The Right Place (寶勒巷)

營業中

休息中

今次搵到個好地方飲野兼食野！閒日都幾多人下，連室外啲位都坐晒！好野當然受歡迎，今次無揀錯地方！未睇啲野食，環境本身已經非常唔錯～有個大螢幕播啲舊歌，牆身上又有好多唔同嘅裝飾！見到好多人食豬手，好香好吸引！我地都叫番隻！豬手係原隻未切咁送過黎！好趣緻！豬手皮夠晒脆！皮脆肉嫩又香口！如果有埋甜甜地啲隻芥未醬就更完美！墨西哥牛肉芝士卷同想像中嘅有啲出入，佢分咗兩條黎包，有啲似春卷，外皮脆脆地，入面包咗牛肉碎，芝士同蔬菜。如果芝士可以再多啲就好喇！蟹肉煙肉海膽汁扭捲粉伴鮮海膽因為唔知扭捲粉係乜冬冬，又見到有蟹肉同海膽咁吸引，所以揀咗佢！扭捲粉原來係指通心嘅意粉，配上蟹肉煙肉同海膽汁，好香！仲有件鮮海膽添！飲品我揀咗Dr. kitty，由荔枝，芒果，菠蘿，乳酪整成，入口香甜～充滿果香～朋友叫咗my cup of tea，唔好俾個樣呃咗，其實反而呢杯先有酒！仲加入咗茶同果味，見佢都好滿意～

今晚係車仔對曼聯！又有得睇波，又大mon，又清bar feel，我諗起呢到！一於帶肥仔老公去呢到！超大電視！德國咸豬手$238鹹豬手超大隻！店員仲會幫我地去埋骨，豬手皮脆肉嫩，啖啖肉。煙肉、燒南瓜、車厘茄、煙莫薩里拉芝士汁手工貝殼粉伴香煎鵝肝$178鵝肝超級肥美，咬落去外脆內軟，手工貝殼粉好有咬口，伴埋濃郁的芝士汁一齊食真係好好味。My cup of tea $148 分為兩杯酒，熱酒用一個茶壺盛載著，酒杯裡面有條魚，好似飲緊中茶咁，酒味好香濃。另一杯凍酒既味道又完全唔同，好淸新，酒精唔濃，飲落有花香味出哂來，店員叫我地可先飲熱酒再飲涷，岩岩好中和熱酒酒精濃度Cocktail soup $148一杯具有泰國風味的cocktail，入口好香椰奶味，飲落去有少少泰式的香辣。除左cocktail外，仲有充滿蟹醬味的芋絲作為配搭，超有特色。兩個人食左500幾蚊，仲可以慢慢坐睇波！真心推介。

唔好以為尖沙咀寶勒巷依條街飲野先黎得， 其實呢度都可以搵到好多好嘢食。而今次我哋就嚟到The Right Place, 去品嚐一下酒吧中的美食。 最搞笑嘅係 黎到酒吧， 我哋竟然冇嚟飲酒。反而叫咗啲咁中式既fusion飲品。呢杯叫Right Place Tour, 飲落應該係青蘋果桃茶，味道幾香。呢碗叫Non-Grand。 材料既然係有魚肚，薑，同埋豆奶。味道勁似腐竹糖水，哈哈。 輕煎北海道鮮帶子鷹咀豆嫩菠菜鵪鶉蛋沙律配黑松露菌油醋汁。呢度嘅帶子應該係我食過咁多度帶子煎得最好食嘅一間餐廳。帶子煎得好香，外層煎得惹味，但帶子肉質仍非常鮮嫩，喺熟同唔熟之間，口感柔軟，令人讚不絕口。沙律菜同樣新鮮，加入少少黑松露油醋汁，非常開胃。 青蘋果伴豬腩肉。 呢道菜又係不得不讚嘅美食。豬腩肉好薄身，食落唔覺太肥，太油膩，但口感一流，唔會太韌亦保留一定嘅嚼勁。醬汁亦配搭得宜，唔會搶咗豬腩肉嘅味道。Cavatelli Beef Ragu。 初頭諗緊呢度肉醬貝殼粉會唔會太過普通。但得出嚟嘅結果非常好食。溫泉蛋做得出色，充滿蛋黃醬香,而個肉醬，味道香濃， 充滿啖啖香濃牛肉味，冇令我哋失望。 呢度嘅甜品亦一啲

