ULURU

營業中

休息中

一聽Uluru..就令我諗起澳洲。見佢啲相咁靚，一於上黎幫襯～裝修以黑白手繪畫為主，起初以為入去好細原來別有洞天👍🏻同朋友坐咗喺最入面，由於我哋都唔係太肚餓，所以就嗌咗少少嘢食再加甜品啦😏主食叫左個burger，我哋冇食牛，因為突然想食下其他，味道都唔錯，唔會太燶，有好多薯條😆今日既重點係甜品： 粉蝶花之丘（用料包括brownie, chocolate crumble, chocolate creamy ），呢一個一定要打卡。打卡一流，嗰啲企喺度嘅糖膠就唔好諗住食呀，係食中間嘅精粹😆個甜品比我嘅感覺好有「美女與野獸」feel

朋友生日，知道佢鐘意high tea又鐘意影相，特登提早book位帶佢嚟灣仔嘅呢間cafe，一次過滿足佢兩個喜好。店內以黑白手繪畫為主，基本上全個環境，甚至每個角落都係打卡位，一定影到靚相。彩花之里 • 溫室下午茶 $338 for twoSavories• 泰式炸魚旦• 吉列炸蝦兩款炸物熱辣辣上枱，泰式魚旦好有泰式風味，炸蝦脆卜卜。Sweets• Uluru摩卡• 馬卡龍• 柚子• Uluru朱古力• 藍莓乳酪• 迷你蘋果金寶• 迷你朱古力糖果溫室• 迷你玫瑰奶凍• 朱古力牛角包甜點架賣相吸引，影相一流！整體味道方面，唔會太甜，食完都唔覺得漏。咁多款甜點，最鐘意玫瑰奶凍，好有玫瑰香氣，口感滑溜。朱古力牛角包酥脆鬆軟，裡面有朱古力餡，甜甜地味道唔錯。Uluru朱古力有好濃郁嘅朱古力，質感柔滑。藍莓乳酪蛋糕&柚子蛋糕，質感濕潤鬆軟，味道唔會太甜，好清新。朱古力糖果溫室造型好靚，係一個食得嘅盆栽。熱Tiramisu Coffee味道甜甜，亦帶有咖啡甘香。凍Rose Tea造型非常少女，喺黑白世界入面特別搶眼嘅玫瑰紅，入口充滿花氣，好清新！

上次食過呢間既晚餐，今次黎食港女下午茶😍有兩件咸食，其他都係甜品，再包兩杯飲品一開始當然係打卡啦，影左一輪後，都記住要趁熱食泰式炸魚蛋同吉列炸蝦🍤最有心思既係迷你朱古力糖果溫室，成個盆栽咁好驚喜，有泥同埋長出來既花抵讚既係馬卡龍既甜味剛剛好，唔會似市面上既甜得濟野飲都絕不遜色，同啲甜品相得益彰。Lavender Dream - 好清新甜美嘅感覺，好夾成個tea setTiramisu Coffee - 齋飲咖啡比較淡味，但原來係同杯邊甜甜既朱古力一齊飲，味道就岩岩好食完甜品心情都變得很好了

本來人生就係一個十字路口，因為呢個世界根本無絕對既黑同白，因為物質、利益、慾望蒙蔽理智、思維、自我，從此衍生灰色地帶。自此社會上充斥住爾虞我詐，到底點樣脫離呢種困境？我唔知，但至少係「U L U R U」只有黑白主題既世界，或者我可以諗得簡單d，睇得通透d！👇📌Uluru · Afternoon Tea - $338/Two -♦️S a v o r i e s -▪ Katsu · Shrimp - ▪ Deep Fried · Thai Fish Cake - ▫ 先黎兩款熱食打頭陣，分別試左「泰式·炸魚蛋」、「吉列·炸蝦」，兩者炸得夠香脆，唔會話太油膩；炸魚蛋食落夠爽口，幾鍾意呢道既鹹點。♦️S w e e t s - ▪ M a c a r o n -▪ Mocha · Cake -▫ 輪到甜點開始，由「馬 卡 龍」帶領我地出發，呢個質感夠鬆脆，甜度適中，圓碌碌既身型，幾靚仔；而「摩卡·蛋糕」香味濃郁，入口散發住咖啡般既氣息。▪ Yuzu · Cake -▪ Blueberry · Yogurt Cake - ▫ 之後係小清新系列既「柚子·蛋糕」、「藍莓·乳酪蛋糕」，前者一入口柚子

