Wingman (船街) (已結業)

今天朋友來我家看電影，我來到位於灣仔的wingman「叫雞」，回家嘆。要叫雞吃，一定要來這家特色小店，店舖面積不大，不過有上下兩層，仍可容納大量食客。餐廳的裝修很有特色，亦很有現代感，服務亦一流，店員熱心為食客介紹招牌口味的雞翼。親切的服務態度和美味的雞翼亦成為我一次又一次encore 的原因。外賣回到家仍然保持著食物的溫度，精緻的紙盒，裝載住滿滿的雞翼，打開時香氣撲鼻。雞翼有乾身和濕身可選，超貼心。我分別點了一份乾身的巴馬臣芝士蒜蓉味雞翼和一份濕身的日本蜜糖芥辣味雞翼。雞翼又大隻又鮮嫩，完全沒有雪藏味，日本蜜糖芥辣雞翼的Wasabi 和雞翼非常夾，不會嗆喉呢，每次我必點。蒜味雞翼亦很特別，雞翼上鋪滿爆香的蒜蓉，令人吃過不停，朋友大讚。菠菜甘藍沙律配柚子醬也很開胃，酸酸甜甜，每口都是清新的沙律菜，外表雖平凡，但有驚喜呢。

牛油粟米 $65 .唔知食乜好 又打開eatigo見到哩間全單6折就book左😅 5 1黄金週食中環個間 今次試灣仔.好好好好食既燒粟米😍 勁邪惡既芝士加上牛油香 烤得剛剛好 每咬一啖都食到芝士 蒜 同牛油味 如果冇feel錯😋 重要既係每粒粟米都有汁架😍好食好食 一定粟試下呢☺️黑松露薯條 $65 .哩間鋪所有熱氣野都整得好出色 食左咁耐住家飯勁想食薯條😌.$65中等價錢 其實份量唔少 因為好似食完都仲有咁 幼身薯條 條條都好香口 勁脆 其實唔使點醬 本身薯條都係重口味 黑松露醬唔嗇色都俾得幾多下.真心薯條好好食😋Lemon & pepper $69 水牛城 $69.又係雞翼 真心好好味 所以見到eatigo有6折即刻book左黎食.今次又叫左2隻味 6折左真係好抵食😛 lemon & pepper個人覺得酸左d 但勝在炸到乾身內裡有肉汁咁 可以試其他味.至於水牛城就係穩陣之選 辣辣地 有汁入口感覺好似再濃味d 但個人推介有汁個d 上次食既新加坡辣蟹我都覺得好正😉反而乾身個d 我仲未試到有一款再encore lemon衰在太酸了

So good. The best wings in Hong Kong, for sure. Many flavours, now doing an all you can eat deal as well which is very good value. Super bock on tap which is very rare for Hong Kong. Decor is also really cool with some nice artwork from a local Hong Kong artist.

午餐時間來到Wingman買外賣，Wingman顧名思義就係最出名雞翼，有很多種口味，選擇多多。今次選擇了新加坡辣蟹味（$69/6隻）黑芝麻海鮮蜂蜜和紐奧良香粉味。新加坡辣蟹味添加了炸蒜粒粒、新鮮辣椒與一點薑味，雞肉多汁可口。而黑芝麻海鮮蜂蜜由於加了蜂蜜在表面，吃起來比較甜。另外紐奧良香粉是我最喜歡的一款，微辣的調味粉食極都唔厭。額外加了一個墨西哥辣椒牛油果卷（$138），價錢稍貴但份量很大，足夠2-3個人分享，吃起來不會很乾，牛油果味道比起辣椒要淡，而外皮微熱微脆很好吃。

鐘意食雞翼既一定要去食😍😍😍有過十款雞翼味道選擇，仲要每隻都好吸引😆除左散叫，仲有90min無限任食雞翼任飲汽水/啤酒，吾怕熱氣可以挑戰下🤣-黑芝麻海鮮蜂蜜 ($69/6隻)雞翼有分濕身同乾身，濕既比較juicy食落無敢熱氣🤔依個汁甜甜地好好食，肉質嫩滑多汁！不過略嫌size細隻左啲，如果出埋雞鎚可能仲正😆-咸蛋黃雞翼($88/6隻)除左一堆特色味道之外，仲有幾款係特製產品，例如雞煲同依款自家製咸蛋黃😍上面有一堆蛋黃蓉再加上蛋黃絲，超級香口呀😋overall 雞翼炸粉吾會好厚，雞皮脆口但又做到吾會太油膩，好味☺️-Sauce dips ($20/3 款)見到有十幾種口味既醬，隻隻都好吸引，價錢又吾貴就叫左三款試下，分別係大蒜蛋黄醬/黑松靈蛋黃醬/藍芝士醬～藍芝士醬好香濃好正，點薯條一流啊😍而大蒜個個就純粹係蒜片mix蛋黃醬，無乜特別～黑松露fans都一定會中意個黑松露蛋黃醬！

