The Hunt Coffee & Roastery

營業中

休息中

同觀塘地鐵站有啲距離，但尚算方便，食飽可當做運動。以位置嚟講，價錢偏貴，不過值得一試。入面環境幾靚，擺枱唔會太擠迫，好適合坐低飲杯嘢閒聊。友人推介呢度嘅咖啡，但相對於飲嘢，我更喜歡食龍蝦扁意粉擺盤超靚，梗係相機食先。龍蝦彈牙，意粉味道不過不失，兩個人食啱啱好。珍寶帶子本身贏在起跑線，加上煙煙韌韌嘅意大利飯，比龍蝦意粉更得我心。肉眼扒調味熟度啱啱好，薯條香脆熱辣辣上面嘅蒜頭食咗一小塊，冇乜味。同平時嘅 Tiramisu 好唔同，另一件藝術之作。Lady Finger 浸咖啡嘅程度恰到好處，唔會太乾太濕，再淋上 Mascarpone，超正上面有片橙我估係要搣碎同 Tiramisu 一齊食，但食完個 Tiramisu 先發現

吃貨最近轉工作的關係，同事們頻頻和我吃farewell飯, 很不捨得但也很感激😭🙏🏻因此都漲咗不少🐷新年之後再減😝其中一位同事話帶我食好嘢，在我觀塘辦公室附近嘅一間西餐廳，講真我在嗰度返左工成半年真係未幫襯過。這是一間環境同氣氛幾好幾靚嘅餐廳, 成間都已藍色做主題。雖然午餐價錢都唔平，但係lunch都爆滿, 喺觀塘真係求其開一間餐廳都大把人食。其實佢有好多野揀，同事推介佢嘅肉眼扒（$188），我就點了肉眼七成熟，同事可以食到生點就點左五成熟。 大概等左10分鐘肉眼扒就來，的確係七成熟煎得啱啱好，朋友嘅五成熟亦都唔會過老，仲有少少血。味道方面佢嘅醬汁唔錯，配上少少海鹽，牛扒嘅質素都幾好，牛味亦都好濃，都係一塊靚嘅肉眼扒。份量都足夠大大塊，上面仲會配有一個烤蒜頭朋友話個蒜頭都好好食，我也試吓真係烤得幾好味，令我不禁食晒成個蒜頭😝另外佢配有粗薯條，似Burger King嗰款，正喎！飲品方面佢竟然冇熱檸水嗰啲，但係就有熱檸蜜，雖然都唔錯，不過我會好奇熱檸水有幾難整呀🤔竟然會冇🙄果然好介紹，經開觀塘都可以幫襯下，多謝同事嘅farewell飯！！收到滿滿的祝福了！ Thanks!!_______

這間餐廳的環境十分優美，是我最喜歡的藍色，也是令一般女孩子心心眼的Tiffany blue，和觀塘這個工廠區相比實在是像進入了另一個世界。我點了吞拿魚意大利飯，吞拿魚外層稍微煎香，灑上少許鹽及黑椒，香氣撲鼻，中間仍然是生的，仍然能夠保存鮮味幼嫩，味道很好。朋友點了龍蝦意大利麵，我試了少許，意大利麵充滿蝦膏的鮮味，味道也不錯，美中不足是龍蝦肉的份量有點細。甜品要了tiramisu, 做得輕柔細滑，比主菜更出色。最後來一怀cappuccino, 為這一頓豪華的午飯畫上一個完美的句號。

約了友人聚一聚，一行三人，友人建議到這店，説all day breakfast 不錯，所以就選擇到這裡來，地點不是太方便，從觀塘地鐵站若要走10分鐘才到達。可以選擇的午餐不是太多，雖然這裡裝修亮麗，但在觀塘工業區這個價錢的午餐，令我有點瞪大眼睛。因為友人們也吃了late breakfast, 所以我們決定只點了2個lunch set share。這個Hunter breakfast 味道很不錯，有3片Parma Ham，沙律菜新鮮，腸仔美味，蛋下面是大磨菇，但價錢比起我在大商場的all day breakfast 還要貴，價錢＄128，更沒有飲品這個味道也不錯，2隻蝦也很新鮮，但分量極小，正常女仕也不夠飽的份量，可以看到蝦和意粉的比例，就知其份量了，但價錢是＄148整體環境不錯丶味道不錯，但是價錢是中環的價錢，超級overprice的一餐，所以不會再encore 了

