SuperNormal (淘大商場2期)

營業中

休息中

餐廳位於淘大商場，距離地鐵站8分鐘左右。外牆以黑色工業風主題，內裏燈光陰暗有格調，坐位尚算寬敞。細看餐牌Lunch set只是由$58起，而且還包頭盤一份可選餐湯/薯條/沙律及餐飲一杯。忌廉蘑菇湯濃厚菇味，非常好creamy，還有很多白蘑菇粒。燒澳洲穀飼肉眼扒配雜菜（200g) - $102點了七成熟，熟成度拿捏得不錯，切開已經有肉汁流出，而且沒有太多牛筋及肥膏。至尊芝士安格斯牛肉漢堡 - $78賣相已經很吸引，漢堡包面烤得很脆，配上厚厚的安格斯牛及流心芝士，簡直絕配！

淘大商場有不少食肆，但很多都是熟口熟面的連鎖食店，沒有大驚喜，今日經過意外地發現了一間格調"非凡"的SuperNormal酒吧餐廳，環境氣氛很好，值得推介！室內裝修很有格調，結合了西方和日本風格，燈光較為昏暗，有酒吧氣氛 ，找天晚上過來，要試試他們自家釀製的手工啤酒。午市餐牌選擇頗多，價錢合理，份量也適中。香草忌廉汁藍青口扁意粉套餐 $78包飲品，可配餐湯或薯條或沙律。藍青口份量算多，鮮甜好味，扁意粉非常爽口。明太子原隻軟穀蟹漢堡套餐 $88，配蟹柳沙律，加$8升級特飲Green Latte(原價$36)，漢堡賣相很靚，原隻酥炸軟穀蟹夾在漢堡中間，味道不錯！

這間餐廳前身係Number 9，曾經食過，感覺比較普通。但轉左手之後，見到網上有好多好評，所以中午來試一下lunch。中午12:00開門， 12:10來到，已經有三台客人，中午嘅lunch Menu 價錢比較親民，老實說，在九龍灣食一個lunch，最少都要幾十蚊。Set lunch包括小食、主菜、餐飲, 小食可以選擇薯條、餐湯、沙律。我的小食選擇了湯，是南瓜湯 ，好味。主菜是意大利飯，感覺汁好濃郁，飯比較硬身，很驚喜朋友叫了一個牛扒， $100也不用， 很有牛味，配的薯菜也十分新鮮，CP值很高。還未夠1pm, 餐廳已經坐滿，需要等位入座。看來還是很受歡迎的。見到很多不同類型嘅客人，有外國人、有寫字樓的行政人員、還有不少是帶着小朋友的家庭客。 這一間不是連鎖店，能夠受歡迎也是好事，證明店主也是用心去經營，食物味道才是受歡迎的主要因素。看來網上這麼多好評也是事實，是一間值得一去再去的餐廳。

這晚是和老公去試新餐廳，有次經過門面見有個咸豬腳做重點介紹，外觀都很吸引，所以就決定訂位試試，進餐感覺舒服😌裝修設計很有風格（見圖），另外餐廳會播放舒適的音樂，光線充足不會太暗，也有很多特式飲品和啤酒🍻待應服務有禮，食物（見圖）都係好高質素，九龍灣情侶、閨蜜👭之選呢！這晚用饍感覺良好👍在去機會很高😋

Supernormal-有格調西餐夜深木色的門面配上黑鐵框的玻璃窗，內裡以紅磚砌成的牆身，水泥的石屎地板，深木色的桌椅和一盞一盞的鎢絲燈，有情調有格調的設計。三重奏芝士安格斯牛肉漢堡份量十足的漢堡，漢堡包外皮烘過脆身的、厚厚的安格斯牛肉、肉味濃肉汁爆多、爽脆的生菜、多汁的蕃茄片，最後加上三重不同的熱溶芝士，層次豐富的漢堡。香煎鵝肝露筍牛肝菌意大利飯厚度非常有誠意的鵝肝，外皮香煎過後封住表面，一吃時入口即溶，脂肪感滿滿，意大利飯汁底不會過稀，充分沾在飯粒，露荀爽口，牛肝菌增加口感。香辣茄蓉大蝦扁意粉大大隻的海蝦，鮮味彈牙，扁意粉烹煮時間剛好，不會太軟身有咬口，茄蓉醬汁濃味，當中帶點香辣更惹味。

