The Cool Cousins Cafe & Noodle Bar

營業中

休息中

叫咗兩個餐，等咗半個鐘一個都未上問下有冇漏單，又話冇再等多十五分鐘都淨係上到一個真係等好耐，等咗四十五分鐘都淨係上到一半嘅嘢，實在難以忍受我明飲食業好辛苦，但係最難以忍受係條友話冇漏單，我覺得佢講大話如果一間餐廳正常係等半個鐘先上，咁都好危我唔信日日繁忙時間都要咁等

自己不嬲都中意食Fusion野，而阿妹又中意食Burger，所以決定試呢度嘅創新漢堡滿足下兩個願望🙊。星期六中秋正日12點零嚟到，本身仲擔心要等位，點知得小貓一兩隻。招牌72小時安格斯牛小排漢堡 $121 + $15黑松露芝士醬話明招牌一定係餐廳做得最好嘅野啦!! 😏加上從未食過慢煮牛嘅漢堡，所以對佢期望幾高。上枱果陣只見佢一堆綠色嘅菜，感覺好Fresh，配上焦糖洋蔥，啱哂唔中意食生洋蔥嘅我~~😌牛質係幾淋，但老實講，真係食唔出係牛小排，食落似牛腩多D。值得讚嘅係，醬汁夠杰身，所以唔會邊食邊滴汁，唔會好”呢HEA”。至於個粗薯條，幾有薯味又夠粉；反而黑松露芝士醬係我食過最杰身，放左一陣已經琼左，薯條完全痴唔起個醬….🙄🙄麻麻地IC水牛城炸雞漢堡 $129其實我自己係衝著呢款Burger而嚟🤓，因為佢個賣相真係一流!!不過食落真係好麻煩😂最”呢HEA”就係佢，好彩我醒目有帶手套，否則要逐層食。炸雞個炸粉幾厚，而且炸到好乾硬，好處係雪糕溶左都唔會變淋，依然脆；但幾甜嘅雪糕配鹹辣嘅炸雞，真係唔太Match😅。反而我好中意個水牛城醬，辣得嚟又幾惹味😋，如果無雪糕應該會更好味😏。烤大啡菇黑松露芝

“IC”水牛城炸雞漢堡 $129想要冰火交融感覺既話 可以試下呢個burger🧊🔥炸雞配上酸甜香辣既水牛城醬 超級惹味👅 最有驚喜既係果兩球雲利拿雪糕 雪糕既甜中和左水牛城醬既辣 兩者相輔相成 無諗過兩個味可以咁夾 同時又唔會過膩 麵包亦烘得外脆內軟🍔可惜既係 炸雞既炸皮有啲厚 加上薯條一上已經又凍又乾硬 以呢個價錢黎講 會期望做得更好吧

觀塘唔只得塞車嘅，仲有好多好食嘅餐廳添🤤今次我哋去咗位於開源道駱駝漆大廈食由四位表兄弟主理嘅餐廳The Cool Cousins😍特別嘅係呢四位表兄弟裏面有三位都係喺城中著名西/泰餐廳做過廚 (包括Aqua、Cova、Mrs Pound、Nahm)，質素我哋相信有返咁上下保證🤓烤吞拿魚扒莎莎漢堡餐 ($136)：呢個價錢有一份薯條、一份沙律，連一杯冷/ 熱茶 (消除油膩，幾好)，都算唔錯👍🏻 漢堡包材料用上厚切日本刺身級吞拿魚扒🤤再輕煎表面，灑上黑芝麻，再用上菠蘿甜椒莎莎、蛋黄醬同埋香脆洋蔥圈做配料，味道酸酸甜甜得來再加上脆卜卜洋蔥圈和黑芝麻吞拿魚扒，好有咬口，越食越開胃。本身我哋都好擔心吞拿魚會唔會味道偏酸，不過食咗第一啖之後我哋嘅擔心係多餘嘅😂而且佢哋個包唔似坊間漢堡包只係用少少牛油煎過就算，而係落重牛油🧈去煎香個包🥹唯一美中不足嘅係，叫呢個包嘅時候一定要盡快食用，因為好快就會凍，我哋諗係唔係因為舊刺身吞拿魚扒呢？🤔除咗漢堡包之外，佢哋都有泰式冬陰功粉麵，目測都幾多人食，等我哋下次試吓先，試完再同各位分享🤫

觀塘工廈不嬲都多良心食店 個日好想食burger就揀左呢間(￣∇￣)========================👅經典Mac’ n Cheese漢堡 $135漢堡juicy！ 再夾埋芝士通心粉 食完好滿足(˶‾᷄ ⁻̫ ‾᷅˵)👅BBQ烤牛胸腩漢堡 $129個醬幾好食 不過覺得塊肉就乾左啲(´△｀)========================總結：個人會推介mac n cheese！漢堡扒唔會太乾 個set仲配埋粗薯條架(´ε｀ )♥另外叫左兩枝手工啤 鍾意手工啤既可以試下～▫️味道：3.5/5服務：4/5環境：3/5回頭率：3.5/5人均：$50-100▫️📍The Cool Cousins Cafe & Noodle Bar (觀塘)觀塘開源道60號駱駝漆大廈第三期11樓J室

