Thai Thai Food (已結業)

去到南丫島行山其次，搵食為實看見這裏的串燒很吸引又去買了些吃，試了豬肉和司華力腸豬肉，肉滑多汁，大件好味，而且汁料以膠袋盛著可以自己狂點，汁醬有數款，我選了沙O多汁，味道不太辣，但很香惹味司華力腸需然點了汁，但味道勝不了豬肉串這間店子好吃過九龍城的，要是開在那裏一定成為人龍店

今日星期日啦, 見無野做就同左朋友們一齊去左LAMMA ISLAND 到行下, 享受大自然之後見到有間叫做THAI THAI FOOD 既串燒, 唸住見有D餓, 好啦..就買D黎頂下肚啦我就覺得麻麻地啦, 因為都唔係即叫即燒既, 所以呢, 個陣燒考未就真係冇咁正啦樣樣都係10$, 就梗係揀燒雞翼我中意食~^^燒魷魚都OK, 但唔係即燒始終差D沙爹汁就有中同大SPICY 揀~總括黎講一般啦

行過此店, 門面不太搶眼, 突然家姐話呢間的串燒好好食, 所以買左牛串燒, 仲要唔辣, 因為大家一向都唔食得辣... hehe賣相都唔錯, 唔似有d餐廳燒得好乾咁, 食落口d牛肉好多肉汁, 唔會好似牛肉乾, 又唔會諗得滯, d沙爹汁又好香好濃味, 真係好得喎! $10一串都幾抵, 因為真係幾好食.

入到鋪頭,唔係好大,而且都幾熱.不過可能所營造泰國嘅氣溫所以先咁做啦xd 老闆娘係泰國人,整d野都應該幾泰式掛!叫完野食之後再等多陣,就開餐喇!佢呢到d野食真係即叫即整,熱辣辣架!沙爹牛肉串燒:串燒最重要係熱辣辣,佢真係做到!個汁超正!而且d牛肉都唔錯酸辣豬頸肉串燒:一樣係熱辣辣.我比較鐘意呢個酸辣汁,簡直食過番尋味!但係豬頸肉同平時食開唔同,有少少失色.如果豬頸肉再好d就正喇泰式雞肉炒飯:材料十足,夠晒飽肚.正泰式春卷:春卷皮超脆!入面有d蘿蔔絲等等嘅材料,唔錯.但我覺得春卷皮係中式;材料係泰式,個組合有d怪怪地.泰式香葉牛肉炒河:一樣超足料同飽肚,牛肉好嫩,好新鮮!個炒河一聞就已經有香葉味,但係我覺得個味太濃,唔係太好.冬陰功:入面有菇,蝦同埋d泰式香料.好大碗!食完都依家仲記得隻味,好想食多次!d蝦都幾大隻,而且好新鮮!同出面果d唔同!呢個一定要食呀我到依家都想食多次,仲因為咁鐘意左食泰國野;$

食0左餐冇肉飯之後, 班食肉獸頂唔住, 已經冇晒力.這條必經之路有肉食, 唔理好唔好食, 都買番幾串先啦!是日下午茶:- (沙嗲醬) :魷魚x 2朋友仔話上次凍食都好味, 今次我就試下~好硬, 想拆開一齊食都唔得!但個醬就好得, 如果係辣汁應該仲正. 牛肉呢個moment係無肉不歡, 所以非常好味!冇肉汁都咁好味, 睇怕我係餓親~ 魚餅x 2好明顯係急凍, 因為超市做特價時我買過類似的. 一串5件, 抵食嘛~魚味都幾濃, 有沙嗲醬就更好味.整體上都ok啦, 真係食盡地理位置, 間舖起正旺區, 冇乜攪作咪食囉