星期日唔知食咩好，經過見到這間情調不錯的餐廳，就與男朋友進去了。看到餐牌很多東西都很吸引，我們最後點了精選二人餐首先來到的，是海蜇燒雞沙律，沙律菜新鮮，燒雞也不錯，略嫌海蜇少了一點。然後再來的就是主菜B，我們選擇了帶子龍蝦汁意大利飯。帶子大大的很有咬口，意大利飯充滿着濃厚的龍蝦汁，我和男朋友都讚不絕口。最後當然是我們最期待的主菜A，寶雲酥焗法式羊架！我點了七成熟，油脂跟羊肉的比例剛剛好，咬下去差點有入口即溶的感覺，忌廉薯餅也不錯。可能店員太忙了，最後為我們捧上要餐湯，但不要看小這小小的餐湯，因為菇味濃郁，也很好喝呢！

至尊安格斯牛扒 中間牛扒好好食夠juicy又大塊啖啖肉超正 番茄同菜好新鮮加埋即溶芝士畀個包包住大大份 勁抵食 薯條份量都ok 不過唔夠脆 安格斯牛扒煎得有啲熟 好似硬繃繃緊 不過味道還好 鵝肝醬好香鵝肝味 點咗啲牛扒好似食緊鵝肝咁

已經多年沒有踏足九龍灣淘大， 今次再來， 全因想睇的戲只有淘大有場。 睇完戲就順手係度食埋晚飯， 見嚟間super normal 環境幾優美， 一於試下。 (餐廳有提供室內及室外，方便需要吸煙人士)叫左個精選二人餐A3 $428 🥢是日餐湯 + 蒜蓉包餐湯普通，蒜蓉包蒜香味濃， 包夠香口😋🥢 法式牛肉批外表好似午餐肉被鬆化酥皮包住一樣，口感幾特別， 味道不錯。🥢 美國頂級西冷配鵝肝汁七成熟西冷扒肉嫩配上香濃鵝肝汁，食落好滋味。🥢 帶子龍蝦汁意大利飯帶子厚肉，掛滿龍蝦汁的意大利飯咬落有煙韌感。🥢餐飲凍檸茶及凍檸水（餐廳沒有提供凍奶茶/咖啡類飲品）

好食到超級唔正常嘅話自己好正常餐廳😂今日約咗老公去九龍灣睇戲佢話又想鋸扒見到呢間餐廳裝修得好特別有種工業風播啲音樂又好啱聽睇一睇餐牌呢個二人餐都幾抵食所以就去試下.❤️今日嘅餐湯係清草忌廉湯配蒜蓉包 蒜蓉包烘得好脆 蒜蓉味好濃脆卜卜超好食 香草配合埋忌廉湯 味道好濃沃用蒜蓉包點 實在係太浪漫🥰🥰.🧡法式牛肉批頭盤可以揀牛肉批或者海蜇雞絲沙律因為我老公係唔食海蜇所以嗌咗法式牛肉批呢個法式牛批嘅整法有啲似威靈頓牛柳🥶🥶佢入面嘅餡係用牛肉火腿整成類似扎肉咁嘅質地麵包酥皮再焗 分量好多入面嘅牛肉做到非常之彈牙唔算鹹酥皮好脆口感好豐富 抵讚🥳🥳.💛頂級西冷扒配鵝肝汁我哋叫咗五成熟 上菜切開嘅時候發現應該係七成熟唔似平嘅牛扒 肉質有彈性少根好香牛肉味 咬上去好juicy點上濃沃嘅鵝肝汁 兩種味道撞埋一齊 好特別另外抵讚嘅係炸芝士 芝士入口即溶.💚至尊安格斯牛肉漢堡特別要讚中間塊牛肉 問過店員係自己整嘅塊漢堡扒整得啱啱好 咬上去唔會覺得好鞋啲牛肉汁咪直情係jik出嚟個汁整得好好味甜甜地配芝士蕃茄 包烤到好脆我哋兩個人爭住食 癡鬼線薯條相對麻麻😂送上嚟嘅時候已經淋曬可以唔理😌.🍹青瓜薄荷青檸梳打薄荷味同

