URBAN Cafe (彌敦道)

營業中

休息中

☕️喺旺角揀Cafe從來都係一個學問，因為太多選擇😋除咗玩Board Game之外，有貓陪你食都可能係個好選擇😝。🥗餐湯沙律：勁好飲嘅湯，似係粟米加南瓜，十分濃郁😍拎去貴價西餐廳賣都唔失禮🤙🏻。🍝溫泉蛋煙肉野菌黃金卡邦尼扁意粉：撈蛋汁一齊食好香，調味適中，都係高質之選❤️。🐽西班牙黑毛豬肋骨：煮得好腍好易食🤤又係比美高級西餐水準味道，薯角份量都多👍🏻。🍽小食拼盤：套餐加配只係$28所以好抵食，有法蘭克福腸，薯角同雞塊😗。🍦雪山心太軟：抺茶口味嚟，水準不過不失，小小流心，雪糕好食😉。🥤飲品：焦糖咖啡好好飲呀，另一杯全白係薰衣草牛奶。💰埋單$400有找，我個人覺得性價比係高👍🏻就算只計食物都係中高水準，對得住個價～而加埋好多貓咪陪你食嗱喎，就更加抵玩啦😗😗啲貓都幾痴人，仲自己爬上我大肶到訓😂😂😂😂

人氣高企的這間URBAN cafe，貓貓們又乖又可愛，食物質素都很高，價錢不貴，份量又大，難怪很多時都滿座。午餐時段點了幾份餐和甜點，一邊摸摸貓咪一邊進餐，很治癒泰式紅咖哩海鮮野菌忌廉意大利飯 $58咖哩味很濃郁，很重紅辣椒味，很多野菌和蜆肉，飯粒煙韌有咬口，辣度都較重，嗜辣人士必試川香麻辣雞扒薯菜配黑松露汁 $63雞扒嫩滑，雞皮香脆，香辣惹味，微辛辣，麻辣鲜香的口感，相當入味，不用配醬汁也十分滋味燒紐西蘭牛肉眼扒薯菜配黑椒燒汁 $89牛扒超大塊，份量十足，肉質軟嫩有肉汁，肉味香濃，配上黑椒汁很適合薯角炸得很香脆，很美味跟餐有吞拿魚野菜沙律及$38以下飲品，其他需補差價青檸薄荷蜂蜜綠茶 $58 (跟餐+$20)青檸清新散散陣陣薄荷，涼涼的喝下很解渴雜莓梳打 $58 (跟餐+$20)酸酸的有淡淡果香，很清甜薰衣草拿鐵 $54 (跟餐+$13)淡淡薰衣草花香，奶味香濃雙層朱古力蜜糖吐司 配 精選是日雪糕 $68甜品都是即叫即製，所以要預早一點下單，香濃朱古力味，吐司烘得香脆酥軟，配上忌廉和雪糕吃很美味比利是窩夫 配 精選是日雪糕 $58窩夫香脆，有牛油酥味，比較硬身所以慢慢吃也不怕會很快變

呢間人氣良心cafe大家記得book左位先過黎避免要等太耐😋餐廳食物的性價比好高質素都唔錯啱曬係到坐下傾下計👍🏻.🍴二人套餐👫($278)🍴餐湯及沙律餐湯係南瓜湯可以飲到啖啖南瓜肉🤤沙律菜都幾fresh配胡麻醬好香😋🍴滋味二人小食拼盤(+$28)之前都食過好想食個腸但冇得單叫所以加左個拼盤🤣拼盤入面有薯角、法蘭克福腸同唐揚雞塊份量都幾多❤️每樣都好新鮮整出黎好熱大家要攤一攤先食😋🤣🍴温泉蛋煙肉野菌黃金卡邦尼扁意粉我個人都幾鍾意卡邦尼😋餐廳嘅温泉蛋做得啱啱好可以撈匀成個意粉令整體好有蛋香味配料又夠多👍🏻🍴西班牙黑毛豬肋骨配薯菜本身好鍾意食Ribs之前食過都唔錯❤️好入味好juicy同埋焗到剛好唔會好難切所以同朋友黎食都好易分😋🍴Oreo脆脆特濃朱古力(+$17)好推薦呢杯朱古力差唔多次次都係揀呢個🤣本身朱古力嘅味已經好濃郁配埋oreo好香~如果再多d oreo碎碎就更好❤️🍴香橙檸檬菠蘿紅茶(+$20)飲落好清新好fresh😋酸酸甜甜茶底都幾香配埋一齊都幾解膩😍餐廳性價比真係幾高重要有良心💛回頭率極高🤣📍 URBAN Cafe (旺角)旺角彌敦道566-568A號僑建大廈2樓