老公生日，我真係揀唔到同佢食咩呀，所以好白痴地決定: 食晒佢！____________________🔹避風塘軟殻蟹 $98軟殼蟹🦀炸到好似人地fish and chips 咁脆，炸炸粉好薄，同埋隻蟹都幾多肉🤩.平時啲避風塘係同一堆炸蒜辣椒炒🌶🌶，佢呢度好特別係用薯片碎代替蒜，超脆超惹味.🔹鮮蟹肉煙肉海膽汁扭捲粉 $188醬汁多過粉，仲要醬汁有大量既蟹肉絲同海膽汁，極之鮮味，連放係面頭既鮮海膽都幾鮮甜唯一差啲既係份量有啲少，兩個人食差唔多，再多就唔夠分。.🔹My cup of tea $148茶🍵加酒🍺既配搭，一杯熱一杯凍，店員建議一啖熱一啖凍咁飲，又真係幾得意啵.熱果杯聞落好香茶味，意外地飲落酒味反而幾強，茶味只係淡淡。凍果杯既蜜糖味🍯好重，同時茶味酒味都出，又唔會太勁，我個人幾中意飲啵！.🔹The tofu pudding $148呢個真係好特別，係用whisky 同豆漿直接係您面前鮮撞豆腐花，撞完等佢7分鐘就有得食.雖然撞出黎好多氣泡好似月球表面咁，賣相唔太靚，不過豆花真係好滑，同埋好香酒味，whisky 味又勁晒重！.木桶唔係好大個，但食落先發現份量真係超多，我估三，四個人分就

餐廳位於尖沙咀寶勒巷，比我既感覺系同附近其他酒吧非常不同，除左有提供大量酒精飲品，餐廳亦Offer各式各樣既西式佳餚，有唔少仲真系好好食！所以就算唔飲酒，都可以黎呢度齋食晚餐，話唔定可以Surprise到你！Asahi (70/Happy Hour & 88/Night Hour) - 始終都系鍾意飲Draught Beer，尤其Asahi，麥味香濃得黎又唔會太Strong。DR. Kitty (66/Happy Hour & 88/ Night Hour) - 荔枝、芒果、菠蘿汁，再加上乳酪製成既Mocktail，味道偏味，較適合女性。緬因州龍蝦尾、珍珠帶子、香蒜辣汁扁意粉 (248) - 龍蝦有兩件，肉夠鮮甜，肉質都算嫩。而扁意粉配上香蒜辣汁真系幾惹味，辣辣地幾香口，加埋煙肉同帶子都幾豐富。烤澳洲羊架配薩丁尼亞珍珠麵 (308) - Around五成熟左右，羊架肉質粉嫩仲帶少少血，味道夠鮮濃，同埋一啲都唔羶，所以盡量唔好要求太熟，肉香幾到位，系唔錯既選擇。另外，珍珠麵既形狀系真系好似一粒粒既珍珠，起初仲猶豫緊系乜野，望返餐牌先知道系麵黎，個醬汁同配料配到幾好，所以連珍珠麵都幾好食。

The Right Place 呢間餐廳，幾適合同一班朋友放工黎呢度Chill下，環境氣氛唔錯，既可以暢飲Cocktail/ 啤酒，亦可以享用優質美食。Ginger Season Mocktail ($98/NH): 呢度嘅Wine List都幾多選擇，仲有唔少餐廳推介嘅Cocktail/ Mocktail。而呢杯以薑及檸檬作主調嘅Mocktail都幾深得我心，薑味香，亦有檸檬嘅酸酸甜甜，兩者都幾夾，加埋冰凍嘅Sparkling，好適合系秋夏呢種天氣飲。美國安格斯牛肉芝士煙肉煎蛋漢堡伴薯條 ($128): 大大塊以安格斯牛肉製成嘅牛肉漢堡，肉味適中，質感亦鬆化有肉汁，加上芝士、煙肉及煎蛋，非常邪惡！烤澳洲羊架伴煙肉，車厘茄，嫩菠菜及薩丁尼亞珍珠麵 ($308): 羊架質素唔錯，肉夠嫩滑有肉汁，肉味都幾香，亦無乜羊羶味，建議點Medium享用。而薩丁尼亞珍珠麵幾有趣，系以麵條製成一粒粒珍珠狀嘅麵粒，咁食麵都系第一次。

