Triple O's by White Spot (已結業)

11月既時候同個朋友去Harbour City shopping, 去左食foodcourt, 由於果排都好病, 冇咩胃口食野..點知竟然抵唔住朋友個飽餐, d 薯條買相好吸引, 唔理咳都痴肺都欏左來食!! 真係好好味, 脆得來感覺唔熱氣, 粗既薯條食落更加有薯仔味!!不過之後... 唉~~ 咳到而家都未好返...=.=

6/1(六) 2pm鄰座的番書仔到此店買了個Mushroom burger set $61,另加gravy$5.蘑菇漢堡--包身體型飽滿,質地鬆軟,放面的長酸瓜味道酸酸甜甜,數片蘑菇食味尚算合格;而牛肉漢堡入口依舊juicy結實,配以自家的triple o sauce,味道如昔!薯條--外型粗獷,不修邊幅的薯條炸至香脆而不覺膩口,蘸上牛味濃郁的gravy,可稱得上是絕佳配搭!$61一個快餐,驟聽價格似乎有點高昂,但其實收費水平跟加國大同小異,偶爾一訪也非屬窮奢極侈.

成日都想試, 昨天終於試左, 要左大家都推薦既mushroom burger, 要左個setmushroom burger: 真係好大個, 免治牛肉夠有肉味, 好大片磨蘑, 亦有好多汁, 有burger張紙再加埋張幾厚既紙巾墊住, d汁都仲係係指縫間滴出黎, 成隻手都鳥糟曬...個人覺得個汁幾好, 同d料完全配合薯條: 大大條, 幾好飲左個雀檸, 個set要$61, 雖然味道幾好, 不過以咁樣既餐黎講, 真係幾貴!

未試過, 當然要食下, 但真係好貴~薯條- 除了是因為有皮而好食之外, 唔特別炸雞胸- 夠熱, 但好乾口, d醬不是我杯茶~blueberry milkshake - 係最好的, 真係幾好飲, 但都係好貴, 跟餐都要加$20 , 淨飲好似要$39可能我係下午茶時間去, d薯條不是即炸的, 如無必要, 我諗不會再試了.

今日同左男朋友仔專登搭車去tst就係為左試下triple o的burger~2個人叫左bc burger同蘑菇burger,有薯條,野飲轉左blueberry milkshake同chocolate milkshake.個burger都幾大個,真係一啖好難食得晒,結果咬到周圍都係茄汁,d包紙痴住晒d cheese~waste左添~不過講真就冇想像中咁好食.冇錯牛係好有牛味,feel到材料係新鮮的,但味道方面就冇太大驚喜.我唔否認係好味既,但一個餐$59抵唔抵就真係見仁見智喇.薯條連埋薯仔皮一齊炸,一條係mc叔叔2-3倍的size,食落熱辣辣(唔知好彩炸起定點)連埋薯皮既薯條好好食~至於milkshake都唔錯,飲落勁雪糕味,blueberry果個仲有果肉添~但本人就覺得似似地溶左既雪糕...anyway只係我自己諗衰左,味道係好好既,但又要加廿皮...都幾掠水~overall真係唔錯,同埋唔駛驚唔夠飽,望佢唔算太大件但原來真係好滯架~

去尖沙咀，特地走過來試試這裡的漢堡，是否真的那麼好吃。與朋友仔要了兩個餐，他要了BC burger combo及轉了飲品作vanilla milkshake，我不太餓，所以要了sunny start combo(但後悔了~~~)。bc burger內的牛肉雖没甚肉汁，但很有肉味，而且包內有很多餡，那蕃茄很厚，很大塊。Sunny Start則一般，內裡有煙肉、蛋和芝士；包是鬆軟的，但煙肉過鹹，其他饀料味道普通，没有像bc burger一樣，有一吃難忘的感覺。薯條很有薯仔味，但suuny start combo的薯餅，和Mc Donald's是同一味道的，不吃也吧，下次還是吃薯條好了。Vanilla milkshake就像溶了的富豪雪糕，我不喜，但朋友仔極喜歡。總的來說，bc burger和薯條是試得過的。

今日終於去左呢到食啦平時成日經過都冇得食, 今日終於有得試下!叫左兩個set1個mushroom burger set1個mushroom 雞肉芝士burger 59$ <-話最近先有第一個感覺, 好大隻呀!!! 好多汁又幾好味, 可惜我覺得我個雞肉唔係咁好食我女朋友個一個mushroom burger就好鬼好食! 睇來下次都要叫佢食本來想叫佢個milkshake, 但係要加20$真係太貴啦, 冇叫到.. 可惜可惜

上星期六去食，當日食個BC餐+薯餅+藍莓奶昔=好正,正,正!個塊牛肉好熱、熱到出哂煙，又juicy!藍莓奶昔又不太甜，好有藍莓味。轉奶昔雖然要加錢，但都值！very excellent !

