The Point - Pizza & Pasta (將軍澳中心) (已結業)

一早想試the point好耐，但因為尖沙咀同銅鑼灣有點唔方便，一直未有機會去試。直到最近知道原來將軍澳開咗間，就好興奮咁拉埋男朋友一齊試。我哋份入座嘅時候係tea time，一個客都冇，可能因為佢間野嘅位置喺轉角位比較隱蔽啦！店員有反應嘅，但個樣好似未訓醒咁😂我哋入咗之後又有多幾枱入埋嚟。佢比咗2張tea set紙我哋，我見隔離枱問佢拎筆自己填，咁我都自己填。我就點咗肉桂蘋果pizza同埋add on份薯條，男朋友點咗意大利香草野菌天使麵。店員自己覆咗一次，我自己都講返一次出嚟比佢聽，因為我見佢呆下呆下好驚落錯。等咗冇幾耐，男朋友碟天使麵就嚟到，份量好細不過可能因為tea set關係吧，但係味道唔錯，好香野菌味。咁我知道pizza可能要耐啲啲，我繼續等...等等下嘅途中又聽到隔離枱問tea set包咩野飲，我哋先醒起「係啵！我哋未叫野飲，點解個店員又唔提下我哋呢？」我哋先問另一個店員order野飲，呢個店員冇咁呆，但完全冇表情。野飲等咗幾分鐘嚟到，飲咗幾啖我嘅野食終於到喇！依？咪住先！點解嚟咗碟白汁意粉，我就問個應該係經理嘅女人，佢幫我check完乜都冇講，OK我繼續等，我估都係落錯

將軍澳中心商場可以話睇住佢裝修，睇住佢重開。等咗一年半，商場終於裝修好其中一部份。新開商店大部份為食肆，其中對The Point特別有印象，因為店舖位置本來係分開兩間，行人路分開咗室內同室外。星期六夜晚六點幾已經去攞位，因為知道七點後要排隊等位。從舖頭名稱可以估到餐廳主打薄餅及意粉。呢幅內牆特別有印象，記得未開張前有一次經過見到一位外藉女士徒人繪畫出嚟，外藉女士做裝修甚少甚少見。餐牌列出餐廳主打菜式，第一次食就從中選出幾款一試。軟殼蟹甜椒水波蛋沙律配蜜糖芥末汁甜椒沙律菜經蜜糖芥末汁調味，辛辣鹹中帶有少少甜味，味道很夠唔會覺得寡口。水波蛋煮得略熟少流心。軟殼蟹酥脆可口。焦糖菠蘿風乾火腿松子仁火箭菜番茄醬披薩很喜歡這個披薩的配搭，菠蘿與腸仔從來都係最佳拍檔，今次將腸仔升級為意大利風乾火腿，菠蘿亦升級為甜味更濃縮的焦糖菠蘿，加上松子仁的咬口及火箭菜的微苦，簡直係perfect match。薄餅屬薄批底，以意大利00中筋麵粉做麵糰，經24小時發酵，效果酥脆煙韌。紅酒燴和牛勒肉配蜆殼粉誠如其他食家所講，此粉份量略小，和牛肉只有四至五粒。蜆殼粉煮得頗為煙韌，肉汁較難入味。和牛肉粒肉味很濃，肉汁豐富

將軍澳中心終於裝修完，開左唔少新餐廳，緊係要試下啦！行去將中，一入門口已經見到the point。見間野都幾大，環境都幾舒服，都幾岩成班人食野吹水，試下新野。wild mushroom soup香濃野菌湯碗湯細細碗，分量唔算多，勝在料足湯濃香，奶味重D，湯加左好多菇碎粒，因為本身好鐘意食菇，味道都唔錯。posh Hawaiian pizza 次次叫pizza，必叫夏威夷pizza，菠蘿係我至愛。呢個pizza用料出乎意料足，平時菠蘿都係細細個菠蘿粒，呢個pizza係用半個菠蘿圈。同埋真係成個火腿放落去，望落都流口水。餅底唔算厚，3個人分岩岩好。soft shell crab salad軟殼蟹併沙律係第一次食，軟殼蟹味道中規中矩，同沙律一齊食都OK。obster linguine見menu有兩道菜係用原隻龍蝦整，一個係龍蝦pizza，一個係扁意粉，最後揀左扁意粉。真係見到成隻龍蝦，不過D肉已切左出黎。呢個麵抵讚，好食！banana heaven pizza好難得係有甜既pizza試，叫左個香蕉pizza。食曬野，都等左一陣先上，如果想食最好早D落單。呢個大推，個餅底好脆，加埋杏仁片、香蕉