平時喺九龍灣返工都冇咩特登去發掘嗰邊嘅美食今次係機緣巧合之下朋友介紹話黎呢一間開咗冇耐嘅餐廳 - Supernormal 食物質素同環境就偏偏不Normal 幾有驚喜😋一入到去裝修好特別 牆上掛咗唔同類型嘅poster 同埋立體嘅裝飾 非常盞鬼，餐枱都係用木制 好有舒適的感覺 我同我朋友都唔想諗食乜所以就嗌咗一個二人套餐 而我就選擇咗價錢較貴嘅美國頂級西冷牛扒套餐 ($428) 套餐入面包括 前菜餐湯 兩份主菜前菜- 法式牛肉批同蒜蓉包法式牛肉批嘅製作方法幾特別 係用酥皮作為外層 包住牛肉批 食落幾有驚喜蒜蓉包上嘅蒜蓉佈滿曬成塊包 非常入味餐湯- 羅宋湯番茄味道好濃  入面亦都有唔少嘅配菜 有一種醒胃嘅感覺主菜 A : 美國頂級西冷配鵝肝汁美國頂級西冷牛扒配鵝肝汁係三樣主菜入面最貴嘅一項, 加上鵝肝汁聽落好吸引 所以對呢一份主菜都頗有期望上碟分西冷牛扒都幾長幾厚 旁邊配咗一塊忌廉薯餅同配菜 我點咗五成熟, 啲肉汁流曬出嚟 一切開入面嘅肉係好靚嘅粉紅色, 係一個好正宗medium嘅感覺😳食嘅時候配上鵝肝汁 為牛扒帶上甜味 兩種味道配合起來比想像中夾🙈 主菜b 雙層芝士海鮮焗飯🐚🦑除咗份美

今日同小胖女出左九龍灣行街,晚飯時間又到,行過見到呢間super normal既餐廳未見人龍,即刻就啦啦聲入左去食,大家知晚市九龍灣好難搵位架啦,咁呢昌超簡單其實都係西餐主打,睇完餐牌見個2人 set 幾抵食,就叫左個set試下,跟餐先上係海蜇燒雞沙侓沙侓份量夠大盤,,菜同肉比例夠平均,味道清新開胃,小胖女就叫左個至尊安格斯牛肉漢堡,漢堡扒個肉幾夠肉汁,咬落都唔會太老身,兩個人分都夠食,再到小弟叫既寶雲酥焗法式羊架,第一次食呢類煮法既羊架,口感係面個層酥包住入面嫩口既羊肉同汁,由於小胖女不吃肉就由小弟獨食,最後小弟飲返杯凍檸茶,小胖女叫左杯啤酒就收工,睇落簡單,但非常好味既一餐

早兩日行過淘大 發現之前間西餐廳無咗？變咗呢間 supernormal 心諗 哎呀 好可惜添 明明d野食都幾好味架嘛！咁啱今日老朋友去完旅行話要比手信我 啱喇 即刻試下入到去 格局無乜大轉變由於朋友唔係好餓所以最後只係叫咗個burger 同極力推介嘅柚子豬手當然唔少得 仲有手工啤啦！因本人係甜王嘅關係所以專登揀咗甜度最高嗰支飲落有淡淡嘅桃香味無乜酒味啱晒女仔飲！好快Angus burger 上枱一上枱 好鬼香係芝士同肉嘅香即刻令人流晒口水三重芝士真係無呃人啊 哇哈哈一啖咬落去(其實一啖唔到 因為好厚😂）好juicy 流晒d醬汁肉汁出黎咁滯好味而且 食得出個包本身有輕輕烘過所以好香口！豬手都跟住黎嘩 又係勁香熱辣辣 香噴噴好貼心咁已經切開晒而且大小適中一拮落去出晒煙皮鬆脆 而且肉質鮮嫩唔硬口感十分好亦好入味 果然係招牌菜👍🏿👍🏿估唔到轉咗手之後水準依然可以encore

