URBAN Cafe (彌敦道)

營業中

休息中

上open rice一打cafe就搵到呢間，之前有聽朋友提過一直無機會試。今日終於有機，太餓了，一叫就叫到成檯都係～天口太熱啦 叫左杯凍Oreo朱古力 不過略微甜左少少（同埋唔用膠杯會開心啲，小扣分）不過啲野食就加番好多分。碟碟都好大碟，最後食到捧住個肚走。前菜叫左個炸雞，黑松露芝士薯角同冬蔭功青口，主菜一個意粉大蜆意粉。個炸雞炸到好香口 食落熱辣辣雞好嬾，個粉再薄啲會更好。個薯角就幾特別唔係薯通乾身個隻 有小小似芝士汁咁 都幾新鮮之前未試過，又唔算好漏！個意粉收汁收得好好又唔會水汪汪咁，啲汁岩岩好包住啲意粉，蜆肉漲卜卜咁，非常唔錯。不過上面果啲都係嘍囉，個青口一出全部收皮。呢6隻青口好大隻，雖然佢最後上但係食到好飽都忍唔住都突然再開胃食哂全部。加上佢果個冬陰功汁岩岩好酸酸地唔會好辣，正到無人禁住一定會當湯咁飲哂。再者食食下會有啲生物突然跳上檯一齊陪你食，覺得好幸福，不過我個位對住個mon成程都播住政府既惡行 令人勿忘初心 不過食食下食到唔係咁開心都係真既，你坐我果個位你就會懂，香港人🥲頂住

抵食二人餐加爆芝pizza～～～星期日去朗豪坊行街之後過黎覓食 呢間Cafe雖然係第一次食 但係之前都聽朋友介紹過好多次 佢哋啲嘢食好抵食二人套餐都係二百零蚊 ～～～下晝五點幾黎到已經要等位 人氣非常鼎盛 如果唔想等太耐 記得要book位 門口有鞋套機 非常衛生 一入門口就見到可愛嘅貓貓 打開餐牌 餐牌有好多選擇 揀嚟揀去 諗唔到食咩嘅我哋 最後就揀咗二人餐～～～二人餐裏面有 餐湯 沙律 兩樣主食 同埋兩杯飲品 如果唔夠食嘅話仲可以以優惠價加配小食或者甜品🍰～～～今日嘅餐湯係南瓜湯 食落去食到絲絲嘅南瓜肉 好足料 香濃幼滑 沙律就幾清爽 加埋凱撒沙律醬 味道不錯 酸酸地幾開胃🥗～～～日式青蟹籽大蜆大蔥忌廉扁意粉：青蟹籽顏色好靚 大蜆無沙 扁意粉幾彈牙 整體都不錯🍝～～～西班牙黑毛豬肋骨配意大利粉：唔鍾意食意粉嘅朋友可以揀薯菜 不過個人就覺得佢嘅意粉幾好食 食落去散發陣陣牛油香氣 豬肋骨醬汁濃味程度啱啱好 豬肉無雪味 幾軟爛 🐷～～～食完二人餐之後 我哋見到好多人都嗌左Pizza所以就跟住叫咗一個夏威夷pizza 不得不說佢呢度嘅Pizza真係好足芝士 啱啱新鮮焗企熱辣辣 餅底幾脆 而且

已經唔知第幾次幫襯呢間人氣樓上cafe🥰每次都book定位先 咁就唔使等位 因為次次入親去都見到門口有人排晚餐來講最抵就係二人套餐$278 因為其他餐牌都係單點二人餐就有送沙律、餐湯同嘢飲最期待就係佢哋嘅南瓜湯 又滑又夠奶 好creamy 仲有好多南瓜蓉 又甜又好飲❤️ 如果再熱少少就perfect🙈沙律菜都新鮮 配上沙律醋幾開胃小食拼盤+$2828蚊就有個拼盤🥰 勁抵食 仲好熱新鮮炸起Pasta - 日式青蟹籽大蜆大蔥忌廉扁意粉 蜆雖然細隻但好有蜆味 忌廉扁意粉又creamy又有口感青蟹籽帶點wasabi味🤣Main - 西班牙黑毛豬肋骨大大份豬肋骨～ 燒得好香 豬肉嫩滑 配上蕃茄醬中和翻豬肉嘅脂肪仲加多咗個炸雞 $58雞肉皮薄又脆 肉嫩又冇骨

