The Stadium (已結業)

聽朋友介紹係觀塘開左間以球場作主題既餐廳，咁岩今晚屋企人冇煮飯就去試下，位於The Wave大廈既The Stadium面積非常大。成間餐廳都以運動為主題，電視仲轉播不同既賽事。All day Breakfast有蕃茄、兩條腸、炒蛋、煙肉、茄汁豆、薯餅，薯餅炸得香脆唔油 ，炒蛋炒得頗滑，有牛奶香，不過煙肉太乾，而且多士烤得唔夠，如果有牛角包選擇會更好，茄汁豆份量超多，不過如果有蘑菇或沙律菜會感覺更清新。Tropical Juice味道好似雜果賓治，果汁入面既橙味幾重，仲有椰果同菠蘿肉。觀塘工廈既餐廳愈來愈多，睇黎以後係觀塘搵食都唔怕冇選擇。

如果我是一個球迷，我一定會愛上這間餐廳。這裡有無數的大電視，隨時播放不同的球賽。這裡有波睇，有酒飲，有飛鏢機和桌球檯。這裡的擺設和佈置與足球很配合，還有不同的球衣和足球相關產品的展覽。這裡餐牌的牌板是足球場設計，非常方便三五波友分享波經，談論戰術。雖然我不是一個球迷，但我已經愛上這間餐廳。如果要陪波牛朋友睇波，這裡的食物和氣氛已經足以讓非球迷自己找到樂趣。如果三五知己要找個地方傾計飲野，這裡的環境也挺有氣氛的。如果帶著小朋友來到，門口等候區的足球機絕對是他們自尋娛樂的地方。如果放工不想老遠的跑到老尖、灣仔和老蘭飲酒，這裡的露台絕對能提供同樣的英式風味。來到的第一件事，就是被桌上那個足球設計的水杯吸引著。偽英倫風情下，少不了的，是一客Fish and Chips。像生薑那樣巨型的炸魚，外層香脆，內裡魚肉沒有半點炸過的感覺。配上新鮮出爐、熱辣辣的炸薯條，兩者都沒有剩油濺出來，感覺廚師就是那種做事一絲不苟的人，連製作食物也恰到好處。沒有去過墨西哥，不曉得正宗的墨西哥酥餅是怎樣的，這道Chicken Quesadillia 墨西哥雞肉酥餅給我的感覺是煎香了的蔥油餅，再加上雞肉餡料，味道很吸引，

聽說這裡環境不錯, 有球賽觀看, 又有飛鏢等, 食物亦有水準, 於是和朋友前來一試究竟。Burger包身鬆軟, 洋蔥香味十足, 大磨菇帶來陣陣菇香, 牛肉patty鬆軟多汁得不得了, 咬一口, 肉汁便在口腔爆發, 當然不少得半融濃郁的芝士, 整個組合雖邪惡卻非常美味!! 薯條是幼薯條, 若是粗薯條我會更喜歡呢。Mac and Cheese的菇菌很濃, 黑松露的香氣迷人, 還有粒粒粉稔的南瓜,反而芝士味不重, 沒想像中膩, 但更適合我這個怕膩的人。Latte奶味香濃, 有咖啡豆香, 又不會有苦味, 很不錯! 在舒適的環境下享用晚餐, 幾時也是一件賞心樂事!!

這裡以Stadium為主題, 餐廳環境不錯, 大之餘, 什麼類型的枱都有, 有露天座位、梳化位、bar位, 甚至半圓大枱都有齊, 還有飛鏢玩, 來hea下和朋友gathering都一流!!Baby pork ribs $148Ribs有點乾, 未夠鬆軟多汁, 如果稔滑點juicy點就更好, 但肉味頗濃, 值得一讚的是, bbq sauce甜甜的帶微辣, 十分惹味!! 而粟米一條很甜, 另一條則較淡, 沙律菜新鮮爽脆, 很不錯!!Beefy mushroom burger $118Burger份量很大, 內有洋蔥、生菜、大磨菇、芝士、和牛肉漢堡扒!! 牛肉patty非常juicy, 肉汁不斷滲出, 鬆軟可口, 肉味濃郁, 芝士處於半融狀態, 洋蔥生菜帶來爽脆清新的感覺, 減低了膩濟感, 還有酸酸甜甜的沙律醬, 令整個burger味道層次感十足, 非常好吃!! 而薯條則有點失色, 未夠香脆。Mac and Cheese $88Mac and Cheese出乎意料地芝士並非主角, 雖有少許拉絲, 但味道不太濃郁, 主角是菇菌, 黑松露味非常香濃外, 還有不少稔滑的磨菇粒, 是一個以菇味為主的

