The Starred

營業中

休息中

星期日和老公到筲箕灣The Starred吃晚餐。29/12黎仲有棵靚靚既聖誕樹，好有氣氛。凱撒沙律沙律菜好爽脆，撈埋沙律醬，仲有脆脆既麵包粒、提子乾、風乾火腿粒。餐湯及麵包一個要意大利菜羅宋湯，另一個要洋蔥牛肉湯，兩個都清清地，重點係個餐包好軟熟又香甜。鐵板美國牛封門柳·鮮菇燒汁封門柳充滿牛味，幾嫩口，底下有薯蓉，仲可以體驗港式鐵板扒淋汁個下。美國安格斯牛肉眼扒·黑松露醬燒汁肉眼扒相對肥啲，個汁真係加左唔少黑松露醬，底下亦有薯蓉。西班牙巴斯克焦香芝士蛋糕芝士蛋糕口感軟滑，入口軟綿綿甘溶化，芝士味突出，堅好食。飲品叫了紅酒同100%蘋果汁。

唔係朋友帶我去我都唔知筲箕灣有間環境咁有氣氛、價錢實惠食物又唔差嘅西餐廳 餐廳外面其實已經好有feel望到裡面高貴嘅水晶燈聖誕節嘅裝飾佈置更加係有心機 🐮10安士美國安格斯牛肉眼扒 配黑松露燒汁叫咗半成熟肉眼扒size 一啲都唔細份加埋黑松露燒汁味道超香🐟寶雲酥挪威三文魚 配山葵芥末籽蜜糖忌廉汁係我最喜歡嘅一個寶雲酥嘅三文魚令表面焗得好香脆但三文魚肉仍然可以留有肉汁肉好嫰再點埋特配醬汁好夾好好食🥰🥘西班牙海鮮飯海鮮料好足大蝦、青口、鱸魚肉醬汁亦調配得好好真係估唔到呢間內外裝修佈置都有心思食物質素唔錯但價錢意外地實惠 完全係一間隱世嘅平民西餐廳見成lunch 亦都好抵我諗佢好快變做我飯堂

超有氣氛🌹懷舊扒房街坊價午餐$35外賣$20起餐廳環境超有氣氛，吊燈掛鐘，加上懷舊梳化裝飾，好像回到60年代！ 價錢親民，午餐$35起，外賣最平$20🫢正餐牌只是$70起，吸引很多街坊幫襯，午市座位爆滿💥🔥鐵板加拿大豬鞍，熱騰騰，再放醬汁，香氣撲鼻，豬鞍大件厚身，肉汁夠豐富，好有口感。至於珐琅鍋慢煮牛面珠墩肉，入面有3-4大大件牛肉，肉質煮得超軟腍入味，配🩷型紅糙米飯，好有心思。 正價餐加$40就有自家製餐湯、麵包、飲品及甜品

復古裝潢，彷如置身在歐陸地方。氛圍滿滿，啱哂情侶约會或朋友眾會✨️美國安格斯牛肉眼扒•黑松露醬燒汁 $200黑松露醬燒汁很香濃，味道明顯，牛肉眼扒很粉嫩，配菜係香滑嘅薯蓉。✨️香橙法式油封鴨腿•香橙黑加侖子忌廉汁$60鴨皮金黃酥脆，腿肉多汁，黑加侖子忌廉汁帶了一樣鮮甜味給鴨腿，豐富了口感。✨️凱撒沙律 跟餐$30大大片車打芝士，配上新鮮夾脆嘅菜和煙靱嘅煙肉，好好味。✨️餐湯及麵包 跟餐$20今次選了紅湯~蕃茄雜菜湯，好足料，飲到鮮甜蕃茄味。✨️飲品呢度氣氛好好，最啱係度同朋友傾下計、飲下野，今次飲左全脂奶 $28 ~ 鮮奶香滑100% 橙汁 & 100% 菠蘿汁 跟餐$10 ~ 新鮮好味聖沛黎洛天然氣泡礦泉水 S. Pellegrino Spankling Natural Mineral Water $32Perrier $28供應多款樽裝礦泉水，高級餐廳有嘅水，呢度都有。✨️甜品呢度最聞名的甜品「西班牙巴斯克焦香芝士蛋糕」~自製蛋糕。蛋糕面有少許燒焦，食時點埋旁邊堆成星形嘅朱古力粉，十分滋味。

