影片
更多
2018-10-06
262 瀏覽
週日無咩特別地方想去，又唔想留係屋企開餐，心思思諗下度下可以食D咩。記得上次路經Hunt Coffee都俾佢既裝潢同靠窗梳化位吸引左留低印象，快快手上網睇吓人地既打咭相同食評，就決定黎試一趟。可能今晚臨近中秋節前夕緣故，店內用餐既食客明顯疏落，抵步便見心儀既梳化位實在太開心了，於是箭步入內坐低再慢慢諗點咩菜。店家沒有提供晚市套餐選擇，所有項目均可單點。正當我地研究緊點咩主食項目時，店員都主動上前諮詢一下我們既口味份量要求，對菜式作簡單既介紹後再作出個人建議，凈係呢種服務態度都抵俾個LIKE佢!特別鍾意佢地既墨綠色皮革製MENU配合黑漆木紋餐桌。若果不太喜歡晚間飲用咖啡，都可以選擇其他果味飲料。我地點左一杯清新開胃既熱蜜糖青檸茶，只帶輕微酸而不澀的味道，喝一口即刻精神返晒。四四方方既五花肉，千祈唔好俾佢第一眼果份霸氣嚇怕，廚師特意在底層加入濃郁又紫紅色既甜車厘子醬及果肉，完全沒有一貫重口感之嫌，反而營造出肉汁夾雜果香既極致配搭，既能平衡肉脂釋放出黎既油膩滯脹感之餘，分外突顯油脂香味，來個不一樣又清新既觀感及食感 。刀鋒由表層金黃且油潤既外皮輕輕切入肉身時，你會先感覺到乾脆俐落既爆皮一刻，
記得上次路經Hunt Coffee都俾佢既裝潢同靠窗梳化位吸引左留低印象，快快手上網睇吓人地既打咭相同食評，就決定黎試一趟。
可能今晚臨近中秋節前夕緣故，店內用餐既食客明顯疏落，抵步便見心儀既梳化位實在太開心了，於是箭步入內坐低再慢慢諗點咩菜。店家沒有提供晚市套餐選擇，所有項目均可單點。正當我地研究緊點咩主食項目時，店員都主動上前諮詢一下我們既口味份量要求，對菜式作簡單既介紹後再作出個人建議，凈係呢種服務態度都抵俾個LIKE佢!
特別鍾意佢地既墨綠色皮革製MENU配合黑漆木紋餐桌。
若果不太喜歡晚間飲用咖啡，都可以選擇其他果味飲料。我地點左一杯清新開胃既熱蜜糖青檸茶，只帶輕微酸而不澀的味道，喝一口即刻精神返晒。
四四方方既五花肉，千祈唔好俾佢第一眼果份霸氣嚇怕，廚師特意在底層加入濃郁又紫紅色既甜車厘子醬及果肉，完全沒有一貫重口感之嫌，反而營造出肉汁夾雜果香既極致配搭，既能平衡肉脂釋放出黎既油膩滯脹感之餘，分外突顯油脂香味，來個不一樣又清新既觀感及食感 。刀鋒由表層金黃且油潤既外皮輕輕切入肉身時，你會先感覺到乾脆俐落既爆皮一刻，然後展現出略呈微粉紅色既肉層夾著薄薄既脂肪，完美比例，絕對係有驚喜
Spanish Pork Berry & Red Wine Braised Dark Cherry
43 瀏覽
0 讚好
0 留言
另一道主食就點了香煎鱸魚配紫薯，同樣色香味攞滿分，應該會比較適合女士們既口味
Grilled sea bass & sweet potatoes with pumpkin puree & salmon roe
34 瀏覽
0 讚好
0 留言
張貼