睇住將軍澳中心裝修，都不知裝修左幾多年；依家終於開左一半，半個商場，就開左一堆食店，真係唔知要花幾耐先試得晒呢。今日就終於得閒約埋朋友一齊去The Point度食晚飯啦。本來我地5點幾就去到架啦，但係又覺得太早，就去左行陣街先。行完街6點半左右，已經要等位囉5點幾時都完全未有人，6點半已經Full晒。不過都好彩，只係等2張枱就到我地；其實都唔知有冇等到15分鐘就有位坐啦。因為要等位，所以等位期間已諗好晒叫乜食，一坐底就落單。2個大人2個小朋友，我地就先叫左一個Pizza，2個芝士通粉，同一個芝士薄餅；我地唔敢叫太多住，因真係唔知份量。不過最後，份量真係好少，加多2個甜品，我同仔仔都唔算好飽，不過就唔好意思食完甜品再落單，因朋友已經飽飽呢。Pizza係最快上枱既，真係估唔到喎，平時Pizza係最慢架嘛，不過樣樣都要焗，所以可能Pizza最易整好先呢。巴馬火腿就點都好味架啦，無花果太少重要切得勁薄。總體黎講都幾好味，個餅底好好味；下次要試其他Pizza。睇相勁吸引的芝士薄餅，但係實在凍得太快，一上枱我地已經拎起塊餅想沾起D芝士黎食，但係芝士已經硬晒勁冇癮囉，最後係要用刀切開４份放上餅面。芝

諗住試新野，好又一餐唔好又一餐。竟然可以衰成咁。叫咗兩個意粉同一個沙律，竟然係個和牛意粉黎先，極度失敗！和牛意粉嗰汁係好似中式獻汁，d和牛都好流！成件事個味道好似酒樓入面嗰個黑椒牛仔骨咁。軟殼蟹沙律，啲軟殼蟹正常，個沙律汁好甜。個沙律已經係成餐飯比較正常既。白汁蜆意粉，啲蜆都正常，但係個汁好似水咁。正常人喺屋企都係煮得好食過佢。Services冇乜都無所謂！餐飯係難食到一個點，好明顯以後都唔會再食！

將軍澳這個新市鎮，最近不斷翻新商場。就在將軍澳站，這裏已經有四個商場互相連接。最大改變的一定就是將軍澳中心，之前很多小店和平民餐廳，轉眼變成連鎖式的高級餐廳，這坐擁西餐，中菜，意式和日式美食。這裏打造成為高級商場，選擇是多了，但價錢卻也跟着貴了，不知道是好還是不好。好處就是不用再到九龍區，已經能吃到連鎖餐廳的質素。今天是朋友生日，我們倆都住在將軍澳，便相約在將軍澳中心吃生日飯，順道看看這個新裝修的商場。The point這間餐廳有幾間分店，之前都已經很想試，但因為它的位置在尖沙咀和銅鑼灣，很少專登出去。The point在將軍澳這裏開了一間分店，便相約朋友在這裏用膳。餐廳成了一個好像L型的形狀，一進去以為它很少位置，但直入好像有無盡的座位。今天是平日的晚上，所以我們等了一會兒便有座位了。我們被安排坐在有沙發的二人座。位置坐得舒適，很鬆動。我個朋友馬上看看餐牌，可見這裏的Pizza選擇很多，而且餐牌用了Pizza作為圖樣，相信這裏的薄餅一定不錯。我們兩個大食女孩點了一個意粉，一個pizza，一個羊架，一個小食再加兩杯飲品。朋友生日就豪吃一番吧！黑松露芝士蛋黃醬薯條 $74薯條用鐵板呈上，