旺角出晒名多樓上cafe，眾所皆知，大胃自問都去咗唔少，有玩樂型、fusion型、打卡型，不過療癒型嘅就少啲喇，幾多情侶閨密上嚟聚餐呢度嘅二人餐幾抵吓，三舊水都唔使就包湯、沙律、兩個main同嘢飲南瓜湯纖維幾夠，而且唔會好辣嘴醋加梳打，感覺既解渴又健康胃民嗌呢杯賣相都幾吸引，好似好好飲加$28就有個拼盤，都有幾多類型嘅小食意粉烚得唔錯，醬汁超夠，而且味道唔錯仲有pizza，上面有Parma ham，超正最後加$25嚟個雪山心太軟，身邊嘅貓已經吼住晒最期待佢流心嘅一刻，我地都好留心係咁俾咁多對眼望住你食嘢，呢種感覺太療癒喇

收工肚餓又想逗貓咪，就同朋友即卡係 openerice卜位黎左旺角既 Urban cafe 卜左夜晚 6 點黎到，平日唔算太多人，有訂座可以係出面禁鐘，就會有職員出黎安排，跟住著埋鞋套就入得去，不得不說間鋪既衛生真係做得唔錯兩個人叫左個二人套餐，豐富又抵食，前菜有忌廉湯同沙律，忌廉湯一定要讚，好甜好 creamy , 飲落停唔到口，沙律亦都好開胃新鮮。加左 28 蚊小食拼盤，真係好抵好大碟，有唐揚雞件，法蘭克福腸，薯角，超豐富。頭盤揀左即磨芝士黑松露野菌大啡忌廉意大利飯，個名超長松露同芝士味好香口，飯入面亦有好多菇菌，配搭起上黎好惹味。主菜就係西班牙黑毛豬肋骨配意大利粉，d 肉超淋，好易入口好嫩滑，而且份量又係好多飲野揀左佢既蘋果玫瑰普洱茶，帶淡淡蘋果香，入口清甜佢既野食咁高質，忍唔住試埋佢 d 甜品，加左個抹茶雪山心太軟同埋比利時窩夫，兩個都配是日雪糕，果然冇令我失望，製作得好認真，靚到唔捨得食，心太軟一打開就有濃濃既抹茶漿流出黎，又邪惡又令人滿足，食落去甜度岩岩好。窩夫好新鮮，外脆內軟，同雪糕一齊食好match係貓 cafe 對食物都冇抱咁大期望，但今次呢間貓cafe 真係值得一讚

來呢度通常我都會叫二人餐，二人餐二百幾蚊都幾抵食，包每人一碗餐湯、一碗沙律、一款主食和一款意粉🍝仲有兩杯$38樓下嘅飲品。加多$28可以有埋小食拼盤。Appetizer Platter滋味2人小食拼盤😋😋😋😋集合了法蘭克福腸、唐揚雞塊和大量薯角😆切到超薄嘅法蘭克福腸原來有另一番口感👍雞塊皮夠香脆肉夠嫩滑👍薯仔🥔即炸，勁鍾意中間keep到好濕潤而且好creamy嘅口感，用嚟點肉醬超正！Spaghetti Bolognese三重芝士肉醬意大利麵😋😋😋😋勁鍾意食呢啲勁多肉醬嘅意大利粉😂而且加咗好多芝士，味道更香！肉醬酸酸甜甜咁，越食越開胃😆夾埋意粉一齊食口感一流！西班牙黑毛豬肋骨😋😋😋😋😋可以揀配薯菜/意大利麵，睇佢外表黑蚊蚊以為好一般，點知原來內有乾坤，一咬落去骨肉分離，肉質好淋，而且醬汁夠晒入味，bbq風味陣陣炭火香，隊友食到點晒頭話正！

