The Hunt Coffee & Roastery

營業中

休息中

終於有時間去試新野，上星期日同細佬一行幾人去食，佢地就食過幾次都覺得值得推介🥰觀塘站行入黎大約8分鐘左右，地點唔算好方便，不過星期日人少少易行都OK🙂Spanish Pork Belly 大熱推介❤️落單時會提醒一下係比較肥肉多的，不過我地幾個人每人一口所以都可以，表層少少脆脆感覺，中間既肥肉軟熟香滑，肉質鬆軟，怪不得係必點之選！Angus Sirloin質素幾高，件扒熟度係我地想要既，加分位係個蒜頭，好食到我地要搶🤣Sea Urchin & Foie gras Linguie主角海膽都幾鮮，加件煎脆左既鵝🤤拌碟仲有芒果粒，成件事睇落好豐富🫠Tiramisu甜品必點第一位🏅香濃滑身但又唔係好甜，不過一個人食的話會比較漏，都係開心分享比較好！Double Chocolate Mousse朱古力夠濃，Mousse 質感都不錯🤤焦糖好脆又唔係好甜飲品都OK 但末算好出色🫥甜品同主菜就真係高質🫶🏻

平時成日黎呢區食飯，但呢間餐廳都係第一次試，由於係星期日，所以餐廳都幾滿座，好彩都咁岩有位姐！US Prime Rib Eye我地都唔中意食太熟，所以叫左5成熟，個扒煎得好香脆，而且非常厚身，火喉控制得好好！吃落勁juicy，重有我至愛既粗薯條。Prawn Linguine份量幾多，d蝦香蒜味好香，體積大重要勁彈牙，呢個意粉配上香濃既龍蝦醬，特別香口，簡直食唔停呀！Tiramisu呢個真係必叫！睇過咁多食評個個都話要叫呢個甜品，咖啡同酒味都勁重，面頭亦都有d好幼滑既cream，成件事係超級夾！而且d裝飾都勁靚，十分適合打卡！

午餐.1) Hunt Signature Tiramisu $78好味 一啲都唔甜叫咗後上 但叫完等咗都一段時間才送到嚟.2) US Prime Rib Eye $258叫咗5成熟 但嚟到有8-9成熟😂😂塊扒比較薄 同埋有好多肥膏但味道係唔錯嘅煎得有啲香脆 都有啲肉汁呢個價錢少貴.3) Tuna Risotto $158吞拿魚有驚喜 好鮮甜飲就有啲芝士 好味 但無乜大驚喜.4) Prawn Linguine $158味道正常.食物整體都唔錯最鍾意個tiramisulunch都幾多人最好就book定位

同閨密食生日飯，見大家都住綠色線就揀左觀塘區。揀完先知原來呢間餐廳離地鐵站都有啲距離，好彩有google map同埋藍色嘅門口好搶眼，其實都唔算難搵嘅😅2位閨密話呢排太熱冇乜胃口，所以叫得幾樣野，估唔到都幾好食。🍽Hunter Fries即炸的粗薯條，仲灑上芝士同紅椒粉，帶少少辣，都唔錯🍽Sea Urchin & Foie grad Linguine 呢個有齊我最鐘意嘅海膽、鵝肝、三文魚籽，味道好夾又唔會漏，仲要整到鬼咁靚，真係唔捨得夾亂佢，打卡一流👍🏻🍽Hanger Steak呢個又好好好食，個汁甜甜地仲配左新鮮無花果，好fresh，擺得好好靚👍🏻🍽Signature Tiramisu朋友極力推薦，果然又靚又好味，唔太甜，好大件，必點👍🏻🍸飲品：朋友叫左2杯都一般，有啲淡。反而我叫左Mint Lime Soda都ok嘅，但唔特別推介了！總結：食物款款都唔錯，唯一嫌佢以呢個份量嚟講，又好似貴左少少，我地都食左$700+，其實正常食量嘅我會覺有d唔夠飽。我地星期六18:30去都坐到21:00左右先走，環境舒適，好適合同知己閨蜜嚟邊食晚飯邊傾計👍🏻