又再次同小女友嚟到呢間位於灣仔嘅人氣手繪咖啡店ULURU，入面嘅打卡位滿滿，非常適合女仔，情侶一齊影相打卡。餐湯：甘荀忌廉湯：軟滑綿綿嘅口感，入口順滑。沙律：清新怡人，非常開胃。芝士牛肉漢堡配炸薯條：麵包微微烤過，帶少少香脆，而牛肉厚身，肉汁肉味都充足，再加上半溶嘅芝士同埋清爽嘅生菜，整體而言係個唔錯嘅漢堡，而薯條即叫即炸，調味得宜加上熱辣辣，令人滿意。海鮮意大利粉配芝士忌廉汁：海鮮非常足料，入面有魚柳，大大粒嘅帶子，青口，大蝦，而意粉份量亦比想像中要多，加埋芝士忌廉汁，份量可夠兩個女仔食。粉蝶花之丘：呢款賣相精緻嘅甜品，非常之適合打卡用，而呢款甜品用上粉色嘅糖膠拉出精緻嘅外殼，而入面裝咗餅乾碎和布朗尼和朱古力慕絲，朱古力味非常濃厚，而口感亦非常豐富。Tiramisu coffee：厚滑嘅奶泡帶住點點tiramisu嘅味道，中和左咖啡本身所帶嘅苦澀味，令人更易入口。Lavender Dream：呢杯算係人氣之選，其實佢係杯薰衣草荔枝茶，味道方面茶中帶上荔枝清甜，係款清新脫俗嘅飲品。

大家食飯要順便影相打卡，好多餐廳都會利用特色裝修吸引客仔，灣仔ULURU就係其中一間自己好鍾意嘅！全白色嘅裝修風格，用黑色線條勾劃出歐洲宮廷嘅圖畫，舖內地方都幾大，外加一個露台吸煙區，廁所隱身在牆身中，要考考眼力才找得到！食物是傳統嘅西餐，有湯有沙律，主菜點了安格斯牛肉漢堡包、炸軟殻蟹意大利飯、燒春雞、燒大蝦配羊架！總括而言，味道不錯，只是地去稍為嘈吵，適合一班朋友影相打卡食飯，如果係情侶浪漫晚餐，就要要求角落位置好啲啦！😅😅😅

巳經是第二次去這間小店下午茶☕️，朋友生日想黎呢度打下卡輕鬆食個Tea😋 餐廳裝潢以黑白色簡約設計很獨得的，每一次來到都想影下相呢！下午茶$338包二柸飲品，價錢合理。Rose Tea好靚既賣相，有一朵玫瑰襯抵少女心重，味道唔會太甜帶有淡淡玫瑰青香。熱朱古力有朱古力粒圍著柸邊，甜甜地不錯喔！Mini chocolate greenhouse玻璃球入面有一份小小的朱古力蛋糕，朱古力碎就像泥般，賣相精緻，整體朱古力味幾濃好特別！吉列蝦及魚蛋口感酥脆有玫瑰花碎伴著，熱騰騰吃更滋味。層架上有鹹甜點，分量適中，賣相很不錯呢👍🏻柚子奶油柚子味清新口感特別軟滑，奶味濃。Mocha 蛋糕三層蛋糕咖啡和小小咸味既軟芝士，咖啡味無蓋過cheese 清香，口感特別。朱古力牛角包牛角包蘇脆帶有牛油香，有朱古力碎點綴。朱古力味好濃唔會太甜既，帶有小小榛子及拖肥味道。

呢間黑白主題大熱打卡cafe 之前都已經試過佢嘅tea set~平時放lunch又試過，今次再試埋佢地個dinner 先！黎到時都係一如既往大家都喺度瘋狂打卡~因為真係好鬼靚💛我同朋友一人一個set , 加錢要湯+沙律同飲品其實睇睇佢lunch 同 dinner set係幾似，只係價錢唔同～ 餐湯係南瓜湯沙律都幾大份等左一陣主菜就黎喇～～芝士牛肉漢堡配炸薯條麵包底有牛油再去烘底，所以好香脆，牛肉厚身，好juicy! 加埋芝士同生菜，係水準之作～ 薯條係粗身同埋上黎係熱辣辣既之後就係海鮮意大利粉配芝士忌廉汁無論係份量同海鮮比我想像中多：海鮮有帶子青口同蝦，真係算係咁！我地野飲都加錢轉左特飲：Lavender Dream呢杯現場曝光度都好高，茶底係荔枝，入面加左啲薰衣草粒粒，所以個味好清香～Tiramisu coffeetiramisu加埋垃粒粒咖啡，味道剛剛好最後我地再叫埋個超人氣甜品粉蝶花之丘後面係塊用糖膠拉出黎既玻璃幕，前面既就係餅乾碎，布朗尼同朱古力慕絲，個朱古力超rich~ 鐘意朱古力朋友一定要試！

