Stacks (已結業)

最近在各大社交網站, 相信已有很多人刊登了這店的相片, 皆因這雪糕店是由藝人大隻仔所開的,確實有點吸引力, 就趁某日下午要到旺角買些攝影用品, 便順道來看過究竟。店舖位於商場大廈的地下，店鋪路線非常鮮明是走年輕潮人路線, 沒有提供堂食的, 以外賣形式為主，點選雪糕三文治要分三個步驟，先選自己喜歡的雪糕味道，再選雪糕三文治的外層, 最後再選配料。是日選了荔枝味雪糕、朱古力曲奇配焦糖, 店員製作完成後, 用特製的牛油紙包著雪糕三文治送上來，荔枝味雪糕清新冰涼，但荔枝味道較淡, 朱古力曲奇口感脆身, 再配上小許焦糖，也是消暑佳品。

今日同朋友到旺角電腦中心買嘢，買完後，未到晚飯時間，有時間，到附近街逛逛，行到廣華街新住宅大廈的商場：百利達廣場，好耐無來，發現周圍開多了很多餐廳同甜品店，再行過去，廣埸中間有條很寬闊的通道，通過後，便到了這間主打美式雪糕三文治店，上網睇睇，又諗起同事講起，藝人大隻仔係度開雪糕店，應該係呢間吧。好奇他係唔係鋪，望一望，再望一望，應該無翻工。只賣雪糕三文治，不設堂食，店鋪不大，一眼望晒，門口特大空間，係旺角區少見，人流不算多，外賣後，可以企在通道，慢慢食，感覺良好。 呢到啲雪糕係自家製，日日新鮮製造，口味與別不同，而且定期會有新口味推出。可配上各種味道曲奇或菠蘿包，再配上各種口味配料，做成嘅雪糕三文治，又真的幾吸引。  Menu 比較簡單，在收銀處雪糕玻璃櫃上，字太細，行近一啲，望清楚D，雪糕有多種獨特口味，價錢分為＄38 和＄48，按口味雪糕去定價，另再有多種配料選擇，加配配料每款加＄2，尚算合理價。曲奇可選兩種口味，上下層不同味亦可。  因雪糕三文治只用咗一張特製餐紙包住，食嘅時候可能會有雪糕滲漏，如外帶也不太方便，所以雪糕店都有小膠匙更同紙碟供應，用匙更食起來較方便，因為太大件，一

和老婆仔吃完韓燒放題後雖然吃得很飽但沒有甜品仍然意猶未盡所以逛一逛街再看看有什麼甜品選擇來到旺角甜品度林立的地方老婆仔看到這間雪糕三文治突然很想試試一於上前選一款吃吧其實我們在韓國首爾也吃過類似的雪糕三文治當時感覺很美味不知這裡能否及得上當時的味道呢細心看才發現這裡有很多口味可以選雪糕口味外面可選菠蘿包或曲奇曲奇又有不同味道可選擇再加表面的topping配料真的一時不知怎選擇老婆仔在猶豫不決時店員很好主動提供幾種味道讓我們試吃一點嚐過味道後老婆仔決定聽店員的建議要了38元的生日蛋糕味雪糕外層就要了了朱古力曲奇上面的配料加了oreo碎看著這麼大件的雪糕三文治一時不知怎入手店員建議先吃掉部分中間的雪糕雪糕層變薄了再當三文治般咬來吃生日蛋糕味的雪糕真的很甜但也不會太過吃起來感到很歡樂果然值得推介曲奇也很脆很甜兩者混合一起吃真的甜度十足我和老婆仔都爭著吃本來我和老婆仔都有點累吃了這麼美味又甜的雪糕後突然變得非常精神看來甜品真的是精神良藥

