SuperNormal (淘大商場2期)

營業中

休息中

今日係同老公大人註冊6週年紀念日緊係要搵間餐廳慶祝下！係OPENRICE搵食，竟然見到有餐廳係零負評，緊係要一探究竟啦⋯Book咗7點，準時蒲頭，已見店內已有4,5成客。帶住呀女，咁就叫定嘢食，等埋老公同個仔來一齊大朵快頣雖然舖仔細細，但我坐咗10分鐘就見到座無虛席，門口亦有人等枱，心中不禁期望我所點嘅美食因為只得2大2細食，只係叫咗個兩人餐，再散叫老公大人最愛嘅咸豬手&呀女大愛嘅蜆食。(呀仔最愛蒜蓉包，個餐同蜆鍋都有，唔使額外order)落單十分鐘左右，就開始陸續上菜。員工們都主動收碟嘅。整體來講，我哋兩口子都覺得食物同服務都唔錯有機會再食過下次要試佢嘅漢堡先！

今日黎到九龍灣食好野，黎到高質素餐廳，supernormal。環境相當高級，拍拖一流。加上店員既服務好好，絕對係高級享受。餐廳氣氛比較溫和，燈比較暗。背景仲配有pop music。食身方面: 我地叫左2人餐。$398法式牛仔批係前菜，食落好特別，有d似火腿腸咁，少少咸，個外皮幾好食，好有牛油味。日本池仔魚都相當好食，有少少咸，但親熱食好好味。再點埋d沙律醬食，味道一流。夏威夷安格斯牛堡中間既牛好多汁，好鮮牛肉味。加埋其他汁配搭都好好，酸酸甜甜好開胃。燒刺身級油甘魚，個人覺得刺身級質素真係唔同d，魚特別鮮味，同埋好有咬口，值得一試。

今日約左媽咪吃晚飯，知道淘大商場附近有間SuperNormal西餐廳質素很高，一於今晚同媽咪起度撐枱腳。餐廳嘅裝潢與酒吧西式嘅風格來作擺設，舒適優雅，我地點左一個二人套餐。前菜是很有趣的炸日本池魚仔，樣子可愛脹卜卜，外酥脆內肉嫩，十分之香脆可口呢！另一前菜是開胃小菜櫻花蝦蟹肉沙律，味道不錯！主菜是香草薄荷汁焗羊架，七成熟的羊架肉色誘人，外面烤至微微焦香，內𥚃粉紅肉色，十分嫩滑多汁，配上香草薄荷汁一起吃更滋味。媽咪嘅帶子龍蝦汁意大利飯，賣相已經好吸引，大大隻帶子非常鮮甜嫩滑，意大利飯煮到恰到好處吸收左龍蝦精華和芝士濃香，真的好好味，這個晚餐我地吃好開心和滿足！

今日喺九龍灣行完街，見到呢間餐廳，幾有格調，所以一試。可能嚟到嘅時候仲早，所以唔算好多人，慢慢就滿座了。首先，講下飲品，我叫咗檸檬蜜桃蘋果梳打，呢個組合相當清新，唔會太甜，而且份量好大杯！另外，仲有杯涷檸茶！然後，到主菜啦，我地分別叫咗果仁豬胺。豬胺好香好軟，啖啖汁，真心好味。側邊仲有舊炸薯蓉，配埋汁食正！但可以多少少。另外，就係大蝦蕃茄意粉，意粉唔會太硬，好大正隻蝦，調味都做得不錯，可以一試！！

依日約咗個friend食飯，佢去完旅行俾手信我，所以我就佢去九龍灣啦😚。之前已經嚟過一次SuperNormal到食，呢晚諗唔到食乜就再食多次啦！估唔到餐廳weekday都坐到咁爆，我哋無book枱，除咗高枱外，得返一張普通枱😯。食物選擇好多，有🍢串燒、扒、意粉、飯、漢堡同小食等等。依到有另一個賣點就係有酒飲，手工啤🍺同cocktail🍸款式都超多，其中有啲cocktail個造型望落勁打卡able。不過依排我好頭痛、成日都好攰咁，所以就無飲到了😣。餐廳裝修其實都偏酒吧風，格調黑黑的，仲有好大個調酒area，我相信佢係九龍灣區內少數嘅酒吧餐廳🍹。睇完一輪餐牌，我哋都係覺得二人餐最抵食，二人餐有三款，其中$498嘅牛扒餐最吸引吧🥩。前菜係二揀一，我哋要咗日本櫻花蝦蟹肉沙律🥗，因為朋友想食沙律開胃。另一款可揀嘅前菜係法式牛肉批。是日餐湯係羅宋湯(定🍅蕃茄湯？)，味道偏酸，放工好攰嘅我都醒哂😂，哈哈；隨湯附送兩片蒜蓉包。套餐原來仲有一份日式池魚仔做小食🐟，份量幾多。魚仔細細條炸得幾香口，佐酒應該一流🤤。雖然魚仔成條連骨都食得，不過進食時都係要小心啲。主菜A係燒美國頂級肉眼牛扒配松露汁(12oz)

