The BASE nature (已結業)

➡️ 黑安格斯牛橫腹扒(8oz) ($188)睇落幾靚！配上煙燻岩鹽同牛肉燒汁同d牛肉幾夾，但係肉質麻麻，唔係好咬得開🙈➡️ 澳洲M級牛肉肉醬大啡菇芝士漢堡 ($158)呢個漢堡比我預期中好，牛肉夠juicy夠厚，唔會整到太老。加上薯格係新鮮炸，成個set都好好食！➡️ 70%朱古力芝士蛋糕 ($58)賣相一般，而且有啲太甜，反而最好食係綿花糖😂➡️ 冰鮮果茶 ($38)飲落都幾fresh，入面有唔同嘅生果，例如菠蘿、士多啤梨之類，幾解渴！➡️ 玫瑰拿鐵 ($38)飲落好清新，玫瑰花味好香，同個咖啡好夾！The BASE nature地址📍: 荃灣楊屋道1號荃新天地一期UG70號舖.............................. 味道😋: ⭐️⭐️⭐️環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️

我們八人，叫了兩個三底四人餐，其1500+元，除了牛扖外，其他如菜，炸薯條，東西只是暖或偏凍。味道不好，只是買相不錯。兩個職員態度差，因為有些選擇菜式醬料，叫職員覆核已選的，職員無禮的叫我們自己重覆，還有，飲料來得很慢，我們問問，職員很不耐煩說，飲員是一杯一杯做的，要時間。因為這裡食物質素及職員態度。都不會再去吃。

是日又到了荃灣食午餐，去了The Base試試。其實新開張時試過一次，當時餐廳未裝修好，店員新手，餐牌中大部分食物都未ready，記憶中感覺一般，但隔了這麼久就再試下睇睇有無進步嘛。先前沒裝修好的另一邊廳原來是這樣子的，不是open area，冷氣更足，感覺蠻不錯。坐低後店員送上瓶裝水，內裏放的是薄荷葉，味道清新好好飲，哈哈，一向好鍾意薄荷水。點了一份午餐，午餐的餐飲很多選擇呢，選了紫米燕麥米水，淡淡米香帶微甜，紫米有咬口，感覺有點像喝糖水。午餐亦很多選擇，就試試呢款未來素食漢堡芝士燒烤菇牛油果配脆薯格，好長的餐名，哈哈。上層的生菜香菇跟蕃茄，燒烤菇很濃菇味，水嫩多汁，好正啊。下層是未來肉芝士同牛油果，好期待喲。切開後真的很有扒的感覺，外觀上看不出是素，口感有點像午餐肉鹹牛肉之類，雖然是素，但感覺一點都不寡，調味也剛好感覺輕盈，對素肉有了新的體驗呢。至於上邊的牛油果，個人覺得略酸了點，需要改進一下。最後還有伴碟的炸薯格，香脆可口薯味十足，滿意。整體感覺不俗，比上次食進步多了！

今天是我和女皇在一起的143個紀念月。入座了，等待食物中...點了兩個牛扒餐食，一杯玫瑰拿鉄和一杯伯爵果茶。扒有肉香、服務態度好、環境頗算靜。因為入座時間在下午四點半，所以沒有夜景氣氛。

又到星期日出去悠閒一下，今次揀「The BASE」，貪佢有望玻璃窗的bar枱位，一個人hea就最岩，而且張櫈係大張d，坐耐左都仲好舒服。Brunch menu有三文治、經典早午餐、漢堡、沙律、意粉/飯、甜品，連牛扒都有，選擇頗多，價錢＄75-148。飲品亦多款，但部份要加錢。我當然點個早午餐嘆，豐富得來仲可以慢慢嘆，配幾特別嘅飲品，意式泡沫奶茶，個樣同咖啡一樣，但奶茶黎嘅。Full-day breakfast $118一開始被63度溫泉蛋吸引，刺開流出蛋黃好香濃，配牛角包或啡菇都好正。大啡菇連菠菜同63度溫泉蛋，味道好夾，有鮮嫩波菜，啡菇厚肉又多汁，連滑溜溫泉蛋，整體又香滑又嫩又juicy，仲好有飽感。素食蟹餅炸得香口，但得一粒太少，味道清淡，但有絲絲蟹肉口感，加埋沙律醬味道都幾似，做得幾好。烤蕃茄唔馬虎，用rosemary 烤，蕃茄味道濃縮左，又香又濃味且保留多汁。煙肉同火腿微煎香，煮得剛好。薯餅都做得夠脆身，配茄汁豆食唔錯。雞肉腸較乾同硬，因為少脂肪，幾健康。而豬肉腸多汁又油香，肉感非常好，配酸椰菜同食，可消膩。牛角包烘熱左，牛油味突出好香，酥層口感外脆內軟，帶微微咬感。柚子沙田柚

