The Starred

營業中

休息中

最近抵制東大街，所以行遠少少睇吓有咩食。呢個係筲箕灣頭，穿過晒成個街市過埋馬路先見到。呢個年代，仲有$30-40個餐，真係唔敢相信，佢外賣自取仲平，但係因為行返公司路途遙遠，我哋都係選擇坐低堂食。我哋嗌咗個瑞士雞髀餐，配紅米飯， $36有埋嘢飲。真係普通燒味飯都做唔到。😂😂仲要上菜嘅時候超驚喜，個紅米飯係心形堆砌。滷水雞髀軟硬入味，仲配咗一條秋葵同蕃茄仔。最過分嘅係，佢嘢飲，都精緻到不得了，檸檬分開上。😂呢個我係會所先感受過。跟住我哋嗌咗自選扒餐，佢好似all day Breakfast咁，可以揀一個扒一個汁，兩隻烚蛋或者兩隻炒蛋蛋，配麵包或者配薯角。咁樣加埋先係$45😂😂😂餐廳裝修有特色，有古典風，而且乾淨舒適，店員態度超好，呢個真係有下次。

因為打風，唔駛返工，我決定要試屋企附近一間冇食過嘅餐廳，先知道原來紅星下午茶都幾抵食！環境下午茶冇咩人，可以自己揀位，我竟然自己一個坐到四人檯，感恩～至於頭頂裝修，超有八九十年代氣氛～食物牛肉飯$49.5雖然呢個飯真係好普通，啲牛肉又叫鞋，但我就好欣賞擺碟好有誠意～叫一個餐，竟然可以得到兩雙碟，個飯仲要砌到心型架！見到果下差點笑出黎，老土身戈黎又幾盞鬼！餐牌話咖啡係即磨，但我飲落就唔多覺，比較似煲出黎果啲。服務服務生著嘅衫完全同裝修格格不入，好大反差～不過佢地講野斯斯文文～一個下午茶連埋加一不過$50，我最後加多$27.5要件蛋糕，可惜比想像中細，試一次就夠了～

西餐要食好d，坐得舒服d，又要有靚裝修，又要有格調，又要有良好服務態度，又要湯包咖啡甜品全套齊，起碼都要三幾百蚊一位。這一間在筲箕灣的西餐實在抵食。大大件煎三文魚，不是雪藏貨，又湯又麵包，又生果杯，又巴斯克芝士蛋糕，又即磨咖啡，全程$160。紫芯蕃薯忌廉湯足料好杰，並不是麵粉奶開的湯。麵包是交貨來的，普普通通，但係用意大利油醋點黎食，立時提昇左。巴斯克芝士蛋糕型狀麻麻，好明顯是自家製的，芝士味濃，不太甜。羊肚菌黑松露意大利雲吞，同樣$160有湯有包有生果杯有茶有甜品全套。真係抵食到不得了。特別一提生果杯，實在健康的一個重要環節，一個小小生果杯內已包含幾種生果，我認為這是對客戶很有心思的飲食健康均衡的設計。

抵食又好食BBQ 醬豬仔排骨成隻碟甘大份索價$70夫復何求，仲送生果杯，無可挑剔。BBQ醬夠濃夠惹味。排骨雖然唔夠 juicy但係大大份$70是無敵價。同級餐廳，同級服務這個餐起碼兩至三倍價錢。羊肚菌黑松露醬意粉，大大隻羊肚菌四五隻，加上黑松露醬同忌廉和al dente的意粉，味道口感全部優點共融大爆發。同樣送上生果杯。這些完全不便宜的食材只索價$120。最後加件巴斯克芝士蛋糕作為甜品只是$20，芝士香味夠濃夠焦。個人口味認為，甜品應該再甜一些更完美。向侍應反映了，十分有禮貌的接受意見。這一頓美好食物以優良禮貌作結。

