Sugar Mama

營業中

休息中

相信住大西北嘅朋友對虹橋一啲都唔陌生，呢度隱藏着好多平民美食，呢間甜品店其實已經經過好多次，但係通常食完飯之後都好多人排隊，所以最怕排隊嘅Emi就一直都未試過，今次早食飯，食完見到冇乜人排隊就入咗去試下呢間心太軟專門店😋招牌原味朱古力心太軟 $55心太軟擺盤靚係必須的，呢個賣相就已經很可以，聞落去都好香朱古力味，一切開嗰下啲朱古力就流晒出嚟，睇落好滑，外層蛋糕厚薄均勻適中，食落朱古力醬好香濃，蛋糕唔會黏口，比起好多貴價甜品店，呢個價錢食到咁高質嘅心太軟，性價比極高，完全對得住佢專門店嘅牌頭🍫朱古力窩夫 $60窩夫外面好鬆脆，但係入面係好似蒸蛋糕咁軟熟，唔係只係朱古力色，而係真係食到朱古力味🧇一定要講講個糖漿🍯老細喺出邊擺左11款唔同味道嘅糖漿比你任加，因為啲糖漿真係好特別，我哋就好貪心咁攞咗四款，分別係榛子、焦糖、玫瑰同黑糖薑，啲糖漿簡直係令到個窩夫升級咗，幾款糖漿都唔係化學嘅味道，而係真實食到嗰種味道，私心推介黑糖薑，佢絕對唔係黑糖珍珠奶茶嗰啲涸喉嘅死甜，而係養生嘅黑糖薑茶清甜味，大推👍🏻👍🏻食緊期間都見到有幾個睇落係街坊嘅熟客仔嚟買未焗嘅心太軟外賣番去，所以我哋走果陣都買咗個急凍嘅

有一晚心血來潮長征入屯門食甜品，嚟到紅橋心太軟專門店。Sugar Mama小店經營，印象最深刻就係呢度嘅心太軟味道眾多，可以嚟多幾次都唔怕重複。如果想食西式烤焗甜品嚟呢度就啱晒啦。見到兩位老闆都keep住默默做，招呼客人態度親切。🍫朱古力草莓心太軟香濃朱古力，加埋甜甜酸酸嘅士多啤梨粒，係永恆嘅絕配組合。🍎蘋果金寶即叫即焗，上枱熱辣辣，配埋經典雲呢拿雪糕，大滿足味道雖然稱不上驚為天人，但絕對係出色嘅街坊小店，得閒同朋友或者伴侶嚟食個甜品都幾sweet🍬

我哋三點去到唔使排隊，入面有三張枱，空間唔算好大我哋分別叫咗兩款嘢食，包括招牌原味朱古力心太軟配雪糕$55，聞落已經好香朱古力味，一切開啲朱古力即刻流晒出嚟👍🏼心太軟個皮好薄👍🏼外脆內嫩😋蛋黃原味疏乎厘配開心果雪糕$61，疏乎厘充滿空氣感，外面嗰層又脆又甜好好食😋入面蛋味好重，空氣感十足👍🏼但係個開心果雪糕就冇乜味😂下次要再試吓其他味道嘅心太軟同埋甜品👍🏼👍🏼👍🏼👍🏼

好誇張 有心太軟外賣真係第一次見 之前睇片見過係用特定溫度🌡️焗 確保心太軟到客人手上仍然流心👍🏻開心果心太軟🥜：外面脆脆哋 裡面超級流心 好多汁 醬裡面仲有粒粒開心果 開心果味超級濃 同埋好香牛油味🧈 好似真係口裡面同時間食緊幾粒開心果 配埋雪糕冷熱交替 自家製開心果雪糕🍦 (+$3)：雪糕好滑 對比心太軟 呢個冇一粒粒開心果但有淡淡既開心果味招牌蛋白souffle🥚: 睇落去超級leng jai 漲卜卜 外層脆脆哋 好似仲有一粒粒啡糖灑係上面 食到中間仲係好蓬鬆好滑既蛋白 仲有泡 軟綿綿🫧 焗得完全啱啱好冇熟到似變擦膠又冇生到太水 味有少少似燉奶/蛋🍳 就算唔配雪糕齋欣賞佢個蛋香味 都超級好食重點係蛋白味超級出！😍自家製芒果芭菲🍧(+$5) ： 幾有創意同埋心思💭 總共有三層 面層係冰凍芒果汁 而下面個兩層係雲呢拿同芒果雪糕🥭！味道：🌟🌟🌟🌟.5/5 📍Sugar Mama 地址：屯門青柏徑6號鹿苑地下3號舖