去到想食龍蝦意粉已經賣曬，咁轉大蝦意粉，結果等左半個鐘到四十五分鐘都未黎。店員話太多人需要時間製作太離譜。朋友趕時間，想將食物轉外賣，店員又話甜品不能打包，主菜未上但要食甜品先搞錯d先後次序。叫賣單就即刻到，最後店員連一句道歉都沒有，實在太過份，令人非常失望😞收貴價錢但冇服務，食物飲品都差，不會再去。

在4個月前的當晚，我們一行4位姊妹，走到觀塘鴻圖道的 <The Hunt Coffee & Roastery> 食晚飯！ 大家談起自己的近況！「情」是我們一眾女生談及感情事，由我講起先... 其中，有位姊妹講到5月已找到男朋友；最近，更得知她將於今年年尾結婚！認真可喜可賀！「意」是餐廳供應意式菜式位於商業大廈地下，卻是位置頗為格攝，海藍色的門面，餐廳樓底高，空間感充裕，牆上以咖啡為題的圖案，增添藝術氛圍；掛上咖啡豆袋，別具一格的裝潢！ 我們被安排到四人桌子，自成一角，勝在坐得舒服，起初的四人桌子，有姊妹發現冷氣機漏水問題，男店員為我們轉枱！這裡很適合三五知己飯聚，傾心事！我們發現...餐廳另一邊，似是有 Speed Dating 呢！男店員送上以皮套的餐牌，並向我們推介一些美食！供應：頭盤 (沙律、小食)、主菜 (意粉、意大利飯、漢堡、全日早餐)、甜品及頗為特色的飲品 (咖啡、茶、果汁、cocktail)...等！ 價錢合理！原來餐廳於晚上 9:00收舖，男店員提醒我們 8:30 last order！由於我們要求男店員幫忙影合照，他很衛生！先拿紙巾清潔雙手，才拿我的相

Egg benedicts，精華所在就係個hollandaise sauce、melted egg yolk同必備english muffin（有啲餐廳會改用toast，但個人覺得muffin會好啲）擺係最底既muffin會索返晒漏出黎啲蛋汁同個hollandaise sauce，比你原汁原味食返晒落肚。個sauce必須係微微帶酸好creamy咁，令你胃口大開。呢間餐廳做既benedict（佢餐牌個名係hunt benedict），除左無muffin（當然其實佢餐牌都無寫到有muffin）而改用左2塊細到無倫又硬柴柴既toast，個pouched eggs係無味既，唔單止成個dish無落到鹽，個蛋係無蛋味既...再講，個hollandaise sauce佢用左芒果汁代替，看似新穎但我真係唔識欣賞，一上檯我已經好懷疑佢有無上錯左dish比我。最敗筆係，竟然用一塊平碟黎上菜，無錯，集碟係完全平既，所以當你食隻蛋時，啲蛋汁開始流出黎，會直接從隻碟流落檯面。塊toast因為太細又太硬所以係幾乎完全索唔到啲蛋汁既，你最終食到既只係無味既蛋白。呢餐唯一比較可取係杯咖啡，還可以飲得落肚。

