Tamarind

營業中

休息中

最近旺角又多咗間晚晚爆場嘅泰式餐廳 Tamarind，一到放工時間已經見到長長人龍。餐廳裝修帶點泰國街頭大排檔風格，主打多款泰式小食，除咗粉麵飯之外仲有唔少特色選擇。🔥 必試推介✔ 蟹肉庵列 $158賣相同內容都幾吸引，蛋包之下塞滿蟹肉，足料唔欺場，蛋香＋蟹鮮幾夾。推薦✔ 大蝦炒金邊粉 $88只有兩隻大蝦，味道偏清，炒得唔夠乾身，略嫌普通。✔ 芒果糯米飯 $58芒果唔酸，仲附送多一小杯椰汁，不過整體味道比較一般。✔ 泰國街頭椰子雪糕 $58有花生配料，但椰子味唔算突出，如果加椰絲會更好。✔ 泰式綠奶茶 $26偏淡，冇太大驚喜。💡 總結餐廳氣氛熱鬧夠晒feel，小食款式多樣，不過整體味道未至於「驚為天人」，等熱潮過後再慢慢試可能更理想。

-Tamarind-📍旺角.之前晚飯時間經過女人街，見到呢間最近超級人氣的泰國餐廳排晒長龍。今日下午兩點左右經過，見到只係有幾個人排隊，唔使諗即刻排。等咗10分鐘左右就可以入座，Lucky。.餐廳的裝修好有泰國街邊大排檔feel，甚至有篤篤車造型的座位。食物即叫即做，每樣都好有鑊氣，非常惹味。.金不換辣椒糕炒蜆 ($88)每粒蜆都好大隻，夠晒鮮味肥美。用金不換同辣椒糕炒起，用嚟送飯一流。.飛天炒通菜 ($68)通菜好爽脆，加埋辣椒及脆蒜香，超級惹味。.招牌蟹肉炒飯 ($138)份量好足的炒飯，滿滿的蟹肉加上蛋白、蒜和香蔥，鑊氣十足。.鮮椰青 (+$22)椰青好大粒，新鮮打開，啖啖清甜椰青水。.

下午茶時段嚟到呢間位於旺角通菜街既Tamarind，店舖坐滿一半食客，算闊落座位唔迫夾。坐低即睇下個餐牌，唔想食飯，又唔想食船麵，最後比我㨂咗呢個泰北咖喱雞金麵加一杯芒果沙冰。不一會就上餐，乜野係金麵呢？原來即係粗麵，比較貼切嚟形容呢碗咖喱雞槌湯粗麵最適合不過。雞槌不過不失，粗麵全無枧水味，最好味個咖喱湯底，跟了半個小青檸，d青檸汁加上咖喱汁原來好夾好好味的，十分之啱胃口，成碗清哂，一滴不留。口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚

呢間泰國菜小店，閒日18:00左右已經排緊隊，完全估唔到咁犀利，d菜色都幾有驚喜！ 沙嗲豬串燒一上枱就聞到濃濃既串燒焦香味。三大串，性價比極高！豬肉醃得入味，燒到微微焦脆，肉質唔乾柴，蘸埋佢地既特色醬汁更惹味，甜中帶少辣，好開胃！ 泰式魚餅外皮炸到個色水好金黃，咬落去彈牙，混咗香茅同檸檬葉碎，酸辣醬汁好夾，都好抵食。 泰北咖喱雞金麵真係必試！湯底濃郁，咖喱混咗椰奶，香滑得嚟唔膩，麵條吸晒湯汁，原隻大雞比係入面，超嫩滑，仲有炸脆麵條增加口感，層次超豐富！ 泰式奶茶，橙紅色好搶眼，茶味濃郁，甜度稍高但冰涼解辣，正宗泰國風味。 芒果糯米飯既芒果甜到爆汁，糯米飯暖粒粒，淋上椰漿同，鹹甜交織，食完超滿足～ 👍🏻👍🏻👍🏻