💛💛💛Urban Cafe💛💛💛有貓貓陪食心情都好啲。我地嗌左二人套餐加小食同特飲，總之好鬼多🥰。兩份是日餐湯（芝士南瓜濃湯）多數呢啲跟餐湯都係是是但但比一碗湯你就算😂。估唔到依到既湯又幾好味喎，好Cream。如果熱啲就更好👍🏻。兩份是日沙律（柚子醋沙律）正正常常都唔錯，食落幾新鮮。跟餐沙律有依個質素我都好滿意🥰。巴馬火腿拉絲水牛芝士手工薄餅好食😍，完全對得住個價錢！芝士同其他配料都好多好夠，有少少薩莉亞味道😂。如果再多啲巴馬火腿就好了。滋味2人小食拼盤 加$28又熱又熱氣，不過絕對值得嗌🤍。加$18就可以有咁多款小食，仲要每一款都好好食，特別係腸仔同薯角，炸得好鬼脆啊😍。溫泉蛋煙肉野菌黃金卡邦尼扁意份好食，啲煙肉好似唔洗錢咁🤪，好多好多配料。啲味好夾，又唔會話好鹹（最緊要依樣）。同餐湯有同一個問題，唔係好夠熱😢。提子沙冰 加$20好好飲，真係好提子。有提子味得黎個味唔會好假，一啲都唔似藥水味👍🏻。上面仲有啲Cream，成件事好少女🤣。加$20有少少貴，好彩好飲，值得既😚。蘋果醋薄荷梳打 加$20正正常常，如果同提子沙冰比，提子沙冰好飲啲😂。埋單$380（包加一）

4人套餐 $538🥣是日餐湯（7.2/10）+🥗是日沙律：南瓜湯甜甜的，仲食到一絲絲嘅南瓜，但忌廉味超重，有點膩。🍝三重芝士肉醬意大利麵（8/10）肉醬好多而且好濃味，每一啖意粉都比肉醬包裹住！🧀芝士份量都幾多，無論面頭同肉醬到都搵到🥸🥸☁️芝士黑松露野菌大啡菇忌廉意大利飯（8/10）🍄朋友最鍾意呢碟～忌廉味超重，每一啖飯都好creamy~連埋唔同嘅菇類同黑松露食，整體超香口😗🍕巴馬火腿拉絲水牛芝士手工薄餅（7/10)依款薄餅比起三文魚嘅乾🤧，薄餅底主要係茄醬味，而且面頭嘅料都唔算多，感覺一般。🍕煙三文魚拉絲水牛芝士手工薄餅（7.5/10）比起上一款，呢款好食啲！薄餅底主要有千島醬～夾埋芝士同三文魚一齊食，比較惹味😬。🍫雪山心太軟 +$25 （6/10）唔推薦！一食就知係叮熱果隻心太軟，整體比較甜而且朱古力味有種好唔真實的感覺。☕️朱古力咖啡 +$17（6.8/10）飲落比較似飲緊熱朱古力，完全冇咖啡味的🥲朋友飲的：💜薰衣草咖啡 +$14🧡蜂蜜金桔檸檬梳打 +$4💛芒果荔枝梳打 +$4📍有加一📍我係OpenRice book枱的📍記得要係門口著左佢地提供嘅腳套先入去cafe