諗住揾間貓cafe嚟撚下貓，search 旺角有間仲要係黃店就狗衝去book位。位置近地鐵站又近巴士站，方便又快捷，唔怕蕩失路。一埋到位已經有兩隻貓坐係到等你，呢到啲貓多到你唔驚冇得撚，直頭係撚到你都冇心情食嘢，真心想撚貓呢間絕對冇錯。前跟餐有個前菜沙律同$38嘢飲，其他嘢飲可以補差價，都算幾抵。沙律係吞拿魚沙律，正正常常冇乜特別。嘢飲加咗幾蚊叫咗杯蘋果荔枝角梳打，不過不失，唔會太甜亦都唔會太酸，啱啱好。主菜叫咗個天婦羅蝦卡邦尼意粉，意粉算彈牙，醬汁都夠味，可惜煙肉冇煎香，炸蝦就得一隻但外皮夠脆，蝦肉都夠彈牙。整體不過不失，食物價錢算平又有得撚貓。

原本一小朋友心帶嚟玩，估唔到食物令我有驚喜😍😍✨挪威煙三文魚菠蘿意大利黑醋田園野菜沙律～淨係個貌相已經令人流晒口水。將黑醋同材料混合之後，與三文魚塊攪拌均勻，入口好juicy開胃，係酸酸地鮮甜味。✨芝士肉醬意大利麵～小朋友嘅至愛，上面佈滿芝士，有拉絲效果，意大利麵好上汁，欣賞佢肉醬夠豐富，啖啖肉👍✨燒紐西蘭牛肉眼扒～Set lunch都有得鋸扒，而且價錢只係$89，牛肉多汁，都算滑溜，食完都唔係好夠喉，如果大塊啲就好了😄黎到咁開心嘅地方點可以冇甜品坐鎮，✨比利時窩夫配焦糖味雪糕～即叫即整嘅窩夫🧇和雪糕一冷一熱，口感特別！如果塊窩夫再大塊啲就好了😄lunch set補差價就可以叫轉特飲✨紅豆抹茶紅豆冰個底轉左做抹茶，有種清新嘅感覺，而且可以低卡路里啲✨雪糕棉花糖朱古力彩色嘅棉花糖充滿童真，朱古力雪糕配上朱古力飲品，可可味特濃，朱古力迷不可以錯過✌🏻

今日去旺角百老匯睇戲，睇戲前搵嘢食，又掛住貓貓啦☺️第一次食晚餐，二人套餐都幾抵食！南瓜湯超好飲呀！即磨芝士黑松露野菌大啡菇忌廉意大利飯😋勁濃嘅忌廉味😍差唔多淡淡都係菇，好足料。黑毛豬肋骨薯菜。加咗兩杯特飲，一杯係芒果梳打，一杯係薄荷咖啡，今日冇晒拖肥咖啡🥲喺套餐度加咗個抹茶心太軟，我覺得幾好食。飯後甜品加埋個芭菲，超滿足。瞓着咗貓貓😍冇得入屋嘅貓貓🐱超級可愛！勁想養貓😢得閒又要再過嚟探下佢哋啦😆😆性價比好高，午餐下午茶晚餐我都食過晒啦☺️☺️

——📍旺角💃🏻上星期出左旺角行街 搵左間cafe食lunch 又有貓挽 食物cp值高 所以想推介比大家🤣1️⃣ #金文不芝士挪威煙三文魚意大利黑醋沙律 🥗 $68🌸沙律份量多 清爽 新鮮🌸厚厚嘅煙三文魚捲成朵花😍 又可以打卡 又健康2️⃣ #即磨芝士黑松露野菌大啡菇忌廉意大利飯 $89❤️芝士鋪滿晒喺飯嘅表面❤️調味剛好 唔會太漏❤️好足料 必食！3️⃣ #意式辣肉腸拉絲水牛芝士手工薄餅 $98✅餅正常厚度 ✅份量細細 岩曬咩都想食啲 但又驚食唔晒嘅你✅邪惡拉絲🤤🤤😍呢度啲貓貓隻隻都肥嘟嘟好可愛 又乖唔咬人 一定會再番黎探佢地——————⚡️食物 3.7/5⚡️環境 3/5⚡️服務 3/5——————URBAN Cafe (彌敦道) (旺角)旺角彌敦道566-568A號僑建大廈2樓