排隊泰國餐廳，朋友食完都話”泰”好味啦😝近排天氣熱辣辣，食泰國菜🇹🇭就最適合。泰式生蝦😆😆😆蝦肉晶瑩剔透，肉質新鮮彈牙，配上青檸汁和魚露，做前菜一流。蟹肉奄列🦀😆😆😆😆蟹肉奄列看似簡單，卻暗藏驚喜。切開脆卜卜嘅蛋皮之後見到超多蟹肉，外脆內軟，雙重口感，一梳梳嘅蟹肉更是鮮味十足。泰國炸蠔餅🦪😆😆😆😆😆金黃酥脆的外衣包裹着粒粒飽滿嘅蠔仔，一啖入口鮮甜蠔汁在口中爆發。蠔餅超級酥脆但又唔會太油，仲帶有少少焦香。大推丫👍🏻曼谷火山燒排骨🌋😆😆😆😆燒過嘅排骨依然保持肉汁，一啲都唔乾，仲好入味。排骨小山丘配合濃郁嘅醬汁， 如果加碗白飯就太幸福了。泰式魚餅🐟😆😆😆魚餅有少少辣加上各種泰式香料一起調配，魚肉彈牙，配上泰式辣醬十分惹味。芒果沙冰🥭🍧😆😆😆😆食味道偏濃的泰國菜，飲杯清新的芒果沙冰作結尾，十分清新解膩。沙冰口感棉密，入口即溶，酸酸甜甜，仲有一粒粒新鮮芒果果肉，芒果味極濃。泰好味啦，下次要來試埋芒果糯米飯先得。

菜品推薦：①打拋飯：泰蘭德的標誌!!豬肉沫夾雜着洋蔥和辣椒🌶，拌飯吃真的一絶上麵的流心蛋🍳更是靈魂‼️有一點點微辣，介意的姐妹可以説不要啦哦～②招牌肉蟹炒飯：招牌中的招牌!!（138RMB）蟹肉很多很大塊，炒飯粒粒飽滿，很有鍋氣！！一口下去賊滿足，不需要任何配菜，我可以一口接一口，直接炫完一整盆！！③火山排骨：經典泰國味道！！（148RMB）泰式香草味的排骨，一定要連着上麵的綠色醬料一起吃，這樣才是一絶哦！！而且一盤賊多，七八塊大骨頭，肉多多吖!!肉食星人的天選菜品！！④龍眼水（8RMB）：龍眼冰沙水，不會很甜，但很解膩～冰冰涼涼很適合夏天，吃完火山排骨再喝一口簡直了！！！

位於通菜街威達地下正宗泰國菜超讚和朋友一早排隊 去到都已經拉人龍等緊第5張枱，今次叫了泰式牛肉炒河粉，充滿驚喜是很多肉以及蔬菜，河粉出色好有鑊氣！發現佢哋嘅河粉同平時港式粉面河粉唔同，比較粗身和煙韌，喜歡米紙卷的朋友，實在唔好錯過！加上set lunch 咁叫，有杯飲品，叫咗泰式檸檬茶，發現佢個茶底係用泰奶茶葉製作，個人口味偏向鍾意港式檸檬茶紅菜底多啲，不過今次都係新嘗試，因為平時都叫椰青同泰奶多，埋單每人都只係$86，抵到爛呀！附上朋友另加叫的泰式拋豬肉炒飯和泰奶～朋友話野食好食但野飲偏甜 ，自己衡量嗰日想唔想叫嘢飲啦 好口渴的話可以飲椰青都係個唔錯既選擇！

喺旺角女人街發現咗一間好有特色嘅泰國餐廳，呢度嘅裝修真係好似泰國大排檔，色彩繽紛，充滿活力。更重要嘅係，主廚同員工都係泰國人，令我對呢次用餐更加期待。餐廳提供嘅Lunch Set仲有優惠價飲品，真係好划！### 環境首先講下環境，入到去，牆壁上掛住好多泰國風格嘅裝飾品，整體感覺非常熱鬧。座位安排得幾好，雖然地方唔大，但唔會令你感到擠迫，反而有種溫馨嘅感覺。服務員都好親切，令我感受到泰國人嘅熱情。### 雞串燒今次我叫咗Lunch Set，有優惠價叫飲品！第一樣係小食，雞串燒。雞肉串燒煮得啱啱好，外層微焦，肉質鮮嫩，配上特製嘅醬汁，味道真係好香。每一口都可以感受到雞肉嘅鮮味，真係好開胃！### 招牌蟹肉炒飯再講講招牌蟹肉炒飯，呢個真係一絕！炒飯粒粒分明，蟹肉鮮甜，味道非常濃郁。每一口都有蟹肉嘅香氣，搭配住青蔥，令整碗飯更加清新。份量都唔少，兩個人食都夠！### 芒果糯米飯甜品方面，我叫咗芒果糯米飯。呢個係泰國經典甜品，甜度啱啱好，糯米軟糯，搭配住新鮮嘅芒果，味道非常好。每一口都好香甜，真係好好味！而且上面仲有椰漿，令口感更加滑順。### 凍泰奶飲品方面，我叫咗凍泰奶。呢杯奶茶色澤金黃，味