喵喵cafe去唔厭🐈二人餐 $2781. 日式青蟹籽大蜆大蔥忌廉扁意粉 青蟹籽味道同橙色個啲冇咩分別 都係咸咸地 調下味咁蜆肉味道鮮甜 而且都有唔少 意粉軟硬適中 整體唔錯2. 意式辣肉腸拉絲水牛芝士手工薄餅唔算大份 但係都夠兩個人食 辣肉腸同芝士嘅份量啱啱好 熱辣辣出爐 個底都薄脆3. 水蜜桃蘋果梳打 +$4幾清新 甜甜地 兩個水果嘅味道都幾match4. Oreo 脆脆特濃朱古力+ $17朱古力味濃 再加啲Oreo脆咬下咁 再多重口感 5. 雪山心太軟 +$25朱古力味同抹茶 我地揀左後者 茶味都濃 有啲甘香 唔算太甜 仲暖暖地添 Overall推介指數：4/5好多喵喵同我玩 作為貓cafe 野食質素都唔錯 可以係到一路食一路玩 happy🥰

難得今日放假，同朋友黎左呢間cafe食野。同朋友叫左個二人套餐，主菜揀左日式青蟹籽大蜆忌廉扁意粉同埋安格斯牛肉手工竹炭漢堡配薯角。個餐跟個餐湯幾好味個沙律落左啲橄欖油，唔會太dry主菜啲忌廉扁意粉食落好juicy,大蜆亦都幾新鮮。個手工竹炭漢堡既包食落幾鬆化，安格斯牛肉整得幾淋，成個漢堡咬落去，口感非常豐富。薯角亦不過不失。飲品方面就叫左個Oreo 脆脆特濃朱古力，有啲脆脆中和下，成杯飲品唔會太甜。甜品係抹茶雪山心太軟，個cream食落好清新，唔會太膩👍🏻

呢間cafe有咩特別⁉️最特別係有超多貓貓 貓奴去到一定會癲🥰除咗咁之外 呢到嘅野食全部大件夾抵食🙌🏻味道都唔錯架😝嗰日同朋友兩個人嗌咗三個set加甜品 真係飽到上心口🤰🏻.📌美式車打芝士豬扒 $69見到芝士加豬扒呢個配搭即刻嗌咗😍不過我原本expect會係切開有芝士流出嚟嗰種🤣結果佢就係放咗啲車打芝士喺豬扒面頭再去焗🧀芝士焗到窿窿地 有焦香味🔥豬扒質地幾嫩滑完全唔乾唔鞋又幾掂喎🤤扒會跟黑松露燒汁/蒜蓉燒汁 可以揀薯菜/意粉🍝朋友覺得芝士再加個蒜蓉汁有啲鹹 我就覺得還好🤔大食嘅朋友真係有福 呢到嘅薯角份量勁多 仲要新鮮炸起 熱辣辣脆卜卜🤩.📌燒紐西蘭牛肉眼扒 $98牛扒就揀咗黑松露燒汁 估唔到個松露味又幾香喎😚牛扒就相對冇豬扒咁高質😟食落冇乜牛味 但係口感都唔差嘅🙈不過最正係佢真係超級大塊 好抵食‼️.📌挪威煙三文魚芝士意大利黑醋野菜沙律 $57佢跟餐都會送沙律 蠢咗嗌多咗🤣煙三文魚好厚肉都有幾多片😆佢雖然寫有芝士 但係食落又唔覺🧐.📌跟餐會送凱撒醬麵包粒野菜沙律 同$38飲品🥗飲品下個post再講🥤麵包粒有驚喜🥳佢唔係平時普通嗰啲烘麵包粒 佢仲要甜甜地 好似平時bbq蜜糖方包咁 好食🍞

今日收早，決定接完朋友收工，再去食野，等呢個Monday無咁blue!我地揀左呢間urban cafe. 我地8點半先去到，但餐廳依然有好多客人，全場坐滿曬。😲 大家睇食評都知呢間餐廳有貓貓，我就唔多講啦，主要講返野食。我地order左個2人套餐$278.套餐跟餐湯，沙律，2個主食，同2杯價值$38既野飲(可揀其他飲料再補差價). 另外加左$28有個小食拼盤。餐湯係🎃南瓜湯，味道濃，同竟然有南瓜絲，好難得。巴馬火腿水手芝士手工薄餅，細細個，芝士好味，但略嫌Parma ham份量少，個餅底較厚。小食拼盤有炸雞塊，薯角同腸仔。個人鍾意薯角，新鮮炸起，加左啲粉，辣辣地，幾好味。日式青蟹籽大蜆忌廉扁意粉，第一次見青色蟹籽，驟眼睇以為撒左啲爆炸糖係面😂味道同橙色蟹籽一樣，忌廉汁夠creamy夠thick,味道唔錯。蜆較細隻，不足以叫大蜆。芒果荔枝梳打/洛神紅莓荔枝梳打，我鍾意佢味道唔會太甜。