原味心太軟係又好食又抵食 急凍買翻屋企叮翻熱嚟食都好正食過一次又一次 其他味嘅心太軟都可以 但原味贏九條街雪糕啲味我個人覺得好有創意 可能我見識少未見過呢啲味 所以覺得好新奇 但唔知係咪我食唔慣 覺得唔係幾好食 唔推薦食佢啲雪糕 但其他嘢可以一戰 原味心太軟就係必試的

有人同我講屯門有間世一心太軟然後幾條友戇居居揸車入去食舖頭名叫Sugar Mama 細細間坐兩台客已經full咗老闆應該幾鍾意海龜牆身、天花板全部都係海龜口味係幾多下 你未見過嘅味都有叫咗嗰D24榴槤 算係比較好食嗰個非是不可嘅原味朱古力🍫出面大把好食過佢中伏指數 🚁🚁最後食完個個都問條友邊度好食佢話以前真係好好食㗎近期有個網紅Foodie有介紹返就諗起佢啦多謝打手 令我哋山長水遠入嚟食個甜品繼續追擊打手～IG🔍goldenfinger444

愛心小店自家製心形心太軟💚💛🧡❤️🖤🤎知道佢地得屯門/元朗有分店但呢2個地方對我地黎講真係好好好好遠今次山長水遠入到屯門2母子一人食完一個心太軟之後🤎💚大家都忍唔住要再食多個先肯走😂😂有17種味真係好難揀呀🤤爭扎左好耐我地開頭揀左綠茶味心太軟🍵榛子朱古力味心太軟🌰🍫一切開個心太軟D朱古力同抹茶流晒出嚟🤤好滿足好幸福好正呀😍2隻味都好香濃幼滑🤤蛋糕軟綿綿👍🏻即叫即焗熱辣辣完全唔會覺得又甜又漏 所以一人食完一個之後忍唔住再叫多個share😂又爭扎好耐之後決定揀焦糖味心太軟食落有D似熱香餅既感覺🥞呢個一切開D流心爆曬出黎😳超級澎湃😍好療癒呀😍店舖細細老闆好親民🥰裏面好特別🐢🐢🐢🐢🐢🐢🐢每個角落全部都係各式各樣嘅龜🐢最特別係埋單嘅時候係自己放落個膠桶到💰自己找續💰各方面都做得非常好🥰期待下次再見😊

今日入左屯門探店據說Sugarmama係一間心太軟甜品專家心太軟的口味有十數款之多 真係諗得出都有榴槤、開心果、玫瑰、伯爵茶 甚至乎黑糖姜都有.《朱古力香蕉心太軟》朱古力心太軟就食得多有新鮮香蕉餡的心太軟真係第一次食絲滑的朱古力醬同香甜的香蕉柔合埋一齊加上外脆內軟的朱古力蛋糕 味道令人難以抗拒.《開心果心太軟》好驚喜有開心果味既心太軟畢竟香港地唔係太多到地方食到開心果口味的甜品綠色的心心好特別內層係開心果醬加開心果仁濃郁的果仁香氣 絕對能滿足一班開心果迷.每款心太軟都可以配一球自選雪糕除左有經典的雲呢拿口味更有自家製的芒果雪同桂花呢d限定口味而且店家更會有650ml裝的自家雪糕出售連急凍版心太軟都可以外賣買返去即製新鮮出爐既心太軟俾屋企人食 真係相當貼心.同場加映🐢店鋪入面有大量龜龜裝飾好似走咗入龜龜博物館咁 好有趣