和太太的紀念日諗住食餐好D，費事出出面就響將軍澳搵間西餐，Simplylife 及 Beans 食過好多次，見呢間新開，假期見到有人排隊，諗住試試。因為是平日所以唔駛等，我地唔知叫D乜好，就簡單叫左個 salad，一個 pasta 及一個 pizza。好神奇地三樣野十幾分鐘後一齊到，真係好神奇。salad 正常，冇乜特別，pasta 係牛肉粒蜆殼粉，牛肉味OK，但係唔熱，pizza  都只係暖暖地，個皮唔翠，食落同 Pizza Hut 差唔多，不過 Pizza Hut D pizza 熱D。我估都唔會再去，呢一世。

今天豆丁在學校某活動被選中，成功入隊。這是豆丁夢寐以求，最想加入的活動，籌備多時，終得成功。　　　用袓國的用語：熱烈慶祝ＸＸ大勝利召開。　　這晚一家三口也來賀一賀：熱烈慶祝小豆丁勝利入隊！　　來到這重新裝修的將軍澳中心，原本咖啡專門店的位置，變為新餐廳了！看到這個免費披薩的宣傳，心動之下，一家三口就決定在此晚餐。原來內裡有個很開揚小角落，環境還算不錯，但是最終還是選擇內堂梳化卡位。就座後，職員貼心地呈上兒童餐具！　點了一套二人餐，另配２個沙律小食，應該足夠一家三口吧！　餐湯～羅宋湯　    Homemade Turkey Meatballs with Spicy Tomato Sauce  香辣蕃茄醬燜肉丸　　　肉質纖維口感明顯，唔似勁溝粉的貨色。自己嗜辣，所以覺得肉丸唔辣。  Norwegian Smoked Salmon Platter挪威煙三文魚　攝取天然的奧米加三，扮健康。  Caprese Salad 餐牌没有中文名稱，只見有水牛芝士，蕃茄，羅勒，意式香草汁。加上有圖片對照，完全明白了！　一大件水牛芝士，蕃茄一開六，還有綠色菜。  綠色，白色，紅色的排列方式，就是意大利國旗了

下午茶(1500-1700)MON-FRI(星期六日唔知有無)超級扺食又好味之選！詳情見MENU,$48蚊(另加一)一個PIZZA/意粉另加一杯飲品,呢個價錢換呢個質素真係抵到爛！

This is a new restaurant in the Park Central Shopping Centre next to Tseung Kwan O MTR Station.  Being lived in the neighbourhood and there were always people lining up for dinner over weekends, I looked forward very much to this dining experience, but it was a just a disappointment!Hoped to play safe, the two of us picked three dishes (a salad, a pasta and a pizza) from those "The Point Favourites" (should be the restaurant's signatures) to order.  To our surprise, all three dishes were sent to

將軍澳雖然多商場，但餐廳來來去去都是那些。見有新餐廳，充滿新鮮感，便趁午飯去吃。一行幾人叫了幾個意粉和pizza share來吃。食物整體味道豐富但不會過咸。上菜時熱辣辣，賣相亦不俗。龍蝦貝殼粉和煙三文魚露荀意粉。Pasta煮得剛剛好，不會過硬或過軟。黑松露白汁意粉，黑松露味道剛剛好，不會太濃，不喜歡黑松露的人應該不難接受。最值得推介的pizza。Pizza底是脆餅底，厚薄適中，烘烤得剛剛好，既保留了薄脆的口感，吃了後又不會太飽。Pizza topping豐富，每一口都能夠吃到餡料。除了食物好味，服務亦很好。好評！

The Point 早在銅鑼灣的登龍街紮根時，早已經比他的裝潢所吸引。咁將軍澳中心開了多一家新分店，唔使坐車出去食。週末的晚飯時間，人流都好多。可能咁啱將軍澳中心裝修緊，大家都要搵地方醫肚吧。棒棒雞翼配燒烤醬炸得香脆的棒棒雞翼，黑椒好惹味！好香口！之前因爲身體不好，戒左好耐雞翼。一上枱時，連戒左好耐雞翼的我都抵擋唔住！肉丸香辣，店員在下單前會有溫馨提示！不過辣度比我想像更高！紅酒燴和牛肋肉配蜆殻粉比較細碟的蜆殻粉。牛肋肉就只有4粒，唔夠喉。不過紅酒味香，蜆殻粉不會煮得過火，汁都有牛肋肉的香味！M5和牛西冷牛扒而我對牛扒的要求都好高！但意外地，火喉掌握得好好！一塊靚的牛扒本身不需要加太多調味都已經好有肉味。這塊牛扒符合哂我的要求，配上配菜與意大利黃瓜，露荀,等等。附上的醬汁，不點都好好食！龍蝦mac n cheese要數最邪惡的食物，相信mac n cheese認第二無人敢認第⼀。龍蝦肉已經混入通粉中，加入煮龍蝦的湯，每一啖都充滿了龍蝦味，濃味加芝士簡直就是減肥的敵人！不過屋企人的回應就是mac n cheese都係原味較好！Foie Gras鵝肝是家人最愛的食材。喺餐牌見到有鵝肝當然不