好友帶我去位於筲箕灣筲箕灣道333號樂融軒地下4號舖的 The Starred 食晚餐，環境舒適，裝修好有歐陸風格，加上店中燦爛的聖誕樹，更加添熱鬧氣紛。我點左個 寶雲酥挪威三文魚+山葵芥末籽蜜糖忌廉汁 $110，凱撒沙律 $30，餐湯（南瓜湯）及麵包 $20，蘋果汁 $10，西班牙巴斯克焦香芝士蛋糕 $20；好友點左個 鐵板美國牛封門柳+鮮菇燒汁 $130，凱撒沙律$30，餐湯（南瓜湯）及麵包 $20，石榴汁 $10，西班牙巴斯克焦香芝士蛋糕 $20。整體黎講係高質素的菜餚，7成熟的封門柳外脆肉嫩，牛味香濃；三文魚皮香肉滑，十分可口；沙律菜新鮮好味，南瓜湯濃郁，芝士蛋糕好好味；店員有禮又親切，一個不錯的用餐感受。

餐廳：The Starred地點：筲箕灣菜式：西餐餐牌：主餐牌主菜15選1，有多款肉類，可以自選配餐項目，包括凱撒沙律/餐湯麵包/芝士蛋糕/飲品等。外賣自取仲有八折。紅酒雜菜炆紐西蘭羊膝 $130 另加一紅酒雜菜炆紐西蘭羊膝賣相一流，大大支羊膝放係薯蓉上面，圍邊有入味紅蘿蔔，秋葵，車厘茄同洋蔥。羊膝有好多肉食，比較硬身，連少少筋，味道只係少少蘇。鐵板美國牛封門柳鮮菇燒汁 $130 另加一鐵板美國牛封門柳鮮菇燒汁熱辣辣用鐵板上枱，服務員仲幫我倒燒汁，好震撼。封門柳我叫左七成熟，入面得少少生，牛味好濃，好有咬口。個鮮菇燒汁味道剛好，唔會太鹹。伴有新鮮秋葵兩條，車厘茄一粒同洋蔥條，蔬菜豐富，仲有少少薯蓉。慢煮牛面珠燉肉雜菜配意大利粉或紅糙米飯 $80 另加一慢煮牛面珠燉肉有兩大件，連筋，整得非常淋又入味，伴有紅蘿蔔兩大件，個汁好味又唔會太濃。意大利粉另上，擺得精緻而上面加有香草，可以自己加枱上面既茄汁食。凱撒沙律 加$30 另加一凱撒沙律好大碟，爽口新鮮羅馬菜加上大量沙律醬，好多芝士片，甜甜提子乾，煙肉粒同法包粒，仲有半粒車厘茄，口感味道豐富得黎又健康，食嗮成碟都唔覺太齋。餐湯及麵包 加$2

紅星餐廳位於筲箕灣，交通便利古典歐陸風裝修，非常華麗優雅服務很親切，令人感覺舒服👍紅酒雜菜炆紐西蘭羊膝～紐西蘭羊膝肉質鮮嫩，經過紅酒和雜菜的炆煮，香氣四溢，醬汁濃郁，羊膝下面還有大量的薯蓉和洋蔥，而且擺盤吸引，令人食慾大增😋鐵板美國牛封門柳鮮菇燒汁～用熱氣騰騰的鐵板上菜，封門柳煎到外焦內嫩，配搭鮮菇燒汁，口感層次豐富，喜愛肉類的值得一試😍西班牙巴斯克蕉香芝士蛋糕～甜度適中，芝士味濃濃香香，入口綿密👍而家只要加$40就可將主餐牌變成五道豐盛的全餐（包括沙律杯、湯、芝士蛋糕及飲品）

