URBAN Café Commune (MOKO新世紀廣場)

營業中

休息中

行旺角行到腳軟，行行下去左新世紀廣場～6點幾，食個early dinner想搵d未食過嘅試～之前見到urban cafe 想試，但要排隊等位所以無食，今日竟然有位（因為早，後尾已經排晒長龍），就去試下啦！最鍾意試新野，伏嘅咪最多無回頭叫set dinner 有龍蝦湯同桃汁送～叫左個beef burger幾好食啊！雖然塊牛唔係靚牛又唔係好juicy，但配合菜同cheese 係okay嘅！ 不過想重點介紹個三文魚菠菜risotto 睇落好唔吸引，好似會有草青味咁。但我覺得幾特別wo 有驚喜好fresh、好滑、間唔中會食到d少少苦澀味，成口充滿菠菜汁，但食晒成兜唔會覺得膩，又健康。下下食芝士/忌廉/羅汁risotto 都食到厭啦！

初初一睇佢既位置，就以為佢係又貴又唔好食既地方, 同埋因為係自己對煮西餐都有D心得，所以我成日覺得香港D 西餐麻麻，又少，又唔好食，平貴都已經唔係問題。。。點知呢到有驚喜。 入到去，見到差不多每一枱都係食雞，老公就叫左雞，我就叫左seafood risotto.  隻烤雞黎到，真係好入味，肉質又好嫩，好正～如果D薯條可以再多少少就perfect 啦! Risotto 個味道好濃，海鮮味，料又多，份量比起出面食既risotto 都多!! 軟硬就偏淋左少少，不過都好ok ! 蛋糕就唔係好甜，D cream 好香! 呢間野，又好食，價錢又reasonable ,可以話少數係香港我想encore 既西餐=) 

見到Urban Cafe好多好評，難得相約兩個好朋友食飯，就試試佢啦三個女人叫左三個set同三件cakeURBAN三小時慢烤法國肥雞(1/2)配沙律菜薯條 $168肥雞慢烤三小時，肉汁鎖唔住，肉質比較乾柴反而薯條有驚喜，即炸夠熱再配一大兜茄汁法國鵝肝牛肉漢堡配薯條 $158牛肉漢堡好濃牛味，亦好juicy鵝肝夠大件，煎得兩邊啱啱好金黃色美中不足就係個包索哂油，最底果層包完全食唔到，因為扁哂一廠龍蝦 (芝士意麵底) 用新鮮義大利蛋意粉 $218蛋意粉口感好好，好嚼口主角龍蝦肉質比較梅，而且冇龍蝦味芝士味好淡，汁醬比較乾身跟set配凍桃茶或汽水凍桃茶好飲，夠大杯食完主菜當然到女人最愛：甜品所有Cake都係$38一件，算幾抵食紅色cake：Strawberry (The Elmo)黃色cake：Supermango紫色cake：The Good Guy三種唔同口味既蛋糕，都係同一個缺點蛋糕唔夠軟熟，Cream都係冇味的三個女人大失所望

每次繁忙時間經過，也有一條人龍在排隊等位，今天剛好過了午膳，又未到下午茶時間，沒人排隊，但餐廳内也坐滿了七成人。套餐價錢也合理，可另加錢配餐湯和飲品，食物味道也不錯，賣相也精緻。

以前食過2次，覺得慢煮烤雞好好食，今次再黎食過，點知發現水準已大不如前。烤雞配薯條，烤雞烤到d肉好乾好鞋，舊雞又細件，差到唔想再食，同店員反應左，雖然我無要求更換或者取消，但餐廳一點歉意都無，只係應左句“好吖，同廚房反映番”，咁就算，一句解釋或者道歉都無。鞋到呢…到下午茶時間，朋友叫左個油封鴨腿漢堡，個鴨腿原來係碎上嘅，仍然是又乾又鞋，食唔出有鴨嘅香味。全餐最好食係薯條。對呢間餐廳覺得好失望，已經食唔番初期嘅水準，下次去新世紀會試其他餐廳，好似銀座梅林或者brooklyn。

落堂嘅時候差唔多係夜晚九點鐘，肚仔餓到扁但竟然諗唔到食乜嘢，為咗方便搭車就決定行上新世紀，見舖頭無人排隊咪向侍應示個意。其實已好幾次一個人嚟呢度食飯，點咗個五十九度慢煮牛柳配薯蓉，個餐包埋龍蝦忌廉湯同一杯飲品。唔駛等好耐啲柯打就嚟晒我面前......個湯煮到結遢遢之餘仲有啲偏鹹，飲咗三分之一我都忍唔住要放棄；主菜方面個人認為無咩特別驚喜，奇在食晒成碟嘢飽肚感完全欠奉！最後惟有嗌件蛋糕作為飯後甜品，食落去酸甜軟熟都總算有啲安慰。建議平日嚟食質素相對係會好啲，埋單二百幾蚊值唔值就見人見智。