第二次去食呢間甜品店,質素仲keep到😚小店唔大所以可能有機會要等位但甜品都上得好快❣️新年期間小店都會開,可以睇佢ig 有更詳細時間表😚🔸焦糖疏乎厘燉蛋 $53係會員先有嘅menu🤭上面係疏乎厘,下面係燉蛋😍疏乎厘空氣感十足唔會好甜,燉蛋好滑,蛋味好香🥚而雪糕揀咗芒果芭菲,雪糕分咗3層,上層係芒果冰🥭中間係雲呢拿雪糕,下層係芒果雪糕🍦層次好多,絕對係心機之作!!食完之後仲買咗盒返屋企😆如果當日有的話大家一定要試吓💖🔸原味窩夫 $55窩夫係脆身個款,每一口都係脆卜卜😙但當日整得有點燶所以就蓋過咗蛋香🥹而雪糕就揀咗雲呢拿雪糕,正正常常~🔸黑糖薑心太軟 $56甜品店最出名就係有多款心太軟味道🤲🏻媽媽就揀咗呢款特式心太軟,黑糖薑真係好濃🫚個人有啲搞唔掂但👩🏻喜歡,而心太軟中間都好流心!!雪糕就揀咗朱古力🍫🔸開心果雪糕呢個係之後有一次去食的但就冇影到相😗開心果味真的幾濃,鐘意食開心果可以一試💚🤤好味度 : 8/10🔙回頭率 : 9/10

屯門隱世甜品店「Sugar mama」餐廳主打以心太軟😍有唔同的特色甜品亦有小食、飲品選擇多元化🤟🏻⭐️開心果心太軟非常特別的味道開心果味濃郁🥳切落去做到流心嘅效果配上雲呢拿雪糕兩者好夾非常好食🤤⭐️芒果味心太軟味道鮮甜多汁加上生果及朱古力醬層次更加豐富🤩配上朱古力雪葩一熱一凍同樣非常夾❤️高分⭐️朱古力心太軟我哋仲外賣咗一個急凍心太軟用焗爐加熱10分鐘就可以食方法好簡單👍🏻亦都做到流心嘅效果外面仲好脆😊自己加生果&點朱古力醬食正呀又多個飯後甜品選擇😙

早排去開紅橋搵朋友，喺2個街坊力推之下食到好飽喺外賣叫左2份甜品😂。袋鼠價就每樣mark up $1x左右，計返2個甜品都$160，但下面就list返堂食價出黎俾大家參考～🔅招牌原味朱古力即食心太軟(中) ($55)心太軟係呢間既招牌，喺朋友大推之下梗係要試一次。雖然叫外賣都驚中伏，但好彩無出事，感謝外賣哥哥同店家💕一切開就流晒朱古力漿🍫出黎😍，食落好滑又唔會好甜👍🏻，唔係啲cheap cheap朱古力味，朱古力控收貨！配埋自家製豆腐雪糕無咁膩，perfect💯🔅芒果流心布甸配芒果雪糕芭菲(細) ($52)食完朱古力食芒果布甸🥭估唔到更有驚喜，布甸好有層次，中間真係流心，外賣keep到咁真係幾surprise 💮。食得出真係用心自家製作既甜品，布甸配埋雪糕都係無得輸🥰💬除左心太軟，仲有waffle、梳乎厘、凍糖水、鹹食、炸物等等，價錢適中，小店style個人幾鍾意，feel到好用心製作🫶🏻。好彩我唔係住附近，唔係日日食實肥死😎