旺角的廣華街一向有「甜品街」之稱，也是大多年青一輩晚飯過後來吃甜品的集中地。這次就要來說說剛進駐的一間、以雪糕三文治為招徠的Stacks。由藝人大隻仔開的雪糕專門店，一聽來頭也不少呢，實有名人名士來棒場吧。店舖雖然以外賣形式銷售，不過位置卻十分便利，位於商場大廈的地下，避過日曬雨淋、風吹雨打的景況，閒時來吃一杯，站左商場底，不用站在街邊和其他客人擠湧，也不怕受到街道汽車的空氣污染，就是站著吃也十分享受呢。雪糕三文治分為三步曲，先選雪糕味道，再選曲奇味，最後再選配料。雪糕的價錢約$38-$48，一共有8種口味，包括雲呢拿、曲奇怪獸、生日蛋糕、朱古力雪葩、果橽及士多啤梨，當中有兩款是今個月的新口味，包括是荔枝味和玫瑰花味。至於曲奇味道有四種，包括朱古力、雙重朱古力、榛子醬、肉桂。最後的自選配料，每款加+$2，口味包括焦糖、朱古力脆珠、Oreo脆，棉花糖、彩針、朱古力針。向員工直接下單付錢，拿著收據就可以等待員工的製成品。看看櫃面的整潔度，在玻璃窗屏障看到一個個用玻璃器皿裝起的配料和餐具，沒有沾上污漬或任由食品暴露在空氣當中，衛生又安全。小妹自選了荔枝味雪糕，肉桂曲奇及焦糖醬。用上特製的牛油

中學時代, 旺角上學, 我是典型標準好學生, 愛打機, 必去好景商場, 愛篤波, 必去金聲戲院波樓, 愛玩軍服和手槍, 必去仁安大廈, 過了廿多年, 仁安大廈的槍店少了很多, 換了是一堆名牌二手錶店, 未了解是做遊客生意還是本地人生意....   仁安大廈的地面商場做了裝修工程, 通爽、寬闊、光猛了很多. 現在只剩下三、四間槍鋪, 賣的多數是日本貨. 中學時的男生, 大多數都喜歡玩槍和模型車, 女生呢...? 想當年, 女生早熟(其實任年代, 女生都是比較早熟), 當男生思想還是小孩子般, 愛玩玩具, 女生已經不玩她們的洋娃娃了. 相比起今天, 我隔離位的C9同事, 五十歲也到了, 檯面全都是Hello Kitty 公仔....oh! sit ... sorry, 得罪好多人了... 仁安後門與百利達廣場的後門相通, 所以, 可以由登打士街, 通過仁安商場, 直達百利達廣場. 諗到我頭都爆, 都諗唔起, 到底未建成"百利達廣場"之前, 是甚麼大廈....? 以住宅的角度而言, 百利達廣場的位置, 確是旺中帶靜 (當然不及自由道和勝利道一帶), 但如果以商鋪而言, 則屬人流較少的三、四線

同志尚未成功，革命當然還需努力，味之藝術完全適合他們的話題，女仔鐘意睇openrice，對最潮之食店就如家珍一般數你，朋友要追到手，當然要有加油，於是，繼續補習。是晚來到了好景，朋友話以為我去那很潮的綠茶店吃甜品，我笑而不語，因為我冇心情同佢等位，而且呢度都開左一間潮舖同樣非常有noise，呢個就係Stack。Stack 主要賣的係雪糕三文治，唔好睇小佢只係賣一樣野，剩係雪糕同餅乾再加topping ，已經有好多嘅選擇，餅有幾種味，雪糕有幾隻味，選擇多元化，特別女仔一定喜歡，朋友話點解唔食個間排到七彩而又出名的，我說下次吧，因為呢間雪糕三文治係由大隻仔開的。然後朋友才彷彿明白那個原因，因為佢心儀個女仔就係好鐘意睇無線電視，由今年港姐冠軍麥明詩到大時代，如痴如醉，在這裡很多食友都可以野生捕獲大隻仔，朋友要氹女，有幾難。女人心，其實好易掌握吧。雪糕口味有荔枝，玫瑰花，士多啤梨，生日快樂，曲奇和雲呢拿等，曲奇有朱古力，雙胞胎朱古力，紅莓芝士，肉桂和菠蘿飽，crossover可以有廿五個配搭，還有彩針，朱古力針，棉花糖，oreo碎，朱古力脆珠，焦糖等，呢度的combination，數學有限的我

近年推出多款雪糕類三文治，試過donut同菠蘿包，今次再黎曲奇~曲奇雪糕三文治 ($50)第一步: 選擇雪糕口味，有雲呢拿、玫瑰、荔枝等口味，而唔同口味價錢都唔同。第二步: 選擇曲奇或菠蘿包做三文治; 選擇曲奇者可選擇兩選曲奇的口味，包括雙重朱古力、牛奶朱古力、肉桂、棒子等口味。第三步: 加toppings (每款$2) 有棉花糖、oreo、朱古力彩針、焦糖等。揀咗荔枝味雪糕，荔枝味好濃郁同refreshing，口感軟滑，重有荔枝肉在內，好正~但曲奇餅卻有點遜色，雙重朱古力及牛奶朱古力曲奇的朱古力味唔夠濃郁，牛油味較重，蓋過咗朱古力味。曲奇口感亦都偏實，如果鬆軟返啲就好喇~其實成舊三文治都幾厚，所以其本上都要拆件食 XD

