URBAN Cafe (彌敦道)

營業中

休息中

好耐無去過有喵喵既cafe啦，記得好多年前有間阿貓地攤，不過好耐無去嚕。呢間Urban Cafe位於旺角，裡面超多喵喵🐱，而且門口貼左好多文宣啊！..某星期日去，全場爆滿😆 首先，入去前要先著鞋套，避免為喵喵帶來灰塵細菌，然後店員會幫你測體溫先放行，保障自己保障其他客人🙏🏻..基本上，你一坐低第一樣做既，唔係睇menu，而係睇喵🤤 會唔會有人吸喵吸到飽？！🤣 太多款食物想試，最後叫左二人餐😌 包兩份主食、兩個湯、兩個沙律同兩杯飲品，另優惠價加左一份小食拼盤～..💛西班牙黑毛豬肋骨配薯菜份量幾大下，黑毛豬🍖肉質軟滑，搭配醬汁好好味。薯條🍟其實係粗薯條，口感唔錯。..💛即磨芝士黑松露野菌大啡菇忌廉意大利飯呢碟真係素食都啱食🤤好香既黑松露🍄、加上芝士🧀同白汁忌廉，無肉都好惹味😋 食完都幾飽下～..💛滋味2人小食拼盤有炸雞🍗、法蘭克福香腸同薯角，香口野無得頂啊!!!!!!🤩🤩..💛是日餐湯係南瓜忌廉湯🎃，好好飲，好滑～不過湯應該定期轉，所以有機會唔同。 ..💛沙律店員貼心地端上兩款唔同口味既沙律🥗，等我地可以互相share👍🏻為左保持衛生，記得互相分享應該在進食之前夾好要食既食物去自己碗先啊～

起碼食左10 次以上都有，都叫左好多frd 幫襯，open rice book 9 點話會有9折，早到又無通知聲如果早入無折，埋單問個女仔就話入枱單個下就定左，都唔緊要，汁枱，抹枱好似發脾氣咁，不過見到咁多貓貓陪住就算啦，希望下次去會有待改善，野食都係平靚正既，又多貓

Urban Cafe係一間貓cafe黎餐牌每兩星期會轉一次入面有好多隻貓🐱🐱🐱但唔似傳統貓cafe focus係玩貓🐱上，似係食野bonus with貓咁。貓隻隻都好肥好可愛，相信店長店員無虧待佢地，但環境好細少，對人黎講比較俠窄，而且衞生唔係太好，當日去好多污英仔貓打完食左都唔係咁好。同埋餐牌後的玩貓守則痴係枱上會好啲～叫完餐未睇完就比店員收左～ 至於食物方面叫左肉醬意粉同青咖哩意大利飯，兩樣都好好食，但飲品就麻麻 叫左杯紅豆奶茶完全無味，叫返免費的汽水會安全啲🙈價錢好合理，野食好味～整體而言都值得再去～

餐廳：URBAN Cafe (旺角)地址：旺角彌敦道566-568A號僑建大廈2樓今次再黎到旺角僑建大廈2樓朝聖呢間深黃Urban Cafe☕️，比上一次黎多左好多文宣😍，仲播住港台嘅頭條新聞，除左可以係到同成班朋友自由傾，仲可以探下呢到嘅貓貓對上一次黎食晚餐已經好多人，估唔到中午一樣爆曬棚，想黎食真係要預早book位📞，繁忙時間限時90分鐘呢叫左個燒紐西蘭牛肉眼扒($89)，有成一塊半🥩，可以揀黑松露燒汁或者日式清酒燒汁呢款特別嘅汁😋，7成熟嘅肉眼肉厚多汁，痴住少少筋增加左牛脂嘅香，仲可以揀意粉或薯菜另外點左個香辣蒜香蜆肉橄欖油炒意大利麵($57)，意大利麵加上蘑菇、三色椒粒、辣椒🌶️、洋蔥🧅、蜆肉等真係色香味俱全🤤，用橄欖油爆香呢啲材料真係聞到都覺得好食跟餐仲送粟米吞拿魚野菜沙律🥗，加$8仲有個南瓜忌廉湯，呢個湯真係好creamy好重南瓜香🎃，仲要好好彩比我叫左最後一個；加$17叫左杯Oreo脆脆特濃朱古力，Oreo同朱古力都係我嘅至愛，飲落口暖笠笠甜入心 ❤️，好飲好飲最後仲叫左個雙層朱古力蜜糖吐司配朱古力雪糕🍞($68)，兩塊厚多士塗上一層朱古力醬，多士入口香脆，仲加上色彩繽紛嘅棉花