果然係雞翼專家，本身諗住都係間普通專食雞翼既餐廳啫～點知，我錯喇一食就知真係掂👍🏼👍🏼👍🏼今次外賣叫左兩款：1）espresso bbq 咖啡香味一咬落去真係好香咖啡味，同埋，佢冇好厚既炸粉，但外皮都好脆！👍🏼👍🏼食落呢，咖啡味唔係太覺既，都係雞肉味啦😋😋不過都幾好食嘅，唔會乾，唔會太鹹，我覺得無論係唔係咖啡迷 都一試無妨既～2）Cali style 巴馬臣芝士蒜蓉味依款都一樣外皮非常香脆！咬落去嘅聲音真係好正☺️☺️表面都鋪滿左芝士，芝士咸香、香濃，而且配合左一啲新鮮蒜蓉，仲有蔥花！非常有誠意！雖然係食得雞翼，但絕不簡單，亦不單調👍🏼👍🏼依一隻比較惹味，我同另外兩位同事都一致認為：必食！我哋仲加咗$10要咗一個大蒜蛋黃醬呢個醬，冇得輸！鹹香得黎又帶啲蒜頭味🔥🔥啲雞翼本身已經好好食，如果點埋個醬，又變咗另一番滋味多人嘅話，可以一次過試多幾款雞翼同埋美味醬汁，相信會超開心😎😎

2020年9月13日 星期日今日係難得既星期日，完全冇較過鬧鐘，同老婆訓到自然醒，原來已經差不多晏晝一點，到準備好晒出門口落街都成兩點鐘，十分肚餓之下，唯有喺灣仔附近搵啲嘢食行到去船街附近，見到呢間餐廳係好隱蔽嘅地方，唔行到去都睇唔到係餐廳，不過外表好有外國風情入到去發現裝修更加有美式風格，貼滿咗好多外國明星嘅海報，甚至隔板都有花過心思坐低咗睇見餐牌先發現原來呢間餐廳有提供雞翼放題，有好多款唔同嘅雞翼可以選擇，價錢都算合理，可以食足90分鐘，有乾身同濕身雞翼兩個類別添。其實香港真係好少有餐廳提供雞翼放題，而且我同老婆都未食過野，相信可以大食一餐。最後我哋選擇每人$178嘅套餐等咗大概5分鐘左右，新鮮炸起嘅薯條就送到，睇到熱氣不停飄上來就知道係新鮮滾熱辣。咬落去超級脆身，幾有薯仔味，仲有唔係太油，所以最後我添左兩次至於雞翼，就係送上薯條之後大約15分鐘送到，第一轉黎既係其中六款雞翼，每一款有四隻，分別有蜜糖蒜香、黑芝麻海洋蜂蜜、泰式甜辣醬、黑椒檸檬味等等，其中最特別嘅係蒙古燒烤味，因為食落去好惹味，感覺似係食土匪雞翼。至於黑芝麻海洋蜂蜜味感覺好似有海鮮醬，食落去酸酸甜甜，都幾開胃至於第二

雞翼控嘅我終於去挑戰呢個任食放題178蚊有11款口味😈包保你食到飽！自認係大食王的大家都可以去挑戰下小妹我就食左9款口味就食到濟左啦 因為始終係炸物😙多左嘅緊係脾唒我男友啦🤣🤣佢有分乾同濕雞翼 我自己就鐘意濕身款式BBQ 同 Honey 味就最大路 都係我最愛都仲有好多特別口味 發現新大陸咁但鐘意食辣嘅就要去挑戰下作嘅香辣雞翼 我就不得了😂快要噴火 
⚠日日雞翼放題FREE FLOW WINGS⚠正式挑戰大胃王🤭! 因為疫情影響關係, 會日日推出一系列嘅超值放題! 由$128起大家可以90分鐘任食. 總共有3個唔同嘅package,大家可以碌落去睇一睇有邊個啱你!EVERYDAY ALL YOU CAN EAT, you can now enjoy our latest Free Flow Wings deal starting from only just $128! Now you don't have to wait until our $5 Wings Wednesday to SMASH them wings!🍗🍗🍗Wan Chai :📍 G/f, 33 Ship St,

