼士醬 🥩肉眼排冇筋，而牛嘅油脂香味突出，就咁單食都食得出🐮味濃，如果配埋賓尼士醬汁食亦都唔會喧賓奪主，感覺幾夾✨.✨香煎美國銀雪魚柳及珍寶帶子配香檳忌廉汁 平時食魚柳最怕有腥味，呢個完全唔會😆 而且煎既火候控制得啱啱好✨肉質嫩滑🐟外皮煎得帶少少焦香，加咗少少香草🌿作調味配搭得好好❤️ 另外極鮮甜嘅帶子真係珍寶級好大粒😍. 🍴每份套餐都包左以下嘅前菜、湯、甜品同餐飲☕🍵✨意式雜錦拼盤前菜拼盤好豐富，包括有風乾火腿、煙熏三文魚、蕃茄乾🍅、燒甜椒、馬蘇里拉芝士🧀、雅枝竹同橄欖，加左沙律醋一齊食好開胃😛😛.✨粟子蘑菇忌廉湯 (麵包籃)加左粒粒粟子蓉嘅蘑菇湯好濃郁，最啱搽左牛油既法包沾小小湯食🥰.✨白朱古力聖誕樹頭蛋糕配黑加侖子汁🍰配合聖誕節🎄造出聖誕樹頭造型再加上聖誕老人公仔🎅🏼好欣賞咁有心思❤️雖然係白朱古力🍫但係加咗黑加侖子汁酸酸哋中和一下，食落口就唔會覺得太甜

今日放假休息，趁住平日西貢人流較少就去放空吓。西貢新開嘅WM Hotel，遠離繁囂，環境清幽寧靜。酒店餐廳WM 咖啡廳推出咗FESTIVE SET DINNER，年近歲晚一於食返餐大餐應節，提早享受節日氣氛。餐廳環境寬敞燈光明亮，令人感覺舒心放鬆，切合酒店嘅休閒風格。【意式雜錦拼盤】有風乾火腿、煙燻三文魚、蕃茄乾、燒甜椒、馬蘇里拉芝士、雅枝竹、橄欖。色調以紅色綠色為主，幾有聖誕氣氛。咁多種食材味道各不同，都幾豐富。【栗子蘑菇忌廉湯】個湯熱到冒煙，成個湯都係蘑菇蓉夠晒香濃，天寒地凍飲個熱湯感覺暖心。主菜有三款選擇。【燒美國特級牛肉眼扒配賓尼士醬】肉眼扒煎出嚟上枱仲流緊肉汁，食落果然肉汁夠豐富。脂肪分佈均勻，每啖都食到肉香油香，我就鍾意點黃芥末汁，唔嗆鼻但又令油香更突出。【爐燒聖誕火雞卷及蜜餞金門火腿配金巴利汁】臨近聖誕梗係食火雞最應節。火雞卷同火腿都咸香味十足，蘸上食火雞必備醬汁金巴利汁，甜甜嘅味道同火雞嘅咸香又幾夾。兩個主菜都配上大量蔬菜，有荷蘭豆、法邊豆、西蘭花等，營養均勻。甜品係【白朱古力聖誔樹頭蛋糕配紅加侖子汁】。大木頭形狀嘅白朱古力蛋糕，旁邊有個小小的「蘑菇」同「樹葉」，加上小

WM咖啡廳位於西貢碼頭附近既WM酒店，餐廳設有落地大玻璃，可以望住靚教堂進餐⛪️餐廳內仲設有華麗酒吧檯，雖然set dinner既菜式都係傳統主流菜式，但每一道菜都極高水準👍晚市套餐配餐湯及飲品，亦配一個特色甜品節慶晚餐｜$588/人前菜｜意式雜錦拼盤｜8/10沙律菜配上咸既火腿同煙三文魚，加上沙律醋好開胃口，芝士波波口感彈牙好正😍餐湯｜栗子蘑菇忌廉湯｜9.5/10呢個湯加埋栗子非常濃郁同香滑🤤同烘熱左既脆法包既最佳配搭主菜｜燒美國特級牛肉眼扒配實尼士醬｜8.5/10牛排冇筋重牛味，最特別係實尼士醬😋醬本身唔搶味，但加埋牛排一齊食即刻令到牛排既油香味同甜味更突出主菜｜香煎美國銀雪魚柳及珍質帶子配香檳忌廉汁｜9/10銀雪魚完全冇腥味，肉質嫩滑juicy💯帶子面皮香脆，係我最欣賞既一道主菜❤️甜品｜白朱古力聖誕樹頭蛋糕配紅加侖子汁｜7.5/10配合聖誕節既可愛擺盤🤣白朱古力忌簾加上酸既紅加侖子汁，食哂成件蛋糕都唔會覺得膩

環境優雅，枱與枱之間都保持少少距離。由於有室外坐位，方便携犬客人，我哋又被安排坐近個出入位，每次有室外客進出，都吹來一陣大風，最初未有室外客就唔覺，之後陸續有室外客，每次佢哋進出都凍一凍。食物方面，龍蝦都refill得快，有長蟹腳同麵包蟹。刺身選擇少，只有三文魚加兩款。有生蠔，味道普通，每次攞兩隻，第二次攞，其中一隻壞了。有燒牛肉，但只得燒汁，同埋個汁冇咩味，令件燒牛肉有點失色。有天婦羅，蝦天婦羅ok, 但蟹棒天婦羅實在太大太長，起碼1吋闊6吋長，同埋有點硬，吃了一半要放棄。有蝦餃燒賣，蝦餃正常，但燒賣就每粒都散開晒，皮肉分離，夾唔到，夾到都係散晒。有燒味，但义燒又乾又硬，好難咬。經過沙律吧都有陣陣嗅味，我估可能係芝士作怪。飲品只得咖啡機同茶包，咖啡機比較細，好快冇晒要等職員refill, 但冲完嘅咖啡只是微暖，唔多好飲。甜品款色不多，唔知果樣係朱古力蛋糕定係brownie, 溶嘅，黏埋晒，夾唔到，我見其他客都係夾唔到而放棄。雪糕係Haggan Daz細杯裝, 有三款，Oreo、朱古力同芒果，冇士多啤梨同雲呢拿。整體而言，環境佳，職員有禮，晚餐有3小時免費泊車，自助晚餐只需$588，經