工業大廈有好多隱蔽嘅餐廳，雖然media嗰啲好鍾意用「隱世」呢兩隻字，用到濫，不過公道講唔熟觀塘真係未必知邊啲地方有間餐廳。我自己都唔係觀塘人，好彩有朋友喺附近返工同推薦先會過觀塘試呢個漢堡包。放工岀發去觀塘差唔多八點先去到，上到11樓行到走廊盡頭就見到間餐廳，門口貼咗餐牌，有分午市價同晚市價，但係望真啲漢堡包個價係冇分別嘅，如果食金邊粉就有十幾蚊差別。Mac’n cheese 可以稱得上係美國國民級食物，細個會喺屋企個整Kraft嘅即食芝士通粉當下午茶食，中學之後都好似冇乜點再食過，見餐牌上嘅有個Mac’n cheese漢堡即刻勾起童年回憶，唔諗其他嘢就叫咗呢個。其實漢堡包點樣先影得靚，我成日覺得我影唔岀啲嘢食有幾好幾差。講吓個包，啲餡好豐富，多到個包差啲合唔埋，個口細啲都應該冇可能一啖過咬到，芝工通粉嘅味冇我印象中咁濃，反而我幾鍾意佢隻焦糖洋蔥同自家BBQ醬，咸甜嘅配搭平衡得幾好，係食到最後有少少膩咁啫。總結，食到一半見到隔離枱個黑松虂薯條好似幾正，有啲後悔冇加錢轉到，下次記得升級。呢間餐廳可以返食。

Bookmarked 咗好耐終於幫襯咗，叫咗冬蔭蕃茄鴨腿湯金邊粉，湯底夠濃郁，好少食鴨腿，而鴨肉都襯湯底的味道，反而嫌那些炸豬皮頗靭不太喜歡。下次再試埋自家漢堡。

🆃🅷🅴 🅲🅾︎🅾︎🅻 🅲🅾︎🆄🆂🅸🅽🆂🇹🇭駱駝漆出咗名多黃店💛bookmark咗好耐好奇點解會有泰西式fusion嘅菜式🤤一次滿足你幾個願望🥰食物質素超水準🤍但係位就坐得有少少逼🙈﹎﹎﹎﹎﹎﹎﹎﹎﹎﹎﹎﹎﹎﹎/烤吞拿魚扒莎莎漢堡🍔 $132/無諗過吞拿魚可以做burger🎣本身驚唔夾但係一食真係難忘🐟切開嘅吞拿魚好粉嫩好新鮮 食落完全唔洗擔心會腥😌炸脆嘅洋蔥🧅同莎莎好fresh🍅難得嘅係個包都好出色 烘到好脆甜甜地 底嗰塊脆到有啲接近餅乾咁好正😋/經典𝑀𝑎𝑐 𝑛 𝐶ℎ𝑒𝑒𝑠𝑒牛肉漢堡🥩 $135/牛肉漢堡扒超juicy超重牛味🐄厚到食得好滿足😚mac n cream滿瀉晒出嚟超邪惡🫕芝士味濃得嚟唔膩 仲有塊脆卜卜嘅煙肉🥓/黑松露芝士薯條🍟 +$10/強烈推薦一定要加錢轉🤤黑松露醬菌味好濃好creamy🍄仲有刨parmasean芝士🧀碎喺表 鹹香好夠 薯條係薄粗中間食到薯蓉嘅feel🥔/花生醬楓糖蕃薯條🍠 $48/分量好多😍係去咗外國嘅口味🇺🇸花生醬杰身仲有粒粒🥜碎好大咬口 楓糖漿鹹甜吊味🍯蕃薯條🍠就咁食已經甜味好足 但係記住趁熱食如果唔係啲醬會硬咗一舊﹎﹎﹎﹎﹎﹎﹎﹎﹎﹎﹎﹎﹎﹎﹎﹎

😋😋出色1️⃣烤大啡茹黑松露芝士漢堡非常足料,個飽都甜甜地,底下係脆的😍醬好夠多,菜都新鮮,塊牛好有肉汁,茹都好香好多汁👍🏻👍🏻💰HKD$1192️⃣慢煮滷水豬腩肉,扎肉金邊粉,冬蔭公湯個湯真係超出色,唔係好辣,酸味岩岩好🤩🤩好多料,豬肉都好淋,扎肉幾香😋💰HKD$76

