The Point - Pizza & Pasta (The ONE)

營業中

休息中

平日好少黎The One食野，因為係呢個商場朝聖完美少女戰士，就搵間餐廳醫肚啦☺️☺️七點零八點到入座，係食飯時間，所以都幾多人！Caesar salad with smoked salmon $118塊煙三文魚好大塊！鋪滿個碗面甘濟，正！沙律菜好新鮮，有少少蟹籽、煙肉同麵包粒。好味！如果沙律醬再少啲會更好Yummy!!Spaghetti tuffle carbonara $146呢個卡邦尼意粉好味呀！個汁好濃，結結地，好香黑松露味！露荀爽口，菇類好香，意粉軟硬剛好，做得唔錯！Roman pizza $168風乾火腿、毛花果pizza睇相都見到材料好足，火腿好大塊，捲起，每一小塊pizza都會有一塊火腿，正！個底厚厚地，所以會較快飽，我地兩個人食有啲濟，多幾個人食會更好！中間有一片片既毛花果，好甜！好喜歡！Smoked mozzarella $88喜歡食芝士既一定要叫！右手邊係脆卜卜既薄餅，而左邊係焗左既芝士！芝士好多！有四大舊！焗到溶晒！用餅點黎食好正！拉晒絲！Brownie in a pan $68食甜品啦！香蕉面頭有啲焦糖，脆脆地。中間件brownie熱熱的，好鬆化，面頭係雲尼拿雪糕

呢日同2位朋友慶祝生日，壽星女喜歡吃西餐，所以選擇了這間menu較特別的餐廳。Menu主要意粉同pizza，選擇非常多，小食類相對少，但也有好幾款是吸引的～ 今晚所有叫嘅食物質素都非常好😅唯一覺得pasta類份量偏少，男士們可能會唔夠食～

Happy Friday 早一天訂位只剩下8:30的一輪。枱與枱之間距離很近，但總算坐得舒服。期間限定嘅味噌羽衣甘藍沙律，茄子好好食，汁有點咸，可能羽衣比較吸味所以都好咸4件棒棒雞炸得很脆口，但無咩味。不用試。焦糖菠蘿火箭菜意式火腿pizza，火腿無塊都有，夠咸香，不會un。火箭菜好大條亦無乜苦澀味。菠蘿都好多，焦糖味就無乜，但我總覺得pizza 配啲甜味多汁嘅嘢好夾，呢個餅底無咁脆，但就夠煙un. 素菜焦糖洋蔥pizza，呢個餅邊燒得非常非常脆，西椒 意式黃瓜 好多汁，加埋香菇嘅味道一啲都無齋。但食濃味嘅朋友就未必咁鐘意啦。和牛蜆殼粉，呢個意粉一啲都膩口，無落cream，但有汁唔會乾，粉煮得很味，不會淋巴巴的，和牛都好淋，有牛味，有少少似牛腩。不過都幾細碟，即使一個女仔食都驚食唔飽嘅分量。貴精不貴多，最緊要好食叫左3枝香港啤+一杯cocktail Strawberry Bellini. 即係 士多啤梨醬溝processco 面頭有幾粒rose 3個人埋單9xx 都幾貴，但會再黎。

今日去左the one 行街，行到差不多頂層，見到呢間餐廳好似唔錯咁，咁岩行到餓餓地，就入左去！我地就叫左個白酒煮蜆，白酒好香好入味！蜆肉好乾淨 唔會有沙，加左香草仲增添左香味！再叫左凱薩沙律，我地on top 加左巴拿馬火腿，巴拿馬火腿咸很好重，沙律菜好新鮮，食落好爽脆！意粉我叫左個松露卡邦尼意粉，加左松露既卡邦尼醬汁更香濃，醬汁creamy 柔滑，意粉煮得剛剛好，軟硬度剛好 吸哂醬汁！Pizza 叫左green Neptune ,有蜆肉 蝦 檸檬 魷魚 犀牛芝士 意大利香草醬，令到個pizza 好有田園味道，個枇烤得剛好，呢間店主打pizza , 的確十分不錯,口感鬆軟又足料！最後我地仲叫左杯hk啤酒，呢款啤酒帶點荔枝清香 甜甜地 好易入口 食住pizza 飲佢就最正！呢度食物同環境都不錯 員工服務都好好，下次黎尖沙咀會再食

