Triple O's by White Spot (已結業)

最近漢堡成為香港飲食界的hot topic, 每份飲食雜誌都以漢堡作主題, 看到有點流口水, 發現自己還未嘗試TRIPLE O'S的重量級漢堡, 便來試他一試.在衡量了自己的"胃力"後, 決定放棄套餐, 只要了一個磨菇漢堡-- 免治漢堡牛肉(是自家出品吧?)較廉價漢堡的牛肉味濃, 肉質很瘦, 故沒有芝士的地方有點乾, 但配上調了味的磨菇及芝士就挺好的. 三吋厚的漢堡, 本以為難以KO, 但其實漢堡佔大部分都是發的鬆軟的麵包(應是la rose出品), 故吃畢整個都沒有問題.香港人買慣了麥當勞$10有找的漢堡, 當然覺得TRIPLE O'S取價較高, 但到餐館吃一塊免治漢堡也不止這個價錢吧!

好想試Triple O 好耐o架喇, 終於佢o係九龍開分店, 哈哈!!我叫左mushroom burger set ($59), 一o黎到, 哇!!! 個包真係好大好大呀, 無可能一啖可以由包面咬到去包底呢!! 個包軟度o岩o岩好, d mushroom 超軟, 索左好多汁, 塊牛肉都好入味o丫, 可能太多汁喇, 個包真係juicy 到不得了, 一路大啖大啖咁食, d 汁大滴大滴咁流落o黎!! 哈哈!!朋友仔叫左另一個set, 佢都話好食到不得了, 佢仲叫左炸雞條share, 趁熱食真係好好食呀, 香口夠脆.. 而佢加埋gravy 點薯條, d 薯條又係勁好食, 熱辣辣, 脆卜卜, 點gravy 好過茄汁呢, gravy o既牛肉味加埋薯條係恰到好處!! 食完成個餐, 飽到呢, 我覺得59 蚊係值o架, 而個包真係好食過m 記幾億倍!! heee!!

今次帶女友嚟食。叫咗兩個餐，再加錢轉chocolate milkshake及佢哋獨家嘅Triple's O sauce...簡直係漢堡飽盛宴...感覺上mushroom burger比BC burger好好多，前者因有大量mushroom關係，juicy 好多；包做得幾軟熟，不俗..可惜塊牛肉依然係乾"崢崢"，成為致命傷...薯條大大條，新鮮現炸，永遠唔會太難食嘅...Milkshake保持水準，易入喉，夠smoothie，但感覺上vanilla比chocolate更佳...個Triple's O sauce就一D都唔特別嘞，只係將蕃茄青瓜粒醬及salad dressing撈埋一齊，味道有D怪..睇嚟有排先再嚟la..

經過上次食到狼狽非常嘅一役，今次嗌左個少sauce嘅original burger.其實少Ｄ野反而仲好，真係食得出個牛肉味.唔錯.但個麵包比較乾，唔夠軟熟.真係好大個，一個burger實左係夠晒飽.

第一次去金鐘食，感覺係大件同新鮮，尋晚同今晚分別同屋企人同女朋友b去尖沙咀海港城呢間，地方細左，好難搵位，卒之走到food court令一邊至有位。兩次都係同人share，分別叫左mushroom burger combo 同original，飲blueberry同朱古力奶昔，新鮮多汁既，不過驚喜欠奉，點都係千篇一律一味漢堡包，好昔好飲，整體不過不失。

叫左個mushroom burger set($59) & original set($49), waitress 問我需唔需要cut開個飽一半,我口快快就話好, 因為諗住可以同bf 試唔同味~~~等左5-10分鐘, 有得食la,個飽熱熱地, size 係比m 記大,仲味道,,,um, 係唔同d 0既,足料d, 塊牛肉真係有牛肉味gei, 但唔係話非常好jar bor,飽0既醬料, 係好多, 但我覺得比較淡;d 薯條凍gei?! 救命, 好唔新鮮,杯可樂, 唔夠凍, 又淡, 好似溝左好多水咁>__<*PS* 我同bf 都覺得個飽切開左仲更加難去食, 因為會散晒呀, 好狼狽! 仲有, 我想問d 薯條係咪本身已經落左醋or 要問佢先幫你落?! 因我唔見有一包包醋拎ar

我琴日試佐riginal Burger Combo + Vanilla MilkshakeClam Chowder個飽好大個可惜醬汁多過肉汁d staff又好似唔熟手整到包裝紙面都佈滿醬汁食起黎亦好論盡同埋塊肉無乜燒烤味唔似burger king個d咁香口有d失望呢!combo set既薯條就幾好香脆得黎都夠薯味係散碎d唶vanilla milkshake同大家感覺一樣味道ok, 無麥記d咁漏, 但真係好貴clam chowder有雜菜, 薯仔, bacon, 蜆肉好多料, 雖然略嫌蜆肉少佐d但味道都適中, 好飽不過都係鐘意白色的周打魚湯多d

好耐之前已經聽過呢間野好正,蘇詩黃更加大讚d肉汁會由兩隻手流落黎...見尖沙咀開左,星期六就拉住鍾意食漢堡飽0既男朋友去食.去到見到好多人,排完隊仲要等左十幾分鐘...我地買左一個磨菇漢堡餐轉士多啤梨奶昔(加$20)同埋一個煙肉漢堡餐加牛肉汁...1. 兩個飽都唔熱-->點解要等呢?2. 士多啤梨奶昔除左有少少核外,完全唔覺得有什麼特別,而要加$203. 兩個飽都冇肉汁,男友0個個更加乾到食到口損4. 可樂完全唔見有冰,但係就淡晒5. 唯一ok係個牛肉汁,夠熱又夠味睇黎都唔會再食囉...

