The Balcony (已結業)

朋友之前推介過呢間上樓嘅餐廳，所以我就抱住半信半疑嘅心態去試一試，大廈入口有啲隱蔽，亦都可能令人卻步，要上幾級樓梯先可以搭升降機，但係上到去環境唔錯，有啲似一間Café，純白嘅磚牆，配上藍天白雲嘅牆紙天花，感覺幾輕鬆~晚市係有唔同價位嘅套餐可以選擇，我就揀咗最貴嗰個，一食緊係要食最好啦~ 其實價錢唔算太貴，因為個套餐連埋飲品同甜品有九道菜，真係好豐富啊上菜都好有秩序，先黎咗第一道前菜，煎鵝肝配日式蘿蔔及菠蘿，聽落呢個配搭都幾奇怪，但係食落係出奇地夾，鵝肝唔洗特別講都知好食啦，鵝油香濃，齒頰留香，而菠蘿嘅偏酸微甜味道可以中和膩感，奇怪在於係兩者之間仲有一片醃蘿蔔，微鹹偏清甜，不過連埋鵝肝一齊食，又反而好夾和，令鵝肝作為頭盤都唔太漏下一道菜係鮮八爪魚配牛油果蕃茄醬，平時食西餐都好少食到生嘅八爪魚，大大粒嘅吸盤，真係口感微微黏身又彈牙，配埋牛油果同蕃茄，整體好清新，不過生嘅八爪魚都比較韌，要咬好耐先食到之後係餐湯，經典龍蝦湯，又係一道令人讚歎嘅菜式，有非常濃郁嘅龍蝦香，不時飲到一啲粒粒，相信係用咗龍蝦頭熬製，而啲粒粒應該龍蝦頭入面嘅膏，足料之餘，又用心製作跟住有白松露醬北海道帶子配菠蘭汁，薄

星期五最好做咩？最好同好友慢食一個美味有質素又用心的晚餐！因為我地一早就到，所以未有好滿，燈光柔和，感覺令人舒服餐廳外面亦有座位好，環境不錯呢到既水跟外面好多餐廳唔同，好用心，聽侍應哥哥講原來係用上雜莓浸架，所以飲落有點微酸且帶雜莓香氣，入口好舒服餐牌上面有好多選擇，不過我地比較喜歡選套餐，可以一次過食到多款美食又唔洗自己諗，仲有感覺比較優惠，套餐選擇都有幾種，但店員都推介呢款,果然無介紹錯，真係好正好味呀！我地呢個餐個名叫The Noble，幾特別每個餐都有個名HKD588我地揀既餐一樣，只係主菜唔同但都好味美！先黎第一道菜:煎鵝肝配日式蘿蔔及菠蘿呢個配搭個人感覺幾特別，而且鵝肝本身都幾肥美油膩，但大廚煎得好好，鵝肝外面完全唔會油淋淋，反而好香帶點脆身口感，加上菠蘿既酸甜同蘿蔔既爽，入口好特別，爽脆軟甜鹹，好食，而且配有蔬果，令鵝肝食落唔油唔膩鮮八爪魚配牛油果番茄醬又是一個清新又特別既配搭八爪魚好爽好鮮，牛油果好軟滑同蕃茄醬既清新帶點酸，很不錯之後來個經典龍蝦湯份量唔大，但對於我就好足夠，好香濃郁，質感唔會稀白松露醬北海道帶子配波蘭汁又係好特別平時好多餐廳都係用黑松露，但呢間餐廳用上

我和好友都七月生日，但大家決定今晚一起慶祝。吓！現在才是六月中，咁早！？無辦法，友人七月就悠長期假，飛去紐西蘭，真開心。旅行就無我份，繼續留港拼搏吧！既然是慶祝雙星生日，當然要搵間高質素的餐廳，吃好啲！在朋友悉心挑選下，今晚來到中環，走上一間樓上西餐廳，好期待！一出升降機門，見到閃亮的門口，好似好有情調。走進內裏，藍天白雲，加埋牆上拼了兩幅風景油畫和枱上的小花瓶，好似置身於郊外中，感覺好舒服寫意。餐廳分內外兩個用膳區，外面掛上閃亮亮的吊燈，蠻有情調；內裏雖地方小小，但骨子企理，設有六張四人枱，枱上點在蠟燭，都好有feel。細看餐簿，有晚巿套餐和a la carta。套餐有四款，分別有$238的四道菜，以及$388、$488和$588的七道菜包咖啡或茶，雖同樣有七道菜，但不同價錢的菜式配搭有所不同。我倆同樣看中$488的套餐，不知是否大家同月出世，所以特別夾呢？哈！*****************************前菜有兩款，其中一款是煎鵝肝配日式蘿蔔及菠蘿 Pan Seared Foie Gras w/ Pineapple & White Radish，可惜我不吃鵝肝，只好望著

a nice environment with a balcony reasonable price for lunch at central starter: smoked salmon (8/10) main: fried pork with truffle"-powder" fries (5/10) served with salad. (not recommended) dessert of the day: lemon tart (9/10) coffee The surprise comes from the truffle powder (rather than truffle sauce) of the fries and my favourite lemon tart. May revisit someday to try another mains...