位於觀塘工廠區The Wave 綜合平台開了一段時間，今晚終於抽到時間試到一直很想來的The Stadium。踏進餐廳時不禁「嘩」了一聲，除了有中環soho 區酒吧格調裝潢之外，還有十分寬敞的用膳空間，或許在租金昂貴的年代下，工廈餐廳能以成本優勢以「大」突圍而出。食物方面，餐廳以美式西菜為主，亦有時下流行的手工啤酒提供。今晚一行二人共叫了兩款前菜小食、兩樣主菜，當中以燒雞及香辣雞翼最為惹味。綜合餐廳環境、服務態度、價錢和食物品質四大評分準則，推介指數有8分（ 10分為滿分）。

我識很多男生都喜歡玩(欣賞)運動, 尤其球類的早前於openrice得知近我家開了一間以體育館為主題的新餐廳位置正正就在駱駝漆行前少少的麥記對面大大隻霓虹燈THE WAVE字眼, 就是上餐廳的入口了~工廈改建而成, 地方超大我唔係去咗3D館呀, 而係Lift內既環境, 未入餐廳已經覺得呢個地方很別緻叮....4樓Lift門一打開就見到呢個玩意餐廳以 THE STADIUM 名明 (體育館)時間尚早了吧, 來的時候不算人多,最初以為餐廳範圍是"眼看到咁多就係咁多", 原來分了幾個area4樓全層都是THE STADIUM的!!! 你想想成層工廈是有多大?!桌球檯都可以放幾張吧頭的側面是其中一個area經過後又是另一個area, 地方蠻大還有室外位置, 不過當晚下著雨沒開放Keep住播放運動節目, 但又唔會好嘈除咗球類運動, 仲有得比你掟鏢添是晚坐嘅位置是二人高檯, 隔離就是落地玻璃, 可以望到天空的坐下後, 侍應遞上Menu及2杯清水, 玻璃杯都很特別的, 杯底是足球形狀有 A la carte, Set Dinner Menu 及 drink list (有很多款啤酒)而且價錢都很合理

知道觀塘附近新開一間運動主題餐廳，所以去試一試個dinner, 上到去環境唔錯，夠寬敞。可能地方太大，侍應唔係好留意到坐喺室外既客人，有啲被忽視既感覺點左美式芝士通心麵粉太林，成個味只有甜味，食唔出芝士味，要自己另加芝士粉調味美國極黑毛豬，燒得好香，但帶唔出豬既味道 特色球迷沙律，配料足夠，味道還可以脆焗薯皮，薯皮太乾，賣相麻麻地，牛油果醬沒有牛油果味道環境仁得一讚，夠寬敞

今日去觀塘搵老公食午餐，佢話同事去過一間上樓餐廳，唔錯，所以帶我去試一試！上到去，係餐廳門口企一企(水吧位)，侍應無留意到我地，我地行前小小話2位，女侍應都好細心帶我地入一間小人點的位置，係圓枱仔，坐得幾舒服。四周環境幾好，都係足球佈置。坐低後，睇餐牌，set lunch 由8x-128，我唔係太餓，所以叫左個蝦意粉同焗薯皮。叫完野食後，我四周睇下，枱上既玻璃杯好靚，係底部足球樣，水吧前有桌球可俾客人玩，好多電視播足球！坐位好闊落，唔迫！10分鐘左右,薯皮到，個樣都ok, 有小小沙律菜，但無醬汁點既？味道可以之後到意粉了，個樣幾好，蝦幾大隻，睇落好吸引。食落口幾濃味，蝦好爽。唔錯！原來個set lunch 要加$10先有餐湯，包埋會好點！好啦，食食下，我發現到坐左咁耐，無倒水俾我地，要我出聲。其實個個時間唔多枱客人架。要留意下！總結，味道幾好，價錢偏貴(以午餐黎講)我地會再黎，不過應該會食晚餐，可約埋一大班人黎！

