Supine (已結業)

我同朋友仔一向都鍾意💪支持小店，希望可以食到佢自創嘅特色食品。今日就試吓呢間嘅黑松露雞扒意粉同豚肉漢堡包🍔，lunch set包一客沙律或薯條，仲有飲品，都只係$68/set，無須加一。食物嘅賣相算唔錯，但老實講味道就麻麻哋，好似意粉就太林同埋味道好淡，雞肉好「鞋」，可以話係好無誠意。漢堡包厚度十足，材料有蕃茄、芝士、生菜，蕃茄有成1cm厚，豚肉好滑，但味道都係冇驚喜。漢堡包皮仲要比啲蕃茄汁浸到濕晒，很唔好食。Cappuccino個拉花就夠惹笑啦！根本唔識做拉花，咖啡味道亦唔香唔濃。.唯一值得一讚嘅係呢度嘅員工，服務好有耐性好有禮貌。

話說唔太喜歡食西餐，都唔喜歡食包，所以不嬲都唔太食漢堡包，麥當勞嗰啲都好少食。但係呢一間餐廳改變左我對漢堡包嘅固有反感。而家已經成為我最鍾意食嘅一間餐廳。❤️❤️❤️❤️❤️❤️❤️❤️有一次同同事去食午餐，同事點左個巨人漢堡，望落好吸引，好Juicy，於是我就決定俾一次機會佢。食完就深深地愛上左🤤🤤！依家都肯去試下其他餐廳嘅漢堡。😊好，究竟佢有幾正呢。首先就係佢個牛肉漢堡牛味好重又有汁。聞落好香牛肉味之餘，食落都好重牛肉味😍其次就係有好多配菜，雞蛋，煙肉，青瓜，蕃茄，生菜，芝士，炒洋蔥。好豐富口感又好清新。😍成個漢堡嘅味好balance又好夾。😍而且佢個炸薯條真係好好食，大大條好粗又好脆，又有肉地，有咬口！😍仲未讚完！我仲超級欣賞佢杯咖啡雖然我唔係飲咖啡好叻，但係我好鍾意佢嗰種好濃嘅咖啡味，唔酸唔苦，仲有好重嘅烘焙味，一試難忘！👍🏽👍🏽👍🏽👍🏽👍🏽👍🏽👍🏽嘴刁啲講，食物上，唯一好想佢再正啲嘅係，如果可以烘一烘個漢堡包皮就好啦。因為個包好Juicy，d麵包好容易比啲好好味嘅汁淋到濕晒，就會軟瀨瀨啦。環境上就因為係小店，所以會比較細。有時繁忙時段就需要book位，如果唔係真係有排等。最後，希望可以改善嘅

Supine長期係石門既人氣小店 每次去都要等位 今次都唔例外!店員留左我電話 話左俾我地知大概幾點 有位就聯絡番我~~本身想試下香橙吉列魚柳漢堡 但係咁岩無哂橙🤭 我就決定試下第二個burger先🍔夏威夷烤雞漢堡 ($68)呢度既burger好似個個都好有厚度 無辦法一啖食哂咁多層🤣呢個burger入面有烤雞扒、菠蘿、蕃茄、沙律菜🥗同炒洋蔥🧅菠蘿雖然係罐頭菠蘿🍍 但係有微微燒過👍🏽雞扒幾厚身 煎香而肉質唔乾柴!粗扁身既薯條🍟比較少見 點埋地捫蕃茄醬食 正!😋燒雞扒芝麻醬冷稻庭烏冬 ($68)雞扒一樣質素不錯~~烏冬軟硬度適中!芝麻醬份量都幾多 雞扒上面都有照燒汁 所以好岩醬汁控😛蜜桃烏龍茶 (+$4)無諗過茶包會出到蜜桃味🍑 雖然味道相對淡但係食完heavy野飲番杯花茶消消滯 唔錯啊!牆身痴住d中東圖案既杯墊 好靚🤩另外 記住要留意下單據啊有最暖心既提示🔔💪🏽🙂 香港人加油!