上星期同女朋友慶祝24歲生日，揀左呢間位於中環既私房菜餐廳慶祝，地點都算方便，大廈對面就係中環中心。話到明係中日私房菜，菜式果然唔簡單，訂位個陣會問有冇咩唔食同食物敏感 (感覺體貼窩心)，特別講左女朋友鐘意食鵝肝，就為我地制訂左一道6道菜既餐單。間私房菜位於3樓，環境舒服，格調以藍白色為主，有點像希臘Santorini既感覺，氣氛不錯。坐低無耐，個主廚會同出黎同你簡單介紹個餐單，每道菜既特式同做法。頭盤係牛油果紅椒帶子刺身，帶子新鮮，聽主廚介紹係黎自北海道。帶子刺身有8片，口感好豐富，先帶點甜，中帶點酸，後帶點辣，三種感覺同時係口入面發生，幾得意。食完帶子呢到既招牌菜，日式菠蘿鵝肝。先論賣相，高貴，似食緊法國菜。鵝肝入口即溶，中間係浸左一晚既蘿蔔，連埋燒左既菠蘿一齊食，好好味！另外個黑醋汁都好味，第一次試鵝肝配菠蘿再配蘿蔔，估唔到又幾夾，女朋友都鐘意呢道菜！再黎就係蟹肉煙三文魚，呢道菜超讚！中間個他他好好味，味道清新爽口之餘口感豐富，跟煙三文魚係絕配。 主菜揀左羊，份量唔差好大件。主廚預先幫你切埋，見到肉汁被鎖住，食落肉質不錯，加上日式芥末醬汁更加好味。薯蓉都好食，入口軟滑，份量略為少

今日約左同事食lunch, 在open rice見到呢間餐廳幾好咁，又有得有網上訂位 (我鍾意!)，就試吓。餐廳細細，環境唔錯，幾靜，適合傾計。頭盤嘅雞好食，醋係偏甜果種，都約開胃。我選左漢堡扒，似乎佢地係自家用牛扒打成漢堡扒，但我覺得有食到d根，同埋有d乾。我覺得一般。同事嘅三文魚賣相唔錯，佢話都ok好食。甜品我地選左綠茶慕絲，我估應該係真材實料，好多綠茶粉，好大苦澀味，我地都冇食晒。咖啡可以，沒什麼驚喜。

網上搵到呢間睇落好似算新既餐廳, 未試過就約了同事一齊去試下, 已經訂好位, 唔洗等, LUNCH 時間不消一會就坐滿了,除左室內坐位, 這間叫BALCONY 的餐廳仲有BALCONY 的室外坐位, 氣氛望落不錯我們坐室內, 坐滿人時就有點嘈吵了先看餐牌, 價位是正常中上環價, 當日仲有幾款特別SET, 睇落吸引D, 所以冇點到正常LUNCH SET了~結果是點了肉腸蝦PIZZA ($128) 同埋燒豬肋骨 ($178)SET餐湯沙律2選1, 各要了一個試下, 賣相唔錯沙律是PARMA HAM的, 另一個是雜菌蘑菇湯, 湯有粒粒菇幾有咬口, 不過菇味可以再濃D就好了PIZZA 上菜了, 落單前都有問過侍應SIZE 的, 都預左不會太大個, 見到實物都真係幾細份, 下午茶份量....收128蚊都真係偏貴味道都係一般般反而豬肋骨就夠大份, 骨燒得很軟滑, 只係個醬汁偏濃同咸, 平時食得濃味既我都覺得咸配菜的燒飯團幾特別, 帶少少酸味幾醒胃SET 跟埋甜品, 有2款, 又係每樣叫左個試下紅豆綠茶慕士綠茶味好夠濃, 而檸檬芝士撻都好唔錯, 酸度合適, 一D都唔過甜 跟埋餐飲, 叫熱檸水是一壺上

This is the second time I visited this place. Just simply because the vibe and the food. We ordered 2 lunch set, one is lamp and the other is chicken (forgot to take a picture for the menu or the food). Both proteins are cooked really tender and the side dishes and sources are perfectly matched.Would recommend to try a nice meal there.