最近心血來潮下想去cafe食下晚餐，於是又上網搜尋，一揾之下就見到呢間urban cafe, 仲見到d可愛既貓貓相，吾使考慮就book位啦。cafe地點好方便易揾，上到門口，要首先著鞋套，會有部機幫你著，好有心思入到cafe, 都幾多客人，仲有好多貓貓係到，我心情都即刻雀躍起黎餐廳既菜單選擇都幾多，真係眼花繚亂，最後簡左二人餐店入面既客人越來越多，好彩有一早book位，侍應好忙但依然好有禮貌，抵讚首先上菜既係餐湯同沙律，飲第一啖湯果下真係好驚喜，好濃好好味，沙律都新鮮今日都幾肚餓，吾使一陣已經KO左個沙律同湯，好快到d主角上場啦呢個係日式靑蟹籽大硯大䓤忌廉扁意粉。意粉質地軟硬適中，煮得剛好，忌廉汁香濃，日式靑蟹籽我都係第一次試仲有一杯係牛奶特濃朱古力，夠晒朱古力味，又吾會太甜，十分好安格斯牛肉手工竹炭漢堡配薯角，呢個勁有驚喜，一上枱果下已經好吸引，食落更加係心心眼，牛肉肉汁十分多，一點都吾乾，個包又軟熟，我秒速就食晒。飲品係香草薄荷朱古力，呢個飲完會有好fresh既感覺。由於今日實在太肚餓，多叫左一個温泉蛋煙肉野菌黃金卡邦尼扁意粉。呢個個賣相都好吸引，温泉蛋既蛋汁撈埋d意粉一齊食，再配

第一次去貓貓cafe🐱☕️💕一入到門口已經見到d貓貓訓系佢間屋仔度迎接我地🥰叫哩幾樣都好食😋carbonara加左d菜苗幾fresh，唔會好漏😙但之前叫過小食拼盤（有雞翼果個）同薄荷巧克力，覺得麻麻☹️哩間店即使係疫情關係都好多人去，所以環境都會比較逼，加上可能太忙，員工都唔係太得閒理我地😅可能要舉3次手先會睇到😂d貓貓好乖，如果大家鍾意同🐱玩既，可以去試下🥰

樓上cafe有好多，優質樓上cafe就唔多，今日就食到一間正野本身就知係貓cafe,上到去見到鞋套機，即刻對間餐廳好有好感，起碼係錫貓嘅，唔係當佢地係工具。就算以樓上cafe黎講，咁豐盛嘅二人餐都只係278，幾抵！就算係想上黎俾貓玩，淨係嗌飲品都有好多選擇，仲要樣樣都好吸引好高質！不過要留意返好似有最低消費！蘋果醋荔枝伯爵茶好飲，天然嘅味道絕對唔係調味劑可以比較嘅！飲落酸酸甜甜，甜度又適中，非常舒服！推薦！水蜜桃沙冰滿滿一杯！非常有滿足感嘅沙冰！溝埋上面嘅cream同沙冰一齊飲，好正慢煮雞胸健康減肥之選！雞胸黎講處理得好好，啲肉仲係好嫩，蘋果醬汁好fresh,食落冇負擔！荷蘭香草汁配牛柳擺碟勁靚打卡嘅時候有貓仔上黎一齊影相牛柳好大舊，仲有勁多薯菜，一個人絕對夠飽。牛柳好嫩，調味都係偏清淡。餐廳入面有好多隻貓仔，每隻都好得意成餐飯淨係掛住睇貓