因為近排生酮飲食，所以出街食飯都要儘量避開碳水化合物今日tea time朋友想食burger咁我地就黎到石門搵好西食～石門呢間小店聽到我話要走包都好努力keep住🍔既靚樣👍🏻抵讚👍🏻👍🏻-蕃茄同漢堡都好juicy 厚厚的漢堡牛味香濃～～～同朋友一人一個巨人🍔佢就正常版唔洗好似我咁走包🤣🤣走包我都超飽！仲同朋友加左4隻脆香雞翼，最怕就見到勁厚炸粉呢間小店既雞翼係薄薄既炸粉，正🤤下午茶 巨人漢堡$78 跟薯條🍟/沙律🥗 仲有埋餐飲小店既認真同用心💛要再幫襯💛💛#keto🍔#ketoburger#生酮漢堡 #生酮外食

第二次食呢間餐廳，就係因為佢係黃店如果唔講黃唔黃，連第二次都唔會有因為食物水準真係唔掂第一次果陣，叫左個夏威夷烤雞漢堡（厚切番茄，罐頭菠蘿、雞扒、菜）塊雞扒韌到咬唔到，係真係咬唔到...仲要冇物味同埋個薯條好乾我都想惜食，但真係食唔到好啦，可能雞扒唔靚啦所以第二次我食巨人漢堡有煙肉有蛋有芝士都應該唔會太差亦都唔叫薯條，試沙律塊牛肉漢堡好厚，係好過雞扒個包ok好食，但係整得好燶仲有個沙律！！啲菜生晒銹有煮開嘢食嘅人就會知如果啲菜新鮮，係唔會生銹（邊邊發黃）仲有杯咖啡，落order係要即磨但我完全唔覺得呢杯係即磨第一，佢杯邊仲殘流左啲望落好似係三合一嘅粉末第二，奶多過啡，真係唔掂最後，我都有諗過唔寫呢篇食評但係我更加希望間舖頭會睇到然後作出改善如果兄弟爬山各自努力希望你哋可以好好努力吓支持係可以但唔係盲目

石門其實真係好多野食，呢間都算係成日幫襯，因為好味囉！次次都會食佢個漢堡，大份到呢，食得勁lei hea🤣今次呢個係牛堡， 配新鮮蕃茄仲有芝士，最勁都係佢個包，係烘過仲好軟熟😍老公食左個牛扒，感覺同個我包入面個塊差唔多，一般般啦餐配有薯條，係有heart嘅薯條，加埋杯野飲真係好飽

終於食到石門高質漢堡黃店Supine😭因為佢地方細細，次次想食去到都無位，前兩日lunch終於食到喇🥳果然冇令我失望，有圖有樣你睇，個個漢堡包都非常之挺身靚仔，而且好足料大份，好似我咁大個口都冇辦法一口咬到要拆開嚟食，材料新鮮中間塊扒又夠juicy，無論是我的雞扒定係同事食嘅豚肉即係豬扒都正，重點係佢配嘅係粗薯條啊🍟賣飛佛，成個餐都係$68日仲要免+1，總之想食高質漢堡包嚟呢度就啱啦！btw不過佢呢度仲有其他餐點好似意粉烏冬意大利飯等等，聽朋友講個烏冬都唔錯👍咁高質嘅深黃店，值得大家去懲罰下佢💪💪.店名: Supine (沙田)地址: 沙田石門安群街3號京瑞廣場1期2樓210號舖

