THE HUNTER

餐廳走現代簡約風，昏暗的燈光營造出浪漫而神秘的氛圍，非常適合情侶約會或朋友聚餐。麵包籃的麵包很軟熟。⭐️Yakult Passion這杯調酒以益力多、熱情果、椰子、柑橘和 Co2 為基底，口感清爽酸甜，帶有淡淡的椰子香氣。⭐️Foxfire Fizz這杯調酒以 Seedlip spice 為基底，加入蘋果、桃子和薑汁啤酒，口感清新香甜，帶有微微的辛辣感，層次豐富。⭐️招牌蔬菜沙律這道沙律絕對是視覺和味覺的雙重享受！職員會在客人面前將新鮮的紅石榴、牛油果、車厘茄、蕃茄、生菜、青瓜、綠色番茄、紅色番茄和餅乾脆條拌勻，色彩繽紛，口感清爽開胃。⭐️濕熟成肉眼牛排牛排經過濕式熟成，肉質更加軟嫩多汁，外皮煎得焦香酥脆，內裡粉嫩多汁，搭配特製醬汁，令人回味無窮。⭐️蟹肉意大利麵意大利麵煮得恰到好處，口感彈牙，搭配鮮甜的蟹肉和濃郁的醬汁，每一口都充滿海洋的鮮味。

位於將軍澳海濱公園海旁的The Hunter餐廳，主要提供地中海菜、海鮮和扒類美食。餐廳分為室內和室外用餐區，坐位闊落非常舒適。我們選擇了戶外座位，可以欣賞到海景，令心情格外放鬆。選擇了Lunch set套餐，價格也相對優惠。😄中午套餐包括：餐湯/沙津+飲品+甜品1）軟殼蟹漢堡 ：蒜頭艾奥利醬、泡菜、生菜、半乾番茄，配薯條2）澳洲36號乾熟成21天南部肋眼 M2+要咗七成熟😀坐喺戶外慢慢閑聊，睇風景非常舒服。

今日約同好友去將軍澳行海濱長廊，遠望跨灣大橋，實是賞心樂事。海濱長廊旁邊原來係有餐廳喎，我地去左位於將軍澳唐賢街29號藍塘傲地下11號舖的《The Hunter》食地中海菜，環境舒適，好有渡假風情。我地點左2個午餐：前菜🍴地中海田園沙律：有迷你羅馬生菜、橄欖、紅洋蔥、石榴、鮮薊及自家醬汁，材料豐富及新鮮，好味又好食。主菜🍴澳洲36號乾熟成21天南部肋眼M2+. 薯條及青胡椒醬：肋眼扒係厚切，5成熟的扒係牛味香濃，外脆肉嫩，中間小小的脂肪令扒肉好香口好味道👍；幼切的薯條做得十分香脆可口。🍴澳洲36號濕熟成南部牛扒M2+. 配沙律及青胡椒醬：牛扒都係5成熟，牛味亦都香濃，外脆肉嫩，啖啖肉，醮青胡椒醬係好好味👍甜品🍴雲呢拿布甸：好精緻幼滑。餐飲🍴橙汁：正常橙汁🍴Latte：咖啡味香濃好飲。

呢晚同朋友一齊嚟咗呢間喺將軍澳主打地中海菜嘅餐廳🍽️食晚餐🤣Tuna Tartare 吞拿魚他他：材料包括 黃鰭吞拿魚、泡菜、茄子蓉，口感清新🤣Dry Aged Striploin 熟成西冷牛排：熟成牛排🥩要咗 medium，有啲咬頭又有啲牛味🤣Casarecce Pasta 松露蘑菇忌廉醬麻花捲意大利麵：意大利🇮🇹有好多不同形狀嘅 pasta 而形狀不同嘅 pasta 個名就會唔同最多人識嘅就係 Spaghetti Linguine Fettuccine Tagliatelle Macaroni 等 因為真係有好多不同名字所以唔識唔緊要🤣，呢晚食嘅 Casarecce 就真係幾特別形狀似麻花卷，加咗好多菇菌一齊煮，仲有松露嘅香味，個 sauce 煮得非常厚身🤣，又因為 Casarecce 可以捲住啲醬汁所以味道就更加濃郁🤣Virgin Mojito：要咗少甜，清新幾好飲🤣San Pellegrino：不嬲都鍾意飲呢個意大利🇮🇹牌子嘅有汽礦泉水🤣