好耐冇食到咁燥，忍唔住要出個伏評😩！睇網上評論話呢間黃店又多貓貓又抵食，所以先去旺角店試吓～貓貓的確好多，但成個環境好迫坐得好唔舒服🥲，而且食物質素同服務真係認真一般般，飲品等咗成晚都未到，催咗幾次單都只係話整緊，但我哋見到水吧根本冇人喺度😪，可能個師傅行開啦，我哋差唔多食晒成餐飯飲品先到，真係口渴到貓貓都治癒唔到🥲.▪️菲力牛柳配薯菜 $158▪️牛柳好厚身好有牛味，切開入面睇大概5成熟左右，肉質幾嫩滑🤤。個汁就係好普通嘅黑椒汁，冇咩特別。薯角就一般般唔太脆口🤨▪️溫泉蛋煙肉野菌黃金卡邦尼扁意粉 $89▪️睇片都見個溫泉蛋根本唔係溫泉蛋應有嘅質感🤣，個蛋黃差唔多熟晒完全唔流心，不過卡邦尼個汁唔會太膩，意粉軟硬度適中👍🏻，略嫌份量少左啲咁🤭▪️避風塘香酥雞翼 $58▪️一上枱見好似炸得燶咗少少，點知真係出事，雞翼炸得過火咗😨，搞到雞翼皮有啲苦味。▪️Oreo脆脆特濃朱古力 $58▪️等咗勁勁勁耐嘅飲品，我哋差唔多食晒全部嘢杯飲品先到🥲 可能因為好口渴，所以覺得幾好飲🤣有大量嘅Oreo碎喺面，再加埋好濃厚嘅朱古力，唔會太甜飲落幾濃郁。

二人餐真係幾抵食，有曬前菜，頭盤沙律湯，主菜，野飲同可以加錢有甜品，就算有選擇困難都起碼幫你定左啲前菜有沙律同忌廉湯。南瓜絲忌廉湯，好好味，飲得到係落足料，會飲到啲南瓜絲，配埋西式飲法嘅忌廉湯，味道濃沃但唔會太溜。沙律都好新鮮，細細碗，啱曬份量，食到少少酸應該係啲檸檬汁，配答幾fresh 好啱開胃。主菜，叫左日式青蟹籽大蜆大葱忌廉扁意粉，啲硯都唔覺有沙，洗得幾好，有綠色蟹籽鋪上面，真係好好嚼口，而且重有小小配菜，唔會太寡。另一主菜係西班牙黑毛豬肋骨，配上BBQ酸甜得黎帶少少辣，味道配搭唔錯。骨同肉都容易咬開，唔會癡住。肉質都算軟屬，口感不過不失。眼闊肚窄咁，叫埋個挪威煙三文魚拉絲水牛芝士手工pizza，好正，一放低個pizza你就會見到好厚嘅芝士，食嘅時候都有芝士拉絲，對於芝士控黎講，無得頂！塊pizza底唔會太厚而且少少脆邊，啲食物又蓋曬pizza，食得好滿足。但係要食快少少 因為凍左就冇咁明顯嘅芝士拉絲。甜品叫左雙層朱古力蜜糖吐司，賣相一般，啲朱古力同楓糖漿都好夠，配上雪糕，口感豐富。整體甜品係屬於偏甜，但個人口味比較鍾意重可可味多啲嘅朱古力，所以如果係鍾意甜朱古力嘅你會啱食，鍾意