[💛黃色小店💛] Supine/夜晚嚟到充滿黃店嘅石門，去試下呢間有唔少好評嘅Cafe食西菜🍽。晚上7:45嚟到，入面Full哂，門外排咗6個人，有啲等緊位，有啲等緊外賣。店舖出面貼滿文宣🥽，亦有啲抗爭小卡牌🃏比客人拎。-好彩Book咗位，否則7:30後嚟都應該冇位。店舖空間細小，只容納十幾人，坐得擠迫👨‍👩‍👦‍👦，移動都唔太方便，而今次坐嘅枱只僅僅夠擺放食物。/烤牛肉漢堡套餐 🍔 ($90)等咗20分鐘左右，終於嚟到，外型非常架勢，色彩鮮明🌈好吸引，最適合打卡📸。漢堡堆砌得好高，用料豐富，麵包🥯、肥牛🥩、蕃茄🍅、生菜🥬嘅厚度平均，可以清楚呈現出每款材料。不過原本以為烤牛肉係指牛扒，點知係和風洋蔥肥牛，有啲估唔到，亦都冇辦法霸氣地一啖咬落去，只好用「解剖式」食法🍴。-麵包🥯質地較軟、偏濕💧，食落口有種薄嘅感覺，有啲空虛。溫度唔暖，丁點脆嘅質感都冇，繁忙時間下應該冇咩烘過。而味道就同普通麵包差唔多，冇特別調味或牛油味。-肥牛🥩就似出面和風牛肉飯嘅味道，但味道再淡啲，配合芝士🧀會有返啲味，但兩樣野夾埋就有啲Heavy感覺。肥牛唔算特別靚，脂肪比例較多，帶點筋，亦唔可以叫「烤」，因為呢種牛

同朋友專登去石門搵黃店食💛因為知道石門多黃店💛點知一去到石門發現原來周街都係嘢食(⁎⁍̴̛ᴗ⁍̴̛⁎)果然係一個食嘢嘅好地方(●°u°●)​ 」-📌烤牛肉漢堡包（💰90）係一片片烤牛肉🐮淡淡牛味愈依愈出而且牛牛片有咬口💕洋蔥配牛汁超惹味牛牛份量好多(´･Д･)」.📌挪威三文魚燒菠蘿漢堡（💰90）菠蘿有燒過✨清新三文魚扒都幾大份厚身而且又用香料醃過✨三文魚味好出(⁎⁍̴̛ᴗ⁍̴̛⁎)洋蔥爽口多汁.兩面包🍞都有烘過而且都幾脆包面就查埋牛油🧈超香而個包底亦都有相對嘅醬汁🤤十分惹味底面都有超多黑白芝麻好香口💕好鐘意‼️生菜🥬同埋蕃茄🍅份量都好多好新鮮好多汁-👍🏻👍🏻👍🏻薯條🍟（跟餐）👍🏻👍🏻👍🏻好粗身多薯蓉(⁎⁍̴̛ᴗ⁍̴̛⁎)即叫即炸‼️熱辣辣脆卜卜‼️同埋真係超大份‼️仲可以點跟配既酸忌廉醬💕.荔枝梳打仲有塊檸檬片💕好飲好清新.蜜桃🍑烏龍茶熱飲茶包黎(˶‾᷄ ⁻̫ ‾᷅˵)但超香蜜桃味茶底都好濃-晚市黎講真係幾抵✨超大份一定飽一塊薯角等於四五條薯條🍟漢堡超Juicy一定唔會口乾💕而且態度超超超好-真心以後會成日去石門掃黃🥰💛Btw依個廣場差唔多間間都係黃🤤✨-

Supine🌾.💕個人分享😋🐠香橙吉列魚柳漢堡🍔🍟 $70極推薦漢堡🤤魚柳即炸，入口非常脆，配香橙、蕃茄、其他配料，吃的時候並不會覺得膩👍🏼💛 (自私評分：8.5/10✨✨)===========================🐟蒲燒鰻魚飯🍚 $65鰻魚飯一般，配中華沙律、沙律配料、珍珠米飯。btw鰻魚有骨🦴===========================🍗燒雞扒麻醬冷稻庭烏冬 $68燒雞扒肉質夠嫩，配沙律菜、冷烏冬，夏日之選👍🏼而醬汁較多，吃到最後有點膩，但整體而言亦很推薦～💛～～～～～～～～～IG/FB: herine_sum (更多好西推介✨)

