影片
更多
2018-09-04
139 瀏覽
Pizza 店開到成行成市，可惜水準參差，不過最近有好姊妹在群組中分享了尖沙咀 The ONE 一家叫「The Point」薄餅專門店嘅鵝肝 Pizza 相片，力讚這款以匈牙利鵝肝、焦糖洋蔥和溫室菜苗組合而成嘅薄餅，不但香氣逼人，而且吃起來不會太膩口。雖然筆者對鵝肝興趣唔算好大，不過聽好姊妹講，除咗鵝肝薄餅外，其實店裡嘅其它 Pizza 同意式地道菜，亦做得很不俗，於是翌日便專程到訪一試。餐廳採開放式設計，門面以墨綠色為主調，用餐區呈長方形，地方雖然唔算好大，但樓底頗高，所以望落去空間感都唔錯，加上明亮嘅燈光和一室木製餐桌，裝潢簡約自然，帶歐陸風情。先拿起幾份餐牌逐一細看，食物款式不少，有湯、沙律、小食、薄餅、意粉、通粉、主菜，另外亦有甜品、芭菲、凍茶、手工啤、Mocktails、Cocktails、咖啡、茶及果汁等，選擇非常豐富。既然餐廳主打薄餅，一場來到，當然唔可以錯過。原來店裡嘅 Pizza，口味都唔少，而且款式偏向新穎，例如有酥炸軟殼蟹薄餅、蒲燒鰻魚 Pizza、鹹牛舌 Pizza 等，不過講到最吸引，當然係 Lobster Pizza 龍蝦薄餅 ($328)。Pizza 即點
餐廳採開放式設計，門面以墨綠色為主調，用餐區呈長方形，地方雖然唔算好大，但樓底頗高，所以望落去空間感都唔錯，加上明亮嘅燈光和一室木製餐桌，裝潢簡約自然，帶歐陸風情。
先拿起幾份餐牌逐一細看，食物款式不少，有湯、沙律、小食、薄餅、意粉、通粉、主菜，另外亦有甜品、芭菲、凍茶、手工啤、Mocktails、Cocktails、咖啡、茶及果汁等，選擇非常豐富。
既然餐廳主打薄餅，一場來到，當然唔可以錯過。原來店裡嘅 Pizza，口味都唔少，而且款式偏向新穎，例如有酥炸軟殼蟹薄餅、蒲燒鰻魚 Pizza、鹹牛舌 Pizza 等，不過講到最吸引，當然係 Lobster Pizza 龍蝦薄餅 ($328)。Pizza 即點即焗，以火山石爐烤製，餅底用上優質「00」麵粉及意大利橄欖油搓成，上桌時香氣四溢。
拉前細看，薄餅已分成 8 件，面頭放有原隻龍蝦，而配料就有龍蝦肉、新鮮茴香頭、車厘茄、水牛芝士和海鮮汁，唔單止用料十足，而且造型夠奪目又有氣勢，未吃已令人垂涎。先用手提起一件，拉絲效果明顯，上面嘅龍蝦肉鮮爽彈牙，餅底熱辣香脆，吃罷讓人相當滿足。記得唔好錯過鋪面的龍蝦，皆因蝦頭同蝦身入面都釀滿了用海鮮汁炒過的大蝦粒和菇菌，啖啖都有蝦肉的鮮甜味道。
喺主菜餐牌選了一客 Norwegian Salmon 木烤三文魚配黑松露忌廉汁 ($182)，三文魚以一隻黑色圓碟盛上，底層墊有烤薯仔、意大利黃瓜、青瓜及雙色椒，面頭再以翠綠的蘆筍作點綴，賣相挺美。魚皮煎得脆口甘香，咬下香噴噴，非常美味。切開魚肉細看，內裡呈粉橙色，肉質挺柔軟，非常滑溜，油潤豐腴，吃時再蘸上黑松露忌廉汁，入口菌香十足，配搭味美。 
食完主菜，輪到甜品時間，本來很想一試店裡的 Parfait，可惜原來芭菲下午 6pm-9pm 暫停供應。店員非常熱情，推介我哋試下呢款特色甜品 Banana Heaven Pizza 香蕉天堂薄餅 ($72)，薄餅 Size 不大，只有 6”，非常適合兩個人分享。廚師喺餅底鋪滿香蕉、棉花糖和杏仁片，中間伴以一球雲呢拿雪糕，面頭再淋上朱古力醬。香脆薄餅加上各式軟滑餡料，一冷一熱，甜美迷人，味道豐富，令人食指大動，開啟曬第二個胃。
飲品揀咗 Fruit Punch ($48) 同 Caramel Ice Cream Float ($48) 各一，前者雜果賓治以橙汁、西柚汁、草莓蓉和梳打等炮製而成，面層再鋪上雜果粒，味道甜甜酸酸，果香濃郁；而後者焦糖雪糕特飲，筆者雖然沒試，但聽說焦糖香濃而不苦澀，味道亦不俗。
其實店裡的夏日芭菲，口味非常之多，有雜莓乾果燕麥、朱古力布朗尼蛋糕、OREO 薄荷等，非常吸引，下次要搵個晏晝嚟試下。
張貼