今日去到筲箕灣做野去到午餐時間要搵野食見到一間價錢親民，而且裝修得幾grand 嘅餐廳叫the starred就諗都冇諗即刻入去試下✨薄燒紐西蘭肉眼扒🥩🐮個餐跟意粉，要燒汁🍝上菜時見到塊牛扒份量都唔細👍🏻食落好有牛肉味同埋牛油香🤟🏻而且塊扒唔係近筋嘅位置食落啖啖肉，唔會話係筋位咬唔開雖然係薄切但都唔會係全熟😎火喉控制得恰到好處而且最有誠意嘅係有兩大塊牛扒✌🏻每塊都大過隻手掌🥳意粉份量都好多擺盤亦好靚👍🏻跟餐廳個裝修成正比✨羅宋湯🍲個湯夠熱🔥飲落甜甜酸酸味道好開胃而且好足料蔬菜肉肉份量好夠蕃茄洋蔥蘿蔔西芹全部有齊🥕🧅🌽🫑份量多得直頭浮哂上面👍🏻餐廳裝修好靚內部乾淨企理枱面同埋櫈都好整潔通風亦好充足💨💨成餐飯都冇流過汗餐廳侍應親切有禮👍🏻👍🏻對食客亦好attentive今時今日喺巿區用呢個價錢食到一份高質同埋有誠意嘅午餐🤟🏻🤟🏻實在難得

最近又探索港島東餐廳。這一間懷舊復古餐廳，被華麗水晶燈和聖誕樹吸引了。天花的水晶燈和枱上的水晶燈，配上復古紅和懷舊窗簾。整體感覺好好，非常有儀式感。職員態度良好，友善，服務也很親切。眼見大部分都是熟客仔，好多都會入黎慶祝。餐牌的價錢亦非常抵食。最後我叫了以下食物。鐵板重量級雜扒德國青胡椒汁（$130） 好耐無食過鐵板，選擇困難者的我決定要一個咩都有既菜式，同時是肉食愛好者的天堂，這個餐有雞扒、豬扒、牛扒和香腸。肉肉下是綿滑帶有粒粒的薯蓉，和香甜的洋蔥、秋葵和蕃茄仔。配上德國青胡椒汁，惹味香濃，唔夠汁仲可以同職員講。只需加上$40 便可以成為套餐。真係好抵食，CP 值高青燈籠椒忌廉湯➰沙律杯➰芝士蛋糕➰飲品湯非常CREAMY芝士蛋為這餐畫上完美句號

今日同屋企人去咗筲箕灣度搵食，見到地鐵站附近有一間西餐，就入去試一試一入去見到裝修好靚🤩，加上佢哋午餐時間都坐咗七八成座位，覺得都有信心🥰，所以就試吓佢哋嘅扒餐鐵板美國牛封門柳(全熟)🔥🐮🇺🇸因為我哋有小朋友一齊食，我哋就要求牛扒要全熟，開頭切落去好似有D硬😝，但係食落去原來一啲都無咁既情況，好易咬開☺️，估唔到全熟都有咁既水準，推介！鐵板加拿大豬鞍🔥🐷🇨🇦好有驚喜，勁大塊😱，亦都好厚身，但係鐵板上就更加香口🥳，豬無雪味，不過調味比較重手咗少少，但整體黎講都合格有餘👍芝士蛋糕🍰係最近幾興既巴斯克蛋糕，芝士味有🧀，唔太甜，合格總括來說，呢間餐廳性價比幾高，價錢唔貴，食物質素合格有餘，特別想讚下侍應服務態度好好😊，推介大家過開黎搵食可以試下!(題外話，我老公好鍾意把餐刀🔪，佢話好易切，好開心，所以今次D扒全部佢切哂！)地址:筲箕灣筲箕灣道333號樂融軒地下4號舖@Thestarred@chillchill_aloye#筲箕灣美食#西餐#封門柳#豬鞍#鐵板#食好西#hkfood#香港美食#foodiehk #foodpics #hkfood #foodstagram #foodie #hkig