想食好耐 不過次次經開都好多人等終於的起心肝 要食好嘢就係排隊吾駛響餐廳門口等 留電話 差唔多到侍應打來叫左個巨人漢堡 同埋叫左個下午茶豬扒蛋多士巨人漢堡堅好食 真係巨人先可以一次過咬到 厚到呢 我只可用刀叉食件漢堡牛肉好好味 應該homemade 其他配菜有蕃茄煙肉蛋芝士 etc. 都 very good最正係個醬汁 可能佢D料用得靚 個包好少汁出面其他餐廳D burger 有時落好多醬汁搞到個麵包濕晒 呢度冇呢個問題 下次要試吓佢哋嘅 pasta 睇落好吸引

某日下午放工後，老公帶我來石門食下午茶老公揀這間自然有佢原因XD 想支持小店誰知，食物令人驚喜！好好味呀！員工好有善，我叫左杯碟豆花飲品，員工好細心提醒我注意有無餐牌附註的禁忌症（周街都有人賣碟豆花產品，這店會細心提醒客人，個人認為係非常有責任感的做法）環境不大，小店來說也算挺舒適如果就腳啲，我絕對會翻兜😎

個漢堡好充料，仲大過我個口，好多肉汁，蔬菜同蕃茄都新鮮，價錢亦非常物有所值椰汁紅豆冰都好味，個人傾向個味甜啲，所以啱口味店員好好禮貌，幫我地將個burger 切埋，服務一流

話說朋友生日，主人公就選左呢間，為免無位唔想等就事前訂位，因幫當事人慶祝就問左可否借雪櫃用，餐廳好好，願意借用（記住餐廳唔係奉旨，可以拒絕！），同時餐廳另主動提醒要唔要留起漢堡包皮，唔洗去到無得點包類。野食都跟野飲，大家評價都好好食，而且漢堡包好大個，要用刀叉分件食先得到，意大利飯味道口感幾好，唔太硬唔太淋，三文魚扒煎到帶出香味又唔太濃。最後請拎蛋糕出黎時幫手換碟仲轉播生日歌，令到壽星公唔好意思。重申拎外來食物係唔岩，要事前問左先，唔好見到有人甘做就做！我地係要有溝通，互相尊重！

石門不嬲好多黃店，今次就揀咗呢間食。我哋係喺四人禁聚令前去的，舖頭唔算大，禁聚令對於呢間小店來講影響可能都幾大。間鋪裝修環境唔錯，可以話係麻雀雖小五藏俱全。店員嘅服務態度亦都好好，臨走仲會同你講拜拜。食物方面，我同男朋友叫咗兩個餐。我叫咗 美國牛柳配薯菜，跟餐會送餐湯同餐包不得止，仲配$16內餐飲！份量其實好多，食完基本上飽到落腳趾尾附送嘅餐湯同餐包絕對唔係Hea比你，相反係好高質！紅湯白湯我揀白湯，湯入面係食到有菇，同埋好香菇味！至於餐包佢係熱熱地烘過既，配埋凍凍地既牛油，有種冰火二重奏嘅感覺！嘢飲我就叫咗奶茶冇計啦太耐冇飲過珍珠奶茶😂😂個薯角係外脆內軟，熱辣辣新鮮出爐，就算攤凍咗食都係脆卜卜，食落去有聲出輪到主角牛柳，實物睇其實都幾多幾大份，肉質不過不失，食完真係好飽！另一個餐就叫咗鹽燒牛肉定食，成個餐做得好細緻好豐盛，好似真係去咗日本食咁野飲方面，男朋友比左半價叫左杯玄米茶（碗飯同沙律中間嗰杯）以沙田同馬鞍山來講，石門應該算係最多高汁黃店了！美食沙漠嘅朋友不妨行遠啲嚟到石門試吓呢間有啲特色嘅小店！巴士到石門其實都幾方便