一開始見佢賣得唔貴，裝修又唔錯，諗住試吓，點知大伏😓叫咗豬仔骨同羊肚菌雲吞，大伏😱豬仔骨腍係腍，但係個汁真係唔得，勁甜🫤食落去好似食緊叉燒包個餡咁🙃配薯蓉，又真係完全得薯仔，完全冇味，少少鹽都冇🥲（係真薯蓉啊啊🙃）羊肚菌雲吞入面係雞肉餡，眾所周知Ravioli個餡應該係松軟，完全就係雞肉乾，真係得雞肉，連粒蘑菇都冇🥲芝士蛋糕都偏甜😮‍💨😮‍💨唯一係個湯都叫做仲飲得下🙂‍↕️講真折咗都$300左右（加嘢飲加湯逐樣計），不如去其他連鎖餐廳食下午茶都差唔多錢（可能仲平過佢又包嘢飲），質素又好🙂‍↔️🙂‍↔️廚房真係好差🤥🫠冇下次～

出街消費我好著重性價比，正所謂一分錢一分貨。食物要好食之餘，仲要有裝修有服務，價錢唔貴，咁就為之叫做性價比高。筲箕灣呢一間正正就是性價比極高，裝修要用堂皇來形容，坐得舒，服服務又好。小店來說食物款式多，亦好正宗。我揀咗一羊肚菌黑松露醬忌廉意大利雲吞，其實意大利雲吞本身就冇乜賣點，最緊要係配搭。黑松露醬，羊肚菌加埋忌廉就係最好嘅配搭最好嘅味道，只係120蚊，真係夫復何求呀。我朋友揀嘅係西班牙海鮮飯，鑊仔上似樣，用意大利米，用蝦湯煮海鮮味夠突出。飯內有三文魚，青口同埋蝦，亦只不過係130蚊。我叫咗杯白酒，朋友叫咗杯紅酒，只不過30蚊一杯。兩個人嘆住紅酒白酒食好西，加埋都係三百幾埋單，這就是性價比極高的佼佼者。

每年一到5月6月 總是覺得好 好豐富但係又好傷腦筋 又要諗送咩禮物畀老豆老母又要諗同佢哋去邊度食嘢 但係偏偏喺母親節同埋父親節中間呢段時間呢有偏偏好似有d好空虛感。 有啲地方母親節去咗，有d地方計畫父親節去。 咁呢個時候兩批計畫個的地方都唔去得。咁而家應該食乜野尼？去邊度食呢？ 所以一到呢d時剖刻呢，我就會憑直覺，憑直覺帶我去想食嘅地方。 尼間，永遠都係我西餐列表上的頭幾位。原因好簡單，装修靚，服務好，好食，最緊要係價錢唔離地。同等級數的起碼貴兩三成以上。亦即係所謂性價比高。 我地照舊食豬仔排骨同三文魚。豬仔排骨夠腍入味惹味盛惠七十大洋，真係茶記價錢酒店出品，仲跟個薯蓉同生果杯俾你。食得好，食得飽仲食得健康。煎鮮三文魚同雪藏的係真係食得出。山葵忌廉汁襯到绝，都係跟薯蓉同生果杯＄130。

我們一家三代同堂就是喜歡吃牛肉。爸媽兩老喜歡這裡的牛尾和牛面肉炆得夠腍滑夠濃。太太要生酮牛面肉漢堡，她說生酮可以瘦身。我必定要吃安格斯牛肉眼，那種焦香的肥和滑的牛肉。兒子說要 raw，3成牛封門柳真的血淋淋，但是放在鐵板上的牛肉香蓋過那血腥味。份量有點多，兩老通常都要將吃不完的打包盒，因為每一個餐也有生果杯送，十分健康又貼心。服務員比較年青，看來經驗不多，但勝在有禮貌。裝潢就不用說了，這是筲箕灣最漂亮的飯店。

A gorgeous place with Renaissance style decorations. Waitresses have very good services manner. Excellence food and best services in Shau Kei Wan.I had BBQ Baby Back Ribs, that was fork tender and tasty. It came with mashed potatoes and a wonderful fruit cup. I will definitly come again.