約左朋友來慶祝生日。我們都是第一次來，一來到覺得這裡裝修很特別，富有舊香港的味道。我們一坐下便點了黑松露薯條，主菜方便，點了蟹肉海膽汁意粉，帶子意大利飯，當然少不了招牌避風塘軟殼蟹！果然，招牌菜的確不錯👍蟹炸得很鬆軟，味道很得宜，不會太咸！！既然慶祝生日，當然甜品是重頭戲！2個甜品： 香蕉卷和綠茶心太軟雖然製作時間要30分鐘，不過我們也覺得很值得！香蕉卷外脆內軟，熱熱的！好正！心太軟，一切下去綠茶朱古力香味飄出來！不用幾分鐘便吃光了！

別人常說，對的時間遇上對的人，是人生最幸福的事。這話當然沒錯，不過對的人從來都十分難求。與其千辛萬苦等待對的人，倒不如好好把握對的事。所以今日便來到了The Right Place，吃頓對的晚餐。 也有一排沒在晚飯的時間去酒吧吃飯，因為總是覺得很嘈吵。但今天興之所至，看完電影，心情好好所以即興來了這裏。想不到晚飯時間這麼的熱鬧，餐廳門外和餐廳內早已坐滿了人。店內播着歐美流行曲，增添了不少氣氛。看見人們摸底碰杯，傾得好開心。 這裏的雞尾酒和mocktail造型都十分有趣。所以我們點了一杯Dr.Kitty和Right Place Tower。Right Place Tower是熱飲的，用牛蒡、蘋果、桃調製而成，入口含豐富果味，加上係熱飲，感覺健康又養生。 Dr. Kitty是由荔枝、芒果、菠蘿和乳酪調製而成，入香甜，顏色又靚，好適合女孩子。 這裏的餐牌很貼心，招牌的都有大大幅圖，一目瞭然。我們點了個避風塘椒鹽魷魚酥、一個三文魚沙律和燒澳洲M5和牛肉眼扒。牛扒是我最愛，所以怎能不點？ 避風塘椒鹽魷魚酥好好食，大大的一盤，上面灑上大量香脆的麵包糠，真係有避風塘的味道。

今日去咗尖沙咀the right place 食晚餐，呢度環境好好。蠔湯:個蠔湯都幾好味，調味非常夠，ok creamy ，我覺得配埋麵包就更加好食。但如果有啲蠔粒就更加好，我覺得呢度嘅蟹湯更加好味！香蒜松露油薯條：佢係厚切嘅薯條，外脆內軟，有淡淡的黑松露味，但係黑松露嘅味道就唔算好濃郁。最鍾意係佢上邊有好多香蒜絲。清酒蒜片辣椒煮美國馬尼拉蜆：呢個蜆個size都幾大，味道就非常惹味，我個人覺得有啲辣，同埋有少少鹹，但係啲蜆幾多肉汁，無沙。海鮮扭紋粉:佢嘅海鮮有龍蝦尾，帶子，海鱸魚同埋魷魚，啲海鮮都好新鮮，好彈牙。我幾鍾意佢嘅扭紋粉，口感好特別，嗰調味都好好食。Local fashion :喱個係店員推介，個味好特別，都重whisky 味，但易入口。Ginger season :好fresh ,有少少菠蘿味，ginger 味都幾重，可以解膩，相當唔錯。人均消費大概$450。