今日上完公司training沉悶左一日，放工真係要行下街飲返杯食餐好嘅輕鬆下。喺The One行行吓，聞到呢一間啲Pizza香到不得了，就拉咗男朋友入去坐低開餐。首先叫咗兩支鬼佬啤酒，我揀咗Pale ale，口感比較輕盈，充滿白花香氣，我覺得仲好飲過draft. 男朋友就飲IPA, 厚身啲，甘d，但層次依然豐富。軟殼蟹沙律，原隻炸起切半上，一人半隻啱啱好，仲有溫泉蛋。沙律來講呢個都算多汁，蜜糖芥茉開胃，話咁快食晒。Chicken lollipops，初頭自己以為係雞髀，但原來係雞翼拆骨起肉，只係留返一支骨造成棒，食落啖啖肉，功夫菜！雞肉炸得外脆內多汁，水牛城汁香辣惹味，出色。原隻龍蝦車厘茄伏特加忌廉汁扁意粉，賣相夠晒吸引。原來廚師已經將成隻龍蝦起肉，只係保留鉗部份俾我哋自己拆出黎食，方便細心。每一啖意粉都充滿濃厚嘅龍蝦味道，配上茄汁底酸甜，鮮味十足。Ox tongue pizza，比想像中大個而且厚身，係美式薄餅。芝士落得相當大方，而且食落味道豐富，相信超過一種芝士。Pizza食落外脆內鬆軟，厚度恰到好處，絕對唔需要食淨晒啲皮。牛舌鹹香，夠大件。果然冇令特登走入黎食pizza嘅我失望！

平時都有經過下呢間餐廳，但就冇專登入去~難得好友相約，就試一試佢D水準啦~呢到樓底都幾高，環境算闊落，今日lucky不限時平時咁鍾意食薯條嘅我，一見到menu有黑松露芝士蛋黃醬薯條，覺得冇理由唔叫姐!薯條好好味呀~熱辣辣，而且喺比較重薯感多過脆嘅~黑松露味一啲都唔弱雞，芝士冇臊味之餘唔會好漏!仲叫咗個Cajun Chicken Pizza，入面有雞肉茄子鰽魚，仲有好多香料 ，真喺啱哂我胃口呀!Pizza惹味得嚟都幾辣，足料得都幾香口，皮薄薄得嚟幾香脆~甜品就叫咗烤香蕉雪糕Brownie，原本好怕食啲口感實的的嘅Brownie，呢個喺出奇哋比較鬆軟；而且熱熱地有冰火效果，會再嚟呢到試其他嘢👍🏼

環境可以，侍應都會比一杯水，上菜都算快‘。但意粉比較細碟；沙律一般但餐廳環境不大‘不建議坐出面座位；尖沙咀來講食物算便宜但是我沒有打算再去 可能去其他分店吃pizza  

和朋友聚餐, 選了地點方便的the one, 朋友吃過這間不錯, 就推薦大家吃這間, 但今晚我們沒叫最出名的pizza, 反而叫了一些小食, 喝喝酒。Gin Mule $68似mojito, 清新系的cocktail, 薄荷和青檸味, 加少少酒香, 個人覺得是吃pizza意粉較膩食物的最佳配搭。Meatball $84肉鬆口感鬆化, 細緻, 不粗糙, 有點辣味, 配上脆脆的多士同吃, 蕃茄醬汁濃郁。White Wine Clams $118這晚的最佳作, 蜆好大隻, 無沙, 鮮甜, 口感一流, 醬汁也煮得很好, 很香。Seafood Cioppino Rice $218有蜆、青口、蝦等等的雜錦海鮮, 新鮮程度可以, 蕃茄湯底, 湯的味道也不錯, 還有些飯粒浸在湯中, 但是份量不算多, 稍貴。Caesar  Salad with Prosuitto $118凱撒沙律醬汁非常多, 怕肥的人就可能不太適合了。

