Stacks (已結業)

上回在銅鑼灣吃完雪糕班戟三文治後意猶未盡，便來旺角這間Stacks吃雪糕曲奇三文治。一杯雪糕二十多至卅多元不等，視乎口味而定，加$5便有曲奇，可惜晚上來到時很多口味的曲奇都賣光了，只剩下最普通的原味曲奇，遂決定只吃雪糕。居然有泰式奶茶雪榚 $36！！！自從在網店買過泰式奶茶味千層蛋糕後，便愛上了這獨特的口味，這雪糕果然沒令我失望，一抹搶眼的啡橙色，茶味非常非常香濃，奶香幼滑，甜度適中，不消一會便吃光一杯！$36一杯其實有點貴，幸而一杯有一球半。看Stacks的網頁發現不時會有優惠，下次來之前可以留意一下～

之前佢新開既時候我已經想試，但好似又要排隊而且價錢都有啲貴所以遲遲未食，上網見到佢好似要搬定唔做所以有買一送一優惠梗係要試啦。去到以為會人山人海，點知竟然唔洗排隊，店員超好人，我試左玫瑰、煙肉同曲奇味佢都無嫌我貪心！玫瑰有明顯既玫瑰味，仲好似有碎花瓣，要挑剔其實佢都有少少artificial, 但要食得出係玫瑰其實都難免有人工既味道。曲奇有碎曲奇，口感豐富又滑又濃郁。煙肉有啲似maple加煙肉碎，唔會怪，係似偏甜既雲尼拿。男朋友揀朱古力，都好濃同滑。最後我揀曲奇配曲奇，但其實有啲後悔，我覺得玫瑰會清新啲，雖然曲奇都唔係話好甜，但食到後尾都會漏，希望佢搬前我可以再試！

朋友優惠券就黎過期就話不如去食下，原來可以選任何野味道雪糕，我地最後選擇海鹽焦糖。雪糕味道濃又香，份量都幾大，海鹽味好出又有濃味焦糖味，曲奇餅偏軟身但味道欠奉。始終用一張紙黎食有少少難於進食，而雪糕溶到曲奇爛，所以曲奇餅麻麻地最後只吃了一塊就扔掉了。

Cookie marster $38終於食到買一送一(4-12/6 like fb )，味道偏甜，但味道比我心目中冇咁假，味道似波子汽水多點，另外叫了玫瑰花味，淺黃色有一點點紅色，食落好清而且好香玫瑰花味，菠蘿包味道普通，但甲雪糕一起食係幾特別5個傻婆為左影一張相……應該成條街都聽到我地係度叫……勁正的街邊聚會

叫左菠蘿包夾cookie monster。成個過程個女服務員態度都超好個菠蘿包熱辣辣，再加埋冰凍既雪糕，個感覺真係爽到爆。個雪糕無想像中溶得咁快，不過去到最後，個菠蘿包有少少移位，食到最後有少少麻煩，但無減我對佢既喜愛下次一定再黎

Simple, inexpensive and creative. Stacks has shown many people that it doesn't take a lot to be successful but just some creativity and taste buds.Pineapple Bun with Cookie Monster Ice Cream. My god that is one for the bucket list. That warm Pineapple Bun with ice cold ice cream in the center is so tasty. You would think this is awfully sweet but it's not, it's just perfect. For only $35... Haagen what? yeah will definitely come back to Stacks.

菠蘿包配海鹽焦糖雪糕.他們的菠蘿包雪糕三文治回來了😌 本來想試泰式奶茶味雪糕但賣光了😢 上圖是未夾雪糕的樣子 夾完之後 完全變了樣 相也不想影🌚 店員先將菠蘿包一分為二 夾上雪糕 然後放到烘爐上 最後的製成品 就被壓到扁扁實實😢 完全喪失了菠蘿包應有的鬆軟呢 但味道是不錯的 一冷一熱 亦能嘗到菠蘿包的牛油香 唯嫌雪糕的海鹽味不夠突出 店方說這次是上次推出的改良版 但我會認為是退步版

大隻仔雪糕💪🏼如果唔知食乜味，可以先試食！試過玫瑰味，味道濃郁，但唔太啱我～所以最後揀咗曲奇味！奶味比較濃，加一粒粒的曲奇餅！好好味，又有野咬下😋曲奇有啲似Mrs. Field!!都係好煙軔嘅曲奇，而吾系脆嘅~不過曲奇餅太甜，比雪糕更甜，略遮蓋左雪糕味