有冇人同我一樣，當去街食飯時，d嘢唔啱食，食完後好似自已未曾食過嘢咁？又有冇人同我一樣，鐘意食牛？咁就來位於筲箕灣樂融軒地舖thestarred 尼間小店試下。這間餐廳裝修特色有d古典？復古味道。高高低低，唔同大細水晶燈，尤其喜歡環繞在玻璃側邊四周圍的壁燈和花花地板。伴隨着輕柔的音樂🎶🎶，讓人暫且忘卻現代生活的快節奏，沉浸在古典和優雅的氛圍中享用美食。我今日食牛封門柳，鐵板配鮮菇燒汁牛封門柳係成隻牛裡牛味最濃郁既部位，成隻牛得一條，佢緊連住橫隔膜，脂肪唔多但肉味最香濃，肉質柔嫩但又稍微有d嚼口，對我個人口味而言最合適不過。師傅亦煎得好好，面些少焦香，內裡軟嫰，5成熟的程度把握得恰到好處。跟餐有誠意十足的水果杯哇……這是我味蕾爆炸，大滿足的一餐

一個人真係可以好浪漫，在桃花樹下食羊架的浪漫，可能未必個個會明白。 以前已經黎過幾次，都係同父母來。老人家喜歡這褢的牛尾牛面珠墩肉炆得夠火候，夠腍。我當然喜歡鋸扒啦。不過，今次就一個人黎。侍應好醒認得我，仲問我點解一個人黎，我話要獨自享受吓。現場都唔少客，我一個費事坐卡位。侍應就安排左我坐在桃花樹下。 order 左我至爱～羊架，這裹的羊架煎得夠香，令羊的油膻味變為香肉味，再加上迷迭香的味，好夾。另外一個特點是，羊架上洒上了腰果碎，那烤香的堅果味加上羊肉味、迷迭香味結合芥末香，可能就是令一個人也可以浪漫的原因。然而，侍應巧合地安排另一位單身女士坐在我斜對面，在同一棵桃花樹下，同時巧合地吃羊架。。。。。。。 環境、氛圍、服務、美食，加上醉人的classic 鋼琴音樂，一個人也可以好浪漫。

一星期一次同女友玩煮飯仔，去筲箕灣街市好方便，蔬菜海鮮生果好集中，價格亦都平。當然要食飽飽先有力托米。我女友係唔會錯失任何一個打卡點。尼間係可以由頭打卡打到尾。餐廳外那種風雨侵蝕木材的疤痕正正配合著復古歐洲的裝修。一入到去，滿滿的古典水晶燈包圍著一棵十尺桃花樹，唔通尼d就係西方文化在古舊筲箕灣漁村的縮影？被安排到窗口卡位已是注定手機先吃飽，加上天然光下，只想買部S24 Ultra。我叫左鐵版加拿大豬鞍。牛牛鐵板一到的香噴噴已經贏左我的心，菠蘿蓉搭豬鞍--絕。豬鞍好大塊好厚，口感彈牙有咬口 juicy 的，$130值回票價。女友叫的是英式獵人雞，這是煎雞胸再加上燒烤醬、煙肉同埋芝士烤香的。味道十分香口複雜有層次，只是要價$80！抵食到不得了。女友說雞胸肉有點嚡。這是煎雞胸，不是慢煮sous vide呢！以上兩個餐，除左跟薯蓉外，仲每人有一個蔬菜杯，內有香蕉，木瓜，火龍果，秋葵同埋車厘茄。我後來被指正了，是生果杯，原來秋葵同車厘茄是生果，不是蔬菜。Anyway，一陣買餸就慳番不用買生果了。加埋杯100％橙汁，用復古方糖的即磨咖啡，兩個人總共二百中，真係性價比之皇。一開頭我就講左打卡打到尾，

