URBAN Cafe (彌敦道)

營業中

休息中

呢排真係中左貓貓毒一得閒就想去玩貓呢間urban cafe就成為我嘅愛店放工即刻同同事衝去攞位因為太遲book唔切枱好彩6點去到 等左一陣就有位遲多少少都有排等所以大家記得book定枱先鍾意呢度 除左貓貓得意之外佢啲野食真係幾唔錯意式辣肉腸拉絲水牛芝士手工薄餅好多芝士 一上枱就香噴噴茄膏同芝士嘅份量好平衡辣肉腸 肉碎 粟米 完美配搭 批邊夠脆小食拼盤有雞翼 司華力腸 炸雞塊 薯角大堆頭拼盤 樣樣都好食雙層朱古力蜜糖吐司配雪糕好濃朱古力味 甜品嚟講好大份兩杯梳打都唔錯 揀左微糖就啱啱好睇下個patpat幾肥美呢度啲貓真係唔怕人 主動俾人任摸唔嬲

💛又到咗探貓貓嘅日子🥰 又同家姐嚟到Urban Cafe見貓貓同食嘢，我哋都係食咗一個二人套餐，連埋小食拼盤、心太軟、飲品都係三百幾蚊～🍟 滋味二人小食拼盤包括炸雞塊、腸、薯角，我最愛炸雞塊，一咬開熱辣辣又多汁🥰🍲 即磨芝士黑松露野菌大啡菇意大利飯意大利飯有好香濃幾芝士味，再加埋黑松露香，真係食慾大增呀xd 不過佢嘅大啡菇就唔係我expect焗嗰種咁大個，而係切片嘅😋🍔 安格斯牛肉手工竹炭漢堡 配薯角再次食呢個竹炭漢堡，IGable之餘都幾抵食😚 牛肉超級大塊超級厚，又夠多肉汁，熱溶嘅芝士覆蓋咗喺牛肉上面令佢更顯鹹香🤤🍮 朱古力雪山心太軟朱古力控最愛，雖然唔係非常流心，但都夠晒濃郁，而且即叫即整，連埋雪糕一齊食冰火交融，係最好嘅食法！🤩☕️ 薰衣草拿鐵 （+$13）🍫 Oreo脆脆特濃朱古力 （+$17）我叫嘅薰衣草latte好香好鍾意💛 家姐就叫咗杯朱古力～

星期日下午約咗男朋友食晏，嚟咗呢間旺角嘅樓上cafe。唔知係咪週末嘅關係，真係好多人，所以記得一定要訂位呀！餐廳多咗動物嘅陪伴，好有生氣🥰有好掋食嘅二人套餐（$278）包括兩杯38蚊樓下嘅嘢飲如，果超額就要補錢。餐湯 - 是日餐湯係南瓜湯，本來以為係溝水嗰啲湯，點知有驚喜，香濃得嚟仲就食到南瓜蓉。沙律 - 係普通嘅沙律，不過家常上醋汁就好開胃。溫泉蛋煙肉野菌黃金卡邦尼亞意粉 - 個sauce Creamy 得嚟又唔會太膩，加埋隻溫泉蛋真係好食。西班牙黑毛豬肋骨配意粉 - 份量十足！黑毛豬肋骨煮得腍同入味，配上惹味嘅醬汁，好高質。台式黑糖咖啡（+$10）- 加上黑糖，比想像之中無咁甜，但咖啡未未夠突出。冰極薄荷檸檬茶（+$7）- 呢杯麻麻地，薄荷味太重。我哋仲嗌咗個小食：挪威煙三文魚芝士墨西哥餅（$58）- 好多煙三文魚，同芝士一齊食好夾，但墨西哥餅仲可以焗得脆口啲。有沙律菜為伴碟。

同朋友喺附近想搵地方坐低飲杯嘢，本來對上樓cafe沒抱太大期望，估唔到有驚喜😎食物質素唔錯，下午茶幾抵食添～ 原來cafe裏面有好多隻貓貓🐈🐈所以喺門口都要穿上一次性鞋套保持乾淨！當日我哋叫咗三個餐, 共HK$240～性價比高～1️⃣「泰式冬陰功海鮮野菌忌廉意大利飯」超讚😋 淨係睇名都覺得幾特別，因為比較少意大利飯會做fusion加入冬陰功元素😏 估唔到餐廳係調味方面拿捏得幾好，食得出有冬陰功味道之餘又唔會太辣，risotto嘅質地亦都恰當，煙韌彈牙，唔會過硬👍🏼 配埋藜麥胡麻醬野菜沙律及飲品 (+HK3 轉配URBAN CAFE 精選特調咖啡，凍飲)2️⃣ 小食餐：「芝士醬雞翼」配飲品 (熱美式黑咖啡, 不用加錢) 雞翼炸到香脆，肉質都幾juicy，芝士醬就唔係太濃味嘅～3️⃣ 「香辣蒜香煙鴨胸野菌橄欖油炒意大利麵」，配藜麥胡麻醬野菜沙律，補差價配 (熱)藍花皇家伯爵荔枝紅茶～ 意粉炒得Al dente，香口，整體不錯～ 花茶睇見有荔枝加入嘅，不過飲落去味道就唔太突出～過了一個唔錯嘅下午！💕 店子面積唔大，不過貓貓數量都幾多，所以總會碰到貓貓走嚟走去可以拍下照🐱🐱🐱