超級打卡餐廳！鍾意影相嘅朋友仔一定唔可以錯過，成間餐廳勁多打卡位，環境闊落，嚟灣仔嘅朋友要試吓。環境以黑白為主調，餐廳內勁多打卡位，有d似走左入童話書入面嘅餐廳咁，黑白色型格得嚟又不失可愛度，當我以為餐廳只有一邊嘅時候，原來去廁所時先知餐廳仲有呢一邊，真係好大！餐牌連餐牌都設計得好有心思~~Lava Dream +$28(Set)見到每枱都有叫特飲，當然要嗌返杯，呢款Lava Dream用薰衣草做base，飲落果真有薰衣草花香味，無加太多糖水，唔會令飲品變死甜，頗清新舒服嘅特飲。香煎美國有骨豬鞍扒伴自家制蘋果汁 $238 好耐無食過豬鞍，亦都好大件，豬鞍肉質唔韌，無點醃制都唔會有雜味，蘋果汁亦都係清淡口味，食返本身嘅豬肉淡淡嘅味道，食完無油膩感。酥炸軟殼蟹意大利飯 $138好耐無食過risotto，呢款以白汁做base，意大利飯略嫌濕潤度唔夠，飯偏硬少少，不過有我鍾意食嘅炸軟殼蟹。總括而言，餐廳環境同埋服務都唔錯，飲品有特色之餘幾清新，食物亦都可以，喺港島多一間打卡Cafe做選擇。

之前去過灣仔間【Uluru】食下午茶，而且好適合打卡，今次就難得星期日得閑，再去一次打下卡，嘆下啦。Uluru下午茶主題係彩花之里。溫室下午茶。鹹點包括泰式炸魚餅同吉利炸蝦。甜食包括馬卡龍、Uluru朱古力、3款蛋糕：摩卡、柚子、藍莓乳酪、玫瑰奶凍、朱古力牛角包同朱古力溫室，以及飲品：Rose Tea，Lavender Dream。個人覺得鹹點遜色少少，甜點既水準比較高同平均，但係會特別薦牛角包同Uluru朱古力、飲品Lavender Dream都非常清新。黎打卡同朋友hea下都係唔錯既選擇！

係未去到韓國/台灣勁hit嘅黑白漫畫餐廳前，可以先考慮去灣仔@uluru 呢！打卡位夠，坐得都好舒服。第2次黎食Afternoon tea set $388 for 2, menu 係有定期轉，所以今次都有新鮮感喎😍 先來2杯Rose tea, 杯邊放左花瓣，哥哥仲會細心提你5好染到花瓣係件衫到，好細心呢😚咸點有天婦羅🍤同魚餅，2樣新鮮熱辣上碟，脆卜卜！ 再來嘅甜品🍮set 個架都好靚！有園藝feel嘅架入面係brownie . 另外有7款甜品係tea set 架。架有macaroon, mini chocolate, raspberry,citrus & chocolate cake 🍰 mini chocolate croissant 同 rose pana cotta。個人覺得今次個set 有4樣野都同朱古力🍫 有關，有少少🤏🏻甜得滯，不過可能朱古力控就會好鍾意❤️ 我今次最愛係rose pana cotta, 有玫瑰味得黎又5會太甜😋

The art design of the restaurant is gorgeous, it’s very rare you find places like these in Hong Kong. The food is delicious, very well plated and portioned. It’s the best value you can find for your money, very reasonable. And to top it all off, the staff are very kind & friendly. Definitely a recommendation.