週末想同朋友輕輕鬆鬆咁渡過，我哋都一齊揀定咗Urban Cafe。 一早已經喺網上見到呢間咁有特色嘅Cafe，已經好想一試喇！ 喺門口先着咗鞋套先，入到再要消毒雙手，乾淨衛生。餐牌都有唔少選擇，2人套餐比較抵食。是日餐湯係忌廉湯，有少少煙肉、粟米同埋菇，夠晒creamy，仲配新鮮是日沙律。安格斯牛肉手工竹炭漢堡配薯角薯角新鮮炸起，超好食！ 黑黑蚊蚊嘅竹炭漢堡都幾鬆軟，入面嘅安格斯牛肉係好Juicy，濃郁牛肉味。 加埋肝菌燒汁、車打芝士、蕃茄、生菜，掂！廚師推介嘅日式青蟹籽大蜆大蔥忌廉扁意粉 賣相都幾靚，青蟹籽特別吸睛，意粉彈牙，醬汁又多。加$ 25可以有一客雪山心太軟一份，有綠茶味同埋朱古力味，我哋梗係要加兩份先滿足啦，雪糕球好大個呀。咖啡控嘅我揀咗精選特調咖啡，咖啡味唔係好重，勝在多奶夠滑。補差價就可以飲其他飲品，叫咗壺藍花皇家伯爵荔枝紅茶，飲完感覺好舒服，relax！最開心係今日好多貓貓陪我eat，玩吓摸吓已經好開心。 呢度啲貓真係好親人，喺我朋友懷抱中豬咗，可愛呀！

最近和朋友剛好在旺角附近逛街，而經過朋友的推介。說在旺角附近的有一間Cafe很不錯，而剛好我們也開始餓了。因此我們馬上去了這一間Cafe享用我們的美食。這間Cafe名為Urban Cafe。相信很喜歡咖啡店的人也會聽過這一間Cafe。而我們去吃的時候正值下午茶時段，因此我們也點了一些小食。首先我想向大家推介的是炸芝士拉絲雞翼，這小食絕對是我吃過最驚喜的小食之一，由於這份小息上桌的時候，真的是剛剛炸好，因此雞翼的肉汁也成功鎖在內，配上邪惡的芝士，絕對是一道愛不釋手的小食。然後我想向大家推介蜜糖炸蕃薯條，若果大家認為薯條很容易肥的話，蕃薯條絕對會是你的選擇，此外我們還點了扒類和甜品，還有餐廳的飲品真的相當吸引我，我當時點了Oreo冰沙，絕對是我喝過最好喝的冰沙，誠意推薦大家來這間餐廳享用美食，遠離城市的煩囂。

再一次嚟到旺角僑建大廈2樓的「URBAN CAFE 」，有貓貓🐱玩之餘🍳☕️，仲有為咗呢度既抵食二人西式套餐。🥂進入餐廳🍴之前必須穿着鞋套，消毒雙手，做足衛生措施，乾淨衛生。入到去幾乎滿座，好彩有訂位早早安排入座，舖頭不算大，但有足夠空間比客人用餐🍴同埋比貓貓自由地遊走。可愛的貓貓🐱一時跳上枱面，一時跳上你的大腿🦵，好治癒可愛。😍二人套餐（HKD 278):包括餐湯🥄同沙律、頭盤、主食、飲品仲可以加$28換小食拼盤，十分抵食和豐富。是日餐湯南瓜湯🎃：飲落香甜，帶一絲絲南瓜肉，增加口感，整體好creamy 🥄沙律🥗：新鮮沙律菜配上新鮮蕃茄仔🍅仲有酸酸味味菠蘿🍍粒，十分開胃仲有適量胡麻醬，令人胃口大開。追加28元小食拼盤：脆皮法蘭克福腸，帶點蜜糖味，熱辣辣唐揚雞塊，酥脆可口，又不油膩，高質。主食方面有數款意大利🇮🇹飯/ 意大利🇮🇹粉可選擇。我哋揀咗即磨芝士黑松露野菌大啡菇忌廉意大利飯：用高湯把米粒煮成奶油般濃郁質地，毫不吝嗇的大啡菇，加上洋蔥🧅粒增加口感，數片🐃芝士同香草🌿，食落軟焾中帶點煙韌，香濃有咬口嘅米粒盡顯功架。安格斯牛肉手工竹炭漢堡配薯角：黑色竹炭麵包賣相吸引打卡一流，熱辣辣手打厚