某週六中午時分會因要排隊等駱駝漆架lift而卻步🫣當天慕名為了莎莎吞拿魚而去點知餐牌上mark了「已售罄」三個大字詢問後得知原來果段時期吞拿魚唔靚無入貨而暫停供應 失望係有 但錯有錯著如果叫兩個burger怕太多薯條所以在午市餐牌之中挑選了冬陰功 沒想過原來湯底都做得唔錯┈┈┈┈┈┈┈┈┈┈┈┈┈┈┈┈𓋜 香煎法式鴨脾.金邊粉冬陰茄湯 $77第一啖梗係要試過冬陰功湯底 湯底質地都幾濃厚 不過真心覺得偏油 叫咗個正常辣到 驚食唔到可以叫小辣呢個酸酸微微嘅辣到完全可以接受湯底好濃厚 而金邊粉正常發揮鴨髀偏鞋左少少 幸好唔算太韌𓋜烤大啡菇黑松露芝士牛肉漢堡（配薯條+沙律）$108個包咬落去係脆身架！！ 咬落去仲散發住牛油香食到落去大啡菇非常Juicy而牛肉發揮到仍然鎖得住肉汁 咬落去都係呈現粉紅色同樣配搭黑松露芝士醬 如果個醬再濃D 就會更加好了整體配搭非常之夾𓋜黑松露芝士 +$11薯條嚟到暖老實講黑松露味真係唔算話好出色 同埋薯條擺咗一陣已經變淋𓋜飲品冷萃無糖冰茶 +0泰式梳打水+$9 無需加一服務費支持小店

駱駝漆真係有好多好西食,呢間係好耐之前bookmark咗呢餐廳😝好多食物都好想試但要下次先食得啦🤍🤍🔸經典美式Mac’n Cheese 牛肉漢堡$135牛肉漢堡好大舊同係手工整🥰而肉質都好好🙌🏻漢堡包裡面有芝士通心粉🧀但個人覺得冇咩味道😶漢堡仲有炒得好香洋蔥🧅同煎得好脆煙肉🥓漢堡包用牛油煎過好脆🧈旁邊有沙律同粗薯條🔸烤大啡菇黑松露芝士牛肉漢堡$108牛肉漢堡同樣係handmade😽大啡菇好juicy同有埋黑松露醬,整體好夾🫶🏻而洋蔥係生嘅關係所以有d辣🫣

The cool cousins cafe & noodle barIC水牛城炸雞漢堡慢煮滷水豬腩肉、泰式扎肉、冬陰茄湯金邊粉價錢💲: $76/ $129好味程度😋: 4.4/5服務🍴: 4/5環境🗾: 3.5/5性價比🥢: 3.7/5回頭率😚: 4.2/5-駱駝漆大廈三期真係超多野食，樓下條隊無論幾時都要排隊🫠 今次呢間小店一樣開係上面，仲好有質素，要我排隊上來食都覺得值得🤫同埋星期日晏奏去都唔會話要等太耐。小店環境，當日的漢堡等得來左問店員都會跟進，最尾埋單店員仲問覺得d野食點、態度幾好。-✅IC水牛城炸雞漢堡。麵包用左brioche，烘過帶小小甜。入面的炸雞肉質好嫩有汁，係法國雞脾扒的肉，好好食😋出面的炸皮可惜帶小小油味，應該因為deep fry過🤥 水牛城醬超級辣‼️係好惹味的，超重口味🤪 兩球雲尼拿雪糕+楓糖漿冰感比較重，香甜味完全中和舊雞的辣同鹹。鹹甜鹹甜交集住，好有趣。味道唔會話好夾，但食得濃味的不妨試一試🤓 薯條正常～-✅✅慢煮滷水豬腩肉、泰式扎肉、冬陰茄湯金邊粉。原來呢個粉都唔輸🍔！湯底好濃味！係番茄的微酸+小小冬陰功的辣🥰 溝埋係甜甜地的酸辣湯咁🤭 金邊粉吸埋湯好正！

bookmark呢間雪糕炸雞漢堡好耐，終於有機會食到嗌咗最多人推介嘅IC🍔&蕃薯條🍟麵麭皮應該係brioche，有烘底，又香又脆🍨係雲呢拿味，加maple syrup，唔會太甜同埋辣炸雞一齊食超正！炸雞好脆，但炸皮唔厚，入面雞肉都嫩多汁醬料辣得嚟惹味，唔食得辣都想食多啖🤤睇返menu先知有芝士醬，其實就無食得出嘅總結兩個字:世一!!!食完就會開始掛住佢🤤🤤🤤跟burger加錢可以轉黑松露薯條，但我哋想食呢個蕃薯條，就直接單買蕃薯條香甜脆口，花生醬都好香，上面有杏仁片呢個食完會好想試下整，咁就可以隨時都食到🤤兩款物都好好味，每樣食材單拎出嚟都好出色個漢堡配搭真係好夾！跟餐薯條同蕃薯條都好好味，唔點醬就已經好夠味，有機會想試埋黑松露個款🤤

最近真係比呢度嘅雪糕炸雞漢堡包洗晒版🍔原本以為炸雞同埋雪糕 會好奇怪 但係加埋一齊食出奇地好食😋凍冰冰香甜嘅雪糕🍦配埋熱辣辣脆卜卜嘅炸雞🍗真係好正！外層嘅麵烘到外脆內鬆軟 成個好夾！

最近成日都見到呢間嘅炸雞雪糕漢堡包🍔🍦🍗覺得幾特別～所以就去咗試吓！個包有烘過 外脆內鬆軟 炸雞炸得好香脆 熱辣辣 再加埋凍冰冰嘅雪糕 冰火交融 個甜味仲可以中和返個水牛醬嘅鹹味 唔錯！