週日無咩特別地方想去，又唔想留係屋企開餐，心思思諗下度下可以食D咩。記得上次路經Hunt Coffee都俾佢既裝潢同靠窗梳化位吸引左留低印象，快快手上網睇吓人地既打咭相同食評，就決定黎試一趟。可能今晚臨近中秋節前夕緣故，店內用餐既食客明顯疏落，抵步便見心儀既梳化位實在太開心了，於是箭步入內坐低再慢慢諗點咩菜。店家沒有提供晚市套餐選擇，所有項目均可單點。正當我地研究緊點咩主食項目時，店員都主動上前諮詢一下我們既口味份量要求，對菜式作簡單既介紹後再作出個人建議，凈係呢種服務態度都抵俾個LIKE佢!特別鍾意佢地既墨綠色皮革製MENU配合黑漆木紋餐桌。若果不太喜歡晚間飲用咖啡，都可以選擇其他果味飲料。我地點左一杯清新開胃既熱蜜糖青檸茶，只帶輕微酸而不澀的味道，喝一口即刻精神返晒。四四方方既五花肉，千祈唔好俾佢第一眼果份霸氣嚇怕，廚師特意在底層加入濃郁又紫紅色既甜車厘子醬及果肉，完全沒有一貫重口感之嫌，反而營造出肉汁夾雜果香既極致配搭，既能平衡肉脂釋放出黎既油膩滯脹感之餘，分外突顯油脂香味，來個不一樣又清新既觀感及食感 。刀鋒由表層金黃且油潤既外皮輕輕切入肉身時，你會先感覺到乾脆俐落既爆皮一刻，

今天阿姐選了這間精緻的西餐廳補祝同事生日。我們其實之前來過，覺得環境舒適，很有歐美風的裝潢設計，仿彿離開了繁忙的觀塘工業區，而且食物賣相也相當吸引，所以再來。我們三位女士分別點了三個set lunch 一起share . US prime rib eye $184美國肉眼扒配薯條。個人不是太愛牛扒，較喜歡他的薯條和蒜頭配菜，薯條香脆。Grilled salmon fillet and spinach mashed potatoes$148三文魚柳配菠菜薯蓉，賣相也好看，但味道一般。Grilled sea brass and sweet potato with pumpkin purée and salmon roe $1583個餐之中最好味和飽肚的而且賣相最靚的！鱸魚燒得剛好，連魚皮也煎得香脆的，再配上南瓜泥及三文魚子，口感豐富，甜薯也烤得很香甜！最近奉上䁔胃的honey lime , 就算有少少作感冒的我也飲得很舒服。

喺呢條比較唔太繁忙/多人嘅鴻圖道，有間門面藍色的咖啡店，店內環境寬敞舒適，所提供嘅咖啡及食物質素都好好，亦啱人坐低慢慢傾計嘆咖啡。Mango Crab Meat Salad好清新嘅配搭，芒果酸酸甜甜好開胃，配上蟹肉嘅少少咸味，食落就唔係簡單的沙律

假日訓到好晏先醒 即刻外出搵嘢食本身諗住去食華嫂 但係見到排晒長龍就喺附近兜住先行行吓見到有間cafe都幾靚於是就決定入去食 唔再等啦間餐廳好大好闊落 格調都唔差竟然仲比豬仔見到「馬小玲」啊 哈哈 講返嘢食先Hail to King Burger|$158Hunts Benedict|$118點咗漢堡包配薯條漢堡包有番茄漢堡青瓜半生熟雞蛋一切落去雞蛋流出嚟好Juicy薯條熱辣辣外脆內軟另外叫咗Egg Benedict配新鮮沙律 同醬汁好夾懶懶行閒閒過左一日食完就去咗觀塘海濱睇日落

行過Hunt Cafe，比佢個裝修吸引咗，入去食個簡單lunch要咗個Hunt Benedict $118，其實而家諗番係幾貴，不過好多餐廳都已經係呢個價錢了，所以落單果陣唔覺貴，再要咗個Earl Grey Tea，兩樣野埋單要$180+，真係幾貴，好似食咗陣風咁，完全唔飽...個Egg Benedict，啲沙律配菜好新鮮，上面仲有少少水果、Parma Ham，好食又清新，果兩塊法包加咗nuts，都好香口；反而係個主角，Benedict 先生出咗事，其實佢隻蛋煮得幾好，但無落鹽調味囉⋯⋯ 所以呢位Benedict 先生係寡佬一名，索然無味！係觀塘要食到呢個價錢、呢個水準... 真心唔抵

