Supine (已結業)

之前喺呢篇食評https://www.openrice.com/zh/hongkong/review/%E5%A5%BD%E5%BD%A9%E6%9C%89%E5%B0%8F%E9%A3%9F-e3991449提過16-4-2021（Fri）食唔到呢間，於是我哋book位,但最少要4個人至俾book,咁我同同事湊夠4個人,book今日（29-4-2021 Thur）食.我哋叫4個漢堡share，就係$78.00嘅巨人漢堡，3個都係$68.00嘅黑松露滑蛋大烤菇漢堡,夏威夷烤雞漢堡同雞脾菇洋蔥豚肉漢堡,兩份跟沙律,兩份跟薯條.由於我哋4個人分,所以要求店員幫我哋cut開4份,不過有兩個cut唔到,兩個就只cut到兩份,但理解嘅,cut咗會散,我哋自己嚟.先送上兩份沙律,沙律菜新鮮,冇問題.然後係其他陸續漢堡到嚟,薯條外面好脆,好正.而漢堡呢,其實我哋都幾混亂.雞脾菇洋蔥豚肉漢堡,豚肉口感爽,ok;巨人漢堡漢堡厚身,口感鬆軟;黑松露滑蛋大烤菇漢堡,我食得好少蛋,口感唔錯.夏威夷烤雞漢堡,烤雞烤得脆,亦都好厚同juicy,味道亦唔錯.之後女同事ET見到有雞軟骨,於是我哋就叫,但呢日冇晒,咁見

[ #caloriefoodie沙田 ]• 𝚂 𝚄 𝙿 𝙸 𝙽 𝙴 •🐿石門最多💛小店今次食性價比高set dinner!(˶‾᷄ ⁻̫ ‾᷅˵)-美國牛柳薯餅漢堡 💰$90晚市呢個價錢咁大咁足料個漢堡 仲要係跟餐!有湯有飲品 性價比極高俾3秒大家諗下第二層係咩料3...2...1...竟然係橙🍊味道唔係話超級夾 不過都幾特別ψ(｀∇´)ψ舊菇都好juicy 所以薯餅淋哂牛柳唔算韌 粗薯條脆卜卜呢個burger過關!!-三文魚扒露筍野菌飯 💰$90每次去都話三文魚扒賣哂所以好期待可以食到!但相比起burger 呢個飯相對遜色味道比較淡 調味唔夠岀所以可以不試( ･᷄ὢ･᷅ )-📍沙田石門安群街3號京瑞廣場1期2樓210號舖

🥚石門輕食🍟推介指數 ❤️❤️❤️🤍🤍石門站對出有兩個充滿食肆嘅廣場，真係總有一間會令人作出決定，late lunch 時間都唔算多人，游走後揀咗一間小店，見到巨人漢堡包張相好吸引。可惜睇完餐牌後店員才告知漢堡包售罄⋯⋯ 咁就轉輕食啦。🥚溫泉蛋卡邦尼意粉配薯條✨意粉外觀精美，溫泉蛋恰到好處，食落似白汁意粉，配料有椰菜同三色椒。✨粗薯條新鮮熱辣辣炸起，卜卜脆好好食。🍚浦燒鰻魚飯鰻魚配上車厘茄、青瓜絲同中華沙律，感覺住家式，份量比較適合女孩子。🥤Iced Cappuccino：質素平穩，甜度適中。🌹皇后花茶：Homemade 混合茶包，內有玫瑰、茉莉同洛神花。大概熱水唔夠熱亦沒有蓋焗住，沒有任何花味，只係淡淡粉紅色嘅水。總結：-食物 ❤️❤️❤️🤍🤍環境 ❤️❤️❤️🤍🤍服務 ❤️❤️❤️🤍🤍.··餐廳：Supine (沙田)地址：沙田石門安群街3號京瑞廣場1期2樓210號舖

行完山肚餓，行咗去石門醫下個肚。見到有間小店幾多好評又有位，就一於入去試下。我就叫咗個巨人漢堡拼薯條。個餐好快就黎到，見到個漢堡真係幾巨下，入面勁多餡。牛肉好多汁，夾埋一齊食無得頂！薯條又上粗薯，加上係即炸，加分加分👍🏻

舖頭細細但充滿人情味食完唔會背脊骨落系列💛💛同友人叫咗一人一個漢堡包餐其實杯咖啡嚟到嘅時候都有啲失望因為拉花的確好唔靚但係其實飲落味道係正常佢始終唔係一間好專業飲咖啡嘅舖頭所以可以接受漢堡包餐都會跟薯條或者沙律但係我個人覺得漢堡包一定係要同薯條一齊食仲要有好多嘅茄汁黑松露蛋大啡菇漢堡呢一個黑松露蛋俾咗我一個好大嘅驚喜因為我估唔到佢夾落漢堡包都係可以咁好味而且個大啡菇係唔會過乾即係你切開都仲juicy加埋漢堡包sauce我覺得成個combination 係好夾呢個巨人漢堡有煎蛋同埋牛肉由於佢好大個好足料嘅關係所以你一啖就食晒全部野係一件幾困難嘅事🤣🤣🤣

