The Starred

營業中

休息中

其實經過呢間餐廳好幾次，但walk-in次次都話要等，仲要唔知等幾耐。令次都唔例外，成夜晚9點幾都話要留電話，留完其實我地已經走左，不過行到路口佢就打黎話有位。 。咁佢一早話等一陣咪得囉。。。首先叫餐湯，因為賣晒磨菇湯，要左個菜湯。個湯好稀，味道可以啦。個包唔錯喎，亦有柑欖油同醋。試左佢既豬扒同燒魚，幾ok喎個豬扒幾唸身，又唔瘦。唔會食到痴晒牙。個 魚就普普通通，唔嚡亦唔特別滑，個汁幾濃，okok啦。。。

筲箕灣區裏面少有嘅好食既西餐自從這個舖位由日本餐轉做西餐之後都食過三次 其實都幾欣賞佢撇除有一次唔愉快嘅經歷（尾段）其實我都好推介餐廳味道來講做得唔錯款式選擇多雖然看似價位比較高大概都要$90至220但係份量絕對多 一個女仔絕對食唔晒一個餐性價比幾好幾個人叫幾樣野一齊食都唔錯佢個湯都係高質白汁蘑菇湯唔係用罐頭開而係會食到好多好多蘑菇碎好飲 個包係香草包 其實個包我都覺得好好食佢會有橄欖油同醋比你點我食兩次都係食N餐-慢煮牛面珠 一來我覺得出面比較少見唔係好多餐廳做二來係食左一次 （仲要係打包回家食）真係覺到好食 面珠嘅肉質肥瘦適中 亦都好有牛味份量亦都好多我覺得這一味餸配飯和意粉都好飯係糙米飯 仲係心型添今次有影到人哋嘅雜扒餐不過又冇咩驚喜這裏的凍咖啡也是很好飲不過點解要足夠時間呢因為有一次唔愉快嘅經歷⋯⋯有一次同幾個朋友一齊食當然大家都一齊飲咗湯同食麵包然之後陸陸續續見到其他人有嘢食就好似鴨腿啦 好大份 有兩隻都幾正㗎等左半個鐘頭我仲未有嘢食於是乎就追問追問左10分鐘似乎原來佢哋冇落單朋是友都擔心我冇嘢食所以都俾咗一隻鴨腿俾我咁其實我午飯時間都就嚟完結但係飲咗個湯都問佢可以點處理但佢

一入去店員問有沒有訂檯，原來要訂檯...哈哈，最後當然有位，但在路中心，很不適。但意外店員當一有個更舒適的位置自動安排我們轉位，非常體貼。我點了一個牛扒我朋友點了一個豬扒，初初我以為是一般快餐店那種牛扒都沒有什麼太大期望，怎麼吃第一口的時候很原來是有質素的牛扒，是很好吃的，肉味很濃，少許脂肪夾雜在肉中間很香。自家製麵包有一點乾，搭配橄欖油跟醋味道很還好。價格跟幫扒房的價錢差不多，意粉一般$98左右，豬扒雞扒一般$100左右

最近成為友人的飯堂之選, 友人多次提起好味又抵食. 所以某天午餐便去試一試.餐廳鄰近筲箕灣港鐵, 店外以木為主調, 感覺懷舊. 門口上有粒紅色星星及店名"The StarRed", 由於在轉角位所以很顯眼. 店內多以高身卡位座為主, 亦有不少水晶吊燈, 跟店外格調很一致. 點餐後很快會送上餐包及餐湯. 當天的餐湯為雜菜湯/忌廉湯. 餐包質數很高, 似是自家的出品, 配上橄欖油及醋. 這種跟意大利餐廳一樣的吃法是我很喜歡的!! 麵包是無限添的, 當你差不多吃完餐包時, 服務員便會很細心地來問要不要添. 我當然也添了. 紅酒炆牛尾配扁意粉 $98 好大的一碟牛尾, 看起來份量夠倆口子送飯. 所以即時分了些給友人們. 絕不客氣. 牛尾味道調得剛好, 如果紅酒汁能再煮的杰一點會更加更加好! 紅蘿白亦夠入味, 而意炒的彈牙度亦不錯. 英式獵人雞 $98 (煎雞胸,煙肉, 秘製BBQ醬, 烤雙重芝士) 友人點的, 來時只見跟手掌差不多大少的一件東西放在木板上. 滿滿的一片焗芝士及醬汁在外層包圍了. 原來除了餐單上列明的材料, 還有南瓜蓉鋪了在底部. 我吃了一片雞胸, 很野味及相像中的雞胸肉

今日嚟到呢度食下午茶， 先攞位，然後係門口等，如果係附近行，職員會打俾你。環境都舒適，裝修都幾華麗， 用木和水晶燈點綴。由於得兩個人啦！好難先有機會安排到坐卡位。下午茶餐牌的款式都幾多，嗌咗個-個名有啲長，辣椒去皮雞肉橄欖油蒜片白酒炒意大利粉。有好多辣椒，所以味道都幾辣，啲雞肉都幾嫩滑，意大利粉的口感適中。飲品可揀石榴汁而不用加錢，算係多左選擇。不過衛生方面，就要注意下啦！因為當時會有職員出出入入倒垃圾，傳嚟咗一陣味道呀！ 同埋我飲嗰杯水有啲油。