WM cafe節慶晚餐頭盤意式雜錦拼盤 - 所有蔬菜都好新鮮🍅🫒🫑風乾火腿配上陳醋唔會太咸, mozzarella ball🧀 淡淡地唔太濃味成碟都好清新開胃栗子磨菇忌廉湯 - 🌰栗子打到好蓉對唔太好嘅小篇嚟講都食唔出🍄磨菇味好濃好出配上面頭嘅橄欖油唔會太膩自家制麵包籃 - 3款麵包🍞都好鬆軟,點湯食吸滿湯汁好正😋小篇就最愛迷你法包🥖主菜:燒美國特級牛肉眼扒🥩 - 牛味香濃,無根,配上賓尼斯醬都幾夾主菜: 爐燒聖誕火雞🦃️卷及蜜餞金門火腿- 火雞俾人感覺肉鞋,依度絕對唔鞋食落口仲好香嫩,相對火腿比較咸白朱古力🍫聖誕樹頭蛋糕🍰 - 雖然係白朱古力但唔會太甜,配上紅加倫子汁酸酸甜甜正好幫助消化😂

午餐buffet食物種類少，食物質素差服務員無服務質素甜品大部份都是奶凍布甸杯並且有強烈的雪櫃臭味早餐buffet食物種類非常少，大部份熱食都唔熱而且非常不新鮮waffle 太甜太硬

是次入住酒店的套票包了晚餐，在酒店西餐廳內享用。餐廳裝潢隨性，開放式廚房，加上橙色銀色的檯櫈，感覺像極大學裡的canteen，沒甚格調，我和伴侶都笑翻。麵包籃麵包端上時是溫熱的加分，切片法包比較乾，其餘恰如其分，配上牛油還是可以。松葉蟹膏蟹肉沙律成品有幾朵食用花作擺盤，好有夏日氣息。蟹肉絲味道鮮甜，帶點鹹鹹的海水味。風乾火腿甜瓜芝士沙律配黑醋汁用火腿包裹著香軟的mozzarella芝士，味道甘香不過鹹，加上微酸的黑醋汁，美味。牛肝菌松露忌廉湯湯菇菌味香濃，吃到打碎的蘑菇；臨尾drizzle上面的是純香橄欖油，加添一份油潤感。炭燒特級澳洲西冷牛扒牛扒比較薄，望個樣都覺得一般，食落質素普通，不柴但也沒甚油香，和「特級」有點距離，窩在底下的蔬菜倒是香甜。燒紐西蘭羊鞍配迷迭香燒汁羊鞍有三件，煎得香口，肉質軟稔；以法式燉菜墊底，中規中矩。香蕉拖肥意大利芝士撻本身喜愛banoffee pie，這就像一個變奏版，牛油撻皮香脆，火灸過的香蕉香甜好吃。可能沒太大期望，食物質素比想像中好，但如要收取正價則不會考慮，其他裝潢、service等配套皆配合不了。

自助早餐check-in時事先預訂，我地揀咗九點鐘時段，八點五十分去到排隊，流水式入座。用餐時間只有一小時，有少少趕，憶起以前跟團感覺，食到四十五分鐘會有職員通知，想嘆吓chill吓應該咩可能。食物方面選擇豐富，西式煎蛋炒蛋腸仔火腿沙律漢堡扒焗豆薯餅，中式粥品粉麵點心，仲有水果、麵包、蛋糕、酥餅等等。不過拎穀類早餐嗰個位完全敗筆，高筒設計好難轉落嚟，轉到又不受控地跌好多，啲人又接唔住，最後浪費咗好多食物

為免趕夜車返出市區，又免於周末日困於必選main course餐單，專程擇一個星期四訂午市。坐落西貢泳池後，沿惠民路一路向人煙稀少的方向行，一馬路之隔是建築氣派與WM如同姐妹的國際學校。翻查歷史開業僅一年多，望落是有型之resort 模樣。開飯訂位、大部分信用卡免加一。基本$238吃2.5小時。11:45到，一定準12點先請坐。可坐室內外，室外硬座可供攜犬隻人士選擇，廳中央有玻璃門往來室內取食區，因此坐室外取食物亦不致行太遠。侍者安排坐於吧檯前四人枱，感測該是全場冷氣偏溫和位置。初步掃視全場之食物種類，飯麵類澱粉質不見踪影。端來之main course menu，似乎派不上用場。此決定亦透過鄰枱點了扒類、漢堡，最後吃剩一大把而得到印證。當然如果選擇點main course，亦無需全枱均點選，如4人內點一兩個，其餘維持$238亦可，悉隨尊便。壽司款式見圖，只添一兩次，三文魚、赤貝等較搶手，因此如對此有意首回合便須收歸私有。感覺比較健康綠化的自助餐，沙律配料選擇多（見圖），肉食集中炸雞搥（溫熱中keep到脆，包含雞軟骨）、肉丸、雞肉腸、蝦多士（非原隻鮮蝦，剁爛蝦肉製成，蝦味淡，但多士超脆可