澳洲m級牛肉肉醬大啡菇芝士漢堡🍔🍔超巨型漢堡🤩大到要逐層逐層分開食😂 澳洲牛肉漢堡扒非常之厚身🐮🐮啖啖肉🐮🐮煮得啱啱好，唔會過熟，亦都唔乾👍 大啡菇夠juicy 🍄半溶芝士咬落層層口感配合得啱啱好🧀🧀 另外不得不讚佢佢嘅薯角🥔炸到金黃色夠香脆，非常惹味😍😍燒原隻日本八戶魷魚釀墨汁意大利飯🥘🥘賣相非常特別，魷魚巨型而且已經切好咗一件件一口size😊將意大利飯用紫菜包裹 ，釀咗入魷魚入面🐙 魷魚非常彈牙爽口， 小小韌都冇，入面意大利飯味道唔算濃，唔會冚過咗 魷魚嘅鮮味，唔錯😊如果加錢跟餐仲配埋南瓜湯同埋餐飲添🥣🥤欣賞呢度就算枱面面嘅清水都放咗薄荷葉 🌱飲落好清新!加分

今日去咗荃灣行街，可能因為疫情嘅關係少咗啲人，不過呢一間餐廳依然係差唔多滿座，入去嘅時候見到大家都食漢堡包，所以我都決定要一個😁因為放咗工有啲眼瞓，所以就叫咗一杯flat white，而朋友就叫咗另一杯齋啡。跟住就到主菜，我哋仲叫咗墨魚汁海鮮帶子意大利飯本身都飲開咖啡覺得呢間啲咖啡都幾好飲，花拉得好靚添，第二個主菜牛肉漢堡包同埋薯格都非常之新鮮😽😽😽可能因為我哋肚餓，所以就好快將所有食物食晒啦😂😂

環境舒服，burger好味👍最驚喜係裡面既啡菇，好juicy，餐廳好細心，可以幫手切burger,方便同朋友share❤️燒雞好大隻，貌相吸引😋配薯蓉好味沙律新鮮開胃唯獨焗雜菜因為沒有圖片同期望唔同，菜主要是焗薯仔，南瓜，紅蘿蔔，西蘭花，幼粟米條，較為細碟，兩人份量，沒有汁，比較乾。如果想食菜建議叫沙律😝加上openrice訂位有抗疫優惠85折，值得一試👍

The Base Nature嘅理念係將簡單基本食材加以變化，煮出健康好味嘅菜式。一坐低見到枱面有樽Detox Water，脫毒心切嘅我即刻飲番杯先。兩個人叫左兩道主菜，另加35蚊升級做套餐，有飲品同埋湯或沙律。沙律揀左柑桔柚子味，食落精神為之一振。是日餐湯係南瓜粟米忌廉湯，香甜兼濃稠順滑，多士亦都夠脆。🍴香煎日本刺身帶子配海鮮墨汁意大利飯 HK$148一上枱已經香氣撲鼻，刺身級帶子大粒厚身，表面煎得好香，入面依然嫩滑，飯夠煙韌，啖啖海鮮墨汁香氣。🍴韓式BBQ燒大三角牛肩肉漢堡 HK$148薯格夠熱夠脆，唔會鹹得滯，絕非K咩C之流。食漢堡我通常唔會揀BBQ汁，驚太甜，但店員話韓式BBQ汁辣辣地，即刻吸引到我。牛肩肉肉味唔錯，微辣醬汁令每一啖都更豐富惹味，蛋煎得恰到好處，半流心，食得出係靚蛋。西柚檸檬冰茶檸檬味較重，西柚味唔算突出，冷泡蜜桃蘋果綠茶酸酸甜甜，兩杯都清新解渴。📍The Base Nature荃灣楊屋道1號荃新天地一期UG70號舖

同事介紹話呢間漢堡唔錯. 即刻相約嚟食LUNCH. 午餐選擇豐富，有d花多眼亂。但既然朋友推介burger.咁就試佢啦跟餐有桂花雪梨茶，唔太甜，有home made 感覺，幾好個包嚟啦。個樣好ok😍而且跟餐既薯格亦好脆。食物嚟講完全合格。但我想講講隻碟，我同兩個同事既餐都係用呢隻木碟上。但隻碟就唔知咩事（應該係唔平）搞到一路切一路轉，好搞笑😅😅😅