🐽 泰式船麵湯底好濃郁，豬骨同香料熬得夠晒時間，飲落有啲似肉骨茶但多咗陣香茅同南薑香。豬肉片同肉丸都夠嫩，最正係啲金邊粉夠晒掛湯，嗦落滑溜得嚟又唔會淋曬🐽 通菜炒得夠鑊氣，菜莖爽脆冇渣，蝦醬鹹香唔會過火，仲落咗少少辣椒碎吊味，食到尾段都唔覺油淋淋🐽 泰式生菜包豬肉碎炒得乾身，用魚露同青檸汁調味，酸辣平衡得幾好，夾埋新鮮生菜食好開胃🐽 蟹肉奄列外層煎到微脆，入面仲keep到蛋漿半熟嘅軟滑，蟹肉份量都算足，有幾啖會食到成嚿絲🐽 椰子雪糕質感綿密得嚟唔會太甜，面頭撒咗啲烤椰絲增加口感，中要份量好多唔係只係一球

呢間泰國餐廳CP值超高！真係好有風味，感覺好似行咗入曼谷街頭咁！同朋友齊齊開餐，好味到好似置身泰國咁🛫🌴 🥭Green Mango Salad🥗 青芒果沙律爽口夠fresh！酸甜味恰到好處，仲有花生增添口感，雖然無辣但一樣醒胃！💚 🔥Bangkok Volcanic Ribs🍖🌋 燒豬肋骨香噴噴，外皮微焦超惹味！醬汁分開上，自己調節好貼心，配搭白飯一流！🍚😋 🦐 Shrimp & Vermicelli Casserole🍲 冬粉煲暖笠笠，冬粉吸晒蝦鮮味，仲有蒜香襯托，簡直係comfort food代表🤩 🍜 Pad Thai with Prawns炒金邊粉夠乾身，每條粉都掛滿醬汁，蝦新鮮又彈牙，炒蛋仲加分！泰式必食！💯🔥 🥤Thai Iced Milk Tea (Less Ice)泰式奶茶唔會太甜，仲好香茶味，少冰岩岩好，真係飲完想再encore！🎶😍 🥥 Fresh Coconut椰青開出嚟好juicy，飲晒啖啖清甜椰水，仲可以刮椰肉，完美收尾😎🌴 整體嚟講，環境好有泰國風味，食物地道又足料，價錢合理，一於約埋朋友再去掃街！🚀🍽️🏷️Tamarind (旺角)

今次專程黎到旺角呢間人氣爆棚嘅泰國菜館🇹🇭金邊粉炒得乾身爽滑，每條都均勻裹上金黃色嘅醬汁，配料豐富又多樣，入口既有嚼勁又唔會太腍，味道層次分明～ 蒜蓉炒菜絕對係驚喜！翠綠爽脆嘅蔬菜配上金黃香脆嘅蒜粒，蒜香濃郁得黎又唔會太搶！雞肉串燒外皮烤得微焦香脆，內裡肉質鮮嫩多汁，一定要蘸上濃稠惹味嘅沙嗲醬最正係佢哋嘅芒果沙冰🥭 用咗熟成芒果打製，果香濃郁又清甜，冰涼透心，完美中和咗泰菜嘅辛辣感～ 下次再嚟試下其他菜式！