近期在社交平台上，經常看到觀塘工廈附近出現不少特色食肆。今次朋友介了我去The Wave大廈的The Stadium, 最近才裝修完畢而已。到達門口時看到有足球機就立即試玩一下，但原來只是擺設而已，哈哈。 整體餐廳都是運動為主題，不論是餐牌，水杯，餐墊或者其他擺設，而牆壁上更有不少最新賽事轉播。先上小食 - 焗薯皮，旁邊的沙律配菜非常新鮮。薯皮外邊烤得非常香脆，但仍可保持薯肉的內軟的沙感。薯皮調味恰到好處，味道不會太濃，而薯皮表面的醬汁是頗開胃的。我的主菜到了，就是黑毛豬，這是我第一次吃的，有一點期待呀！黑毛豬表面有酸甜的醬汁，超級開胃，亦令黑毛豬味道提昇。而黑毛豬底層有軟綿的薯仔和冰菜，茄子及瓜，味濃又軟綿，飽肚又不膩。而主菜底層有蕃茄肉汁，配以黑毛豬食用是頗配合的。 黑毛豬厚身又熟透，肉汁豐富，不過肉質有點兒硬，有點難切開。 朋友就點了香烤爐魚，爐魚鮮甜濃味，而肉質嫩滑，吃得出爐魚非常新鮮。而主菜底層有軟綿的薯仔，薯仔吸引了魚的味道，令薯仔味道提升，淨食都覺得飽肚。雖然叫的食物不多，但都吃到五百元左右了，不過我覺得這裡休息是不錯的，最岩一班朋友到此聚會看賽事呢。順帶一提，這裡有加一

依排Facebook 好多雜誌，明星都去依度食飯取景，見到環境闊落又好多球類元素，襯今日得閒老公又放假，帶埋仔仔同daddy mammy細佬 黎食個late lunch! 一出𨋢，我地一齊"嘩"有部old school足球機迎接我地。。okay 喎! 急不及待入去餐廳入面睇下仲有咩玩! 行入兩部，仲有兩張波枱，仲要放左咁多大型玩意，都仲係空擴闊落，香港地真係好難得，明顯老闆用心設計，著重空間感同客人用餐嘅舒適度!抵讚👍🏻👍🏻👍🏻因為我地都幾late下，錯過左lunch set menu,錯有錯著，主餐牌食物更多元化。我地乜都想食就嗌左幾份share! 總括好玩抵食，又好味，仲有個露台可以sit out!!! 黑松露雞肉闊條麵，好好食，好香，唔太濟! (喺我出去explore間餐廳時到左，佢地已急不及待食左先，好彩仲影到相) All Day Breakfast 好大碟，我諗兩個女仔先食得晒

近年觀塘有特色的餐廳愈來愈多，今次便來到以球場作主題的The Stadium。餐廳面積非常大，有多個主題專區，更有多個電視螢幕播放足球、籃球等比賽，整間餐廳都充滿著熱鬧的氣氛，男士們定必喜歡。連擲飛標機都有，可惜晚飯過後已有人在玩，唯有等下次。The Stadium Combo $128跟朋友來看球賽點個小食拼盤就最合適，因為選擇多又豐富，有洋葱圈、魷魚圈、芝士條、水牛雞翼、粟米球、雞塊，連醬汁都有四款，芝士汁、沙律汁、辣汁，總有一款合你心意。煙韌的芝士條要趁熱品嚐，第一件先吃，熱騰騰仍然可拉絲。水牛雞翼雞翼外層炸至微脆帶焦，沒想到內層雞肉仍然嫩滑多汁，味道辣中又帶點酸，蠻惹味的。沒想到炸漿包著的是粒粒粟米，有驚喜。滿滿的芝士佈滿在薯皮上，薯仔蓉鬆軟，外層帶脆。整體炸得香脆不油膩。Beefy Mushroom Burger $118頂層的麵包輕輕烘過，外脆內軟，中間的牛肉充滿肉汁，配上半溶的芝士，新鮮蕃茄、生菜和洋蔥，感覺清新，但如果中間的牛肉再煎香一點會更好。Apple & Peach Juice $38飲品選擇不算多，而且剛開業未有酒牌，期待之後的啤酒。從裝修便想像到店主一定是非常

行完OUTLET想搵個靜靜地既地方, 原來轉角M記對面有座工廈改頭換面, 改左名做WAVE, 樓上有間睇波美式餐廳, 就走上去試下.一出LIFT已經有部美式足球機係到, 任玩! 餐廳內仲有桌球同飛鏢機!The Stadium分成3個區域, 有不同的SOFA, 望落D SOFA都幾舒服, 微暗的燈光, 仲有多部大電視, 你坐邊都好, 總可以清楚望到電視.先叫左小食同朋友一齊HEA下:The Stadium Combo ($128) - 有幾款小食, 包括炸洋葱圈, 炸魷魚圈, Mozzarella Sticks, Buffalo Wings, Nuggets and Corn Nuggets.炸洋葱圈都大大件.炸魷魚圈雖然賣相唔似, 不過十分好味!Mozzarella Sticks真係可以拉到一尺長! 不過好煙韌, 芝士太多粉了, 一凍少少就無甘好食.Buffalo Wings真係好辣, 好酸, 受得辣的朋友必試, 外皮炸得好脆, 雞翼仍JUICY.Nuggets 即係麥樂雞, 朋友話The Stadium呢蹶好食過DCorn Nuggets即係炸甜粟米, 入面仲有一粒粒粟米粒, 甜甜的