觀塘開咗分店，但旺角依度依然超多貓貓💕 今日同朋友行完旺角，即刻諗起黎食🥰-🥗金不文芝士挪威煙三文魚意大利黑醋沙律｜💰68煙三文魚有好多片而且厚身大塊！沙律都好新鮮配埋菠蘿同黑醋汁好清新開胃金不文芝士好軟淋又重芝士味🥰.🐷西班牙黑毛豬肋骨配薯菜｜💰128整到超淋，超入味，好香香料味豬肋骨啲肉一切就離骨，超嫩超多肉汁-🐥慢烤美國嫩雞胸+檸檬蘋果醬｜💰128好厚肉重雞味但好嫩！可能因為係慢煮皮就燒得好香！蘋果醬似蘋果批入邊嘅味但係就少啲玉桂味而且更清香帶微微微酸甜甜地超夾超好食！.薯角超好食！唔膩而且皮香脆配埋香料超好食-其實套餐仲抵！💰278不過驚同朋友食唔晒所以先單叫有兩個主食又有嘢飲同沙律同餐湯.野食一直都好好食✨好少樓上cafe咁抵得黎咁有質素😗就算無貓我都會去😗嚟之前仲可以book位，唔洗摸門釘‼️

上次去間貓cafe體驗真係麻麻，似養貓嘅餐廳多過貓cafe！一直心心不忿(´･_･`)終於比我發現到間高質啲嘅貓cafe!٩(˃̶͈̀௰˂̶͈́)و香辣蒜香煙鴨胸野菌橄欖油炒義大利麵🍝黑糖拿鐵🧋百里香豬扒燒汁意粉🍝不得不提，呢到cp值真係幾高(⁎⁍̴̛ᴗ⁍̴̛⁎)午餐五六十蚊一個意粉仲有沙律同嘢飲，大概加十蚊左右就有杯特飲，仲唔洗收入場費！(*ﾟ▽ﾟ*)'最低消費只係每人一個餐。食物質素係貓cafe嚟講都算幾高，雖然個煙鴨胸意粉唔知個鴨胸係邊度，但係個意粉都炒得幾香幾惹味。跟餐沙律係胡麻沙律仲有藜麥，一啲都唔hea!重點係，呢到真係好多貓！٩(˃̶͈̀௰˂̶͈́)و大概有二十隻左右，一直都有幾隻係身邊穿梭，合眼緣/星座/時辰八字/16型人格match嘅話主子仲會坐係你大髀/你張檯到任摸(⁎⁍̴̛ᴗ⁍̴̛⁎)食完個陣店員突然開咗罐貓罐頭比其中一台幸運的客人(其實係咪課金服務嚟㗎?╮(╯▽╰)╭)，即刻全店嘅主子都湧晒過嚟，相當震撼！不過同樣人都好多，真係要book位！

一點幾到, 由於無book到既關係, 同朋友等左大概十五分鐘一入門口就有訓緊既貓咪(〃ω〃)主食餐都有幾多選擇~~ 天婦羅蝦卡邦尼煙肉扁意粉@$65食落去味道比較淡, 醬料唔算多~ 份量ok(＾ｰ^), 扁意粉唔會太硬身~ 仲有大條炸蝦整體還好~~~ 泰式冬陰功海鮮野菌忌廉意大利飯@$65!! 對比之下, 食完個扁意粉覺得野食普通, 估唔到呢個飯濃味得泥好食! 先講睇相醬汁都成碟都係(超濃喔(´∀｀)~) 食落口唔單止重忌廉味, 仲有重冬陰功微辣既口感, 成個意大利飯係入口即溶好開胃(๑˃̵ᴗ˂̵)! 呢個價錢泥講唔錯唔錯~~~ 坐係隔離枱的餵了眾主子(*^▽^*)整體泥講, cafe既食物質素有啲意外 , 本以為通常貓cafe既野食會麻麻, 出奇地性價比高, 仲要有好多又靚又得意既貓陪你食(*^ω^*)~~