旺角街頭雪糕店林立每一間都有特色最近常給這個菠蘿包雪糕在面書上洗板一放假我們就去買來降降溫店子小小，不設座位雪糕+曲奇/麵包+配料=雪糕三文治店員說每週也會推出限定口味的價格有$38跟$48兩種配料每款加$2可先試味，適合才選擇呢！曲奇口味也可以混搭的最後我點了雙重朱古力+榛子醬雪糕選了玫瑰花口味的配料綿花糖(會附上一小膠匙)雪糕球份量十足來得挺幼滑的，甜度不高雪糕內混有不少玫瑰花瓣碎，蠻好吃的！曲奇是偏軟身的，我個人覺得偏甜膩男友要了一個曲奇怪獸配菠蘿包菠蘿包會烘到熱脆再夾上雪糕一整個很有創意曲奇怪獸，奶香味很突出跟Oreo餅十分搭配菠蘿包這款真的蠻有驚喜的如果有緣的話還可見到大隻仔XD

終於一試大隻仔係旺角開設的雪糕店Stacks Ice Cream，主打曲奇雪糕三文治，價錢$38-48，雪糕口味多達7款，仲有4款曲奇任揀，最新發現仲有菠蘿包揀添，都幾吸引！第一次食揀咗Cookie Monster ($38)，貪佢藍色幾得意，再夾Double Chocolate曲奇，加埋朱古力脆波topping，每款topping加$2。其實食唔出雪糕係咩味，甜咗dd，不過雪糕入面有曲奇碎碎又幾好味、幾有咬口。反而比較欣賞塊曲奇，好鬆脆好夠朱古力味！店員教路好似食普通三文治咁食喎，不過都好難一口食哂上下兩塊曲奇架喇，尤其係口細細的女仔！好想試埋荔枝雪糕菠蘿包，希望下次去仲有喇！

無時無刻需要一點甜，放工走左去食雪糕三文治補甜一下 由雪糕 + 曲奇/ 菠蘿包 + topping = 雪糕三文治Menu入面，荔枝味、玫瑰花味、士多啤梨味最想試，可以試左味先買，一試之下最後吸引我地係「果鐽味」呢，細問之下這個雪糕係加左莓、鮮士多啤梨及鐽皮∼ 好有新鮮感，雪糕味道入口唔會好甜，質地就普通滑啦，但勝在加入不少果肉同鐽粒，令到口感好豐富。呢個三文治一塊係雙重朱古力曲奇 & 另一塊榛子曲奇，個人大愛朱古力口味，口感似brownie，有咀嚼感，榛子曲奇口感鬆化型。我呢個topping orea : )友人的雪糕菠蘿包（她同樣選了「鐽皮味」雪糕，我地心水推介∼初頭都擔心曲奇加雪糕會比較甜，好彩成品甜度岩岩好

菠蘿包進化論@STACKSShop 11, Paradise Square, Mong Kok 旺角百利達廣場11號舖無線藝人 開架, 有名氣早輪已受傳媒大肆報道，風頭一時無兩。可以用COOKIES 或者菠蘿包夾雪糕,我著眼於雪糕口味多一點,個菠蘿包比在麵包店買到的mini size差不多,入口鬆軟, 只是要留意雪糕始終會溶,因菠蘿包會翻熱才夾入雪糕, 會影響麵包口感, 拍完照就趕緊在街頭幹掉它。菠蘿包精髓在於其面層, 由牛油麵粉,脆身而薄，富牛油香。由薄食物紙包起，方便在街上拿上手邊走邊吃。大口咬下感受層次感，涼快的雪糕夾微熱的麵包，再享受酥香的皮，結構很過癮。雪糕挑戰了荔枝味，很清新，荔枝味突出，有些雪糕味道更是期間限定。難得做到了高級雪糕的服務就是可先試味後購買，遇上老闊大隻仔親自落舖打點，好好招呼主動給客人試味同介紹，值得一讚的服務。除了菠蘿包，還有曲奇可配搭，但香港人支持本土包,另外 也有TOPPING 可加。我就認為賣得略貴啦, 菠蘿包夾雪糕也並非新事物，小學時夏天家中有家庭裝雪糕，遇上媽媽買了麵包作為放學後的小點心。，我會把雪糕塞入包中一起品嚐，只是沒stacks那麼多雪

