Studio Caffeine (廟街)

營業中

休息中

星期六放假當然要搵個地方同老公仔relax下，見到呢間cafe入面幾高樓底，又放滿結他，應該幾舒服掛>_<，入去前仲見到門口幾多報導同明星合照，好！就試下係咪真係咁好先。星期六下午其實幾多人，好彩服務員有笑容，講解完之後原來係self-service，要自己出去買野食的，都好，因為咁樣免左加一因為已食左lunch，所以只係叫左杯latte同hand-drip coffee，大約等十五分鐘就有喇，下午rush hour算係咁啦！latte拉花極靚，入口細滑，咖啡味濃郁，唔苦唔澀，very good 喎!$36淨係睇個拉花都抵!至於老公仔杯hand-drip coffee，飲完先知冇影相T_T，咖啡師都幾用心介紹，對答感覺專業同用心，飲完先知原來呢杯野係搶手貨，因為dodo姐都黎飲呢隻咖啡架，咩產區我都唔記得喇，下次再去再問多一次先。^^見到隔離枱d all day breakfast同waffle好吸引，找天再去試。走個陣再係門口睇下佢地d報導，原來呢間cafe d咖啡師成日去比賽，唔怪得之咖啡質數有番咁上下水準啦。

I am not very good at writing this kind of comment.  I just know what taste good, what seems ok and what is .... Maybe bad? And from the pic u can see a nice setting of all day breakfast. Looks good, right? But how do you think while the food on the plate is not really cook well and a bit cold?  And there was a cup of ginger herbal tea(not in this pic). It was not hot enough and taste of ginger seems disappeared.So .... Think about it.  Food that good is not enough.

星期一至五 8am-2pm, 買任何all day or 意粉 都有一杯latte 送～ 如果唔鐘意，可以加錢轉其他野～人流唔多， 環境都ok, 唔嘈👍All day $68都幾抵～不過炒蛋就水左d 同煙肉可以燶少少

大年初二，好多地方都收咗爐，想行街梗係出番尖咀啦。但又要搵嘢食，尖咀一定多人啦，不如前一個站落，睇下有咩食。去到佐敦，搵到間幾靚嘅cafe，叫studio caffeine。入到去，原來呢間嘢係用音樂為主題嘅cafe，連佢啲嘢食都係用音樂命名。我冇入到最入，入面應該可以玩場unplug live show，見到都手痕想玩兩嘢呀！好肚餓，有個睇個名都知勁嘅 - heavy metal all day breakfast!好豐富嘅一個all day breakfast，啱晒餓嘅男士，一定填飽你個肚。仲有好多沙律菜，有番啲纖維落肚好似會令_ _ 順暢啲。佢個蛋唔錯，好有M記早餐感覺。要試吓咖啡，梗係要試macchiato。呢度啲咖啡有啲果味，唔係得個酸味。總結係，如果下次大家去尖咀行街，又咁啱答地鐵，不如早一個站落去佐敦飲完杯咖啡先上路丫。

最近佐敦區開了不少中高檔食肆，隱隱漸有變天之勢。沒法子，新出高級樓盤愈建便愈接近佐敦核心區域。附近的高檔次屋苑The Austin快要入伙。由於屋苑不設自家商場，外出飲飲食食便只可去九龍站圓方或佐敦舊區。外在因素，造就佐敦區終於首次可以出現精品咖啡店，還要一開便有兩間之多。今天下午便與仮面七號來到其中一間，主要原因是因為這間咖啡店有輕食午餐供應。咖啡店環境其實不算很大，座位數目以精品咖啡店來說其實算是相當多。近門口的一排座位可以享受較高的樓底，感覺會舒適一點，內裏的座位樓底降低了便相較擠擁擠。知道這兒除了咖啡店的日常運作，也會定期舉辦不同類型的workshop。 盡頭處看見一列的結他並排著，不知遲點是否會舉辦音樂分享會。咖啡店除了咖啡，也有全日早餐、意粉、三文治、沙律及甜品的供應，任何時間都不愁到來這兒會餓壞肚子。咖啡種類也不少。精品咖啡店除了普通的咖啡，也有特別的手調咖啡。還可有花茶及朱古力的選擇，算是一應俱全。週一至週五08:00-14:00到來這兒有一個很吸引的優惠，凡惠顧全日早餐及意粉都會附贈$36以下的咖啡一杯。不得了，六十餘元已有一個份量相當的主食再加一杯咖啡，看傻了眼沒有