經常要入將軍澳做野，最近將軍澳中心終於翻新完，見到好多新餐龐都準備進駐，感覺比popcorn的餐廳吸引好多喎頭炮好似只得呢一間the point暫時開左，記得試業期間冇得比card架要去樓上禁定cash去！話說點解無啦啦要食好d呢？呢日做野之前去左踩單車，點知非常之咁唔好彩咁係褲袋跌左部新買既電話落地，仲要踩左一輪先發現，嚇死寶寶喇真係！於是乎我黃金寶上身，圍住之前踩過既路極速踩左兩次都搵唔返，心諗金翅xx鳥。聰明既我當然係立刻搵人借電話求救啦，但我個樣可能太唔friendly兼揸住架單車？保安叔叔都有所懷疑唔敢借比我LOL，唉但借比我都冇用啦，執到電話果個人都已經唔聽我電話喇。於是乎我就打比寶同佢講唔見左電話，叫佢不停幫我call爆我個電話到有人聽為止，又幫我用app定位下我部機係邊，然後約佢係一個地方等。好好彩，最後竟然比寶搵得返我部電話好彩係個好心人執到咋！！講左咁多係咪真係要食返餐好既犒賞下寶先！於是就帶佢黎呢間喇（雖然佢麻麻地pizza）首先叫左呢個forest pizza，齋pizza黎既，但係口感極豐富，好多汁，好香菌味，加埋我最憎既火箭菜都依然覺得好好味，正！不過個底油

將軍澳中心內不少的新鋪正在開業，聽聞有一間食薄餅餐廳剛開不久，今日放假中午與友人來到此食個Lunch。這間餐廳是The Point，位於商場的 G Floor，用餐位置分成兩邊，地方都是寬敞樓底都高。鄰近將軍澳地鐵站，交通真是非常方便。平時星期一至五閒日有set lunch 供應，當中可以選擇一款主菜，包括一款沙律或是日餐湯，主菜方面主要是意粉或Pizza ，價錢由$58起至$76，奉送指定飲品，也可以另外加錢upgrade 飲品。也可以點A la Carte 的餐單，店中供應不少cocktail & mocktail ，飲品款式都有不少選擇，食物方面有沙律、湯類、nibbles、有crossover pizza、specialty pizza、意粉、主食、mac &cheese、甜品等.....飯前先飲杯Earl Grey Latte ($38) ，奶味濃郁與茶味都好平衡，入口都有幼滑奶泡及甘醇的茶香，奶泡上灑上了伯爵茶葉，賣相真美。頭盤有Caesar Salad with smoked salmon ($118)，份量真是不少，大大片的煙三文魚鋪在羅馬生菜上，沙律內有脆口麵包粒、鹹

係將軍澳開左一排既pizza pasta house. 見佢有set dinner ，連加一都係3百幾，兩個人閒日walk in 唔洗等位，唔錯!叫左個雞肉丸，有四粒，食落原來係辣既，老婆話太辣，本人都接受到既! 肉丸無乜特別，個汁其實唔錯! caeser salad 都左一定水準，味道ok,菜又新鮮，芝士都算多!主菜係三文魚pizza , pizza 底香口，三文魚亦算多，中間加隻流心蛋係中間，賣相靚左，但餅底會慢慢變淋!白酒蜆煮意粉中伏，黑椒重手左，偏辣，蓋過哂白酒同蜆味，意粉口感本人覺得太軟，食完得黑椒味!整體晚餐算不錯，但食物賣相有改善空間，附近遲啲再開多間大牌子pizza，到時未必會選擇呢度!