星期四同朋友去左淘大睇完戲，之後去左搵下有咩野好食。淘大近幾年來多左好多唔同種類的餐廳，有日式、韓式、西式等，最後我地簡左西日合壁的餐廳 - 『SuperNormal』。『SuperNormal』有好多餐種選擇，不知如何入手，所以簡左相對上多野食同便宜的二人餐。餐飲點了咖啡同喝下去十分清新的凍檸茶。是日餐湯係滑一滑的忌廉湯，飲落粟米味幾濃又帶點甜味，十分適合連同好食又香脆的蒜蓉包一齊食用。法式牛仔批，外面用左酥皮，牛肉口感似午餐肉，十分特別。日本池魚仔，池魚仔炸到好似薯條咁香脆好味，但唔好因為好食而食得太快，因為入面有好多骨，要小心魚骨梗喉!燒刺身級油甘魚配飯團。魚排肉身厚、飯團結實飯粒粒粒分明，它們配上特製醬汁和檸檬汁食用，會有不錯的效果。帶子龍蝦汁意大利飯。帶子大大粒，而龍蝦汁意大利飯很濃很入味，但食左幾口飯之後，味覺會開始麻目。所有料理配搭特別,一D都唔普通。

幾個月前試過晚餐，今日試下個lunch set，一如既往，仍然是親民價又保持水準👍叫左一個藍青口扁意粉🍝，前菜揀左蟹柳沙律🥗，配餐飲☕️沙律適量，除左沙律菜，仲有好多青瓜絲同蟹柳絲，好清甜。加堆幾粒車厘茄，juicy juicy🤤 意粉軟硬適中非常滑身，而且都幾掛汁，食落一d都唔會乾。藍青口都有7-8隻，lunch價錢有依個份量算係好合理喇😋最後點多左個芝士煙肉焗啡菇🍄，好鬼香，煙肉多到脹卜卜，滿滿的，好味道可以推介俾朋友的西餐廳👏

去到淘大花園， 唔想食平時見到嘅連鎖店， 行下行下就見到呢間門口似bar嘅餐廳。見到lunch menu係一般西餐有湯有野飲， 我聽朋友樣樣都想試，就要左一個湯一個沙律， 我唔到鴨胸沙律有驚喜😊 除咗有沙律菜之外仲有柑桔肉。主菜叫咗個忌廉汁帶子risotto同埋肉眼扒配芝士薯餅，個意大利飯略嫌有啲硬，但係 覺得好有芝士味。另外肉眼扒值得一讚既係， 叫咗七成熟，真係七成熟❤️ 食落唔靭而有濃濃牛味。如果你想聽住音樂的一間有style嘅lunch， 我覺得你一個好選擇😊

此店為區內稀見的高質酒吧餐廳，隱藏於淘大商場內街，位置並不顯眼要特登屈入街內才見，慶幸咁高質嘅餐廳無咩人發現，去到唔駛點等位。餐廳裝潢甚為講究，紅磚牆、鐵罩吊燈、牆上掛滿舊水牌，處處洋溢美式工業風復古味濃，環境相當有格調。另一位置有日式牆畫以呼應店內所提供的日式美食亦有不少掛畫相當有趣柔和燈光下播放著浪漫情歌氣氛唔錯，枱與枱間距大私人空間充足，餐廳每個角落都有其獨特處，好坐位置選擇甚多總有自己喜歡的。戶外位置感覺似包廂私人空間十足角位深處無侍應穿梭可以自成一國此位置高枱吊腳坐得舒服二人套餐相對抵食，但朋友見MENU上有其他更吸引想食，所以決定散叫。原味德國豬手見侍應傳菜都幾大碟下，而且豬手拆埋肉食起來方便，可惜無點到，等下次再來食下。法式鮮蠔湯 $52MENU上有推介相當有驚喜，湯味濃郁好creamy，而且碗湯有大量蠔碎粒，每一啖都食到，蠔碎令整碗湯口感和味道提昇不少，蠔味十足誠意之作，來一碗二人分享真的不錯，一飲難忘。白酒忌廉煮法國藍青口 $108細細隻的藍青口有廿隻之多，肉味鮮甜又唔腥，仲有兩塊蒜蓉多士跟埋，兩者同樣沾了白酒忌廉汁非常美味。香煎海鱸魚配意大利雲呑 $138魚扒兩塊魚