你有無計過自己一口氣可以食幾多隻雞翼？不如嚟呢度試一試？11款口味，每種口味至少兩隻，我食咗兩打。在疫情高峰時候，這裡做了個任飲優惠．點178那個set也可以無限添飲汽水和指定啤酒．點菜的時候為免混亂，侍應會建議大家一次過順著餐牌上的次序，每次每位先來兩隻．我其實比較喜歡辣一點味道的選擇，例如：Lemon pepper, buffalo, mongolian BBQ and Cajun 味道．和風口味有Honey Wasabi—wasabi 是另外上，所以可以按照自己口味醮適當份量的wasabi調味。Espresso味個人來講覺得比較怪，咖啡畢竟跟雞翼拉不上關係。我估雞翼應該係用焗這種烹調方法製造出來的－－因為雞皮有點乾脆，而且皮下面的肉汁也被鎖住由於雞翼應該是焗的，上菜需要一點時間，要耐心一點等待。這裡其實有兩層，這次只開了地下。有機會想回來在樓上食多次

疫情好少少啦！所以攸桐媽就相約咗肉丸朗媽媽 @happybabylong 去食雞翼呀！.其實呢間雞翼專門店 @wingman.hk 攸桐媽一路都想去試，因為佢有好多款式，種種都好吸引呀！.今次去食，真係好正呀！我哋叫咗$178超值雞翼放題呀！有11種雞翼味道選擇！每種味道都有佢嘅特色！.雞翼控嘅我哋又點會忍到手吖~ 我哋就食咗蒙古燒烤味、泰式甜辣醬、黑椒檸檬、紐奧良香粉、水牛城醬、黑芝麻蜂蜜海鮮等等多款不同口味嘅雞翼。.真係一次過滿足哂我哋好多個願望呀!!.餐廳環境好舒服，坐位寬敞，所以我哋不知不覺就傾咗2個鐘啦~ (傾到唔想走~).今次去食雞翼放題真係超越滿足! 等我下次都要帶埋攸桐爸去食先~.肉丸朗媽媽: 我哋幾時再聚呀?!.#攸桐媽飲飲食食遊蹤 #攸桐媽 #攸桐媽媽遊樂團 #三桐攸 #zozimama #Wingman #雞翼專門店 #香港媽媽 #hongkongmami #hkblogger #親子kol #親子blogger #親子 #hkmama #hkmamablogger #hkkol

做媽媽一向唔容易，間唔使都會約其他媽媽出嚟me time 吹吹水，訴下苦。今次終於約到好朋友gathering，上網搵左一間雞翼主題餐廳邊食邊傾。😚#一齊叫雞我地都係雞翼控，唔想諗揀左食雞翼放題，可以一次過試足呢度出名的11種口味雞翼，樣樣都試到 ～Yummy Yummy！！講得出的味都有，食左水牛城醬、蒙古燒烤味、紐奧良香粉、黑芝麻蜂蜜海鮮、泰式甜辣醬、黑椒檸檬等多款口味雞翼。最鍾意佢地的鹹蛋黃雞翼和巴馬臣芝士蒜蓉味，超香口😆餐廳環境舒服，打卡一流，靜靜地傾足2個鐘都唔捨得走～Happy～好耐未試過食雞翼已經食到咁滿足～

大大大大滿足雞翼放題(つ≧▽≦)つ由於疫情關係．很久沒有跟朋友去探店了知道「Wingman」是中西區有名主打雞翼市場今天就去嚐嚐吧✨✨✨✨✨✨✨✨✨✨✨✨✨✨✨✨小店位於船街樓梯口．遠處己經看到他們家的旗幟唷＼(^o^)／一踏入餐廳內只見到 4-5張小方枱, 而且很「的骰」非常適合2個女生小約會唷╰(⸝⸝⸝´꒳`⸝⸝⸝)╯✨✨✨✨✨✨✨✨✨✨✨✨✨✨✨✨韻兒選擇了$178 雞翼套餐：有10款味道-飲料-另外還額外加一客甜薯薯條😁甜薯薯條-跟一般薯條不同．多一份煙韌感覺味道帶點甜味,容易入口ヾ(˙❥˙)ﾉ桌面上有放一個鐵筒供棄之雞翼骨用店員上菜時更貼心提供手套-以免進吃時弄污手雞翼味道：個人最喜歡的4款口味是蒙古味燒烤-這是坊間比較少見口味-很特別水牛城味- 傳統口味╰(＾3＾)╯就是喜歡他那點辣味.芝士蒜香味-這是人人都喜歡口味吧♥️黑芝麻 -香口-為雞翼更加層次口味✨✨✨✨✨✨✨✨✨✨✨✨✨✨✨✨✨Wing man 正式挑戰各位大胃王🤭! 他們總共有3個不同的package等待大家 🍗🍗🍗Wan Chai :📍 G/f, 33 Ship St, Wan Chai☎ 2669 9309