旺角的小食店林立，每天試一檔，試足一個月也未必可試完，我較愛吃雪糕，試了這間雪糕三文治。有好種味道，我選了較少見的玫瑰花雪糕，用了一塊原味曲奇，一塊朱古力曲奇夾著，還附上一小膠匙，方便進食，雪糕滲出淡淡玫瑰花香，但可以濃一點，我會更喜歡，兩塊曲奇質素尚可，較喜歡朱古力味。

知道大隻仔o係旺角開左雪糕三文治店,咁我同朋友都唔執輸,趁住在旺角食飽飯後就去左試試,其實唔算好難搵,就是在廣華醫院對面o個個商場,不過我地都兜左成個圈....終於去到,大隻仔唔喺度,集唔到郵,扣三分!!雖然大隻仔不在,但係店員都好大隻,見到佢地整雪糕係現晒手筋!雪糕都幾多口味,亦都幾特別的,例如有果撻,生日蛋糕等少見的味道,店員不停俾我地試味,視乎所選雪糕而定價,以$38-48的甜品來說,我覺得安排試味是必需的!哈!都試左生日蛋糕同果撻,味道都幾像真,不過,最後 雪糕我揀左玫瑰味，因為我自己本來就情有獨鐘,而且供應期最後幾日,唔食就無,淡黃色的玫瑰雪糕有片片玫瑰花瓣，味道都幾清，奶感較重,但就唔係粉紅色有餡當然有皮,夾餅都有好多款可以揀,最特別就係夾 迷你菠蘿包,而店員說會先烘熱,所以一熱一冷都應該幾過癮!不過我食左飯,所以都係叫夾餅!夾餅可以上下唔同款, 我揀左榛子醬，同埋雙重朱古力！榛子醬淋淋的，有點似Mrs.Fields 的出品，我自己就比較喜歡雙重朱古力的脆口感，其實都幾大個，雪糕成個網球咁大，所以都幾飽的！雪糕三文治以紙袋包著,因為雪糕都幾大個,所以初時都幾難當三文治(包及

要突圍而出就要搞搞新意. 以自家品牌雪糕和曲奇餅, 創造出自己喜歡的雪糕三文治, “Stacks” 就可滿足到你.  先選上下兩層的曲奇餅, 可混搭配的.  曲奇是新鮮出爐.  我選了碎朱古力曲奇和榛子曲奇.雪糕是日日新鮮製造無添加, 味道頗持別, 有玫瑰花味, 果撻味, 生日蛋糕味……淨看名字好抽象, 可向店員要求試下先作决定.最後選了荔枝味雪糕, 內裡還有荔枝果肉, 味道偏甜, 但有優香的味道.講真食起來比較麻煩, 曲奇容易碎烈, 雪糕球又大, 跟本無可能一口咬落去, 到最後還是食完雪糕再食曲奇餅…….至於topping亦有多款選擇, 有彩針, 棉花糖, oreo碎………. 可增添整体的美感和口感啊!

老公是個活脫脫的大孩子，喜歡吃古靈精怪的雪糕甜品。之前路過Elephant Ground已想試試那雪糕三文治，這天經過看見這大熱的Stacks，便嚐嚐這平價版本吧!  遠遠已看到不少青春少艾聚集在店前，湊前一看，明白哂，原來是日店主大隻仔駐店。真人大隻又靚仔，加埋個好charm的笑容，未食先要加分!店內的播放清單中竟有武則天的主題曲，果然是流着TBB的血呢      選購公式十分簡單，雪糕+曲奇+配料=雪糕三文治。除了既定雪糕口味外，每週也會推出限定口味的。雪糕三文治有$38和$48兩種，視乎你選那一個系列的雪糕。兩塊夾雪糕的曲奇可以混搭的，而配料都只是每款加$2，抵!  正在糾結的時候，大隻仔主動向我介紹，真是受寵若驚。先後給我試荔枝、玫瑰和草莓味的，這卻令我更難以抉擇了。三款都是很女生的雪糕，當中香甜的荔枝和幽香的玫瑰最得我歡心。  不過，取捨之下，還是選了玫瑰味，曲奇選了巧克力的，再加上彩星(+$2)和綿花糖(+$2)這兒要一讚店員的服務，面對三心兩意的我一直保持良好態度，滿有笑容的。拿上手時沉甸甸的很有份量，用特製的紙套套着，吃到最後也沒穿破，不會吃得論盡。這雪糕三文治實在太