又落雨啦，好大！做咗成朝嘢，正想求其外賣算數。望望手上來來去去果幾間茶記，突然覺得自己好可怜。不如不如去試下，試下街口裝修好靚ge西餐。於是，我決定今日豪d，對自已好d。浪漫下。雜菜湯好清爽，好多菜，沒有太多茄，菜也煮得剛剛好唔太爛，所以湯一d都唔稠。就係清清爽爽咁好開胃，我鍾意牛尾配紅糙米飯這個有d太驚喜啦！肉質有彈性，更好味的是連住一節節骨頭邊的肉，濃郁牛味及嚼口十足。仲有尼個心形飯，幾有心懐舊音樂、blingbling水晶燈、高身沙發櫈，整潔、端莊、有禮、……這是我對thestarred 的評價

一行四人找食，阿女想食西餐，於是去了這間餐廳。裝修懷舊又帶點浪漫，寛敞坐得好舒服。 服務不錯，食物選擇都算多，價錢算經濟，也沒有將貨就價。 餐湯周打忌廉湯不是無味求求其，相當有質素； 相反雜菜湯就淡口無驚喜。 自家製麵包熱烘烘的，配上橄欖油黑醋，好好味，還是任添的，非常窩心。主菜我們點了雜扒餐、香煎鱸魚和香煎三文魚。 味道很好，吃出大廚的誠意。 四個餐埋單也是五百元左右，吃到如此，好過自己整。 我會多啲去幫襯！

新開張時，餐廳都唔接受訂位， 而且常出現人龍， 可能附近無扒房啦～而且價錢又唔貴。最近終於接受位訂啦～ 裝修充滿懷舊情調，好有格調， 令我未食已期待。先來餐包及餐湯， 我選了什菜湯，湯清 ，不似外間的羅宋湯咁油油地。餐包是自家製的面包，可配黑醋橄欖油食，食落好煙韌面包仲可以refill。(煙韌面包唔係人人岩，但我like )香煎美國穀飼去骨豬扒．烤雙重芝士．意大利茄蓉醬 $98  價錢唔貴，份量足，有兩塊鋪滿芝士既豬扒，豬扒底有我揀既配菜月桂百花蜜焗南瓜及紫薯茸。賣相真的一流啊！  但一食落就..... 實硬鞋無味....OMG 咩事啊？ 我未食過咁差既豬扒喎......   配菜特別 - 用百花蜜焗南瓜，好清甜再食埋紫薯茸，可中和芝士豬扒的漏。鐵板雜扒．德國青朝椒汁 $150 朋友話太肚餓，選擇了雜扒餐，餐配薄切紐西蘭牛扒、美國穀飼去骨豬扒、雞扒及英式香腸、煙肉。嘩！大雜燴好豐富。薄切牛扒不用多說，無牛味 ; 美國穀飼去骨豬扒硬鞋實 ; 雞扒不錯，嫩滑有肉汁 ; 英式香腸、煙肉正常。最後的凍檸茶有驚喜，檸檬隨碟上，讓你調配個人口味既檸茶。

筲箕灣搵食一d都唔難，隨時隨地，大街小巷，只要你敢，尼度便有。但想稍為食好d，想環境好d，想静靜地傾下偈，想扮下蟹有品味咁，尼度都有。尼度呀！係話:thestarred店鋪裡裡外外，充滿文藝復興feel.好舒服。且，細嚐美食。睇下如何？穀飼去骨豬扒本身肉質都屬於“實”，但食落唔鞋口，且算得上肉汁滿滿，口感十足。配咗茄粒酱再加烤香咗嘅芝士。真係味蕾大放送。超正！帶子意大利飯三粒帶子，飯軟硬度適中，表面濕潤黏黏的，飯索埋鮮菇和洋蔥味，撈埋黑鬆露酱，够惹味。够咬口。够滿足。最好笑係，原來我哋全程係坐響近住廚房和洗手間附近的2人檯。但成個過程冇感覺唔舒服及唔開心。這可能就係我服嘅原因之一。筲箕灣少有之西，果然少有。加油！

約左朋友喺筲箕灣，去到11點半又未食早餐，於是友人話帶我去食好嘢，就帶我嚟到呢間西餐廳，去到早餐已經完左，咁唯有食埋中午飯囉，反正我地都肚餓!我地入去就有位，地方幾寬敞整潔，環境帶英式餐廳風格，幾特別!跟住我同佢一人點左一個餐，傾左一陣，菜就送上…羊扒肉質嫩滑不太羶，配汁味濃夠獨特，但又不會蓋過羊扒嘅味道，非常美味配紅糙米飯，造型亦花上心思，抵讚!而我朋友就叫左呢個慢煮牛面珠墩肉墨角蘭香草雜菜配月桂百花蜜焗南瓜及紫薯茸…賣相極為吸引，朋友仲讚肉質夠腍夠滑!之後我地仲嘆埋杯茶真係夠認真，非一般的西餐廳!我地食完再吹左一陣，不知不覺12點半，個場已經坐滿晒人，外面仲有人等位添，於事就埋單唔左人地做生意啦！今次朋友真的冇介紹錯，下次有機會再嚟!

