Thai Thai Food (已結業)

每次嚟南丫島都一定嚟哩間串燒, 燒到啱啱好嘅串再加埋勁正嘅沙嗲汁同其他酸辣汁, 我同男朋友住一晚都食咗3次呀!!! 正正正......

見暖柜裏已放了好些串燒，有雞肉、雞翼（有燒，有炸）、牛肉、豬頸肉、魚餅、司華力腸和魷魚鬚。醬汁有大辣、中辣和沙爹。要了隻燒雞翼。正在猶疑要辣還是沙爹之際，老闆娘說雞翼已經醃過，可以不用落任何醬汁。好罷，就聼聼主理人的話。確實，經過火烤，醃雞肉的黑椒蒜香料被逼了出來，雞翼皮脆肉嫩，香噴噴，熱辣辣，好好味！正如老闆娘所說，不用加添任何汁醬，已經夠惹味！PS：看食評都寫串燒是$9，但已經加了價，現在要$10一串！

走前，又黎食多次。吃了牛＋腸腸加泰式魚餅。坐在球場，見到鬼仔們在踢波．．．．．．好味啊，陽光充裕的一天，好舒服啊不想走。我真的真的真的想住在這裡。Ｐ．Ｓ．我找不到那間南島書蟲啊～！！

一黎到。我真的好餓,搵到串燒就串串佢.本身男朋友唔太想食.點知佢食左我一大半的斯華力腸。沙爹真的好野味~!@?＞＜中辣都太辣了．．．．．．牛＋雞＋斯華力腸＝３０蚊～好味～雞不太好．Ｄ肉好實。

主人與奴隸獸去洪聖爺灣探望貓貓，又去采風發電站看風車，上山頂觀景亭欣賞美景。不知不覺時間飛逝，要回程返歸。途經此食店，見頗多顧客在買串燒，所以我們亦趁趁熱鬧，買了：串燒魷魚、牛肉及泰式魚餅（每串HK$9.0）：我們揀了沙爹汁（有三款醬汁，供顧客選擇。），惹味濃郁，有少少辣，味道OK。魷魚爽脆有咬口。牛肉大大塊，夠腍。令人失望的是泰式魚餅，唔夠香口，得過『辣』字。

好多年前,呢間小店供不應求,差唔多即叫即整,所以每串都好熱,dec 2,07來,叫了串魚蛋配小辣汁,因囤積stock,所以只微暖,而且個汁甜小小,印象中以前好似惹味d。其他朋友就叫珍寶腸啦,牛肉啦,魷魚鬚啦........... 但每串個價錢就有d搶$$$feel,老友$9/串呀

9 蚊其實覺得佢貴, 不過一場黎到, 整返串喇不得了, 燒就一早燒定不過可以叫佢熱返俾你中辣有少少頂唔順大辣唔敢試行左一輪, 又再整多串但肉就麻麻, 係食個汁

遠遠已聞到炭燒的味道,叫一牛一豬牛:沙嗲汁配牛肉串燒就最好味,炭火燒肉特別香,不過牛肉不夠熱(圖)豬:豬肉夠肥夠熱,燒得夠香,醬汁配中辣或大辣就最好,因為泰式酸辣汁,可以化解豬肉的肥膩

入親南丫島，次次都係食呢間串燒。點了雞、牛及魷魚串燒。以前來的時候是即叫即燒，今次是燒定哂你自己揀，已犯了串燒的既大忌，沒有現場感食落總係差的﹗雞太大塊，好似成塊雞扒咁，食落無雞味，普普通通牛肉燒到焦黑，感覺差了點亦太老魷魚最好味，不過由於老早燒起已凍左﹗要一讚的是串燒醬汁，三樣食物都係大辣，阿姐已同我地叫我地好自為之，買左去前面的士多飲住嘉士伯食，真係辣到。。。。。９蚊串，ＯＫ啦﹗

香葉飯was quite yummy! It was the first time I ate in there. It was quite hot though as there was no air-cond. But I will go there again for the food!

串燒好味,我和朋友仔吃了一次又一次, 雞翼必食,牛肉又很有肉感,魷魚卻十分驚喜,很有口感又好味,豬頸肉賣相好,但食落只是一般,雞肉也是不錯,沙爹醬很好,但當再加一點辣汁,就更加好味,一家要兩混呀!但9元可能是貴一點,不過來到也不仿一試.

第二站南丫島食咗串燒，好多人鍾意買外賣一路行一食，但我哋見有位座，所以堂食，叫咗好多串燒，有豬頸肉、魚旦、食翼同魚餅，另外有叫泰式春卷同青木瓜沙律。食物方面串燒中最好味豬頸肉，但其他就一般，另外有辣汁同沙嗲汁，汁醬好好味，尤其係沙嗲汁，夠香夠濃。春卷都唔錯，夠脆！青木瓜沙律最好食，夠爽脆同夠辣，好fresh!但串燒唔平，一律@$9一串！

香葉飯真係要試!!我每次入去都一定食香葉飯!如果怕太辣, 可指定要少辣~o的串燒都好正~我最常食就係豬頸肉, $9 係貴o左少少, 但真係好味!但餐\\\廳環境麻麻, 因為好大煙

同朋友仔返渡假屋果陣先門口有幾個人排隊，加上有陣陣沙爹香味飄黎飄去，所以叫左串燒牛肉同魷魚鬚($9@)，全點沙嗲汁，食落牛肉"鞋"左d，魷魚鬚硬左d，不過都幾香口。可以試下，但唔好俾咩期望囉。

我同老婆入到去都夜啦..見到間野d味好似幾香..膽粗粗入去食野啦..我叫左個香葉飯..老婆叫左個雙拼河..我個香葉飯一黎..真係香到震..食落去非常惹味..少少辣..極力推薦..真係下次入去都要再食一食..老婆個個河就好普通..真係無咩味..佢加左d辣油..搞到大半碗都食唔到..我就同佢交換左啦..可能係由於食到一半既美味..更加令我覺得個香葉飯好食..最尾我食完個個河..真係有d懷念個香葉飯..yumiyumi..p.s.我地去個日入面有超多蚊..真係一定要噴定蚊怕水啦下次..