邊個話星期五先可以happy hour，其實平日放工都應該鬆一鬆。要搵地方吹水傾計，唔可以咁求其有啤酒飲嘅地方就算，一定要啲嘢好食！所以就算係d friend揀咗去既酒吧，都會俾我毫不留情咁ban左，再轉去the right place，因為呢度先係the right place to go! 鮮蟹肉煙肉海膽汁扭捲粉伴鮮海膽$188，有一片新鮮加件大海膽濃郁鮮味，海膽汁和蟹肉碎均勻掛在每條扭捲粉上，加上洋蔥粒添加口感，不錯。避風塘軟殻蟹$98，兩大隻開邊成四大件，改良的避風塘配方，不會一味只有蒜味，也不會咬下去只要脆漿和炸粉，是真正能夠吃到熱騰騰的juicy蟹身，再配一口冰涼啤酒，足矣！Between Your Tea $138，含gin 酒、玄米茶、紅柚蜜、乾橙汁、綠茶糖漿和水。清香的玄米茶和淡淡的Gin酒加上甜甜的味道各方面平衡得相當好，容易入口，為愛茶女士恩物。魷魚煙肉粟米嫩菠菜芝士忌廉扭捲粉$148，水狀忌廉下了煙肉味道濃郁，扭捲粉有咬口，外形趣緻又飽肚，配料份量很多。甜品時間，是即叫即撞含威士忌的豆腐花The Tofu Pudding $148。等7分鐘後掀蓋飄來一陣香氣，一

寶勒巷出名多酒吧，今天選擇了這間The Right Place，意外地有驚喜。 從門外看去就像附近的普通酒吧。店內裝飾和餐牌有濃烈的港式風格： 避風塘系列，很像大排檔呢。飲品也有各種茶或以茶調製的cocktail，還有龍眼和紅棗等中式糖水材料。這是Local Fashion。很醇厚的威士忌味，喝到一半後其他材料都體現出來，好像蛻變成另一種飲品。 朋友的龍眼茶，嘗了一口，很滋潤。杯子非常精緻。避風塘軟殼蟹上菜了，有兩隻那麼多。風味不輸大排檔。裡面的蟹肉還很鮮嫩多汁。可是好像拼湊不成2隻完整的蟹呢XD（強迫症請無視）然後是墨西哥牛肉捲，這是今晚最好吃的。我不客氣地用手拿著吃。牛肉有豐富香料味道之餘亦保留了鮮嫩的肉汁，外層捲餅吸收了肉汁既爽脆又鮮味。不禁貪心地叫朋友讓多3分1給我吃。最後的鹹豬手超大隻！還有貼心的去骨服務，啖啖肉很滿足。 店員哥哥整晚都很友善地介紹飲品和菜式，還讚賞我懂怎樣吃夠滋味。有如此舒適的環境、服務和食物質素，這個價錢很值得。

上星期跟朋友在尖沙咀隨機選了一所餐廳吃飯 － The Right Place! 餐廳分室內外，供客人選擇。因為當天有點熱，選了室內，裝修是典型美國風，提供西餐簡約菜式。如餐廳名般，無論Happy Hour或晚餐聚會，都一一完全適合！當中最吸引我們的是混合香港風格的特色Cocktails。避風塘椒鹽魷魚蘇 $98大大條魷魚蘇用竹籠裝上，用料十足，食落卜卜脆之餘又有避風塘風個種辣辣地風味！做小食一流烤墨西哥原條栗米 $58賣相靚不需多講，仲要真。原條上！等客人打咭之後，店員主動有禮幫手將刨下，與芝士混合，芝士讓微熱的栗米融化，入口軟熟。烤德國豬手 $228豬手大過拳頭！起碼要三個人先可以食得晒。香脆外皮襯著咸咸肉香，脂肪遍佈每處，一試難忘！安格斯牛肉芝士配薯條 $248Juicy 肉塊，新鮮蔬菜加流心煎蛋無得輸！咬落去層次分明，滿腦子都係肉汁！至於特色Cocktails, 由於美食沙漠倖存者太急不及待的關係，竟然飲完先記得要影相！！！不過味道充滿香港特色，例如豆腐花、涼茶等等，千奇百趣，在其他店找不到！