商務午餐通常都係酒樓可以坐耐d傾下偈，但係又嘈，又食到悶。想坐得舒服嘅西或日式餐廳有些太貴。朋友在筲箕灣，由佢揸主意。一去到，驚會貴，因為裝修豪華。點知坐低看看餐牌，價錢平易近人喎，最貴是二百，平至一百樓下也有交易已包括湯麵包及餐飲，太X的乾炒牛河也要你六十幾個大洋。朋友已幫襯多次，她少吃肉，點了巨菇雜菜炒扁意粉。我也想吃清一點，她建議我吃鱸魚。先來麵包，好食，最特別的是用橄欖油及黑醋點，我不懂麵包，朋友說是自家製才有這效果，另一重點係麵包是任食的，啱晒我這種餓底。餐湯，朋友飲雜菜，確是多菜有益，啱晒佢。我飲鮮菇忌廉湯，好香的菇菇味，正。主菜來得較慢，正好。朋友的意粉色彩繽紛，很多不同的蔬菜。我的鱸魚，好鮮美不是雪藏魚。魚大大件又有薯菜，餓底也飽飽。反而朋友未投降，要多點一件芝士餅，我試了一小角，好香好濃的芝士，跟餐加$15實在抵食，但太飽，下次吧。餐飲，朋友點了很特別的鮮橙茶，酒店一般獨立茶壼，我點了蘋果汁。坐了兩個小時。滿足的午餐。二人加埋連貼士三百元落樓。侍應有禮有笑容，懷舊歐洲豪華裝潢，性價比極高。PS 洗手間很大，整潔，光猛漂亮，奇就奇在有張梳化？

今日天氣又熱又悶，真的想不到吃什麼的時間，看見這間西餐廳，外面還有客人在等位，心想難得嚟到筲箕灣，即管試一試吧；等了一會就有位，雖然是搭枱…但中午繁忙時間，唔駛等、又唔駛搭枱嘅…都唔好入去啦!餐廳裡面都裝修華麗，坐位都算闊落，幾舒服!看完餐牌，我就點左個“香煎挪威三文魚蜜糖芥末籽忌廉汁配月桂百花蜜焗南瓜及紫薯茸”，菜名好長，但睇個菜名應該幾開胃，又唔會太肉，啱晒依家熱辣辣嘅天氣!不到10分鐘，我的午餐就放在眼前，真的十分感恩，一看就知道沒有來錯…三文魚肉質嫩滑夠鮮味，配上那個汁濃香而又不會蓋過三文魚本來的鮮味，令人一試難忘…在這種悶熱天氣下，這個餐實在我食慾大增，但份量亦啱啱好，非常滿足，下次必定再來!

今晚經過筲箕灣， 彼此間餐廳吸引入去幫襯， 裏面裝修英式及有幾盞水晶燈， 見到餐牌後決定叫牛尾餐， 估唔到令我好驚喜， 非常大碟而且味道一流， 最後一杯橙茶 令我有非常滿意。👍

已經番食第3次!!!!!!忍唔住要寫個食評，3次大嘅嘢食都唔同，每次都令我有唔同嘅滋味🤩第1次好似係美國豬仔排骨，質素好好。第2次係個意大利飯，好好味。今次食咗個美國牛肩扒配鮮菇汁，個汁超正，同個扒好夾，配搭得好好!!!!!!!佢哋個蕃茄雜菜湯同自家製芝士餅都好好味。食物質素好，價錢又舒中，抵食😋其次就係服務質素好，服務員好有耐性，又nice，問咗佢哋攞嘢幾次都唔會唔耐煩，環境氣氛同設計都唔錯，十分滿分比十分💯👍🏼👍🏼

食物質素高，服務員也很細心。住咗喺度咁耐， 原來新開左一間紅星餐廳，今晚同老公第一次黎食晚餐，我叫左個厚切美國豬梅肉鐵板餐, 配個西梅燒汁, 味道真係一流。而老公就叫左個香煎挪威三文魚配蜜糖芥末籽忌廉汁，個三文魚D皮煎到脆卜卜，佢仲跟埋個天使麫一齊食，老公咁腌尖都話好食，值得下次再來試試其他。呢度啲環境燈光都好懷舊, 仲有D N年代之前嘅英文老歌聽下同睇都得， 都幾特別。套餐價錢一般。老公話一定要介紹埋 D 同事過黎食過先得。 😋