是日帶家母黎食意大利菜。以前都一直都好鐘意The Point 佢仲開左好多間分店，方便左我呢啲新界人去食。今日去左TST既The Point ，雖然係閒日但都排一陣先入到去。一坐底首先就叫左個「慢煮鴨胸意大利藍芝士洋蔥合桃 」《Slow cooked duck breast Pizza》The Point最著名佢地唔係普通焗爐，而係用石爐，所以焗出黎既pizza好夠火喉，又香又脆。呢個pizza合桃味唔算重，但成個pizza 芝士味好濃同香，而且鴨胸亦都唔會焗到太乾，肉汁都好juice。《Linguine Congole 香蒜辣椒白酒大蜆意粉》白酒味唔會太重，但都幾好開胃而且個意粉仲有dd辣，好易入口，意粉都夠彈牙，唔會太冧，大蜆都好有鮮味。龍蝦芝士通粉芝士味極濃同好香，而且仲有龍蝦肉食，份量亦都唔少，不過家母鐘意食意粉多啲。Strawberry ice cream float THE POINT 除左Cocktail 外仲有好多唔同野飲，呢杯酸酸甜甜既士多啤梨飲落真係唔錯，又唔會太甜，用黎開胃一流。

要在the one 吃晚飯，選擇實在多，不過當然這大商場還是以連鎖店為主，你可能會吃到的都是較為有名的名店，或者是外地名牌如dazzling cafe，Gram等等。 星期日的下午，和家人來選一間餐廳來個午膳，選吃什麼，要特別一點也可能有難度。 要吃打邊爐有，東南亞菜有，甚至日本菜也有，在云云食肆中，選了The point ，意大利菜。 原因是主流以外的清泉吧，不是人人都識的名店，店的外表滿舒適，我喜歡開放式的裝修，空間感好大。 餐廳主力提供意式前菜，薄餅，意大利粉，甜品，選擇還可以，價錢也不錯，睇其他枱上叫的也幾大碟。 Lobster soup 的龍蝦是有意大利菜常出現的，但唯有味道有點奇怪，不是傳統龍蝦湯味，未算難飲，但不是一個歡愉的經驗。 我覺得餐廳要正視一下，期待龍蝦湯飲左呢碗都真係會幾失望的。 凱撒沙律沒有意外，雖然沙律醬有點多，我也滿喜歡。 可能前幾天吃完菇宴，這個香蒜橄欖油炒野菌配溫泉蛋是滿好吃的，但相對前晚吃天寶閣的菌宴，感覺完全不同呢。 巴馬臣芝士白汁西蘭花烤雞扁意粉是我沒有叫的，不過因為佢將我和隔離枱的意粉搞錯了，我接受了，巴馬臣芝士白汁非常濃，西蘭花不

好耐之前黎過The Point，覺得佢地食物好服務好，今次朋友生日，我地再次黎到The point!😍😍我一早已經訂好枱，店員仲注明用餐時間為1.5hrs，如冇人等位就可以繼續坐！幸好當晚雖然多人，但亦冇趕我地走三重奏Pizza煙三文魚、鮮三文魚、三文魚子組成既三重奏pizza，有濃郁既三文魚味道，鹹香味十足上面仲有隻溫泉蛋，撈埋一齊食令口感更滑！軟殻蟹沙律，材料十足！內有好多隻軟殻蟹，炸得香脆可口配以爽口既沙律菜，味道很好！香蒜辣椒白酒煮大蜆好惹味蜆果真是大隻，肉厚肥美！👍🏻👍🏻👍🏻 餐廳仍能保持水準，服務又好，抵讚！