見咁多人讚，已經想試咗好耐。但係不試尤自可，一試就...要咗個bc burger combo,+$8轉鮮橙汁。個包真係超大，我個口雖然大，但點那唔夠佢大，所以我挑戰唔分開上下層嚟食嘅結果係攪到污糟邋遢，狼狽非常。料非常多，汁亦非常多，但就可能實在太多，個味好"亂"，所以其實唔係太食得出牛肉味，亦唔太覺佢有幾juicy。薯條嘛...個人不太好這種粗身連皮的，而且就算是這種薯條，我也吃過比它做得更好的。橙汁，是鮮榨的，但應是加了糖，有點過甜。總括嚟講，Ｄ食物都ok。價錢是有點貴，但我飽到dinner都唔洗食。唔知係咪因為由細食到大，我竟然覺得M記好味D!Hamburger薄薄的，只有牛肉酸瓜茄汁芥辣，味道簡單...在我心目中,這才是hamburger...還有,M記Ｄ薯條，係最正嘅...(我可能已經中咗毒....=P)

早拜訪過太古廣場店，那次無論食物和環境都感覺良好；見海港城新開了一間，九龍人的我自然再去一次。可惜，初戀永遠是最美好的。可能店子新，湊熱鬧的人不少，沒有了金鐘的悠閒(事實上當年我在週日午去，也許有關)，連侍應們好像也很躁很急似的。然而這也只不過是快餐，也不該如此挑剔。不可原諒的是，食物怎麼差勁了。漢堡仍算味美，但咬下去，竟然一點也不熱﹗須知這是週五晚，人流如鯽竟也能泡製出連暖也稱不上的漢堡和薯條，感覺就好像突然回到尋常百姓間，倒也想念起一味死咸但總是熱騰騰的M 記薯條了。P.S. 個人認為另加5元的牛肉汁味道一般，非港人口胃也。P.P.S. 同好也不要對奶昔有太大期望。味道是好，但我相信不會是你心目中的那種驚為天人。

見到harbour city開了一間，剛剛好那天晚上要睇concert，那就同朋友決定早點shopping然後lunch吃個Triple O's！我第一次吃Triple O's是在pacific place的great，我覺得很好吃，雖然份量就大得驚人，但確實很值得一試！一個餐大約$49~$60，我自己就覺得值，因為一個餐實在好飽，剛剛就試了fried chicken，$49有5件雞，french fries同埋飲品，我自己一個根本吃不下，只好叫朋友幫手！一個$4x~$5x既餐可能有人覺得貴，但其實食得咁飽好味又有咩所謂！

响同老友們聚舊食飯之前，先嚟呢度做個胃部warm up exercise先..^_^望係九龍區開呢間鋪已經好耐(唔使成日過對面海ma)。好耐之前响金鐘食過一次，印象唔錯，於是同兩個老友記嚟個熱身先...唔好太過份，只係order個original burger加熟洋葱，再加招牌vanilla milkshake...依然夠大件頭，青瓜放响burger包上面係特色。餡依然係例牌嘅牛肉、洋葱、特製沙律醬等等，包烘得微熱，但稍嫌唔夠脆口；牛肉就有D失望la --- 好亁，有D好似食柴皮咁，一D都唔juicy，基本上已算係失敗嘅burger..>.<Milkshake係我响香港飲過數一數二嘅 --- 好滑好潤口，vanilla味非常突出。但係代價就係三十二大洋，睇你覺值唔值嘞...

今日傻鬼唔餓, 又要去CitySuper準備大晚餐, 所以去左尖沙咀行下. 以前食過金鐘個間, 今日叫做Original Burger Combo $49 + Beef Gravy $5. 個漢堡唔知係咪生意好, 反而無時間整熱, 攪到塊包好似有D凍, 塊肉乾身得濟, 唔夠Juicy. 薯條就好正, 先淋左白醋, 配埋個汁, 熱"辣辣", 好正!

尋日終於都同honey 去試咗 la, 真係幾正架, 真係好耐未食過咁有肉味既漢堡扒, 我叫咗個mushroom 既, 點知果d mushroom 真係新鮮既而唔係can food, 但係個飽真係太大, 我要食下上層(飽同肉) 又食吓下層(飽同菇), 但係都食得晒, honey 都話我竟然食得晒, 但就食唔晒薯條囉, 薯條都好好味呀, 係食倒薯蓉既, 相比老麥既就太乾啦, 而honey 就叫咗個veggie burger, 都幾好味, 最後一邊行一邊飲埋杯blueberry milkshake, 好夠奶味, 好creamy, 唔酸, 但我會喜歡果味多一點的, honey 話佢係MILKshake ar ma, 因為太飽所以都係慢慢行去搭巴士回家, 百幾蚊食倒開心同滿足, 真係值晒呀

上個星期六係海港城行, 見到呢間新野, 咁啱又肚餓所以同男朋友坐叫咗個餐.... 落完order 等得耐咗少少, 不過個burger 好正, 塊免治牛扒好香, 好有牛味, d 汁又多.... 好好食!! 個burger 其實都好大個, 我地當食tea 兩個人食一個都好飽!! 一定回再去!!