Upper Bar & Restaurant (已易手) 新餐廳

本身黎之前OpenRice 見到有室外位置同埋啲相都幾吸引，又有串燒食所以就嚟咗。嚟到見到個環境唔係靚室內無乜特別裝修，d枱好密，室外都係得d燈開d唔開d。有個職員係到較黑d燈，一時光一時黑唔定算啦志在有個地方同朋友兩個人坐低食嘢飲吓嘢，環境其次。餐牌串燒嘅種類好少，我哋叫咗燒牛柳粒，燒四季豆，原條茄子呢d大路野，真係無諗過都可以整得咁難食。牛柳粒好硬要咬勁耐，四季豆好少又太霖，茄子係就係蒜蓉好多但食落都無味。。。。食串燒預左價錢貴量少，但真心起碼要係好食先🤦🏻‍♀️我哋仲有叫一個豬鞍扒，上碟睇落幾好心諗終於d好既嘢食，但切出黎食落入面好乾又鞋又硬，好明顯係料唔好亦都煮太耐！覺得冇食到啲乜嘢所以又叫咗個肉醬意粉，諗住意粉一定冇死，點知佢係最難食！ ！佢係焗意粉然後得面有醬都ok la，但個底係完全冇油咁好乾仲係硬硬地一塊撈唔埋d醬！Long Island 太多冰，好快就淡晒，white sangria 太多薄荷葉，飲管一吸就全部都係薄荷葉阻住，亦都太酸。本身真係好有興致想飲Shot, 後尾完全唔想再喺呢度叫任何野，轉場再飲算，唔會再嚟。