懷舊扒房真的很有氣氛，一走進去就被華麗的水晶燈吸引了，天花和枱上都有，感覺很有儀式感。服務也很親切，令人放鬆又舒服。這次試了兩款鐵板扒，份量真的超驚喜！先說羊扒，配上夏威夷果仁芥末醬，羊味濃郁又不羶，三大塊真是吃到過癮！另一份雜扒則是肉食愛好者的天堂，有豬扒、雞扒、薄牛扒和香腸，配青胡椒汁，香濃又惹味，搭配的薯菜也很出色。薯蓉吸滿醬汁，滑溜細膩，秋葵也煮得剛好，帶點清新感。再加$40升級五道全餐很划算，多了餐湯、迷你沙律、飲品和芝士蛋糕。芝士蛋糕入口綿密，甜度剛剛好，為整頓餐畫上完美句號。總結來說，這裡不僅環境高分，食物份量和味道都很有誠意，絕對會再回頭試其他菜式！

呢間餐廳嗰嗰staff都發緊夢咁 一去到張枱有污漬叫佢抹，龜速地抹左2分鐘。。。跟住落單嘅時候，個侍應竟然係拎住人哋啲信用卡收據背面黎落，仲要一路寫一路跌哂啲單🙃 我見到咁樣就心諗唔好用信用卡俾錢 咁唔安全😑 有無搞錯🙄我地叫左2個5 course set 同一個羊扒，個staff上菜係狂手震，好驚佢倒落黎😑 5 course set 有starter+soup+main course+dessert+drink. 我地叫左個豬扒, 牛扒，成個賣相都唔多吸引… ✨ 重點係: 啲嘢食係唔熱架！！！個豬扒同牛都係要佢再整過😞食食下無啦啦個staff叫我地要喺個卡位度行出黎，因為佢要拎野😶 呢個都o哂嘴連個湯同咖啡都係水黎勁稀。。。 唯一好食啲嘅叫做係個cheesecake. 雖然都硬得滯。。。🫨完全係勁難食的一餐，永無下次😮‍💨簡直係食咗個空虛大家唔好俾佢個餐廳外表呃左啊😵‍💫 食物唔掂👎 Service都好唔掂👎👎

難得假日放假，見到呢間餐廳都歷史悠久，諗住入去一試，試想象一間餐廳冇可能將啲牛扒系烚嘅，一送出嚟個賣相都怪怪地，因為諗係應該係煎出嚟的，再食落口出同白烚無分別，一定一定唔會有下次，前菜同甜品係正常新鮮既，但一到主菜就...賴晒嘢，仲要加錢

一行幾人重陽掃墓後，見到門口大大個下午茶優惠餐牌，吸引了去光顧。進去轉了一圈，男侍應表示無位要等，我地話ok 後，退至門口後5分鐘，才發現門口在等位的另外一家人，原來侍應有做名字登記，而我地什麼記錄都沒有，換言之，我地差點白等。補登記後，再等了好一會，突然另一個男侍應出來問是否等外賣，我們說是等位的，他帶我地入座後幾分鐘，突然衝來話搞錯了，我地要再等一枱客，然後又另一女侍應衝來說沒搞錯.....至此，我已感到這小小餐廳的安排混亂和員工表現強差人意，果然，其後的下單，上菜，結賬都是混亂的....上錯，漏單，然後又重覆上菜....至於味道，實在不怎麼樣，便宜的下午茶餐就不提了，價值$138的西班牙海鮮飯完全不值這個價，量少味道一般，唯一較好的是$80豬肋排。總的來說，不了不了

琴晚去咗呢度食飯，真係好耐未食過咁難食嘅餐廳！見到有五道菜嘅餐，價錢OK，試下囉。水果杯餐湯主菜甜品飲品最正常係水果杯！揀左薄牛扒+意粉….好！難！食！！唔知點樣形容個牛扒，意粉好硬，根本煮未透！見到個樣已經唔想影相，唔想留下惡劣的回憶。以前呢間餐廳係好吃，如冇book位，唔使旨意有位。今時今日竟然差得咁緊要，除咗裝修靚，真係諗唔到有咩。最慘嘅係計錯數，三個餐加埋應該係$275，俾佢收咗320幾蚊！只怪自己嗰刻冇睇清楚！！！大家埋單要小心啲！唉…. 一定冇下次！好少比劣評，真係唔比唔得