約了朋友吃晚餐，可惜，佢又大遲到，搞到去到餐廳時已經9點過後。餐廳都無晒客人，變咗我哋包咗個場，就連餐廳都只剩低一個人，一腳踢，包招呼、包煮餐俾我哋食。其實，間餐廳位置係就係隔涉咗啲，不過，環境都唔錯，尤其是用白色的磚牆來佈置，仲有些地中海掛畫做裝飾，感覺OK啊!仲有就係，有塊壁佈板上面貼咗好多招牌菜食嘅靚相，都算是餐廳的特色之一。唔再嘥時間，立即點嘢食。我哋兩個都點了以魚做主菜嘅套餐，分別是【三文魚扒配海膽忌廉汁】和【Oven Baked Halibut Fillet with Apple Cider Sauce】【是日餐湯】是蘑菇忌廉湯，係幾creamy 同滑嘅，味道都唔錯。【是日沙律】是鴨肉沙律。我對鴨嘛嘛，淨係食咗少少，知佢係鹹鹹地，“鞋鞋地” 咁囉。【三文魚扒配海膽忌廉汁】個三文魚扒層皮都煎得香嘅，但係魚肉部份就似乎過咗龍，較為實。意粉都OK。【Oven Baked Halibut Fillet with Apple Cider Sauce】魚肉無想像中的滑，反而個 apple cider 汁就幾特別。炸薯角都好似腍咗了。整體上，今餐一般般啦。我哋仲懷疑個主廚係咪收咗工，剩低

I have booked them online two to three weeks ago for a table of 5 but they just cancelled my reservation one day in advance without calling me. (Even they were awarded that I had called this morning) The tone of their customer service lady’s voice was impolite, like I was kind of tel sales or something. I would love to try the restaurant but given this such an unpleasant customer service experience. I don’t think I will and I write here so that people could be aware of it.If you are not prepared

2017年12月6日訂座，用餐日期為12月31日，12月29日收到通知餐廳有包場取消訂位。 或者真的有人29號才決定要包場吧，但我已不能理解為什麼自己要如此早訂位，又為什麼做一個如此負責任的食客人，只訂一間餐廳而不漁翁撒網式亂訂再隨便取消訂位。反正餐廳都如此對待客人，客人何需尊重餐廳。建議貴餐廳日後大時大節不要開放訂檯吧。餐廳食評我以後都不會有機會寫，反正小小客人感受如何，貴餐廳不希罕吧？

朋友從吉隆坡來探我，約在香港食飯，在網上找到這間新開的餐廳，於是就去試試，叫咗套餐同單點一起分享，發現每個菜都好好味，我最愛三文魚扒，鵝肝配菠蘿，沙律，抄飯都好正，份量都唔少，食到好滿足，我吉隆坡朋友都話正，多謝厨師比一個美味滿足的一個晚餐。

相約朋友午膳，選擇新的、有優惠及好評的餐廳。環境不錯，食物水準也好。食了兩個set lunch : 一口牛 不錯； 豬串骨有少許味濃。沙拉也非常好。服務和安排都可接受（小店人手）一定會再訂位！

約了班舊同事食飯, 而今次選址在中環食西餐.這區有很多餐廳, 而我們最後選了這間 “The Balcony” 西式*日式 - 非常期待。上樓餐廳連平台及播放著音樂,  不會因人多而擠迫, 情侶及三五知己的聚腳地. 晚餐有套餐及單點, 兩種都有試.頭盤 – 煎鵝肝配菠蘿,白蘿白.我的至愛 鵝肝. 平常都是鵝肝配麵包, 甜梨. 但今次呢個新配搭菠蘿,白蘿白及面層的西洋菜, 有驚喜. 口感配搭, 味道一流, 特別是西洋菜配上鵝肝日式蛋捲松露雞蛋捲煮熟情度剛剛好, 配上松露. 輕輕的甜味及香味. 美味!香蒜炒大蝦炒烏冬配紫菜三文魚/三文魚籽意大利飯兩款菜式都好美味. 特別是意大利飯加入三文魚籽, 食物可口之餘賣相都色彩豐富.吞拿魚排配有醬汁, 沒有問到是什麼醬汁. 但配上吞拿魚, 美味.甜品 - 南瓜雪糕!今晚的飯局, 環境舒適, 食物水準高. 整體物有所值!

今日去咗中環一間fusion餐廳幫姐姐慶祝生日..環境清靜..仲有outdoor可以感受下冬天嘅來臨..食物新鮮好味...有水準..尤其是個辣炒蜆..超惹味😍..小食食咗蠔好新鮮🤗下次要再去過呀👍🏻☺️