去開石門懲罰黃店！附近都有好多黃店要懲罰，隔離white wood又closED。呢間環境細細地，少少油煙味，不過幾cozy既。好多人叫漢堡，不過下午茶時份就唔食咁heavy, 叫左個好耐無食既雞扒蛋多士公仔麵。餐牌唔算太多選擇，但餐廳都有心機整既，蛋都特登用個圓形模煎番個完整既圓形。又係麵同蛋度加左parsley加啲顏色。唯一係雞扒炸得比較油，放左係塊多士上面吸左啲油，再加埋多士啲牛油有啲太飽。so far so good la! 可以再加油！

店鋪有一些吊燈作裝飾 簡潔地方較小 所以每張枱都很近 點了一份雞軟骨 很大份 而家即點即炸 很熱 點了中間的汁 甜一點 味道不錯 一口接一口的吃 雞軟骨下面鋪了一些沙律菜可以吃 我點了一份牛肉粒意粉 但是我不太喜歡 不是味道不好 但醬汁太濃 是章魚小丸子上面的醬汁 每一口意粉混合醬汁都覺得太濃 不太吸引我 主食跟餐可以點薯條/沙律 可惜薯條賣光了 只能吃沙律 還點了一杯蜜桃熱紅茶😋朋友的漢堡看似不錯 十分大份 朋友都說好吃整體食物價錢不算貴 可以一試 如果再去 還是點漢堡好了 還有點薯條來吃

黑松露滑蛋大烤菇漢堡+沙律$68漢堡都幾大個，十分飽肚最欣賞個炒蛋，滑得嚟仲有蛋汁只係略嫌黑松露味不夠突出。大烤菇相當juicy，令漢堡入口不會覺得乾其他配料都係新鮮嘅，唔錯。漢堡旁邊嘅自家醬汁都相當精彩，有d似燒汁/壽喜燒嘅味道，為漢堡整體加了不少分數。蜜桃紅茶就令人有點失望了，茶底太濃，入口有d澀，幾乎飲/聞唔到蜜桃味，不過呢點都好小事，無傷大雅。但整體而言，呢餐都滿意嘅外區嘅朋友唔至於要特登去探店，但路過也一試無妨👌🏻

傳聞中嘅巨人漢堡🍔終於有機會嚟試試啦！可能受到第四波疫情影響，所以七點晚市時店內嘅食客只有一枱，而我哋就係當晚嘅第二枱，所以店員好細心同我哋講解各種漢堡嘅食材配搭同口味，最後我哋揀咗烤挪威三文魚🐟燒菠蘿漢堡配沙律同埋美國牛柳薯餅漢堡配薯條🍟！烤挪威三文魚燒菠蘿漢堡配沙律🥗等咗10分鐘就有喇，一嚟到就見到塊大大嘅三文魚夾係中間，未食淨係睇已經覺得好飽，不過漢堡太大只可以逐層逐層食，菠蘿🍍略嫌烤得未夠燶，魚柳好重香草同黑胡椒味，蕃茄🍅太厚以致啲汁流晒落底層嘅麵包度，攪到濕晒黐住左個木盤度，沙律配上黑醋，可以解一下漢堡嘅油膩感。美國牛柳薯餅漢堡配薯條🍟期待滿分嘅牛柳🐮漢堡略為失望，牛柳煮得好韌要咬好耐，薯餅好香脆沾上牛柳汁就別有一番風味，菇煎得路啱好而且唔會好油膩，而配菜薯條炸得好脆又唔油，仲好有薯味，大大加分！

其實想試佢地都想咗好耐，之前去過幾次都係無位🤦🏼‍♀️今次專登早啲去，好好彩有位啦😃叫咗3個set同一個小食🐑羊扒西西里飯，羊扒好大件，個飯都好食🥩牛柳薯菜，牛柳，唔錯，個汁好味，仲配咗勁多薯角，正🍔牛柳薯餅漢堡，呢個漢堡真心堅，超巨大，成隻手拳咁高，同埋佢好特別，漢堡入面有一層係橙嚟㗎，阿女一見到就話要食咗舊橙🤣🤣🐔雞軟骨，平時出去食雞軟骨，通常會配沙律醬，或者咩都唔配，但呢個會配一個汁比你「點」嚟食，個汁酸酸甜甜，有驚喜，又出奇地好配喎，都好啱我口味🤤總結：值得再去既餐廳，啲餐鬼死咁大份，我地3條友都食唔哂3個餐，抵食又好味👍🏻其實我見隔離枱啲客人都係食唔哂🤣🤭💡不過要留意返，佢地係小型店舖，店入面坐位唔多，大約5-6枱左右，加上疫情既關係，用膳時間係有限時，同埋每位有最低消費。