實在太掛住啲貓貓同埋呢度嘅氣氛環境，唔夠一個月又再嚟食多一次🤣 今次依然都係唔捨得走啊佢嘅餐牌同上次唔同～但都係有唔同種類嘅食物～二人套餐比單點食物更加抵🍔沙律嘅份量剛剛好～沙律醬偏甜南瓜湯裏面充滿南瓜絲～口感十足日式青蟹籽大蜆大蔥忌廉扁意粉🍝不得不讚佢嘅食物擺盤，一上碟已經好吸引啦，有好多青蟹籽係碟旁邊做點綴～仲有好多蔥絲啊蒜粒。蜆肉同埋啲菇都足夠，意粉軟硬適中，好味👍🏻朱古力咖啡沙冰& Oreo脆脆朱古力沙冰兩杯沙冰都食到小冰粒👍🏻味道都唔會因為沙冰融而變得太淡～夏日消暑必點👍🏻西班牙黑毛豬肋骨肉質都幾淋身，易咬易切👍🏻薯條亦都炸得夠香脆👍🏻

放假同兩個fd行完街就去左呢間樓上URBAN CAFE食Lunch🤗一出電梯已經見到勁多人等位😁好彩我個friend醒目訂左位❤️一入內見到有十幾隻貓自由穿梭各枱櫈😄好明顯呢度食飯既朋友大多為左貓貓而黎 😺講返食物性價比都幾高Lunch set好抵食🤲平均60幾蚊就包沙律同$38或以下的飲品平民化的價錢😍質素絕對物超所值😉前菜藜麥胡麻醬野菜沙律 胡麻醬汁調味令生菜唔會淡而無味仲幾爽口😋店員拎埋黎就提醒唔好比貓貓食😂粟米🌽芯野菌忌廉意大利飯 $63粟米芯好爽口，雜菌醬汁口感稠身, 味道濃郁醇厚🤩意大利飯煙韌軟熟有嚼口👍百里香豬扒（黑松露燒汁) 配意粉 $ 69用過百里香醃製既豬扒肉質軟淋帶咸咸地🙌意粉加埋我最鍾意黑松露❤️燒汁唔錯😋👍日式天婦羅蝦卡邦尼扁意粉 $65用芝士整扁意粉真係無得輸😎當中仲有啲菇菌及炸到外脆既天婦羅🍤撈埋一齊食好香😜飲品草莓🍓荔枝紅莓乾綠茶 🍵 套餐+$31荔枝味比較突出👍食完濃味既午餐剛好中和返解膩一下🥰甜品雪山心太軟（抹茶味 ）$78呢個甜品本身有朱古力味同抹茶味🙌我就揀咗抹茶🍵配上拖肥味雪糕及忌廉🤗鍾意食甜野真係好啱口味😂

旺角一向都有好多cafe今次就同朋友揀咗呢間到食lunch呢到設有限時 食飯時間為90分鐘我哋去到就叫咗1人1個lunch set再要咗餐湯🥣飲品🥤同甜品🥪🍦.✨香辣蒜香煙鴨胸野菌橄欖油炒意大利麵(💰$63)食落幾香蒜味🧄而且有啲辣辣地🌶幾惹味😋唔錯👍🏼✨瑪格麗特拉絲水牛芝士手工薄餅(💰$65)面頭有芝士🧀雜菌 車厘茄 羅勒葉 味道都ok嘅🤓🤓每個lunch set會包藜麥胡麻醬野菜沙律🥗食落都幾fresh啊🤓如果少啲胡麻醬就更好😚😚😚至於餐湯就係要另外+💰$8嘅今日嘅餐湯係南瓜湯🎃都幾creamy😆另外 每個lunch set包咗💰$38嘅飲品而想叫其他就要補差價 我哋就叫咗：✨凍抹茶拿鐵+💰$19 ✨朱古力沙冰+💰$20最近天氣咁熱 飲翻杯凍嘢就啱哂😙😙✨雙層朱古力蜜糖吐司配是日雪糕(💰$68)呢個甜品製作需時 要預早啲時間落單~吐司🍞食落好香脆 而且有濃郁嘅朱古力味🍫另外 仲有朱古力雪糕 忌廉 士多啤梨同藍莓自己食哂就太邪惡 同人share就啱啱好😈😈Menu：

🍽二人套餐 (4/5) 💰278包兩份主菜，餐湯同沙律餐湯係忌廉南瓜湯，飲到啖啖南瓜絲，沙律仲有菠蘿酸酸甜甜好開胃🍽冬陰功忌廉煮紐西蘭青口 (4/5) 💰68唔夠喉我地再加錢點多個前菜有六大大大隻，冬陰功醬上鋪咗一層蒜蓉冬陰功醬微辣，整體比較濃味，但比想像中再嫩口好多添🍽滋味二人小食拼盤💰+$28然後我地仲用28蚊加咗個拼盤，有薯角、法蘭克福腸同唐揚雞塊份量超多，我最中意法蘭克福腸，表面微脆又有啲肥膏咁雞塊約4-5件，每件都好大份，薯角外脆內軟，調味好足主食之一：巴馬火腿拉絲水牛芝士手工薄餅薄餅比較似面包底，但邊邊非常脆，好似餅乾咁，芝士鋪到好厚身，但如果再多啲巴馬火腿就好啦主食之一：三重芝士肉醬意大利麵意粉偏軟身啲，但肉醬好好味，有啲芝士既焦香襯托，豐富咗整體既味道柑桔提子沙冰💰+$20幾出色既提子沙冰，提子味幾real，顏色都好靚蘋果醋薄荷梳打💰+$20薄荷味幾出，蘋果醋較淡，但係呢個炎炎夏日黎番杯真係透心涼