終於因為順路食到呢間靚靚雪糕😁 有幾款口味！ 我選的是藍色雪糕！個人好喜歡藍色！Cookie Monster $38 係雲尼拿味 雖然有少少藥水味 但味道吾算係伏 😂 雪糕可以揀配曲奇（四種口味）或者雪糕筒🍦 我就揀左朱古力同芝麻味曲奇 味道幾好 不過就淋左dd 另外 仲加左彩色脆脆 要加$2 彩色脆脆令到十分吸睛！見到都開心😁 適合喜歡相機食先既朋友p.s 食完發覺隻手沾上了黑色墨水 原來係包著雪糕三文治既紙上面既字溶左 😳有少少不安感會吾會食埋 🙄

來到大隻仔的Stacks, 選了人氣的泰式奶茶味，很濃，有港式奶茶的感覺，只是奶味不太重而且再甜多少少。我相信奶茶控會愛上，Cookies可以自選兩款，質感似「Fields太」嗰類，入口是淋淋地加好有朱古力味，另加$2有嗰D toppings, 不過toppings味道有D怪, 純粹係想張相靚同可以增加個口感的可以加，個人覺得唔加好過加，整體都係甜左少少。P.S. 唔知想食邊款可以試左味先。 下次仲想試多D唔同的雪糕, 記得同朋友share呀~ 好大個食唔完

早前經過呢個商場，見排哂隊咁，原來係大隻仔開的雪糕店，經我八卦一輪查證，呢啲雪糕和曲奇都是他們每日新鮮製作雪糕櫃內都有好多不同款式，而至吸引到我的始終都是藍色cookies monster ，再有得選擇不同種類曲奇夾住來吃，我揀左雙重朱古力和是日精選是星球大戰脆餅。首先雙重朱古力曲奇和cookies monster 真係好夾味，曲奇是軟身的，和雪糕夾在一起都沒有整淋件餅，有濃濃的黑朱古力味但又不會過甜，雪糕味道非常特別，又幼滑有啲棉花粒在內增添了口感，非常滋味。而星球大戰脆餅，色彩繽紛，見到都覺得開心，口感也幾獨特，似是榖物早餐加棉花糖整成的，失敗在有點兒過甜。

上次黎我食煙肉味雪糕～ 今次又有新口味😜 柚子蜜味！仲可以咬到一粒粒柚子肉而且唔過甜不過收到消息冇得再夾菠蘿包食有少少唔捨得～好采黎緊話會夾厚waffle 😝諗起又好開心～個個月有新味個個月去

店名：Stacks地址 : 旺角百利達廣場11號舖好味指數：7／10價錢：$48楓糖煙肉雪糕配雙重朱古力&紅莓芝士曲奇【 大隻仔開既雪糕店 】有冇人唔知大隻仔係邊個？我個朋友都算勁八卦果炸，咩娛樂資訊都勁update，竟然唔識大隻仔係邊個😂😂雪糕有幾款口味選擇，可以試曬咁多隻味先決定要邊款雪糕，仲可以整成sandwiches，即係搵cookies夾住雪糕一齊食，最好就係曲奇可以揀2隻味。試左咁多款，有幾款雪糕幾好特別 、玫瑰 、曲奇怪獸 、香蕉冧酒出面都好少有。楓糖煙肉雪糕味道好迫真，食到煙肉味道好過癮，不過溶得比較快。曲奇厚而有嚼口，味道都唔錯，食完兩大塊夠曬飽。 

菠蘿包超級脆，比想像中好食得多。我認為跟一般麵包店既菠蘿包比較絕對不遜色。因為有烘過，所以菠蘿包仲熱熱地，超入味。紅絨絲雪糕我認為唔錯，但下次再食既話應該會試其他口味。味道不是太特別但配菠蘿包一流。希望可以推出芝士蛋糕或牛油之類既口味。其實我覺得菠蘿包夾雪糕的話，雪糕球有點太大了。好難一口食到雪糕同上下既菠蘿包。建議店主將雪糕球既形狀整扁d，雖然可能想顧客覺得抵D先大球D但係食落去的確唔方便。食到最尾先可以一口享受菠蘿包同雪糕，但真係好正。宜家做緊promotion所以有送一個雪米磁，其實唔錯好食但係應該唔會給錢買。

泰式奶茶 + 迷你菠蘿包 ($48)泰式奶茶味道濃郁，紅茶味好香，奶香亦幼滑。味道頗甜，不過茶味中和左甜度同膩感。除左曲奇之外，而家仲有迷你菠蘿包揀。菠蘿包烘到暖笠笠，好香牛油味。但包身唔算鬆軟偏實在，菠蘿皮亦唔夠覆蓋得唔夠多。不過港式加泰式元素夠創意。雖然食完細細一個但食完都夠哂飽肚。