約左朋友於觀塘一聚對觀塘搵食一竅不通下，朋友介紹試下尼間 Cafe hea 下，附近環境不是旺區，人流少好多，感覺較清靜。環境乾淨簡潔，傾計休息不錯嘅地方。all day breakfast 賣相豐富 伴左好多新鮮嘅沙律菜7成慢煮牛柳，望落好仲生咁，食落去都ok ，個汁甜甜少酸好開胃最後兩杯啡都正正常常餐廳內仲有漢堡包選擇，食物種類唔算多，每個擺盤都用心，味道都可以，價錢唔貴，如多在觀塘出入，我可能都會繼續試埋其他食物。

今次叫左肉眼牛扒，牛扒屬於肋脊部位，脂肪比例較高，油花非常豐富！咬落味道較甘香，口感軟腍，肉味會較西冷牛扒淡！如果喜歡較有嚼勁口感的朋友，可以叫西冷牛扒，肉味比肉眼濃郁，油花不算多，但分佈平均，而且有彈！會再次到訪！

話說周街都係coffee shop，相信總有一間在你左近，想飲杯咖啡應該都唔係件難事~但如果想係嘆咖啡既同時，又可以填包個肚，仲可以食埋甜品，一次過滿足三個願意就唔係咁易啦!🤩今日小編就一次滿足大家三個願望啦!🍽 The Hunt Coffee & Roastery☕️🔆 Hunter Breakfast ($148)整份all day breakfast都被沙律菜圍住，擺盤上都幾特別，講講同一般all breakfast比較大分別：因為係沙律醬汁方面用左芒果汁，藍莓及紅莓醬，酸酸甜甜幾開胃之餘可以解膩，仲鋪上左帶有微微咸香既Parma ham，呢個design係唔錯既。👍🏻中間用大啡蘑裝住黑松露炒蛋，旁邊配埋兩塊酸種麵包，而值得一提係香草腸味道唔錯，反而有驚喜既係蕃茄仔帶有一點煙肉香，相信係大廚煎完煙肉後利用煙肉油再煎香蕃茄仔，為當中增添了煙肉既咸香味，味道上真係幾好。🐠 Sea Urchin & Fole Gras Linguine ($188)海膽新鮮且帶微甜，而鵝肝煎到外脆內軟且食落油香十足，兩者都差不多入口溶化，而扁意粉煮既時間都拿捏得岩岩好，食到爽口煙韌既al dente口感

叫咗個沙律同埋肉眼扒，最尾仲有個焦糖燉蛋。沙律好豐富，材料好多，個樣勁靚，味道都幾好嘅。個肉眼扒，肉味濃郁，5×生熟剛剛好，火候控制唔錯。焦糖燉蛋非常好食😋咖啡都好飲。環境好錯，好elegant…

熱辣辣懶洋洋的假期，和朋友只好找一間坐得舒服點吃好西的閒聊吧！特意來這間一直想試的餐廳，最signature的是tiramisu, 所以我必點的飯後甜點，果然不會令你失望，正呀🤩，另外點了很多好評的西冷牛扒，有一整個燒到浴浴地的蒜頭，不得了，原來和牛扒一起放進口是特別好味的🥰，再叫了一個顏色吸引了我的Tuna Risotto, 不過飯就一般的淡口了點，但吞拿魚是好味的配上魚子不錯。我杯菠蘿水果茶也很好喝，杯上插了一塊菠蘿乾，我還問店員可以吃的嗎🤭 因為好靚好香，真係好好味😋

約咗朋友去觀塘食飯揀咗呢間吸睛藍色地舖平日夜晚都唔算多人可能因為離港鐵站有啲遠/—Tuna Risotto—吞拿魚屬於半生熟入面仲有刺身嘅感覺飯係吸睛嘅綠色生熟度啱啱好唔會太硬/—Prawn Linguine—本身想叫海膽但冇貨蝦肉都算新鮮意粉夠入味/—Turin Spicy Chicken Wings—雞翼夠入味好好食😋/—Hunter Fries—仲有我至愛嘅薯條粗身薯條，灑滿晒芝士粉喺面/—Hunt Signature Tiramisu—主打甜品，上網見過好多人食過我哋都決定一試，真係幾好食😋

上次食完覺得幾好食 之後念住再返來食🥹不過7:51入到去好似唔想做我生意咁 明明9點先close!!! 開頭仲要呃我得返外賣😥對話如下男侍應: 唔好意思 我地只做外賣我: oh 你地唔係9點先close?男侍應: 係呀 errr我: 仲有一個鐘多少少 我地特登搭車過來 可唔可以食埋？( 其實cut 單8:30pm 仲要求佢咁)😅侍應: 好啦 你地而家叫埋 再坐低 驚你地食得太趕點餐中… 叫到甜品侍應: 唔好意思 甜品你地應該食唔切啦 認真 我地特登搭的士趕過去 有排都未到cut單啦！ 仲要幫我計埋食唔食得切😅 唔想做野都唔係咁 得3枱客..都咁hea 真係超級無奈 永遠冇下次 !

