Triple O's by White Spot (已結業)

挑戰極限之超級無敵Triple O’s 晚上到了左敦見工，一入大廈，見到一個大約5尺9寸高、戴上烏蠅鏡的女子步出，細看一下，她正是陳慧琳！！！當我發現時，她已經步上了車了！見工只進行了約15分鐘，工作的性質我亦很喜歡，希望有第二次面試的機會~ 面試完畢，我抱著輕鬆的步伐，步行往尖沙咀，在海港城，問了幾位客戶服務員，都不知道Triple O’s 的位置，只好自己找，第一次到citysuper的food court時，真的看不到Triple O’s 的存在，再通處找找，最後問到一個年輕的客戶服務員，終於知道Triple O’s 的位置，再到citysuper的food court看一看時，原來她在一角！我終於找到了！ 我看了一看menu，在考慮BC burger，還是mushroom burger時，由於我不太喜歡吃番茄，結果還是選擇了mushroom combo set！盛惠$61大圓！嘩！小弟第一次吃一個$61元的漢堡餐！網上討論說要等很久，但可能當時時間尚早，我只是等了約3分鐘便有了！值得一讚！ 先說外觀，酸瓜外露，正如網友所說，真的方便我第一時間扔掉！包，真的很大，大約直徑5寸長

叫左2號Mushroom Burger 及3號BC Burger加十蚊要左杯鮮橙汁薯條剛炸食, 一定係好好食的, 好在我食薯條先, 我朋友最後先食薯條, 佢話因為已凍左, 十分難食, 又硬又乾.二款牛肉都冇牛肉味, 牛肉又唔juicy, 都只係d 醬汁關係才覺好味, d 磨菇都好味.牛肉唔出色又有何用呢!佢d 牛肉同麥當勞至尊漢堡比較, 冇分別囉!

Triple O's個大名聽就聽左好耐,試就真係而家至第一次。上次食過MOS Burger,感覺似被騙,所以今次唔敢有太大期望,點知...竟然有個意外驚喜!我估唔到,Triple O's既漢堡真係掂喎!唔求花巧,只係叫左個最普通既burger,一取已經覺得好夠份量而且香.食落仲正!漢堡唔乾,多肉汁,真係食到肉味,唔似一般快餐既漢堡無黎肉味...加埋其他料,你會發現佢真係無呃秤,一分錢一分貨,唔係求其俾少少料就算.所以一個包已經食到人好飽,女仔真係可以叫一個包再加少少小食就一餐!我覺得yummy yummy!

吃完麥記那"至尊漢堡"後, 和理想中的漢堡差太遠了, 於是特意找triple O, 試試人家口中讚好的包包下午三點多到達, 人不算多, 很快就找到座位, 亦不用排隊. 因為無吃午飯的關係, 和男友各選一個餐. 我要了1號original burger, 而男友要了4號雞的那個. 我們都加錢換了奶昔, 我要了blueberry而他要了vanilla.先說薯條, 男友未拿埋位已在counter偷吃一條! 看他滿足的樣子就知應該很美味. 是的, 應該是剛炸起, 很熱很脆, 粗粗的, 滿口都是薯仔, 口感很好.奶昔, 兩味都幾好, blueberry不太酸又不太甜, 飲到中段奶味會出來, 可能我不喜歡那blueberry皮帶點澀的口感, 還是vanilla味道較好主打, 漢堡. 很大!!! 雙手拿起, 想放進口裡竟不能全個的咬, 要分上下去咬, 這個情況來吃漢堡應該在我小學後未試過!! original的味道不錯, 肉汁很多, 不會像麥記的"柴皮"一樣, 吃完過後口中還充滿著那份肉汁味. 不過男友說還是較喜歡MOS. 如其他網友所說, 不知道是醬汁還是肉汁, 反正就是外層的紙浸穿了, 吃得很狼

晚上同朋友o係依度晚餐, 係佢極力推介o既見到60元一個餐, 心諗係唔係咁好食先?我叫左2號餐, 個飽好大個, 最正係個包o既煙肉, 芝士同汁. 個包好大, 絕對落足料我朋友叫左個mushroom burger, 佢話個飽冇我二號餐咁"漏"一個餐o既份量真係好多, 食完個包, 我食左幾條薯條已經飽如果驚一個人食唔晒個包，　買果時可以叫職員切開，　佢地樂意咁做（果度Ｄ職員講）不過有個唔好處, 係個飽太大個, 唔知點食. 仲有, 個包o既汁太多, 張紙太薄, 所以張紙好易穿, 食o既時候要小心D，　否則會好狼狽

又食三個O, 今次係海港城店.蘑菇漢堡餐: 8分, 跟文迪分吃了這個大漢堡, 兩個人食仲好, 不用太飽. 依然係相當精彩的蘑菇汁, 一食落口係好搶味, 同牛肉起了不錯的化學作用.今次的薯條反而係熱辣辣, 香口美味. 不久將來又會再來的.