是日尖子想chill一下, 放工後約了筆者往the right place. Happy Thursday 晚上八時正到達, 場內八成滿, 熱鬧非常. 店內樓底很高, 裝修很有特色, 有fusion感覺, 明顯花過心思設計, 跟其他的酒吧餐廳略帶不同. 看看Menu, 很多slogan, 感覺挺有意思. 食物選擇也不少, 最後點選了避風塘軟殼蟹(HK$98), 啤酒脆槳智利銀鱈魚柳芝士漢堡(HK$148), 魷魚西班牙辣肉腸燒南瓜咸蛋黃法邊豆意大利飯伴輕煎北海道鮮帶子(HK$198), Dr Kitty (HK$88), Right Place Tour (HK$98). 避風塘軟殼蟹. 這個很有創意, 還以為避風塘只可以配炒蟹, 脆炸的軟殼蟹, 灑上炸過的蒜蓉, 口感香脆, 鹹香中帶丁點辣, 味道既濃郁又惹味, 軟殼蟹啖啖肉, 不錯! 啤酒脆槳智利銀鱈魚柳芝士漢堡, 銀鱈魚柳魚味香濃, 口感滑嫩, 又不會太油膩, 也是不錯. 薯條也值得一讚, 新鮮炸起, 外脆內嫩, 薯味香濃, 應該是用上靚貨才有此效果,很美味!  魷魚西班牙辣肉腸燒南瓜咸蛋黃法邊豆意大利飯伴輕煎北海道鮮帶子, 帶子

場地唔介紹喧多，太肚餓，俾大家睇下佢地既野食有幾正喇~menu冇影哂嫁~留下D神秘感俾大家~啤酒我唔飲既，不過我對面個FD就覺得爽YY~~呢個dr. kitty真係好可愛呀，雖然細杯左D，不過打卡呃like一流~先黎個蠔，5十幾蚊一隻，夠咩新鮮味美。我地叫6隻，如果你會飲白酒，而家仲有個package俾左百零蚊仲俾埋白酒你飲TIM~抵呀!!!wow最期待既豬手...因為我地唔太識處理佢，所以佢地之後幫我地整開一塊塊，真係好細心好sweet呀!再黎個邪惡好好好好食之物佢個避風塘有埋薯片，炸蒜茸夾埋大隻既鮮炸軟"學"蟹，真係不得了...同埋佢份量又係好大份呀!!最黎上多兩個甜品，畫上完美既句號~我自己最中意個蘋果批，唔會好甜，淡淡清新既蘋果味，真係好正呀!!!

再次來到The right place, 發現內部裝飾有少少唔同左，原來係幅掛牆畫轉左做更有香港特色的藝術品。店員一樣好有禮貌，還記得上次食過的避風塘小食，加上今次不是太肚餓，就叫了兩款避風塘小食。 避風塘炸茄子份量十足，加上每件都唔細，起碼唔係一口食到，抵食之選。炸完的茄子好香蒜味，微辣的茄子出奇地惹味，仲好多汁，鮮甜可口。避風塘魷魚鬚必叫之選，滿滿的避風塘炸料令每口魷魚鬚都好入味，香脆爽口彈牙，口感鬆化。芒果木瓜藜麥沙律伴蟹肉加蟹腳擺盤好靚，2隻已經切開的蟹腳食用方便，咸咸地。個沙律好fresh, 芒果甜，配埋木瓜同藜麥味道好夾，好味又健康。吉列黑毛豬炒蛋芝士漢堡用左黑色包，幾特別。吉列豬幾厚，仲大件過塊包，唔乾而且幾軟，食得幾舒服。比起煎蛋漢堡，個人覺得炒蛋更有層次感，更鬆化。芝士融得好靚，係會令個包更好味的。My cup of tea嚴格來講係2杯cocktail, 杯中的是凍cocktail, 味道較甜重果香味。壼入面的是熱cocktail, 比較dry茶味比較濃。兩者都有一定的酒味，唔怕好似飲緊mocktail咁。