依家出去食野，風頭火勢，一定要好小心，注意消毒。在進去Urban Café之前，除咗要著佢提供的鞋套外(門外有自動鞋套機器)，入內給店員量體溫，使用自動酒精搓手液這些措施，當然都是少不了的。Urban Café的貓貓們完全不怕人，整間店都是貓貓的活動空間，每一隻的頸部都有牠的名字，有些會好乖咁伏在客人的袋子上休息，有的會跳上餐枱上陪你一齊食嘢添！我們先點了避風塘香酥雞翼和美國安格斯西冷牛扒配黑松露燒汁。「避風塘香酥雞翼」看上去已經很吸引，雞翼有5隻，都算大隻，炸得好甘香不油，食落去脆脆的，中間的肉很嫩有汁，好快就被我們清晒！「美國安格斯西冷牛扒配黑松露燒汁」七成熟，牛扒都算大塊，肉味較重，吃下去幾有咬口。「紫薯拿鐵」奶味幾香濃，配上淡淡紫薯香味，口感香滑，感覺窩心舒服。食完正餐就食甜品，我們選了「雙層朱古力蜜糖吐司配雪糕」，雪糕是曲奇味。吐司上面鋪滿厚厚的朱古力醬，食落去又有絲絲蜜糖香味，好sweet啊！整體服務很好，店員是可愛的女生們，禮貌又友善。

今日小妹帶大家黎到呢間URBAN Cafe同眾多主子食野。黎到門口，記帶消毒探熱，仲有著上cafe門口提供既鞋套先好入去。Cafe環境地方闊落，而且私穩度高。。金文不芝士挪威煙三文魚意大利黑醋沙律沙律菜好Fresh好新鮮，三文魚都好好食，配上意大利黑醋，作為前菜好開胃。。美國豬鞍扒 配檸檬蘋果醬豬扒肉質嫩滑，肉汁飽滿，檸檬蘋果漿酸酸甜甜，食落好得意。。意式辣肉腸拉絲水牛芝士手工薄餅芝士拉絲，好正，而且芝味濃郁。不過如果辣肉腸等配料多d就好啦。。朱古力雪山心太軟心太軟勁流心，雪糕係曲奇味，口感好綿，呢個甜品作結尾簡直完美。。蜂蜜柑桔檸檬梳打蜜糖香甜，加上柑桔檸檬，酸酸甜甜好好味。。意大利榛子咖啡味道比較淡，唔係好飲得出榛子嘅味道。。

好耐無去過CAFÉ食飯 有小動物既更加少,,,,今晚就去了黃店兼貓奴最熱愛既CAFÉ ，一齊上去玩下貓,relax下注意D貓貓真係好鬼可愛,,, 貓奴必既餐廳餐廳既清潔措施做得好足, 入門口前要著鞋套 量體溫 搓消毒噴霧之後 就可能開始 玩貓貓同食野食物質素方面唔錯 加上貓貓好痴人好嗲 佢地成日係枱度撩我哋玩避風塘香酥雞翼此避風塘不同彼避風塘, 因為佢唔係辣個系統 以香脆為主雞翼大大隻 又好咬口 真係唔錯 西班牙燒烤黑毛豬肋骨配薯菜焗到好juicy肉質非常嫩滑肥美，燒烤醬 惹味 入味！配上薯菜，份量特別充足！但豬肋骨既鬆散度未到Ruby Tuesday一切即化既水準 都好味道既大蝦配東瀛蟹籽墨魚汁扁意粉2隻大大既蝦 一上枱已吸引眼球扁意粉沾滿墨魚汁 再配合蟹籽 口感豐富還加入了香菇和墨魚絲 濃濃鮮味 不錯不錯柑橘蘭香子梳打加入香橙既梳打水酸酸甜甜再以蘭香子的口感 好開胃又好飲 蘋果醋荔枝伯爵茶蘋果醋唔會太酸 而荔枝都好香純 甜品叫左法式水果可麗餅新鮮打CREAM 滑而不膩 加草莓醬 甜甜地 可麗餅好鬆化 雪糕都好好味

今日嚟到一間位於旺角嘅一間樓上Cafe - URBAN Cafe。呢間Cafe除咗環境舒適仲有好多貓貓，而且呢間餐廳乾淨衛生，佢之前除咗有酒精探熱之外，仲有鞋套，確保無論係我哋定係貓貓們，都有一個衛生舒適既環境。呢度啲貓咪非常Nice非常可愛，鐘意貓咪嘅一定要黎。。川式麻辣酥炸雞鎚川味十足，外皮炸得好酥脆，而且雞肉非常juicy，外脆內軟。麻辣既味道岩岩好，愈飲愈過隱。。美國安格斯西冷牛扒 配黑松露燒汁牛扒肉味濃郁，切落仲見到pinkpink色，口感吾錯，黑松露汁西冷扒好夾，好食。。西班牙紅蝦東瀛蟹籽墨魚汁扁意粉大大隻紅蝦好吸引，蟹籽都非常鮮甜，意粉口感彈牙，配上墨魚汁好特別。。金橘蘭香子梳打金橘嘅味道濃郁，配上蘭香子同梳打水，清新又健康。。草莓荔枝紅莓乾花茶清清嘅水果味，加上淡淡嘅花香，幾好。