喺旺角行行下街，見到呢間好有泰國🇹🇭特色，仲有篤篤車🛺卡位坐既泰國餐廳😆😆餐廳食物選擇非常多😀 一般泰國🇹🇭野食都應有盡有😆 價錢仲要唔貴😌😌食物物賣相吸引，我同朋友叫咗唔少食物，大家都好滿意！泰式牛肉船麵$88 ⭐️⭐️⭐️⭐️⭐️- 平時好驚船麵好細碗，黎呢度就無呢個問題😆 份量足夠，牛肉爽口彈牙！滿分💯！泰式牛肉炒河粉$78⭐️⭐️⭐️⭐️- 呢個炒河粉岩重口味仲非常食得辣既朋友🧑‍🤝‍🧑喺度食炒野好有鑊氣😀😀芒果糯米飯 $58⭐️⭐️⭐️⭐️⭐️- 好正宗！奶有泰國風味！大力推介！椰青 - 好夠清甜！🤩🤩Tamarind (旺角)旺角通菜街1號威達商業大廈地下K&L號舖

對於一個好鍾意去泰國旅行同埋好鍾意食泰國嘢嘅人嚟講成日都見到呢間舖排晒長龍，難得一見今日未有人排隊就入咗去食飯，餐廳環境都佈置得幾精緻，都好有另類風格。我哋嗌咗個泰式牛肉炒河粉，泰式牛肉金邊粉，炭燒牛小扒，冬陰功湯同埋芒果糯米飯。泰式牛肉炒河粉，都幾好食河粉好煙靭，火候處理得幾好，牛肉就稍為硬身咗少少。泰式牛肉金邊粉金邊粉就比較淋，都好入味，牛肉就好嫩，幾好食，再加埋啲炸豬皮，基本上每一條都脆卜卜，口感都幾好，不過個湯底就偏為咸咗啲，適合一啲重口味嘅人。炭燒牛小扒，望落雖然簡單，但係食起上嚟有啲驚喜，牛小扒烤得啱啱好，食落好嫩。冬陰功湯都幾足料，但就冇辣味，不過基本嘅味道係有嘅，最後芒果糯米飯，食得出啲芒果係新鮮嘅，同埋啲飯係煙靭嘅，加埋啲綠豆脆脆，口感都幾好。雖然見到入邊有泰國廚師掌廚，但係味道唔算正宗，可能係要迎合香港人嘅口味。

去一間泰國餐廳要知道好唔好食 試下個pad thai就知🤣泰式虎蝦金邊粉🦐叫左個蝦肉pad thai. 上枱都熱辣辣，蝦肉咬落唔會梅，用原粒花生都幾新穎，泰國多數都係用花生碎，味道中規中矩，cp值算高😍沙嗲雞串燒🍢3串大大串十分抵食，啖啖肉雞肉唔會嚡口，沙嗲醬絕對係串燒靈魂！正👍🏻飛天炒通菜🥬炒得非常惹味！$68黎講非常抵食💙酸辣胡椒蜆湯🥣冬陰功就飲得多，第一次試依個湯，蜆肉巨大粒🙀勁肥美！作為頭啖湯開左個胃😻泰式街頭椰子雪糕🍨🥥本身食到飽飽地，但另一個胃叫我食甜品，於是叫左呢個街頭椰子雪糕🍨🥥椰子味雪糕輕甜適中，清清地refresh下個口幾好，仲有真椰肉，岩曬做飯後甜品！😋環境方面，有大排檔feel得黎又幾乾淨，加分位係開放式廚房睇到靚仔廚師認真下廚 食客見到乾乾淨👍🏼

是日來試試旺角人氣店Tamarind，睇下係咪值得排隊等位😝等左好一陣就有枱，小店真係好受歡迎，條隊無停過😆一坐低嗱嗱啉叫野食先。⭐芒果沙冰 & ⭐泰式凍奶茶飲品最快上枱，芒果沙冰好濃芒果味，飲到啖啖果肉。泰奶茶個茶味好香，甜甜地好飲。⭐泰式虎蝦金邊粉炒得好香口呀😋除左大蝦，仲有豆腐乾、蝦米、蛋絲等同炒，撈混個辣椒粉同加上青檸汁，酸酸辣辣好正。⭐金不換辣椒膏炒蜆蜆大隻肥美又無砂，個辣汁勁好味🤤越辣越惹味，好食到殼都啜埋。⭐炭燒牛小扒牛小扒入口嫩滑有炭香，仲好重肉味，脂肪位燒得甘香，正👍⭐芒果糯米飯糯米飲軟軟糯糯，椰汁鹹鹹甜甜好好味🤤點嘅菜品全部都好食無失望喎，係值得排隊嘅👍