呢日放假出咗灣仔拎嘢，之後去咗呢度買外賣上我姐姐屋企一齊食順便探下b雞翼口味超級多我同姐姐都鍾意食辣同重口味叫咗一個之前冇試過嘅新加坡炒辣蟹味，另外我仲揀咗個比較少見嘅特濃咖啡味雞翼仲有叫咗一客松露薯條「隔離板」都花咗d心思，幾搞鬼等咗大概十至十五分鐘終於有了個紙袋都幾靚天氣好熱，終於上到我姐姐屋企開餐好彩d雞翼都仲熱熱地！一打開聞到勁香蒜味左邊係新加坡炒辣蟹，右邊係咖啡味辣蟹果個椒蒜味非常突出香口，有少少辣加埋d香蒽真係非常香口惹味雞翼肉質亦都幾嫩滑，唔會好乾好鞋另外一個咖啡味真係幾特別佢上面有啲咖啡粉，食到咖啡嘅甘香味同雞翼亦都出奇地夾不過我自己就鍾意炒蟹味多啲薯條份量好大，味道都唔錯

灣仔修頓球場莊士敦道那邊，行入横街，過埋皇后大道東，望入船街看到搶眼黃色招牌WingMan。雖然已經到了下午茶時間，但All Day Breakfast、午餐及任食放題(最近益大家天天有) 樣樣都可以試。大家都肚餓，決定任食放題，朋友第一次來，想試多幾款，選擇了十一款wings那個放題套餐，唔食薯條可以飲啤酒，太好了，就這個吧。店內裝修遍美式，播放輕鬆音樂，其中一面牆貼滿當年黑膠碟套做裝飾，另一邊是酒吧檯，啤酒送雞翼一流。如果人多會開埋樓上，私隱度高，相信可以包場搞 Party。黑椒檸檬 Lemon Pepper，酸咪咪好醒胃。蒙古燒烤味 Mongolian BBQ，烤香之後灑上孜然粉，香港人越來越愛上這種味道。咖啡香味 Expresso BBQ，少少咖啡味，帶啲啲苦澀，雞翼肉汁依然保存，新穎配搭，值得一試。紐奧良香粉 Cajun Spice，算比較辣的一個味道，惹味無比。田園風味 Ranch，自己喜歡這款，因為是某薯片味道，蔬菜忌廉沙律醬味，曾經吃韓式烤雞都有類似味道。巴馬臣芝士蒜蓉味 Cali Style，這個大家都愛吃，原來芝士同蒜蓉這樣放烤好雞翼上吃是這麽吸引的。水牛城醬 Bu

今次嚟到灣仔因為疫情而推出任食雞翼既餐廳。哈，你唔好彩喇，因為我係雞翼狂徒，雞翼自己見到我都掉頭走😏小心食曬你全公司嘅雞翼🤣佢哋有好多款嘅味道，我最鍾意係蜜糖wasabi雞翼🤤😋(8分）， 有一款我只係食咗一隻就不了， 因為辣到奶仔鍾意辣嘅朋友 就冇問題 我呢啲平時唔鍾意食辣嘅一食即刻全身開花灑😭食得出即叫即整🤤幾脆， 不過因為全部都係炸嘅 所以又真係食唔落得太多，食左廿幾隻左右就放過左佢哋， 因為啤酒任飲😍飲咗好多罐🤣🤣🤣咩都抵返哂，隻意大利啤酒唔錯🤤 #好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat #BestWingsInHK #雞翼 #任食 #雞wing#FreeFlowWings #Wingmanhk #COVID19@wingman.hkWingman地址: 灣仔 船街 3