黎試下我朋友話觀塘最好味既西式cafe!Lobster Linguine 賣相唔錯，意粉好香香草同龍蝦味，略嫌有少少咸！Rib eye 個sauce 好味，扒既表面可以再煎耐多DD就好，不過都係La Vache好味D👅中意薯條冇乜鹽👍🏻最令我驚喜係個Tiramisu😍賣相一流，性價比高！好creamy 同手指餅夠唒酒味，個人覺得如果多D cream口感會更rich🤩

今晚同老公兩個撐檯腳揀咗間係工廠區入面嘅cafe，貪佢人少少，坐得舒服啲，而且呢度主打咖啡，所以遠遠地都嚟試一試～ 門面裝飾已經好有cafe嘅味道～見到呢部咖啡機同埋啲手沖壺，即刻心心眼呀簡簡單單嘅餐牌，但裡面嘅食物一啲都唔簡單～Hail to the King Burger首先嚟咗個漢堡包先～ 伴包嘅薯條非常出色！炸到金黃嘅粗薯條加咗蒜鹽同埋香草，睇賣相已經好吸引，加埋香味更加無得頂～ 食落仲係好脆，堅係色香味俱全 個漢堡包材料超豐富～ 手打漢堡扒一啲都唔實，好juicy~加上芝士同埋薄脆嘅煙肉，愈咬叫愈香口，就連個包都唔簡單，鬆鬆軟軟配上牛油香味，剩食包面都US Beef Chuck Flap啤梨薑汁配牛柳都係第一次～ 淡淡嘅薑味加啤梨嘅香甜，用嚟襯半熟嘅牛肉牛柳肉質鮮嫩，好似好生咁，但又無血淋淋喎～ 乾身但唔韌，好睇又好食，出色～仲有配菜方面，雖然只係配菜，但明顯廚師都係好用心煮，用香口爽脆嘅蘆筍做伴碟就成日見，但係用切嘅方芋頭嚟做墊底第一次見，好特別～ Pear Betrayal本來已經好飽，但店員特別推介最新出品～酸酸甜甜嘅青檸慕絲，絲滑細緻配埋自家制嘅薑汁啤梨雪糕，加上香味

黃昏，觀塘工業區一帶仿如個小市墟，沿著開源道往海皮方向走，迎面而來的全是下班族，行人熙來攘往、人聲鼎沸；身處其中，有點頭昏腦脹、喘不過氣。一鼓作氣地在逆流中左穿右插，幾經辛苦，終於避過人潮，到達了目的地鴻圖道。此時，發覺全身已被汗水濕透。稍為放慢腳步，回過神來，眼前出現一間海藍色的餐廳。門面圓拱型玻璃窗的設計，開揚通爽，充滿歐陸風情。走進店內，目光很自然地停留在牆壁的塗鴉上，扼明的構圖、繽紛的色彩，為舖頭注入無限活力。抬頭一望，高高的樓底掛著波波吊燈，摩登時尚。店子環境愜意、舒適、寧靜，與外面的繁華鬧市，是兩個不同的世界。安頓過後，店員便端來餐牌及作簡單推介，那個仿皮外套夠型格呢！食物種類方面，包括：沙律、肉扒、意粉、漢堡、全日早餐、甜品等，選擇不算五花八門；反而飲品款式挺多，除了餐廳主打的咖啡外，還有特飲、茶類、果汁、紅白酒品......比起大型商場的食肆，這兒食物價錢稍低，定位合理。夏日炎炎，首先喚來芒果蟹肉沙律($88)，醒一醒神。成品堆得滿滿就如小山丘般，份量充足。雜菜新鮮爽脆，因拌入清甜的芒果粒及香脆的杏仁片，毫不單調。蟹肉看似平平無奇，入口卻傳來淡淡的咖喱香，為味蕾帶來一絲