今日去到淘大睇戲，搵唔到車位遲咗少少，等多個半鐘先至有得睇，呢個時間唯有食啲嘢醫下肚先，原本諗住睇完佢先至食嘢，其實唔太肚餓，但係個半鐘又唔知去邊好，算啦都係坐低食啲嘢，食得輕盈一啲比較適合，行到去跟住淘大2期，見到有好多餐廳都唔同晒樣，見到一間比較突出少少嘅酒吧，坐低叫一個午餐應該唔錯，午餐可以揀餐湯，薯條，凱撒沙律，因為實在太晏，餐湯已經賣晒，我就揀咗薯條同安格斯漢堡，薯條係粗薯條比較脆冇咁多油，安格斯牛肉比較juicy唔會太乾，入面仲有好多菜，份量唔太多但係好飽肚

今晚落左班就約咗同事到淘大商場二期食晚飯，我哋揀咗間酒吧食晚飯，酒吧環境舒適優雅、樓底好高，吹吹水最啱😃人流很旺，六點幾鐘就已經就座滿客人，我哋點咗一支日本啤酒，味道獨特都好符合我哋嘅口味，同事點左一個黑松露野菌扁意粉，賣相已經好吸引，意粉煮到恰到好處，黑松露味道好出位配合野菌一起吃好好味！羊架亦做得十分出色，有孜然粉和黑胡椒的配合十分之合襯，羊味飄香，好食都停不了口！👍我哋還點左幾款小食，有香脆入味嘅多春魚，還有燒得爽口多汁大啡菇，不得不讚的焦糖菠蘿，十分之惹人喜愛，外邊是脆脆的焦糖賴內里多汁甜甜酸酸的菠蘿，極之美味暢快！👍🥰🥰

基本上西餐都係著重原汁原味 所以好既食材先係最重要呢間SuperNormal之前食過一次 已經覺得環境同味道都唔錯今次再去質素仍然keep到 同埋二人餐有齊餐湯,前菜,飲品 真係幾抵食前菜2選1 揀左燒雞海蜇沙津 二人份量都頗大碟下 呢個配搭好有新鮮感 口感同味道都幾match 可能係因為本身呢間SuperNormal係西日既fusion餐廳至尊安格斯牛肉漢堡 配埋連皮既粗薯條 淨係視覺效果都拎滿分Burger份量十足 包底用左小妹鐘意既果一種 夠脆又挺身 唔會因為burger既醬同肉汁而輕易變淋 Angus beef肉味濃郁 仲好大塊而小胖男友仍然對佢既寶雲酥焗法式羊架讚口不絕一路食一路話好好食 但好可惜唔食羊既小妹係永遠唔會體會到

要係淘大揾野食唔難，因為成個商場地下基本上都係食肆，但係如果想揾好食又有特色的話，咁就要花d心思啦見推介supernormal comment 唔錯，所以我地就入左去揾野食啦Menu種類都幾多類型，有美式burger、日式串燒﹑牛扒﹑又有意大利飯，聯合國的口味應有盡有，岩晒花心的我地叫左個軟穀蟹漢堡軟穀蟹脆又唔油個burger面仲脆的鵝肝意大利飯好食好食串燒即叫即好有日本居酒屋風味，可以同時間點晒唔同國家的食物

環境吾錯既西餐廳，內有高有矮櫈坐位，外面都有小空間。一心想黎試下佢呢到獨家柚子麥啤浸脆皮德國鹹豬手，換左新餐牌試吾到，不過有新口味登場而且又有優惠。【原味德國鹹豬手】$168外皮香脆又吾會好硬，邊邊有就有少少燶，影響不大。肥肉吾會好厚好油，肉就鹹香，蘸蜜糖芥末醬，感覺無甘膩。恰巧大家都點burger，share食就試兩款吾到既。【明太子原隻軟殼蟹漢堡】$98 & 【三重奏芝士安格斯牛肉漢堡】$96漢堡包好足料，一切就爆哂餡。麵包烤焗過下，脆脆地，安格斯牛肉juicy；軟殼蟹就香脆但就乾身d。

成日去淘大來來去去都係食個d，朋友經過呢間西餐廳裝修好靚我地就入去食，我地叫左個2人晚餐set，唔洗諗到頭都大。海蜇燒雞沙律份量好大，海蜇好爽口，辣辣地，燒雞嫩滑，仲以為好乾但都多汁，沙律新鮮加上黑醋汁好開胃。西蘭花忌廉湯+蒜蓉包蒜蓉包好香口，沾上忌廉湯雙重享受。寶雲酥焗法式羊架我地叫左5成，羊架好厚肉，肉質軟林，唔算好so，好多肉汁唔乾，有d脂肪位都幾肥。帶子龍蝦意大利飯呢個意大利飯煮到好好食，龍蝦汁香濃鮮甜，帶子大粒厚肉，好有咬口，成碟食哂都唔覺膩。