雖然今日天氣麻麻地，但無阻用餐興致，位於將軍澳嘅地中海餐廳The Hunter環境舒適，跨灣大橋景致若隱若現，添一抹朦朧美。前菜粟米湯濃郁幼滑，沙律酸甜清新，開胃極佳。主菜方面，我哋點咗 Linguine Vongole，蒜香濃郁，馬尼拉蛤蜊鮮甜，辣椒粉提升風味；另一道澳洲36號乾熟成21天南部肋眼M2+，肉質柔嫩多汁，外脆內軟，青胡椒醬清新平衡，薯條同樣香脆可口。甜品 Vanilla Crème Caramel 滑順香濃，焦糖微苦同奶香互相融合，甜度恰到好處。配埋凍cappuccino同熱latte，整體用餐體驗寫意，The Hunter絕對值得一嚐。

The Mediterranean restaurant offered a cozy and welcoming atmosphere, paired with delicious dishes.**Sweet Corn Soup**: Creamy and comforting with a light, natural sweetness.**21-Day Dry-Aged Australian Steak**: Tender, flavorful, and perfectly cooked with a smoky char.**Crab Gnocchi**: Soft gnocchi in a creamy sauce, beautifully balanced with fresh crab.**Mediterranean Garden Salad**: A refreshing mix of crisp vegetables with a light lemon and olive oil dressing.**Vanilla Crème**: Smooth and sw

幾年冇喺將軍澳食晚餐，嚟開見到海傍開咗啲新餐廳，裝修有格調、又幾乎full house, 決定試吓。結果係so far我喺將軍澳食過最好食嘅餐廳。 ✦ Hunter Garden 有蕃茄、牛油果、青瓜、生菜、歐芹等，配自製薄荷醬。色彩繽紛，用料新鮮、感覺非常fresh, 而且毫不吝嗇、大大盤大大舊。 ✦ Crab Chitarra 蟹肉鮮甜，仲食得出海水味，而且份量多。意粉好有彈性、有咬口。tomato & shell fish sauce好香濃，掛晒係意粉上。三樣嘢好夾。完全冇違和感。 ✦ Grilled Lamb Cutlets 食過最好食嘅羊之一。鮮嫩多汁，油肪均勻，未上枱已經聞到羊香。 另外仲嗌咗yakult passion同green gobbler收尾，同樣賣相靚、好味道。

喺呢個咁好天嘅日子，同朋友仔嚟咗將軍澳海濱呢邊嘆咗個悠閒午餐，我哋揀咗餐廳嘅室外座位，陣陣微風加埋暖笠笠嘅太陽，好舒服好chill呀😎Lunch Set包Salad/soup 、餐飲同甜品ღ Crab Gnocchi 蟹肉意大利餃搭配鮮美海鮮醬。蟹肉入口鮮嫩，意大利餃口感煙韌有咬口，令人回味無窮。ღ Wet-Aged AUS 36 South Striploin M2+ 澳洲36號濕熟成南部牛扒 M2+，配薯條及青胡椒醬牛扒肉質鮮嫩多汁，搭配醬汁嘅微妙香味，每一啖都令人感覺好滿足。ღ Vanilla Crème Caramel雞蛋布丁有滑滑嘅口感，食落又唔會太甜，作為飯後甜品實在完美ღ Cappuccino｜orange juice

新加坡同事黎香港出差，佢岩食西餐多啲又唔想去鬧市，所以帶佢黎將軍澳海濱公園附近食地中海菜。呢間「The Hunter」一直都想食，今日終於有藉口可以一試。餐廳景觀好開揚，高級西餐廳海洋主題嘅裝潢，精緻有氣氛。最重要嘅係近海旁，坐室外位好正，食完仲可以係海濱散一下步，一舉兩得。餐廳位置唔難搵，沿著海濱公園方向就唔會錯。The hunter 主打優質地中海海鮮同木炭烤肉，所以推介大家要食佢個牛肉！牛肉係美國乾式熟（dry-aged）牛肉，品質上係有保證，木炭烤更有風味，更能讓牛肉嘅鮮味鎖在其中。今日試左佢個rib eye, 雖然好厚身但完全唔會出面焦入面太紅唔熟，呢款推介必試！另外仲試左蘑菇燴飯，呢款Risotto 好鬼足料，啖啖蘑菇肉，好香嘅松露芝士味，份量大到兩個share黎食都好夠。另外仲試左個布拉塔水牛芝士同兩杯Mocktail，完全岩口味。如果你對食物同環境都好有要求的話呢間應該會好岩你。