這次與兩位友人來喝咖啡，我們叫了這個tasing set$48, 包括一杯cappucino和espresso, 這個設計非常好，這樣便可以一次過品嘗原本的味道和加了奶的味道，本人也不喜歡加了太多奶的味道，因為這樣會蓋過咖啡本身的味道，這個cap剛剛好，不會太淡也不會太濃。espresso味道不錯，不過我忘記了是什麼地方的豆，味道balance，酸度適中，甜度剛好。cappucinno滑度也剛好，奶泡份量剛好，味道也不錯。我們也嘗試了sidamo 的hand drip coffee, 味道不錯，他所用的杯外型特別，像是cocktail酒杯，味道不錯，茶的味道，不會太酸，這裡人不多，我們坐了一個鐘也沒有被趕走的感覺。食物沒有嘗試，有機會再吃吧。

下午3點係佐敦廟街剛好有車位泊車, 落車後找野食, 因為星期日訓晏左, 想找個地方吃午飯連下午茶, 在廟街看到一間有 lunch 吃的coffee shop, 於是便入去試試。裝修是比較新派的, 而且食客都以年青人為主,環境好舒服，waiter 先給menu, 當我們想order 東西時, 原來要出去counter 付款先，後來 order 了意粉及咖啡, 但唯一唔多好是咖啡是另外正價買, 沒有tea set。後來選了一個白汁煙肉意粉, 但沒有意粉, 最後改左為長通粉, 味道都幾好, 白汁濃度適中,但煙肉太少,意粉分量亦很少,迷你版既意粉。咖啡調校味道不錯。

吃完晚飯, 未算太飽, 想搵甜品食, 途中發現新開店, 以咖啡為主打. 不吃甜品了. 試新野. 因吃飯時, 飲了太多酒, 還在模模糊糊如夢境之中, 也記不起食了甚麼款式的蛋糕.Caffe Lattte, $36, 店員送來, 賣相美觀, 以竹製的盤盛著, 咖啡以普通的拉花圖案, 很優雅的配置. 味道並不特別出眾, 但合格有餘, 咖啡香味也適中.Mint Chocolate, $34, 薄荷味突出, 朱古力不算太濃, 見餐牌有另一款"特濃朱古力", 下次必定要試一試.夾心類朱古力蛋糕, 味道與口感皆好, 脆口加些少軟滑.檸檬味撻, 檸檬味不重, 但酸度十足, 甜味也很重.新店開張不久, 食物款式、種類和定價, 都未考慮完善, 估計, 起碼要過多一兩個月才知實際情況, 比個笑臉鼓勵一下吧. 市場上實在太多這類型的咖啡店, 要突圍而出, 實在需要再有些創意思維. 

早三幾年, 專做all day breakfast 既地方唔多, 近年台灣興起"早午餐", 香港就興all day breakfast. 通常睇報紙雜誌見到有新既地方有all day breakfast, 我同大少就會即刻去試, 今日就黎到Studio Caffeine.裝修係我地一向鍾意既feel, 好感即時提升 , waiter一放低menu 就提醒要去counter 自己買野比錢menu上有all day breakfast, 有pasta, 有sandwich, 有coffee, 有tea. 反正都係主攻 all day breakfast, 一於少理, 我叫左一個"普通"$68 , 大少叫"monster" $88味道幾好, 份量可以多返少少會開心d, 至於 比多 $20 既 "monster" 只係多左一spoon mushroom, 幾條車打芝士 and 幾粒 blueburry, 就覺得唔係好抵放飲品個tray 都幾靚, 凍朱古力好夠凍 (勁多冰...) 大少話都幾好味. 我叫左甘草薄荷茶, 第一啖我以為佢係honey peppermint...太甜...飲多幾啖又覺得

下午咁啱去開佐敦，見到呢間新店就入去試試啦！鋪面裝修幾精緻，牆上畫左好多公仔，幾得意，而且鋪頭最入面放左D結他，我諗個老板應該係音樂人掛！下午3點幾，店內無咩人，應該新開張未有熟客啦！揀左坐近門口位，感覺上開揚點，坐位唔算係舒適型，但坐係度玩下laptop都ok呀，一打開部機就發現無晒電，隻眼向下望一望，竟然有電位，十分貼心呢！叫左個All day breakfast, 重點當然係蛋度，好滑好食～ 煙肉、香腸都好香～ 而另一個重點，就係杯咖啡，同店員傾左一陣知道原來佢地負責沖咖啡既係得獎架！咖啡同我之前係大連鎖咖啡店飲有點不同，香味較濃，口感滑一點吧！整體來說，食物及咖啡都有一定水準，行開呢頭可以一試。