同屋企人去食晚飯，選擇佐係the one ge 「the point」.餐牌上面有勁多唔同嘅薄餅選擇，不過今次我哋就冇食到因為上次呢度都試過幾種薄餅，所以想點啲其他嘢食同屋企人分享棒棒雞配蜜糖燒烤醬，燒烤醬好惹味，而棒棒雞餐廳係整到得單骨，非常方便客人食用，每一口都係肉。野菌意式香草醬天使麵，天使麵煮得剛剛好，唔會好淋，口感依然係唔錯，個野菌ge味道好濃郁，另外亦好鍾意距個香草醬，上面仲有好多芝士係度。另外點左一個羊架個價錢真係好抵食，事關佢上嘅時候勁大份，總共有三件。煮得啱啱好，幾成熟都係我哋自己挑選嘅。Tiramisu而個Tiramisu，倒埋個特濃咖啡係面頭一齊食，非常香濃ge咖啡味，而tiramisu ge質感亦好正，食到有dd甜酒ge味道，做飯後甜品一流。超鍾意去呢度食飯亦都會推薦俾朋友，見佢成晚都好full，好彩一早打咗嚟book位。

尖沙咀食店愈來愈多，間間各有特色，今次同朋友去到the one揾食，有三間分店既the point，pizza同意粉都好出名，環境亦好適合傾計，今晚就係度開餐~軟殼蟹沙律 $124軟殼蟹外脆內軟啖啖肉，沙律菜彩椒配上芥末沙律醬，味道清新好開胃~鰻魚pizza $178鰻魚pizza不常見，大大件鰻魚鋪在薄餅上，加上紫菜同蛋絲，好日式既感覺，餅皮脆卜卜，鰻魚厚肉，燒汁味道香濃，日式鰻魚配西式薄餅，成件事可以好夾~意大利海鮮脆飯 $218海鮮湯底味道濃郁，脆飯食落唔脆，口感比較粗糙，應該是烘脆過的米再去煮，幾特別~牛柳貝殼粉 $156牛味濃且軟腍，貝殼粉軟硬適中，每個都裝著醬汁，味道香濃惹味~香煎三文魚 $182三文魚外皮微脆，充滿魚油香，煎至剛熟，肉質軟嫩味甘香„配以他他醬吃味道好夾~羊架 $238軟嫩味香，加上香草煎煮，帶出羊肉鮮味，肉汁豐富不乾身~Bailey's chocolate $68最後點了杯加左百利甜酒既朱古力~pear pizza $72然後還有甜品作結~

去 the one 搵食，今次食 pizzaham platter 頭盤食d火腿先～ ham 唔太咸，容易入口～  加埋d黑醋更加開胃黑松露薯條 極度邪惡，除咗黑松露，薯條上面仲有好多半溶芝士，有邪惡拉絲！ 軟殼蟹明太子蝦pizza夏日期間限定pizza。 pizza 上面有好多甜椒，甜甜地，如果唔系甜椒會更好（因為我唔鍾意三色椒）薄餅餅皮烤得夠脆，有好多拉絲芝士～Green Neptune有濃濃海鮮味同香草味道，擠d檸檬汁更加清新～  芥末雞肉mac & cheese唔算好濃，所以冇平時d mac & cheese 咁膩Baileys + 咖啡香濃好易入口，唔似飲酒～ 好味

星期五收工，同男朋友去咗The One 同美少女戰士影相，影完好肚餓，又見好耐冇食過pizza，就上咗樓上The Point 食飯。軟殼蟹蜜糖芥末沙律個source好清新，好fresh，非常開胃。叫咗四件棒棒雞，有啲太的骰，炸得夠香口又夠嫩，醬汁偏酸唔肥膩。今日主角：龍蝦pizza！原隻龍蝦上好impressive！芝士同龍蝦永遠都係最佳拍檔，非常惹味。以為龍蝦得個殼，原來內有乾坤！有磨菇同蝦仁，好surprise！忌廉芝士薯蓉雞肉通粉非常重芝士味，仲好creamy 添，不過就冇乜薯蓉，但完全唔影響佢嘅味道，係咁多道菜最好食一道。仲拉絲添。香橙朱古力pizza 甜品，食到最又食pizza 其實有啲吃不消，不過鬼叫女人有兩個胃咩，結果都係忍唔住叫埋個品。不過橙同朱古力唔太夾，相信配香蕉更好食。