以運動做主題的餐廳還是第一次上來，裝潢十分有運動場的感覺，連椅子也做成了運動場般的感覺。連水杯也是足球祖呢。Set Dinner的選擇不多，我選了一個Fish and Chips。魚柳炸的皮脆像嫩，十分的滑身。配上檸檬汁把鮮味引了出來。薯條也炸的脆身且延身，表面金黃，略帶咸味。一邊看著餐廳的電視播映，一邊吃著這個餐，簡直是人間天堂。當然這樣對我來說是不會夠飽的，也多叫了一客水牛城雞翼。味道較為濃味，帶點辣，卻不失芝士味。醬汁就有點像是Tabasco，所以不點也足夠。旁邊的沙律菜正好中和了醬汁的濃味，十分配合。

開餐開到去觀塘工業區, 全因好多新餐廳係呢度開, 想試新野?! 無難度啦!朋友推介呢間坐落於新改建既工業大廈(THE WAVE)既THE STADIUM開餐打開升降機門, 就見到張遊戲枱係餐廳門口, 再行入少少仲有張波枱係度, 咪以為係擺設, 走既時條我見到係有客係度篤波架成間餐廳佔地六千呎, 真係好少見, 裝飾帶點工業風味道, 好岩三五知己或一大班年青人黎開餐穿上一身運動服裝既侍應送上餐品牌, 發現食物選擇都唔少, 有沙律, 意粉, 漢堡包, 炸魚薯條, 肉類及美式小食, 飲品落左幾款菜式, 一於邊睇電視播出既球類比賽(非常切合餐廳主題), 一邊等食先試下呢個特色球迷沙律($88) - 份量都唔少, 材料包括沙律菜, 疍, 無花果(好甜),松子粒, 黑豆, 栗米及車厘茄, 配埋特色醬汁, 味道酸甜, 好開胃!主菜方面, 點左1) 美國極黑毛豬 (10安士/$128) - 賣相吸引, 肉質嫩滑多汁, 有相當厚度, 切成一口配以特色醬汁, 非常可口, 友人表示好滿意!2) 原隻燒春鷄 ($118) - 放上枱已經聞到好香燒烤味, 春鷄份量適中, 切開見到肉質唔會燒到好乾, 食到鷄肶位置仲

或者你估唔到，工廈餐廳The Stadium可以咁型！餐廳位於The Wave四樓，呢楝工廈本身已經非常潮，由大堂到電梯，都打造成貨櫃碼頭咁樣，乾淨、有空間感，而且色彩繽紛！仲未正式走入餐廳，先見到好多「玩具」：足球機、桌球枱，再走入D，仲有飛鏢玩！全部免費 (除非你想部飛鏢機計分，否則都係免費任玩唔嬲)，男仔黎到實會好開心！黎到咁好氣氛既餐廳，要叫番支啤酒先配合到。呢度既手工啤選擇好多，我揀呢款水果啤酒來自比利時，名叫「Red」($58)，斟出黎堅係紅色既，好靚；飲一啖，甜甜既水果味，好啱女仔飲。有啤酒，就要有炸物。The Stadium Combo ($128)非常豐富，有洋葱圈、魷魚圈、芝士條、水牛雞翼、粟米粒、雞塊，連汁料都有四款，芝士汁、沙律汁、辣汁，任君選擇。芝士條勁煙韌，D芝士可以響個口扯住出黎，香得黎無羶味；水牛雞翼好刺激，夠酸夠辣；粟米粒俾左好大驚喜我，甜甜地好好味；魷魚圈就係我最鍾意既，好有鮮味。美國極黑毛豬 ($128)，中間肉質夠嫰，最surprise係上面既汁料，用番茄、青瓜等新鮮蔬果切粒淋上面，味道酸甜，好清新；旁邊既炸菜葉亦好得意，感覺有少少似韓式紫菜，但