OpenRice book左晚餐話有8折，去到一入門就提醒最低消費人均100，食飯時間1.5小時，比個牌你睇有咩玩貓守則，但個守則唔比影，ok暫時都無問題。坐低10分鐘個Frd到，大約5分鐘後睇餐牌落單，一個灰色頭髮肥肥地ge 女侍應來到（一共三個女侍應），我地兩個叫左2個一樣ge 98蚊義大利飯，佢重複「一個義大利飯」，我再講多次「兩個」，佢無再覆，我以為佢聽到。期間每隔五分鐘有一個侍應過來同我地講最低消費每人100😶，我地以為100蚊係計加一前，之後再睇menu加多左壺68ge花茶，之後大約20分鐘，上左一碟飯，有兩隻匙羹，我哋就知佢實落錯左單，問個侍應確認佢話：我咪同你講咗一個囉！態度不可一世，果刻我地已經覺得佢好過份，但睇在個frd 係度我忍住道火先。之後加返我碟飯，又係15分鐘後，距離坐低已經過1個鐘。我食到2/3，一個侍應突然直接啪左本埋單本黑色嘢係張已經好細ge 台上話：「差唔多埋左單先！」我真係呆左，我望下個鐘，仲有15分鐘先1個半鐘！真係太唔尊重人！我無理佢，唸著過多陣先，佢5分鐘後又黎催😡😡我真係忍唔住同佢理論2句，點知佢哋都係勁無禮貌嘅態度死唔認錯仲要話我，我放棄

旺角商廈中，估不到這是一個好玩的地方，既可以有短暫的休息，吃下午茶，又可以同貓咪玩。第一個感覺，來光顧的客人都很有禮貌和友善，不會爭先恐後。入店前的鞋套設計儀，是一個很注意衛生的設計，令人驚喜。🤪剛坐下，已看到細小的空間也可以有序地擺放桌子。因為有貓咪，所以沒有舒服的梳化，但整體很乾淨，即使貓咪跳到桌子上，也不覺得髒。😇這裏有超過30隻貓咪，全部都很乖。每一隻都有自己個人的風格和特色，有些是懶洋洋，有些是百厭佻皮，有些是高竇傲慢……🤭玩了過後，又可以點餐吃。這裏的飲品和食品都尚有選擇，花茶不錯，可以再試其他味道。😘

We had Sunday dinner in Urban Cafe, overlooking Nathan Road between Mongkok and Yau Ma Tei stations. It's not a big space, but it is a fun place, lively, crowded and bustling even under the current restrictions, mostly full of couples but with a few families and groups of friends.The menu has a good selection of snacks, salads and more substantial main dishes, including pizzas, burgers, and steaks, plus a variety of drinks, including some interesting options, both hot and cold. I started with th