最近都好忙，太多煩心事，無論工作定社會都有好多唔開心發生。突然有一日發現真係唔得喇，一定要搵個朋友出黎傾下抒發下，即席約左朋友收工一齊去淘大邊食邊傾...我地叫左一個精選二人餐，價錢有幾個level，視乎你叫咩野主食。我地今次叫左個寶雲酥焗法式羊架 拼 雙層芝士海鮮焗飯 ($378) 羊架共有4支骨，2個人分都算係岩岩好。order 7成熟嘅羊架，大部份嘅位真係做到岩岩好，不過有啲位會接近5成多啲，當然生生地我地都唔介意啦。雙層芝士海鮮焗飯真係有好多芝士，仲係會拉到少少絲添!! 海鮮有蝦、青口、蜆之類，份量都正常，雖然唔係特別多不過同朋友分享都好夠食架。跟餐仲會有前菜同埋湯。我自己幾鍾意佢個沙律，個汁酸酸地，同埋啲雞都有好多，所以其實都幾抵食架。唯一唔係咁好就係座位與座位之間距離比較窄，我同朋友傾計好容易俾隔離枱聽到，如果坐高枱或者室外就會好啲喇。

之前聽人講九龍灣淘大花園嗰邊開咗間酒吧西餐，最鍾意飲返杯，鋸下扒嘅我當然要去試下啦。餐廳環境內籠都係悉心打扮過，除咗好多掛畫之外亦都有d塗鴉嘅作品，非常型格。或者可能係淘大花園嗰頭冇乜同類型嘅餐廳，我當日星期三夜晚7:30去到基本上full house，真係唔簡單。菜單方面，呢度有二人餐，或者都可以散叫嘅。於是我哋就叫咗一個羊架同一個鱸魚。法式焗紐西蘭羊架。根據我食羊架咁多年嘅經驗，通常一客羊架都係得三條骨，呢度算係唔錯，佢俾咗四條骨，分開做兩份。落單時問我要幾多成熟，我叫咗七成。開頭都擔心佢呢個羊架兩嚿骨當作一份會唔會食落好韌，但結果又出奇地冧身，都幾有肉汁，十分有滿足感。伴菜有啲西蘭花，蘿蔔等等，表現正常。同埋佢跟多一件係炸芝士，呢件幾好食，不過唔知點解只係得一件。香煎鱸魚配意大利雲吞。上菜嘅時候見到有兩大塊魚，魚的外皮煎得非常鬆脆，值得一讚，魚嘅肉質亦都厚實，配埋白汁醬料都幾好食嘅。意大利雲吞大約有五六件度啦，都係配住啲白汁嚟食就唔錯。Hot Mocha本身呢間餐廳主打手工啤酒，但我可惜當日嚟到餐廳嘅時候有啲病病地，所以就轉左飲熱飲。Mocha 嘅咖啡味好濃厚，你有淡淡嘅朱古力味

放工後同友人去德福行街，跟住去淘大搵食。看見這間餐廳門口的餐牌食物幾吸引， 所以一於入去一試。 入到店內，餐廳環境清幽，裝修特別。是日餐湯蠔嘅味道非常濃厚, 個湯口感 Creamy, 而且有 D 蠔碎增加口感, 啖啖鮮味 & 滋味｡法式牛肉批第一次食，中間有一層層既火腿外面系一層好香既酥皮包住，幾有層次！香草寶雲酥焗紐西蘭羊架紐西蘭羊架叫了7成熟，切開後內帶微紅，放入口中，肉汁醬汁齊齊併發，濕潤中帶點羊羶味，香濃不膩！份量算多，共有兩大件，肉厚又不肥膩，真是難得一見的高質味道！ 肉質好嫩滑，有少少羊so味，加啲薄荷醬就唔覺，總體來講呢一個燒羊架好扺食！帶子龍蝦汁意大利飯口感軟綿意大利飯味道香濃，還未吃已聞到香龍蝦汁味，飯的軟硬度剛剛好！