嚟到呢一間觀塘嘅Cafe☕️當然要食佢哋嘅招牌tiramisu✨兩層嘅手指餅食得出好香濃嘅咖啡味同少少甘苦嘅酒味🥃再配埋軟滑嘅忌廉芝士 同面頭嘅可可粉 味道同賣相都一樣咁正😍

很久沒有理由要去寫一個詳細的食評, 因為現今搵食艱難, 也不想大家難做, 如中伏, 也只好怨自己點錯東西. 但今日的用餐經驗實在又貴又差, 希望該餐廳見到會有所改善, 至於我, 恐怕沒有機會去二刷再給評語.環境: 確實在觀塘這灰黑色的街道上, 有如此醒目的一間藍色大門外觀的餐廳, 就算不知道名字, 經過也會有印象, 也對此好奇及充滿期望. 今次用玻璃門進入做登記, 但坐的位置其實是打開了的落地大玻璃摺門, 天氣還好, 室溫加街外溫度倘算適中不熱又通爽. 餐廳刻意把2人檯45度斜放在此範圍, 我明是特色, 但連D侍應都好似唔慣要轉方向扭來扭去, 都算, 我個人真係好憎D STAFF行過會撞到我張櫈, 或者, 經過好順手會撳下我椅背咁行, 做咩啫你? 唔扶住會跌咩??菜單: 全英文, 冇相, 同區黎講都真心貴, 我見好多人食扒, 講緊加一要過$300 (冇SET, FREE只有AMERICANO同另一杯野揀). 朋友點左個PASTA, 我就手快點左BURGER, 點知BURGER原來屬於單點, 不過就放埋晌DELUXE果版, 我唔知個BURGER有咩咁DELUXE, 總之冇餐飲. 如之前提

🍰Tiramisu 必叫之選🥰😍香濃咖啡味同適中酒味，加上幼滑嘅Cream，整體配合度極高；廚師亦巧妙綴以苦苦甜甜嘅橙皮及朱古力碎片，令蛋糕層次昇華👍🏻🍝Black Country珍寶帶子墨汁意粉味道單調，幸好帶子彈牙，加上微辣脆火腿碎、帶有紅莓酸味 cream sauce及芒果醬，尚能豐富口感。建議多加芒果醬，帶出帶子鮮味亦能使意粉更開胃🥸🍝Prawn Linguine 香蒜彈牙大蝦，配以自製龍蝦醬，味道可口；加以櫻桃茄，清新開胃。對比墨汁意粉，個人較喜歡此意粉🤣😋🍔Hail to King the burger漢堡最怕塊扒又乾又無味！但呢間多汁重牛味，而且層層足料蔬菜，爽脆開胃，同時減少油膩感；最重要係漢堡份量足夠，配以脆香少辣薯條，好食👍🏻

早前同朋友去咗觀塘依間餐廳食lunch, 成日係ig 見人推薦，難得路過吾駛等位就入去試吓。環境吾錯嘅，裝修都幾靚，坐得都算舒服。野食方面同朋友2個人叫咗一份Spanish pork belly，一碟海膽鵝肝偏意粉同一件聽聞必試咗濟嘅tiramisu份西班牙豬肉都幾大舊，好淋身，感覺就好似食緊舊高級版嘅燒肉，但當然比平時燒咪嘅燒肉好食啦，好食嘅，但就冇咩驚喜。海膽鵝肝意粉個樣好吸引，整得幾靚👍🏻味道上海膽同意粉中規中矩，但鵝肝好食，煎得好香，有啲驚喜。成碟分開黎講都好食，只系感覺海膽還海膽，鵝肝還鵝肝，意粉還意粉咁～至於傳聞中必試嘅tiramisu：裝飾得幾靚，味都幾好食，咖啡味夠嘅，啲cream都香嘅，依個系真系可以叫黎試下同埋感覺tiramisu 系全個餐廳最抵叫嘅一樣🤣野食系好食嘅但價錢我覺得偏貴，由其全部野食同野飲都系散叫🤪