25.3.2007 (Sat)我叫個Original Burger combo，包一個超大牛肉漢堡包、一客薯條& 一杯soft drink / coffee / tea。個漢堡包好重牛肉味，不過唔係太熱，食到一半已經好飽。個薯條好正，連薯皮，勁好食。但杯汽水勁甜，而且冇晒汽，好似"針"定咁。下次要試加$20轉milkshake。

星期六去食左個網友介紹o既Mushroom burger combo, 真係名不虛傳。個包勁大,要用刀切開四份。舊牛肉就冇乜用調味料,所以有啲「鞋」,杯薯條好新鮮,熱騰騰。下次會繼續試其他O野。

BC Burger醬汁淋漓、材料豐富。粗薯條乾爽鹽少。酣暢的一頓美式快餐，但實在貴得離譜。偶而豪一下好了。

上次去Pacifice Place食Burger 撲空。有機會身處尖沙咀，漢堡飽癮又起，即刻去Triple O整番個Burger返歸食。始終都係覺得原汁原味既Burger是最好味。因此，就要一份Original Combo。又厚又多汁的牛肉，牛肉味重，唔會乾柴柴，口感非常。加上爽口的生菜、蕃茄和酸瓜，配搭一流。薯條雖然淋左，仍然好味。一份快餐$51，看似幾貴。但$51可以吃個痛快，都值啦！

食triple o 已是上星期的事...因為太忙一直未有寫食評...但是吃完那個大burger 後的滿足感還未有違忘...跟友人share 了一個mushroon cheese chicken burger(類似係甘既名)...實在太開心了...溶了d cheese .... 有雞味的chicken (同x記既麥x雞冇得比!!) ..... 厚厚的mushroon ......加tomato 同lettuce ......一路食....一路讚好食...好juicy....冇其他adj可以用倒去形容那份滿足感....一頓好吃的"包" .... 令平平無奇的一天加上千個笑臉....題外話：假如佢平d d ....假如佢expand 佢個target mkt...x記.... 就面臨大敵了.....

ＯＵＲ　ＯＲＤＥＲ：+Ｍuｓhｒoｏm　Ｂuｒgｅr　Ｃoｍbｏ...+ＢＣ　Ｂuｒgｅr　Ｃoｍbｏ...+Ｆrｅnｃh　Ｆrｉeｓ...+Ｃhｏcｏlａtｅ　Ｈaｎd-ｄiｐpｅd　Ｍiｌkｓhａkｅs...+Ｆrｅsｈlｙ　Ｓqｕeｅzｅd　Ｏrａnｇe　Ｊuｉcｅ...揀左果度２個最受歡迎既ｂuｒgｅr泥食...果然名不虛傳！ｄ漢堡真係好好味同好ｊuｉcｙ！我終於都食到同我幻想一樣既漢堡牛扒！好厚好有牛肉味！同Ｍ記+ｍoｓ　ｂuｒgｅr果ｄ完全係２回事！薯條勁粗勁有薯味！至於杯古古力奶昔...買餐都要加＄２０！單買一杯＄３２...好貴...ｂuｔ...當你飲完之後就會覺得係值回票價！好正好正好正～下次要試埋其他味～仲有見到其他人食果ｄ炸雞都好似好正...下次下次...今餐食左＄１４０...食快餐泥講...貴...但真係值...

不論份量，味道，用料都比M記什至MOS burger高一班，雖然價錢亦貴一班，不過都值得最唔鍾意係佢張紙太薄喇，o的汁流曬出o黎份量夠大，兩個人叫一個餐其實都可以

之前電台同雜誌都極力推介，番工經常行過但係都無咩衝動試，覺得好以貴左D。終於，上星期本來諗住去Dan Ryan但係得兩個人好以食唔到咁多野，又口痕想食熱氣野，就決定試試Triple O la~最平既餐都要$51快餐黎講算高價，叫左regular burger combo 同chicken supreme burger combo, 前者係beef burger, 食落有小許淡味，唔係咁juicy, 但有肉味，個包兩邊都有烘，幾鬆軟，我幾鐘意。chicken burger比beef好，因為漿汁比較多，塊雞都好大塊，不過如果煎得再金黃d會香口D。個薯條係粗既連皮新鮮熱辣同食完個包先食到，但係問題就係呢度，因為太熱不能入口，所以d薯條焗係個盒度變"淋"左，口感麻麻。另加一提，如果想加芝士要加$10！！我諗都未邊會再去喇…都係麥記ARM 我d

上星期六約左一個舊同事傾偈食lunch，佢提議去呢度食漢堡包，因為佢D同事食過話好食，既然兩個都諗唔到食乜，去試試都無妨。去到睇到個餐牌，嚇左一跳，無睇錯嘛？！$40一個包，$60食個餐？不過既然黎左，好！即管就試下值唔值。要左個磨菇漢堡餐配鮮橙汁，就已$69，俾錢果下肉痛死！四分鐘後，開餐時間到……薯條手指咁粗，雖然係炸既，但唔算太乾身，無落太多鹽，味道剛剛好。之前的朋友話佢地炸得太乾，但我果日食又唔算好乾身喎。漢堡包食左唔夠一半，張包裝紙已經濕哂，因為塊漢堡扒有大量肉汁流出黎，撈埋芝士味道更正，有點後悔無加芝士。個麵包本身都好軟熟，磨菇同出面差唔多啦，但至少落足料。橙汁佢地應該唔會真係鮮榨架啦，但飲落唔太甜，可以啦。還有，千祈唔好睇少一個餐的份量，望落得一個唔算太大個的包同一隻汽水杯咁多的薯條，但原來好頂肚。我已經唔算細食，但果日兩點幾去食，居然到夜晚八點都未肚餓。如果兩個女仔去的話，叫一個餐都應該夠食了，最多另外叫多一杯野飲。我覺得佢地D野都OK啦！雖然仍然覺得好貴。