還未到討厭的雨季，雨便已不個不停。沒心情撐著雨傘出外覓食，決定在MOKO吃個quick lunch。平日午膳時間總是大排長龍的Urban今天竟然只有兩三人排隊。這麼多人光顧的餐廳，想必食物水準不錯，於是與朋友邊看餐牌邊等位。不到十分鐘便已被安排入座。看見鄰桌的牛肉漢堡賣相不錯，也跟著點了一份，朋友則點了全日早餐。侍應很快便端上香噴噴的韓式牛肉漢堡配薯條。一試之下卻有感：金玉其外，敗絮其中。漢堡賣相雖好，煙肉卻又乾又硬；牛肉肉質鬆散，毫無牛味可言。惟一可讚的是韓式醬汁挺惹味，令整個漢堡不至於淡而無味。配菜的薯條剛炸好，份量甚多，兩個人也吃不完。也許是選錯餐，也許是餐廳名大過實，實在想不通為何這個質素仍可吸引長長的人龍。但在這下雨天一試後，至少我以後不用再心思思想試試這受歡迎的餐廳了。

一般的Urban Bakery都只買麵包或牛角包，而這間Urban Cafe Commune是有提供午／晚餐。• URBAN 3小時慢烤法國肥雞半隻 （$168）配有沙律菜和薯條，薯條沾上烤雞的肉汁和香草是非常好吃的。一到餐廳排隊的時候，就會看到一隻隻烤雞在爐中轉來轉去，因為用上3小時烤製，所以肉質很嫩，外加很鬆脆。• 帶子紅鞋意（$128）紅菜頭意大利麵，所以紅紅的，並巧妙地附有兩條真。紅色鞋帶糖，以假亂真，加上帶子，是新奇有趣的配搭。• 龍蝦湯+凍桃茶（隨餐附送）龍蝦湯濃郁，凍桃茶不會太甜，恰到好處。• 牛油果沙冰（$42）牛油果狂迷超愛，牛油果味香，又不甜。• 牛頭角牛嫂（$48）厚午餐肉+芝士+流心煎蛋+菠蘿牛角包，一齊吃下感覺好幸福。• 芫荽牛角包（$16）芫荽我不愛。但我朋友很愛，據他說芫荽味不太濃，我吃了一口，的確蒜味比較濃，但也有芫荽的草青味和獨有的芫荽味。

三五知己黎moko行街，見到urban條龍超級長，行完街大概9:30pm，等左10分鐘就有位。呢度無得攞飛等位，亦無得預先訂位，好怕排好耐隊既朋友，建議一係早過6pm，一係夜過09:45pm。晚餐都有很多選擇，例如漢堡、意粉、飯或者薯條。價錢由$118至$218，價錢中上。每個晚餐包一個主菜、一個湯同一杯餐飲。---龍蝦湯---加左少許忌廉，湯味道不錯，唔會有死鹹既味精味，尚算滑口。有細細啖既龍蝦肉，讚。飲完好開胃。---鬼妹三文魚伴西洋菜義大利飯--- $168上面滿佈我最喜愛的火箭菜，正。火箭菜有獨特香味，小小辣椒味，小小香，不論單食定配其他嘢，都係match。有一舊煎三文魚，凍左食有dd腥，三文魚有骨，不過係好大條好明顯既骨，不怕誤吞。西洋菜味道唔出，我諗只係取其色而唔係取其味，似普通燴飯，總體來說，呢個飯唔好食，亦唔抵食。---慢烤法國肥雞半隻拼沙律菜同薯條--- $168烤雞應該係urban既招牌菜，一定要試下。睇得出有大量香料醃製，不過可能醃的時間唔夠耐，香草味唔算好出，只係食到有黑椒。外皮烤得香脆，記得要連皮食，雖然話係烤肥雞，但一d都唔肥，無肥膏，唔油膩。雞肉唔算非常嫩

今日原本預咗去旺角食龍蝦飽，去到旺角由於太大雨🌧，為免濕身，我哋臨時轉場去新世紀廣場碰吓運氣睇吓有咩好食。一到埗即刻揾水牌，十幾廿間食市當中喜見一隻烤🐔相非常吸引，所以今次選擇咗去urban cafe試菜😋大約等咗廿分鐘就有位，因為今時今日啲食市大多數採取限時制度(90分鐘內完成進餐)成三點幾都未食晏，太肚餓了！所以一坐底就先點咗個必選嘅urban 3小時慢烤肥雞半隻(諗住可以先上，但最終係所有嘢差唔多時間一齊上)，之後再補點個59.5°C慢煮美式烤牛肉伴薯蓉，個餐包咗是曰餐湯(今日係龍蝦仔湯)同埋一杯餐飲(我哋選擇了凍桃菜)上餐速度都快，剛補點完就上龍蝦仔湯，一般市面上龍蝦湯都偏咸，甚至乎會帶有苦澀味，但飲過一啖後，感覺味道適中，亦都冇苦澀味，龍蝦仔肉都有四舊，都算足料，唯獨是龍蝦仔煮得太老，鞋鞋地，整體上算唔錯👍其實飲緊湯其間，隻肥雞同烤牛肉，甚至乎凍桃茶已不知不覺間放晒喺枱面😂隻肥烤雞確實烤得香氣撲鼻，未飲完碗龍蝦湯，我已急不及待開動隻肥烤雞，肉質嫩滑香口，最値得一讚係廚司用心地將雞皮上肥膏飛走晒，所以雞皮烤得翠口，超正😋伴碟嘅薯條亦都肉厚軟身(跟餐個茄汁亦都比一般茄汁甜口好味）