和友人相約在將軍澳海邊的THE HUNTER晚餐。這裡正正在海旁邊，能一覽將軍澳跨海大橋的景色，加上寧靜的環境，給人一個很舒適很放鬆的感覺。光是環境就能給這家餐廳加分了。 ⭐️麵包麵包質感很厚重，但很鬆，一點都不硬，很有麵粉的香味。⭐️吞拿魚他他加了韓式泡菜，泡菜的辣更能帶出吞拿魚的鮮味，辣度亦調控得很好，且好開胃。⭐️蟹肉茄汁意粉有濃濃的蟹味，茄汁沒有遮蓋到蟹汁的香味。蟹肉十分完整，沒有散開，熟度恰到好處，沒有過熟起渣。 ⭐️燒Prime 肉眼扒點的是五成熟。扒是用明火扒爐燒出來的，熟度剛剛好。因為用明火扒爐的緣故，有十分吸引人的焦香味，加上自家製的牛油及肉汁，能食到厚厚的牛扒原味，而不是醬汁味。這個牛扒的確十分高質。

成日喺將軍澳海濱做運動，一直好想試呢間地中海菜，佢裝修好特別，有時跑步會聞到佢傳出嚟燒烤嘅味道，今日終於有機會同老公試吓，平時食開中餐嘅佢，估唔到非常滿意呢間餐廳。首先我哋好鍾意餐廳啲位，差唔多張張枱都可以有sea view, 望住個海好relax。見到佢出面有火爐，涼涼哋嘅時候都唔怕凍，好貼心。我哋叫咗個Burrata 前菜，一大粒芝士咁食真係好滿足。主菜係蘑菇Risotto ，個汁好濃菇味之外，個飯真係有正宗煙韌口感，真心正。仲叫左個rib eye, 係乾熟成既。又係好正，本身牛味濃，林得來肉質有咬口，同埋食得岀呢間個grill 好得，好香碳香。我地兩個人叫三樣野，兩杯drinks 都好夠，我覺得舒服又好味，呢間兩樣都有！

牛西冷 300g牛西冷嘅肉質非常嫩滑，油花分布均勻，烤得啱啱好，外脆內嫩，配上少少海鹽/秘製醬汁，肉味更加突出。🌟 評分: 7/10麻花捲意大利麵 松露蘑菇忌廉醬松露蘑菇忌廉醬好香濃滑順，與麻花捲的脆口感形成對比，增加了口感嘅層次感。🌟 評分: 8.5/10吞拿魚他他配黃鰭吞拿魚、泡菜、茄子蓉吞拿魚嘅新鮮感+泡菜嘅酸辣感帶黎好獨特嘅味道，茄子蓉亦都好柔滑。🌟 評分: 7.5/10Yakult PassionYakult的乳酸菌同熱情果好match，好清爽可口。🌟 評分: 8/10Green Gobbler呢杯色澤清澈，香氣撲鼻，入口清新。🌟 評分: 8/10🎖️整體評分🎖️❤️ 味道: 8/10🧡 環境: 8.5/10💛 服務: 9/10💙 性價比: 7/10 📍THE HUNTER (將軍澳)將軍澳唐賢街29號藍塘傲地下11號舖

THE HUNTER @thehunterhk 📍：將軍澳唐賢街29號藍塘傲地下11號舖🚗：將軍澳地鐵B1出口 步行10分鐘📞：+852 2330-0204💲：~HKD118-308/head for lunchFood quality✔️：Mediterranean Garden Salad, Crab Gnocchi, Vanilla crème caramel 👌🏼：Soup of the day, Wet Aged AUS 36 South Striploin總結：😋將軍澳海傍嘅地中海中高檔餐廳 午餐豐儉由人 $118-$308起 地中海風情唔算太重 感覺似正常西餐多啲 環境就一流望住海景 無得彈😋招牌沙律🥗就最有風味 落咗大量紅洋葱 羅馬生菜 橄欖 石榴 鮮薊同烤粟米 成碟充滿草青味酸酸地 開胃 但唔愛食草嘅朋友就未必啱😋佢嘅甜品🍮都好食 布丁狀嘅crème brûlée 偏硬身奶香濃 但caramel略苦 我妹嗰碟反而唔苦😋主菜試咗蟹肉意大利🇮🇹餃 外層脆口內裏煙韌到好似食年糕咁 蟹肉都夠足料 但蕃茄味太搶🤔扒同餐湯就正常🤔環境大 裝修行加勒比海風 坐得算舒服🤣😨離地鐵站遠

今次係第二次嚟呢間地中海西餐廳，覺得餐廳食物保持到水準。餐廳以藍白色為主，座位坐得舒服，除咗室內座位之外，餐廳提供戶外座位，室外座位可以望住海景，播住唔同嘅音樂，氣氛好chill。套餐比較抵食，有齊前菜、主食、甜品同餐飲！同朋友叫咗個兩個午餐set；牛扒同埋軟殼蟹手卷（本身係漢堡包但係餐廳話暫時未有漢堡包提供，所以轉左手卷）。整體用餐體驗：餐廳店員細心態度友善，主動加水，又會留意住用餐速度，收碗碟同送菜上枱，推薦。