餐廳裝修簡潔明亮，著重環境清潔同食客個人衛生，入門前要先著鞋套👣，繼而量度體温同消毒雙手👍🏼，保障食客們，又保障到貓咪健康成長😸。2人及4人套餐CP值高😽，價錢相宜，食物選擇多又大眾化，但就算單點食物價錢都好合理，份量又多，真係好抵食😋💕。.😽2人套餐💲278😸.🍲是日餐湯 x2餐湯係超好飲既南瓜湯😍，充滿住南瓜蓉南瓜絲，極濃郁同creamy😋。.🥗是日沙律 x2.🍴滋味2人小食拼盤＋💲28🔸法蘭克福腸//唐揚雞塊//薯角只需要＋$28就有咁多野食😻，炸雞塊好香脆，肉好嫩滑，但薯角林左少少。.🥘即磨芝士黑松露野菌大啡菇忌廉意大利飯黑松露同菇既味都好香濃，忌廉口增加到意大利飯creamy既口感👍🏼，芝士片既份量真係好多😋。.🍔安格斯牛肉豆乾竹炭漢堡配薯角🔸 竹炭漢堡//安格斯牛肉//牛肝菌燒汁//車打芝士//蕃茄//萵筍竹炭漢堡黑色既外形好特别好吸引，包有烘過外脆內軟，蕃茄好多汁同fresh，牛肉都好嫩滑多汁，配埋熱溶左既芝士好正😋。.☕飲品 x2.🍮雪山心太軟＋💲25 x2

旺角貓餐廳，好多得意嘅貓貓😚😚😚，好掛住佢地， 返到屋企就想立即出post😂有一隻好識貨，瞓係我既又暖又滑嘅大腿上🤣🤣，係嗰一刻，成個空間只有佢同我😍餐廳食物選擇都好多1. 美國西冷牛扒配黑松露燒汁及薯菜（$158）-5 成熟， 我個塊無過熟，都幾好食。2. 意式辣肉腸拉絲水牛芝士手工薄餅 （$98） - 真係有拉絲，薄餅皮都好脆，番茄醬酸酸地幾開胃，不過辣肉腸就唔辣3. Oreo 脆脆特濃朱古力（$58）- 又幾香朱古力味，又唔算太甜😋價錢合理，食物味道還可以，好多貓貓，所以好多人幫襯！

不能周圍去玩，唯有食好啲，帶小朋友到特式cafe開心一下，今次揀左旺角嘅Urban Cafe，同小朋友與喵星人享用午餐，預先book定檯確保有座位，一入餐廳已見到喵星人們坐在檯上，勁！可！愛！小朋友們興奮到不得了！ 原以為貓cafe主打喵星人，估唔到食物水準一樣高，人頭消費最低一百蚊，點了個2人餐有餐湯沙律，主菜係pizza加青蟹籽意粉，加$28配小食拼盤，再$25配心太軟甜品，再另外order了水牛雞奕，餐飲就補錢飲花茶果茶，埋單$480，值得再去的餐廳！

因為上次嘅良好體驗 所以今次上去吃lunch 希望試下其他菜式 同埋陪貓貓玩 結果今次揀嘅食物都好失敗 特別係甜品 我唔係太滿意黑毛豬肋骨 配薯角豬肋骨有兩大塊 配上薯角 同埋沙律 份量好大 跟餐都會有 一碗沙律同埋湯 一定夠你吃 豬肋骨 燒得好入味 而且好鬆軟 基本上你用叉同刀 好輕易就可以撕開 啖啖肉 吃肉獸最愛 薯角一如既往咁好吃 外脆內軟 不過我個人唔係太鍾意BBQ醬汁 因為我覺得個味道 好霸道 甜味同酸味 吃多左會阻塞味蕾 配上 薯角會有小小辛苦 因為兩個都重口味 我自己唔係太鍾意個甜品因為真係有小小普通 一塊圓形嘅pizza個餅底 上面加小小 cream 棉花糖 同埋小量朱古力醬 自己覺得好求其 而且你地大概會想像中係乜嘢味道 同埋有小小乾 希望店主見到可以 將這個甜品在菜單上剔除 避免客人中伏