今日喺旺角想搵間Cafe坐耐些，見Urban Cafe Lunch menu 好多選擇, 價錢親民，2pm 唔多人排隊，一於坐低慢慢食兼睇貓貓先😋天時暑熱，我哋想食得輕盈啲，叫咗一個意粉和一個Pizza，話咁快就有沙律同南瓜湯上枱👍🏻👍🏻今日係南瓜湯，甜甜地又足料👍🏻冰涼新鮮嘅沙律配上芝麻醬，係炎熱嘅夏天下即刻舒服哂💪🏻天婦羅蝦卡邦尼煙肉扁意粉🍝白汁做得好light, 味道好好，食完一啲都唔滯😋瑪格麗特芝士pizza 上真係好多芝士呀😂 芝士控真係不能錯過👍🏻跟餐加咗香橙檸檬菠蘿紅茶，有水果嘅清香下，唔落糖水已經好透心涼👍🏻👍🏻身邊有貓貓陪住，真係chill到唔想走😁然後再叫咗個芝士醬雞翼，雞翼炸得好入味，加埋芝士醬真好滿足☺️同行飯腳仲加埋雪糕棉花糖朱古力奶，簡直(身型上)圓滿😆

一到達。枱與枱之間超級近。而且全場滿坐。就算不是疫情都有種壓迫感。唔太舒適。某些店員禮貌比較差。限時90分鐘。黎到無耐有人巡查而要我地暫時離開，明白你地做生意免得俾人罰錢都接納左。而旁邊只係比我地遲少少啲人一句話岩岩上黎所以拒絕左你哋。但最後正正90分鐘我哋俾你睇不停趕走。飲多啖野飲都準備起身。你哋一句話預約到左。而附近有一枱。喺我地到達已經喺度。到我地離開都依然喺度。如果你地咁急住用枱就應該同時要求佢哋一同離開

鍾意貓貓狗狗叫你唔知你有冇聽過Urban Cafe呢🥰傳聞中最多貓嘅Cafe 果然名不虛傳 💪餐廳嘅衛生都做得唔錯 客人入去之前都要用鞋套👍貓貓都好親人 唔會話好高竇唔睬你😍咁啱今次隔離枱有貨金 買貓糧比佢哋食全間舖頭嘅貓 都一次過湧晒過嚟😂不過提提大家 要小心貓貓食緊嘢嘅時候 會爬上枱度 🤢有得食有得玩來講 都算不錯 🤩🌟 二人套餐$278散叫同埋套餐好似差唔多 所以今次就叫咗成個set🤣二人套餐本身包左餐湯沙律小食拼盤 Risotto Spaghetti 二揀一 同埋一個main course兩杯嘢飲 我哋今次都加咗雪山心太軟$25整體來講 分量唔算話太多 不過都飽肚味道方面 不過不失啦 但係雪山心太軟就有啲失望啦😫📎店舖資訊📌Urban Cafe (彌敦道)旺角彌敦道566-568A號僑建大廈2樓🚇港鐵油麻地站 A2 出口, 步行約2分鐘📌Urban Cafe (駱駝漆大廈)觀塘開源道62號駱駝漆大廈第1座6樓🚇港鐵觀塘站 B1 出口, 步行約2分鐘💰人均消費 ～$160等候時間🕰 20 mins

前兩個月去過一次 真的好喜歡這裡的貓貓呀所以 我又來了！🐱這次選了放工時間來 有隻貓貓睡著歡迎我們😂玩了很久才想起來要點餐晚市有二人套餐 但我們還是想要單點的美國豬鞍扒意粉豬扒很厚切 肉質算爽口搭配的檸檬蘋果醬 酸酸甜甜的 很開胃意粉有用蒜茸炒過 超香美國慢烤嫩雞胸意粉雞胸用慢煮方式 所以很嫩滑凍薰衣草拿鐵薰衣草花香迷人 但味道偏甜蘭香子雜莓綠茶加入蘭香子 增加口感這個很適合夏天按照慣例 我吃飽了都會開一個罐頭喂貓貓跟牠們玩所有工作壓力都沒了下次再來！