荃灣呢區好多特色小店，不過今次同朋友行商場行到攰，所以決定喺商場食晚飯算，點知商場鋪都有驚喜今次同朋友叫左 韓式BBQ燒大三角牛肩肉漢堡($148)、香煎日本刺身帶子配海鮮墨汁意大利飯($138) 另外再升級套餐(+$35)*2，即係有 是日湯品 / 精選沙律 同埋 飲品，揀左蜜桃蘋果綠茶(+$3)、西柚檸檬冰茶(+$3)每枱都放有DETOX WATER，見到裡面加左D草本植物，飲落比起純清水多左D清新味蜜桃蘋果綠茶：蜜桃味比較少而蘋果味較重，所以相比起味道會酸左DD，但都OK西柚檸檬冰茶：呢杯就西柚同檸檬味恰到好處，帶出果香唔會太酸，夠解渴是日湯品：今日係南瓜粟米湯，望落去已經覺得質感夠濃，飲落果然冇令人失望，味道真係超香濃，好滿足件多士都好香脆，點一點湯黎食，多士索上左D濃湯，都幾正精選沙律：沙律有3款汁可以揀，分別為煎焙芝麻醬、蜜糖黑醋、柑桔柚子醋。見天氣幾熱，今次就試柑桔柚子醋諗住開胃D，味道好香，能夠帶出沙律菜嗰種FRESH嘅感覺，同埋食得出個汁略帶少少薑味，幾醒胃 香煎日本刺身帶子配海鮮墨汁意大利飯：呢碟墨汁意大利飯有3粒帶子，你會見到每一粒帶子都係超大粒同埋好厚身，口感十

原來今日係今年暫時最熱的一天，天文台都發出了酷熱警告。行到身水身汗，想搵處地方歇息一下，來到這間餐廳，坐在長檯，對著楊屋道街市。首先，點了一杯【冰鮮果茶】，然後才去想吃甚麼。冰鮮果茶是採用時令鮮果而整成，內有西柚、士多啤梨等鮮果，甜、酸味恰當，夠冰凍，很醒廊。吃甚麼好呢? 終於選了【香煎日本刺身帶子配海鮮墨汁意大利飯】。烏卒卒的，看似簡單，其實是實而不華。帶子大粒，經過香煎，又香又爽口。Risotto 個墨汁帶有墨魚鮮味，造到很creamy 的質感。飯內混有墨魚肉粒，飯粒不太硬，嚼勁口感不錯。望向窗外，見那些仍在街市忙碌的人在忙著，感覺自己很幸福。

同阿妹喺荃灣荃新天地馬沙shopping完 ，馬莎出口有間小cafe之西式小店， 我見到兩邊落地大玻璃， 感覺好寫意好chill, 膽粗粗在門口問待應攞餐牌看看， 見餐牌封面好大自然好森林feel， 裏面亦好多圖片及價錢不算很貴， 醒起上年年頭食過, 記憶中不錯, 今日再Encore. 因仍未晚飯時間中午4點多， 同阿妹唔睇餐牌主菜MAIN 系列，只看BURGER 選項， 我哋揀咗嗰個店主推介嘅素漢堡系列，要$168元，感覺標價有點不便宜，但不想中午食肉類，便即本試下。 上菜時，嘩，有驚喜，擺碟好靚， 好震撼下， 好多層好高， 好大堆頭， 包嘅上層係兩片烤大菇中間夾有芝士， 而包嘅中下層係一個素肉扒同埋伴有好多新鮮牛油果粒粒及羅馬生菜， 我哋先食上層兩隻菇配芝士好香好濃郁，味道好夾， 再食下層嘅素漢堡扒，嘩，真係好似食緊牛肉般多汁有嚼頭， 豆香馥郁，絕對值得推介必試係列， 而伴碟嘅薯夾亦好脆口絕冇油益味，$168大元感覺值回票價，下次會再找晚試佢嘅晚餐系列。

最近很多商場、店舖都Big Sales，就算唔買都睇下啦。喺荃新天地行到攰攰地，於是就去搵啲嘢食充饑。見到呢間餐廳放咗幾個大menu出嚟吸引我，於是就入去食嘢。正當考慮食咩好之際，發現檯上有個牌，介紹Beyond Meat，於是就決定食個【韓式BBQ燒大三角牛肩肉漢堡】，同埋叫杯【IcedCappuccino】chill 下。【Iced Cappuccino】冰凍的濃濃咖啡上面有層泡沫奶蓋，香滑感透進兩唇，飲落更透心涼，精神為之一振。【韓式BBQ燒大三角牛肩肉漢堡】分量都幾大。脆薯格熱辣辣，好香脆。翻開個Burger，上層是太陽蛋，然後就係BBQ牛肩肉，上面仲有好多韓式醬汁，辣辣地，充滿Koreanstyle。好appreciate 嘅係，難得個Burger 係無好似人哋嗰啲咁，瘋狂地加入芝士，搞到個Burger好 “漏” 嗰種感覺，肥死!個Burger 實在太大，我咁斯文，當然唔會一口大咬佢啦。於是，將佢分成兩份慢慢食。慢慢歎咖啡，慢慢食Burger，非常chill。

三人行之選：1.芝士薯格2.雞肉芝士risotto3.炸薯條3.軟殼蟹漢堡包4.帶子意大利飯5. 仲有一個唔記得左整體黎講唔錯，可以再戰，小胃的叫太多最後食唔哂，不過樣樣都想試，無計。