4月5日 是日清明節同朋友來個即慶環島一天遊, 第一站就來到食串燒, 當然同行友人已先後食左魚旦同焗薯等嘅野啦, 我先啱啱開餐, 朋友話佢地呢度D串燒好正, 今日因假期關係, 超多人, 好多人係門口買完就企係度即食, 而我地等咗一陣就入去坐定定食野喇, 入到去先知原來堂食串燒加1蚊(每串), 仲有係今日人多關係, 好多需要長時間燒嘅食品都暫停供應, 粟米、雞翼等至愛都冇呀, 又有好多野整唔切, 一係就一出就俾人要晒, 一係就有排等....最後我地叫咗牛肉、雞柳、魚餅、魷魚(配沙爹汁), 基本上已叫晒舖頭現有嘅串燒款式...牛肉比較韌, 好似過咗火少少, 要咬好耐, 雞柳冇咩脂肪, 當然食落乾身D, 冇咩特別, 魷魚同魚餅就唔錯, 都幾好, 叫佢俾多兜汁佢地都好樂意, 覺得沙爹汁最好味, 另外試咗個辣汁, 都幾辣吓, 辣到食唔到食物嘅味道.....環境方面就較大油煙, 如果唔係食炒粉麵需要地方坐, 我都建議企出街食會好D, 味道我覺得不過不失, 一日未食到我想食嘅雞翼同粟米有D唔心息, 我都唔想俾個評語佢, 因為朋友都話佢地平時榻得好好味, 仲好多款揀, 可能今日假期關係所以先會失準

揀左 2 種串燒, 牛肉同魚餅牛肉都叫嫩滑, 但第 1 舊有少少 "生", 好彩係牛肉魚餅有少少腥味, 但加埋沙嗲汁就出奇地 match 呀10 蚊串... 抵食

星期天和契女太太三個人品字型由索罟灣走過來,全程我都棄拖難而赤腳步行,自我健康感覺良好,側聞這是一種改善健康(運動)方式!從起點到此大約45分鐘,全程未有食物落肚。經過兩處曾吃過的車仔麵店,心想放假理應享受好點,無須再難為自己。此店之串燒實在不俗,若是真箇用炭火就更加好。除串燒外,見歺牌還有些基本泰式湯粉及小菜,以現時之餓肚程度,預期不會太差吧:店內原來無空調,坐位迫脅,好唔舒適!先要兩罐氣水一支啤酒解熱,再來春卷一雙雞翼牛肉各一串:春卷皮簿脆口,簡單加甜辣醬食再加一口冰凍青島已經pass。牛肉無題,但個汁香辣惹味,跟任何肉類都應該合拍,雞翼外表太猛火幸而肉幾入味質地滑。另外三碗湯金邊粉:雞絲從外表巳得知其入口是鞋的,牛丸是凍肉店那種貨式,豬肉丸有點彈牙,牛腩都叫腍,不過無肉味亦無調味!那湯頭更加淡得慘敗!!!算罷各位,還是吃串燒有保證,之外的,無謂勉強!理單$144.00ok是給串燒的。

行經此串燒店, 同行人士推介, 加上體力值已經跌左好多, 要補給一下, 就要左個沙爹雞肉. (黑住面既) 老闆娘由熱櫃 (幸好此櫃有保溫功能, 幾驚呢支串燒係凍架!) 取出一支雞肉串 (咦, 都幾大串丫~), 放入本身已所預備好既沙爹醬中浸幾秒, 之後放入個膠袋到俾我, 感覺上好似有點被呃既感覺, 但好彩沙爹醬唔係偷工減料 (冇用水溝到稀哂), 所以還好~ 沙爹醬味道頗甜, 唔辣, 但唔突出, 一般啦. 雞肉唔鞋唔韌, 易咬易入口, 冇雪藏味 (呢個好重要~), 軟軟的, 唔錯~ 還可以丫~

假日去離島旅行，為工作減減壓，來到南丫島已是中午12時多，在榕樹灣蹓躂閒逛一會後，已經肚餓。未吃午餐前，路經此處，先來個餐前小吃。這裡的串燒並不是即叫即燒的，賣串燒的阿姐服務態度也只是一般，不過可能因為這店的位置上佳，處於南丫島往索罟灣路上的必經之路，更就在南丫島名店Shelly Cakes的斜對面，所以經常都有不少人幫襯。這次路過，試了兩串串燒，一串是司華力腸，一串是雞肉，價錢都一樣，盛惠$10，不算便宜，價格比市區還要高，相信應該是旅遊地點的慣例吧！至於味道嗎？這裡的串燒有三種醬汁可揀，分別是沙嗲、大辣和中辣，選擇還算多！因為自己不太吃得辣，所以只是要了沙嗲汁。點上沙嗲汁後的串燒，不知是不是因為自己肚餓的關係呢，覺得都幾好味喎！其實南丫島榕樹灣的市集根本不大，在碼頭上岸後只不過得兩條必經的大路而已，除了海鮮菜館和酒吧外，其他的食肆選擇不是太多，賣小吃的更好像只得這檔串燒和另一家主打雞蛋仔的店子，要吃小吃過過口癮的話，這裡都可算是不二之選了，難怪這麼多人路過幫襯呢！