人生第一次去石門，亦都係人生食過最大嘅一個burger。喺沙田唔知食乜好，就去左石門，好似話呢間burger好出名，今餐之後我對burger嘅要求又高左啦。美國牛柳薯餅漢堡 冇錯！真係有10層，其實唔止10層，多到我要mark低。麵包>橙>芝士>洋蔥>牛柳>薯餅>菇>蕃茄>蔬菜>麵包。咁大個burger真係好有驚喜，唔似普通burger用免治漢堡扒，反而用牛柳，牛柳幾有咬口。餐廳一啲都唔姑寒，本身已經有十層，其實牛柳同橙係各有2層，菇又兩種，菜又兩種，可以話係14層，搞到個burger好鬼高，成15cm都有，仲有大量薯條，要大胃王先食得哂。美國牛柳配薯菜朋友叫左呢個，但因為我都有牛柳同埋已經好飽，所以冇試，但朋友話係高質。如果呢間餐廳喺係石門咁遠，我一定成日黎食。

星期日又係懲罰黃店嘅時候啦！今日去到黃店林立嘅石門，有好多唔同嘅選擇，經過高質咖啡店whitewood，見到大排長龍，所以就幫襯左喺隔離嘅呢間漢堡包店啦，我哋都好好彩，一坐低左，遲我哋一步到嘅人就要排隊啦。佢哋真係好好服務，我哋嗌左兩個漢堡包，但係麻煩嘅我哋又要走蛋，又要走包，又要走醬，嗌嘢飲又要走飲管，佢都有求必應，仲要做到足，真係好犀利。見到佢哋製作食物好有誠意，佢會make sure 每個漢堡包都整到靚一靚，就算我哋要求走包，佢仍然可以整得好靚咁樣上碟，真心唔錯。

雖然鋪頭細細位置不多，不過幾位哥哥仔用良心撐起成間#Burger 店，值得一讚，可以一再支持。💛B6 巨人漢堡 $78超大份漢堡，差唔多有15cm高，賣相相當吸引！入面有牛肉漢堡、煎蛋、煙肉、蕃茄片、青瓜片、芝士、沙律菜、炒洋蔥、自家醬汁！😲 一啖咬落去巨人漢堡真係好爽，🐂 個牛肉超厚有牛味，而且好Juicy！🍟 加埋薯條真心好大份，飽到傻左！B2 夏威夷烤雞漢堡 🍔 $68入面有烤雞扒、菠蘿片、蕃茄片、芝士、沙律菜、炒洋蔥、自家醬汁！🐓 烤雞扒唔會好乾，食落好Juicy，而且仲好大塊！*#漢堡包 即叫即做，製作需時！🍔Burger真係好大個，冇得一啖咬落口！不過真心抵食，呢個價錢都相當唔錯，份量又好多！難怪落單時，聽到有客人叫少薯條，下次嚟我諗我都要少薯條 #食唔曬唔好浪費！👍🏻

味道：⭐️⭐️⭐️⭐️/5石門人氣小黃店午餐時間絕對建議book 位 如果唔係就可能要等半個鐘以上🕑1.黑松露滑蛋大烤菇漢堡 （$68午餐）巨型漢堡包 大份抵食好味😋個漢堡除咗有黑松露炒蛋 大烤菇之外仲大蕃茄 沙律菜 芝士一啖都咬唔晒成個漢堡包🍔包既外層有烘熱過非常脆值得一讚嘅係大烤菇肉厚 做得剛剛恰到好處一點都唔乾 非常juicy 另外蛋夠滑、黑松露嘅味好出、 芝士係半溶既狀態 再加埋爽脆生菜 食落口感一流！鍾意食漢堡包嘅你千祈唔好錯過呢一間高質小店啊！

今日同同事去咗石門嗰度食午餐，同事介紹咗呢一間，裏面個環境唔係好大，同事話平時好多人，今日好好彩一去到就有位，望左個Menu之後，最吸引都係巨人漢堡（$78），加配凍蜜桃紅茶（+$4）上面有好多公仔，個個公仔都望街😂同事話公仔應該好多油煙味🤣巨人漢堡好大個，塊漢堡好juice，有煙肉、蕃茄、生菜、蘑菇、煎蛋、洋蔥，配埋個醬，真係好好食，唯一困難係太大，好難食到。薯條好粗好厚肉，仲有香草加埋一齊層次升級左，另外叫店員俾一沙律醬，沙律醬又好好食（無影到），沙律醬有香草，加埋薯條好正。如果下午一齊就唔平，但係以漢堡來講，就幾抵食。