下午去完石澳回程經筲箕灣醫肚，餐廳正正在巴士總站側。西式裝修懷舊高雅，窗邊卡位十分開揚，可忙已滿座。服務員友善地介紹我們到一個角落，自成一國都 ok 喎。先來木瓜忌廉湯，純木瓜的天然香甜和厚滑的忌廉完全融合而成。麵包鬆軟，點意大利香醋及初榨橄欖油品噹。驚喜的是，以上只是$20，在這中高檔次餐廳，這個價錢是超值！原本諗住叫兩個下午茶餐，見到有個重量級雜扒只不過是$140，另加湯及麵包希望夠我們兩個大男人做下午茶餐暫時頂住等到晚餐才大吃大喝。點之，個重量級雜扒一上檯，真係嚇我地一跳，係真的重量級，一塊大豬扒，一塊大雞扒，淨係尼兩塊已經飽，再加一塊薄牛扒同兵加腸，真係懷疑兩個人食唔食得晒。鐵板上的，炸炸聲好有氣氛，原來仲有生洋蔥墊底，那份洋蔥焦香，不少隔離檯的人客都望過來。青胡椒汁比黑椒汁多一份胡椒的青香。豬扒是梅肉，雖然較肥有筋，但比較腍滑。雞扒煎得塊皮香脆。薄牛扒是紐西蘭的，吃得出不是高級牛肉，但不是被化學品軟化的牛肉。兵加腸脆口好味，不是平價腸仔。再加上少見的牛頭鐵板，這個$140誠意十足，亦滿足。未完，侍應還送來一個生果杯，內附幾種不同生果，十分健康。飲品，是由侍應介紹的熱鮮橙茶。熱

諗住好耐無鋸扒，今天帶爸媽，老婆，囡一齊第一次去呢間充滿懷舊式裝修嘅食店品嚐扒餐，店內環境真係好有feel，但5人座位較逼，感覺唔夠冷氣，當坐下後就order了5款扒餐1）英式獵人雞 80元2）厚切美國豬梅肉 130元3）美國牛封門柳（7成熟）170元4）法式羊扒（5成熟）170元5）雜扒 140元無套餐，每人加20元，有湯及包當湯及包來到時，麵包覺得涷涷地😬，叫咗4個紫薯忌廉湯，1 雜菜湯， 湯夠熱，雜菜湯係正常嘅， 但紫薯湯我就第一次飲， 真係麻麻地， 我女及老婆就飲咗一啖冇飲。 1）獵人雞到， 我阿媽食 就話隻雞好鞋，味道一般， ，但都未算好差。2）雜扒到，老婆食，豬鞋㗎，雞一般，牛就林㗎，味道一般） 3）羊扒到，囡食都ok4）豬扒到，買相好靚夠哂厚，諗住終於嘆到隻好豬嘅時候，一刀切落去已知懶野，用8成力鋸落去， 塊豬扒又乾身又鞋，無肉汁， 心諗又瀨野，我切咗兩嚿食，已經頂唔順，好似食緊豬肉乾， 到最後都係冇食到，塊扒淨返七至八成食唔到。5） 牛柳， 煮到好似十成熟， 好似食緊香口膠，老豆笑住講大快活正好多啦衰仔，呢獲瀨哂野啦。之後我就同個侍應講， 麻煩你攞返塊豬扒畀廚房睇， 我

收錢仲離譜 幾十年都未見過男服務員係可以比錢客人係從另外兩位客人頭中間比2張港幣紙唔出聲問問題十問九唔應！！！！！！！！女服務員態度差 男服務員冇禮貌！！！先問燈飾係咪熄左但冇回應 係問餐飲 女服務員答：落左架啦3樣餐一齊叫 有一個餐未到 男服務員答 ：未出 餐到 味怪怪地 （煎帶子黑松露醬忌廉意大利雲吞） 冇講內涵係雞肉醋 直覺真係酸臭味 但女服務員就好似覺得我哋唔識野咁 係雞肉唔係三文魚 / 皮同汁係唔差但所謂既雞肉放醋 ！！