相信就算唔係住📍屯門區既朋友仔，都會聽過虹橋有好多野食🫢今次區外朋友仔過開黎，又未夠鐘食飯🕒即刻拉佢落去食甜品🤪(女人食甜品係有第𝟐個胃💃🏻亦唔需要睇咩時間)~•~•~•~•~•~•~•~•~•~•~•~•~•~•~•~•~•~•~• ▪黑糖薑心太軟 即叫即焗🔥堂食就最好啦😎夠熱 • 夠新鮮，就可以有最"流"既狀態🤤心太軟最常見都係朱古力味，圓形⭕️依到係心形💖，而口味有十幾種可揀，部份仲係內有果肉🥭🍓🍠 或 果仁🌰依幾日天氣❄️凍凍地，黑糖薑有益又暖身/心❤️‍🔥一切已有濃濃薑味攻出黎，食落唔會好甜。.▪焦糖梳乎厘燉蛋 (會員獨家隱藏𝐌𝐄𝐍𝐔)一次過滿足𝟐個願望🌟，多重口感嘅甜品👏🏻脆脆 • 𝐒𝐦𝐨𝐨𝐭𝐡 𝐒𝐦𝐨𝐨𝐭𝐡 • 輕輕空氣感 • 滑滑😚蛋味好香好濃🥚.讚讚位💕店家好貼心🫶🏻其中𝟏個款式係用木糖醇 • 不配雪糕 (*糖尿病人可食用，不是少甜).每日跟甜品既單球雪糕口味🍨會定期轉換💫我當日既款式選擇有💁🏻‍♀️雲呢拿 • 曲奇🍪 • 豆腐🤍 • 脆粒朱古力🍫 自家製芒果芭菲🥭(加+$5) • 額外加多一球(+$8起).~•~•~•~•~•~•~•~•~•~•~•~•~•~•~•~•~•

今日星期日嚟咗紅橋食甜品🍮Sugar Mama 餐廳鋪位比較細，只有3張枱，繁忙時間可能要排隊了雖然鋪頭細細，但甜品仍然應有盡有，店鋪最出名係心太軟同梳乎厘梳乎厘配一球雪糕🍧佢嘅招牌純蛋白梳乎厘表面個層好脆好甜好好食👍🏻好快就將表面個層食曬 去到中間 老闆教將雪糕溝埋一齊食 我就揀咗曲奇雪糕 溝埋一齊食的確唔錯 如果就咁食個梳乎厘 味道就可能會有啲淡我見幫襯嘅人都有叫心太軟 所以我都另外叫咗個心太軟配芒果雪糕外賣返去比屋企人食心太軟係鋪頭招牌甜品 屋企人都大讚個心太軟唔會太甜 甜度啱啱好最驚喜係個雪糕竟然都係心心形狀 如果情人節嚟食應該仲適合🩷

食完晚飯啦，雖然食飽飽都仲係爭啲野，應該就係甜品啦！係虹橋呢邊，之前經見到呢間心太軟專門站，今日就試下先。香蕉朱古力心太軟，平時食開心太軟都個蛋糕型，呢個係心型，sweet sweet外面朱古力蛋糕好軟熟，裡面除左有朱古力漿，仲有片片香蕉。抹茶窩夫，窩夫好香，食落外脆內軟中間抹茶突岀，可以隨自己喜好加糖漿。最驚喜係呢度有岀品急凍心太軟，買左一個番屋企試下，可以氣炸鍋、焗爐、微波爐，就算咩都冇，隔水蒸都得。急凍心太軟質素一啲都唔輸蝕，仲流心添！

屯門糖水心太軟專門店鋪頭入面係烏龜主題 勁cute呀玫瑰心太軟 $57即叫即整夠晒新鮮熱辣，中size嘅心太軟入面滿滿嘅玫瑰流心朱古力好香濃玫瑰香味，仲可以配一個自選口味雪糕，揀咗豆腐味甜而不漏！鬆脆原味窩夫 $56香脆嘅原味窩夫，真心有驚喜估唔到可以整到咁鬆脆，配一個自選口味雪糕，記得記得佢有幾款自家製嘅雪糕口味每次都唔同，今次就揀咗自家製肉桂岩鹽焦糖味，口味好特別唔係太甜，但係海鹽焦糖味好突出，另外有成11款口味嘅窩夫醬任你吱！例如桂花/焦糖/薄荷等等 我哋就試咗榛子！配埋鬆脆嘅窩夫甜絲絲嘅榛子醬加埋入口鬆脆嘅層次真係一流！重有急凍心太軟 可以番屋企自己整嚟食！重有YouTube channel上網睇教覺勁方便～原味朱古力 $39Sugar Mama (屯門)屯門青柏徑6號鹿苑地下3號舖