依到人氣好旺💗就算平日嘅午後時段，都非常滿座！午餐Set 每2星期更新，價錢都好經濟，50幾蚊（另加一）起，仲有埋沙律同飲品👍🏼如果想叫＄38以上嘅飲品，就要補差價。◾️Lunch Set: 香辣蒜香蜆肉野菌橄欖油炒意大利麵 $57估唔到都幾辣喎🤤非常香口惹味👍🏼有蜆肉同埋野菌片～配搭好好👍🏼◾️柑橘蘭香子梳打 ＄58（跟餐 補＄20)入口好清爽甜美，入面有好多蘭香子～增添口感👍🏼夏天飲佢好舒心💗◾️Lunch Set: 日式鹽燒鯖魚 配薯菜 ＄59 這個鹽燒鯖魚配以黑松露燒汁，有點西式料理的感覺🐟有魚香，不會膩口，薯角好香脆。◾️紅豆奶茶 ＄48（跟餐補＄10）微微甜的奶茶入面有紅豆蓉，添了一點口感。◾️Tea Set: 楓糖漿番薯條＄38 蕃薯條炸得金黃，入口香甜爽脆👍🏼 配以少許楓糖漿💗甜蜜蜜～好吃～◾️美式鬆餅配是日雪糕＄68飯後想吃一點甜的，點了這個鬆餅🥞共有兩片，配以1球雪糕和1球忌廉，也有一點點水果伴碟～◾️草莓荔枝紅莓乾綠茶 $69（跟餐補＄31）一大壺花茶，份量足夠兩人分享，花茶淡淡的不會太濃，配以蜜糖🍯非常清甜，飯後飲一下很解膩。呢度有好多好可愛嘅貓貓，佢哋都好乖🥳食嘢有佢地陪

Urban cafe位於旺角同油麻地中間，地理相當方便，去到餐廳真係好多貓咪，見住佢地走黎走去陪住食嘢真係治癒。大啡菇安格斯牛肉手工竹炭漢堡配薯角 $98竹炭麵包好香好鬆軟，安格斯牛肉扒好厚，食落啖啖肉，第一次食有大啡菇嘅漢堡，大啡菇比食開蘑菇漢堡嘅味更出，但又同漢堡扒好夾，好好味。菲力牛柳配香草荷蘭汁薯菜 $158菲力肉被認為係牛各部位中最嫩滑嘅地方，上枱大約5乘熟，一下就可以切開，食落真係好嫩，完全無筋。美國豬鞍扒配檸檬蘋果醬薯菜 $138豬鞍口感比較結實，最特別係檸檬蘋果醬，酸酸甜甜，但又唔會太漏，好開胃。避風塘香酥雞翼 $58雞翼炸到好脆，但肉仲好嫩滑，諗住避風塘會好辣，但食落只係微微辣，怕辣嘅人都食得到。冬陰公忌廉煮紐西蘭青口 $68青口好新鮮，再配埋煮到好香濃嘅冬陰公汁，好惹味。朱古力咖啡冰沙 $58 & 青檸簿荷蜂蜜綠茶 $58飲品唔會太甜，冰沙加咗少少咖啡粒係裡面，更有層次。綠茶好fresh，好清京。

收工之後又係開餐嘅時候，今次相約友人係油尖旺區開餐，大家都想搵間特色餐廳食下，係OPENRICE見到URBAN CAFÉ好評如潮，又鄰近彌敦道同地鐵站，二不說就揀咗呢間去食，整體表現都非常唔錯餐廳位於二樓，唔洗等好耐就上到去，唔似其他CAFÉ要排長龍等電梯。餐廳座位都多，所以唔洗好耐就輪到我地入座。入餐廳之前顧客都要穿上鞋套，保持乾淨衛生，又可以確保店內貓咪不受污染，非常周到食物方面，價錢都好平民，種類亦比一般樓上CAFÉ多，多款主菜，小食選擇，飲品方面除左咖啡，水果茶之外，仲有特色花茶等等，咁多款式之下總會有一款啱心水▪️川式麻辣酥炸雞鎚雞鎚即叫即炸，上枱個陣非常之熱辣辣，咬落香脆，油份肉汁都好多，唔會乾乾柴柴，而且雞鎚都算大件，抵食▪️避風塘香酥雞翼鍾情香口食物嘅我地當然試埋餐廳嘅酥炸雞翼啦，雞翼同樣都係即叫即炸，同樣熱辣辣上枱，呢款雞翼仲有避風塘香料，更加香口惹味▪️冬陰功忌廉煮紐西蘭青口冬陰功唔算好辣，因為有忌廉中和咗，更令醬汁食落順喉CREAMY。青口最怕食到縮哂水又腥又臭嘅，但呢到就完全無咁嘅情況。SIZE正常之餘，青口同配菜車厘茄一齊食，清新又惹味▪菲力牛柳配黑椒汁 薯菜菲力牛