一直都覺得呢間鋪頭唔錯幾好食而且價錢都合理 所以今次係旺角都揀左呢間 Urban Cafe Commence 食 但次次食呢間都要排一陣隊 今次就等左3-4個字就入得今次已經係第3次食 中意佢既原因係佢鋪面既設計都幾特別至於食物方面就選擇唔算多 但都算五臟俱全 沙律 意粉 意大利飯 Burger 据排 燒雞 呢啲都會有首先就黎左個湯先 今日係serve 龍蝦湯 味道好香濃 有幾舊龍蝦肉 都好足料 好好味主菜就叫左63度溫泉蛋卡邦尼意粉 上次都有叫佢 覺得好好食所以今次都叫左 但今次有少少失望！因為啲麵唔知點解轉左 之前用意粉 配埋cream食落好滑同爽口 今次配左呢隻麵好鞋好硬 一啲都唔match 另外就叫左個韓式牛肉Burger 呢個份量好大 兩個人食就岩岩好 牛肉加埋煙肉一齊食更加香同野味～ 加埋啲蘿蔔同埋韓式醬汁 cross ocer得幾夾 唔錯～每次黎食飯都會叫peach tea 好好味 唔洗成日都叫冷檸茶 配搭值得欣賞～

9:40pm 坐低左先話無湯得沙律，無桃茶得汽水，最想跟餐個兩樣都無晒，勁灰。出餐都算快，10點鐘出到所有野食但一放低主菜即俾張單我地，叫我地即刻埋單。幾個人同一樣野飲同一種杯但每個人杯野飲份量差好遠，另外杯coke zero無咩氣，飲糖水咁。個前菜salad好少汁，唔太好食。最無奈係跟住黎個主菜竟然係配salad，而個salad 竟然同前菜個salad係一樣樣，同一個醬。薯蓉好滑， 但牛排凍凍地同有d騷個kimchee burger 幾好味但kimchee味唔重。

同sweetie行新世紀moko,見到有個似外賣既檔位賣緊牛角飽,我就衝埋去睇吓,見侍應嚮嗰度取飽過左隔離露天餐廳~ 跟住同sweetie過去露天餐廳坐低,侍應無招呼,無推介,淨係同我地講90分鐘交枱,到90分鐘就即刻趨我地埋單交枱,其實當時好多吉枱,又無人外面排隊~我地叫左下午茶餐 配餐飲品1杯,1) 大膽菠蘿牛：個菠蘿牛角飽又凍又硬又乾又un, 仲包住夠厚一厚既冰牛油,我真係失望到一個點... 好難食!!!2) 香辣熱狗薯條： 薯條係ok既 新鮮炸起,個熱狗好多醬,個飽濕淋淋,一路食啲醬一路跌落黎... ...3) Cookie Monster：個蛋糕除左上面嗰塊Oreo,件蛋糕完全零曲奇味,只係一件朱古力cream蛋糕,有種被騙既感覺,名不符實......btw 真唔會再去尼間劣食!

同朋友黎下午茶，大家都唔係好肚餓所以叫左兩款蛋糕試下我地叫左個cookie monster 同埋一款 士多啤梨味蛋糕（唔記得叫咩名）兩款蛋糕外形都好大件，不過食落去普普通通，唔會令人有好想再食既衝動，個蛋糕質地偏「鞋」，士多啤梨果個味道太酸Tea set menu 大部分$55-$70左右 仲包埋飲料，不過55$食呢件蛋糕就略不值

平時行開見呢度都要排下隊，咁岩星期一同男友仔放工行過，竟然唔駛排喎! 即試Set dinner都有10款左右，平均120~170一set, 連湯同野飲。好興奮咁叫左佢既signature炸魚，仲有菠菜三文魚意大利飯。炸魚賣相可以，份量適中。三文魚意大利飯一上檯就覺得個樣麻麻地…食落好失望，係無……味……的……所以，只此一次。同樣價錢係同一個商場既西餐都仲有巧多選擇