試來試去MosBurger 同Triple O ，Triple O 真係正好多，起碼係熱先啦，今次只叫了MushroomBurger ，好多汁，流到個包飽紙都濕曬，個包好鬆軟多汁，MosBurger 果d 即叫即整既涷飽冇得比。另外佢又比左兩包茄汁我，旦我只叫左個飽，費是浪費，咪加埋落個飽度，點知咁反而覺得仲好食左，大家有興趣可以試試~

今次是第四次來Triple-O, 但是第一次寫食評,之前幾次都是幫親IFC附近那間,而且幾次都是食素漢堡, 今次選了Mushroom Combo set, 加洋葱芝士要加$10, 連cooklight和粗薯條一杯,個磨姑牛肉飽加埋洋葱和芝士後,口感真係好rich,Ｄ牛肉好Juicy,真係好好好味,但個薯條就又乾又硬,我之前試過他的炸雞柳,亦是炸得很乾,所以覺得佢Ｄ炸物唔係控制得幾好,還是飽類比較出色

前幾日同個朋友去食,介紹左佢知好耐,所以佢都好期待,我就梗係例牌食返個BC Burger啦~一如以往,好味~!!!我朋友就係食齋既,所以佢叫左個Vegie Burger Combo,裡面有塊我諗係用齋肉同菜壓成既Patty,佢都話超正呀,一路食一路讚!我梗係叫佢貴d都要試埋個Milkshake,係唔可以錯過既必點品,結果佢未食完個包就係咁"chur"晒杯野,話想encore多杯添!!

上星期同亞仔食下午茶, 叫左一個磨菇漢堡set + 炸雞柳, 佢地好好人, 見我地兩個人, 主動問我個包要唔要cut開兩份, 亞仔第一時間食薯條, 好好味呀, 真係薯條, 個芥末甜醬都好好味, 佢話已後唔食麥記, 個包好正, 仲大過巨無霸, 牛肉好juicy, 磨菇個色雖然好似罐頭貨, 但係個味係鮮磨菇味, 好味, 炸雞柳就比較dry, 但係總括而言, 真係好好味, 亞仔要我全部比5分.

攪乜今日去邊都冇人, 一到order original set, 兩分鍾就有得食, 見薯條熱辣辣就梗。係要食幾條先。都算幾香趣。個飽真Ｏ係好巨, 一個女仔一定食唔晒一set, 塊牛肉好有牛肉味, 不過煎得唔香(不知道是否這樣做), D汁OK多, 夠多個飽就不會乾,都幾好。酸瓜一小片稍嫌不夠, 食完個飽, 薯條己經凍晒又軟晒, 如果可以((薯條後上))就好了!

九月的一個晚上到TST OOO食晚飯,2個人點了一個BC combo轉blueberry milkshake。原本聽取各食家意見後想試蘑菇包，不過男友不吃蘑菇，我一個人又吃不了，惟有下次再試，點了同樣備受推崇的BC burger~我對burger其實一向沒有研究，每一間都差不多，不過男友大讚，奶昔也甚得他歡心；我是吃得到果肉，可是未至於感動！印象最深的是薯條！！有人說不礙如是，甚至有人覺得麥記還比較好，可是我跟男友都極為讚賞！連皮厚切口感實在一流！味道亦佳，對比ＭＯＳ的薯條單看外表已令我提不起興趣，不如吃麥記（其實我並不覺得麥記薯條難吃，男友則說要熱才好吃，很多時都不夠熱）。combo$59+$20轉藍莓奶昔=$79

第一次試Triple O's 是在金鐘o個間, 因為openrice D 食評對呢間尖咀店麻麻,所以第一次決定比金鐘呢間.不過自己始終係九龍人,無理由唔去尖咀o個間.唔通次次食都要走過海咁傻咩!所以決定去老尖呢間博一博.我叫左個磨菇包,果然好似其它人咁講,個包裡面好乾,無乜汁.之後再去我就醒目啦,我又係叫返個磨菇包,落單時講明要多d 汁,結果同上次好唔同.磨菇汁/牛肉汁/醬汁都返晒黎.成個包生猛晒,好好味.如果各位唔想個包乾爭爭,記得落單時,要求多d 汁呀!