呢間位於灣仔既Uluru好有特色，成間餐廳既背景都係黑白色手繪牆，就連餐墊都係貫徹黑白線條既感覺，而且地方超大，可以容納好多食客之餘，餐廳中間亦都有通道可以唔少少女打卡影相，而且餐廳開到好夜，夜晚同朋友chill下坐好耐都得，所以我都忍唔住去咗2次，一次lunch一次dinner，試下唔同既野食。 羊扒大蝦配新薯紅酒燒汁呢個係dinner menu，羊扒生熟程度剛好，肉質嫩滑，面頭有少許焦香味，配埋大大隻既大蝦同薯仔等配菜，作為晚餐啱啱好。 紐西蘭肉眼扒配紅酒燒汁另一日既晏晝就試咗呢度既lunch set，主菜之外仲包埋湯、沙律及飲品。牛扒有肉味唔韌，不過未去到好出色好靚既牛排，叫做中規中矩啦。 粉蝶花之丘（brownie、chocolate crumble、chocolate creamy)呢度既甜品都非常吸睛，今次就叫咗呢款粉蝶花之丘，成個半透明既糖膠屹立起嚟好似玻璃鞋咁靚，咁晶瑩通透，入面裝住好多朱古力碎，入口朱古力味好濃又唔會太甜。食食下原來入面仲有幾舊brownie，brownie口感好濕潤，味道濃郁，出面既糖膠好實淨，不過係可以敲碎嚟食，整道甜品又玩得又睇得又好食。 人均消

臨急臨忙搵個朋友女兒上課附近地方食嘢同坐。點知都有啲驚喜。食物：餐牌上都係啲平常西餐，有唔少選擇。除咗第一版all day breakfast 幾唔平常。居然有雞蛋仔？！我就試下佢。。碟all day breakfast 有西式嘅炒蛋、沙律菜、連pastry 個樣都唔錯、又有日式螺肉、又雞蛋仔咁，件事幾9唔搭8 幾fusion幾香港。而喺一碟有咁多濕食物嘅碟上個片雞蛋仔仲有5成脆真係喜出望外。不過我覺得雞蛋仔都係要用手meet先好味（當但係呢個時期喺街都唔想用手食，咁係我個人選擇啫）。服務：首先唔使齊人先入得（我本來搵到嗰間拉麵店要齊人先入得，害我阻住條街成半個鐘。。。）一入門口見到啲同香港打氣嘅物品即刻感動咗因為當白色恐怖瀰漫香港，原本有art嘅地方都為咗自保而用油漆全面複蓋時候，仲夠膽打正旗號嘅舖頭真係幾乎絕跡；當我飲緊餐湯、旁邊朋友只叫咗杯飲品嘅時候，服務員好溫暖咁問朋友要唔要飲個湯先。（不過我哋就唔貪心了）食物嚟到，雖然有啲甩漏，當我同服務員講嘅時候，佢哋都冇西面、好勤快咁處理返、仲好有禮貌咁講句唔好意思，實在係唔會令人唔會怪佢哋嘅。其中有人fulfill 唔到我一開始下單時唔

一來到這間餐廳門口已有種走入畫紙當主角的感覺，餐廳由門口去到餐廳內每個角落，都用上黑筆畫上不同的圖畫，而且餐廳播著宮崎駿動畫的音樂，什有走進童話的感覺!枱上的墊枱紙也有種好夢幻的感覺!我們點了set dinner，加$28有湯或沙律和飲品!甘筍湯，有香濃的甘筍味，湯都幾creamy!還附有法包片，點上湯一起吃更美味!沙律，沙律是用上意大利沙律醋拌勻，內裡除了有沙律菜，還有粟米、青瓜和車厘茄，很開胃!酥炸軟殼蟹意大利飯，飯的份量都幾多，軟殼蟹不會好油，脆卜卜，食到蟹肉，咸咸香香!而意大利飯不會太creamy，用上露筍和菇一齊燴，加上還有車厘茄，減少油膩感!香辣烤春雞配炸薯條，這裡的烤春雞會給予你半隻，都算幾大隻和多肉!烤雞外皮烤到有點脆口，雞肉嫩滑juicy!薯條是粗薯條，外脆內軟，再點上茄汁一齊食更香口!Popcorn Latte，這杯latte未飲已經聞到好香的爆谷味，入落有淡淡的爆谷甜味，不會有很苦的咖啡味，而且還有拉花，很美!Uluru Rose Tea，這杯飲品好有茶的香味，飲落有淡淡的玫瑰花香，帶有少少甜味，用上玫瑰花作裝飾，只是外型已經很吸引人用來打卡!