二月上旬榕樹灣大街的串燒上次跟隊來無吃到，今次入來做野，就順便買串燒豬腩來吃，肉嫩帶有脂肪，加上自製沙嗲醬，有花生香，好吃！

食完lunch當然未飽，於是行多兩步去食下串燒。南丫島都唔知搞咩，0個0的運泥車0係條路度穿來穿去，行唔夠兩步就有架車飛埋黎搞到要避車，好一個渡假的去處感覺有點像在大馬路，相當不好受亦麻煩。來了Thai Thai Food串燒，有來過榕樹灣呢頭一定認得佢，每到周日假期一定勁多人排大隊買串燒食，上次來時味道差左，我決定俾多次機會佢，再試多次﹗平日當然無人，我索性走入鋪內就座，要了串燒牛同埋燒魷魚，10蚊串。睇睇原來佢地有餐牌，賣泰國菜，唔知係之前來時無留意定係新加呢？首先要說佢地0的串燒預早燒定，放在玻璃櫃中，有人叫佢就夾俾你，同我一年前來吃是一模一樣。凍的串燒，感覺不好受﹗要了辣汁，第一口咬魷魚已經唔對路，0的辣汁唔洗一分鐘已經辣到個口成口麻哂，全身冒汗，是日得十二三度，不過都不得不除衫，因為一陣已經成身濕哂，額頭大粒大粒汗珠落下，只有著住短tee來吃﹗串燒一早燒定，食落已凍，講真咁樣做真係唔夠專業，理應你燒定少少有人叫時你再翻熱都無咁差，魷魚及牛都已凍的，味道在辣汁的推動下雖然不是難吃，不過已冷的食物著實令人難受。眼中淚不斷淌下，最後辣到喊濕成張紙巾先食完兩串串燒，叫了支冰凍的生力啤

續上回南丫島篇, 行完沙灘出反黎,有少少牙痕痕想食野,上次入黎試過e間都唔錯,食多次喇!!其實$10串,真係有點貴,偶然一次半次就夠了!!! 男友去買,而我就坐左係入面!!一入到去,發覺好熱牙!!!抽氣系統出左事?要左2樣 : 沙嗲汁雞肉,暖暖地!!又唔會燒得好老!! 第2樣就係: 魷魚鬚,有d地方乾得滯!!但係都唔錯既,不過2樣野要成$20,就真係1d都唔平喇!!如果平反d就唔錯喇,食多幾串都冇所謂!!! 我覺得最值係d汁囉,為左d汁就值既!但係佢地既d態度真係牙!1d招呼都冇

10蚊一串唔平, 但仲要食冰凍的魚餅, 就過份左d!味其實ok, 辣汁超正, 但串燒呢家野, 凍既又點可接受?希望老闆正視!

一場黎到, 明知佢評語超差, 平平地都試下啦!! 難食咪當跌左 10蚊囉!!雞全翼一早燒定晒放入櫃, 你俾錢, 佢再問你要乜醬!佢問 : 要咩醬?!我: 有咩醬ga?! (我正常, 鬼知你地咁多野呀 )佢粒聲唔出, 指一指前面張紙, 目無表情, 真係不知所謂!!都唔知咩態度!! 其實佢d 串燒都唔見得好特別, 元朗串皇熱辣辣即叫即燒重正啦!!俾個意見個老闆/伙計, 其實 星期 五都冇乜人入南丫島, 你唔洗燒定晒d 野放入櫃!!!邊有咁多人幫襯你d 串燒丫, 即叫即整好過啦!!! 費事惹烏蠅嘛!!!