SOYmart by 豆乳狂人

營業中

休息中

夏日炎炎，飲太多台式飲品，不如試吓呢間豆漿。一開始都好驚會好甜，但係見佢30蚊左右大大支可以一試，而且有勁多口味選擇，好特別，包裝都10分吸引嫁。今次買咗芋泥豆漿（$32）、十勝紅豆豆漿（$32）、仙草豆漿（$28）、桃膠豆漿（$32）。整體來講，所有豆漿都唔會太甜，豆味濃，而且豆漿好滑。適合二人分享。比較搶手嘅係仙草同桃膠，好多時星期六去晏少少都會賣晒。唔好以為仙草同豆漿夾埋一齊好奇怪，出奇地超級夾啊芋泥豆漿就最飽肚，飲完會有啲滯啊。你可以外賣，亦可以堂食，佢仲有粢飯同炸雞，炸芋圓，都幾多元化，下次一定要試埋。

一向好鐘意食豆類製品, 但要搵到啲豆味香濃既產品真係唔易!😖經朋友介紹, 呢間 SOYmart by 豆乳狂人真係不得了!🤭 試左幾樣野都好重豆味, 好濃郁!🥛7度特濃豆漿(無糖)-超級濃, 豆味重, 雖然無糖, 但好易入口, 好飲, 飲哂一支都半飽!🥛特濃可可豆乳-朱古力同豆味都好香, 唔太甜, 但原味好飲啲!🧀超強芝士醬木棉豆腐-外脆內軟, 外層係椒鹽味, 唔沾芝士醬都可以, 內裏既木棉豆腐又滑又濃, 一啲都唔乾身!🍦豆乳雪糕-豆味極濃, 軟雪糕質感, 好香好滑, 夏天食一流!

之前行完donki之後就黎食過呢間豆乳狂人，幾鍾意佢地既甜品，豆乳味道好濃～今次試左款奶蓋，好濃稠好好飲🤤 1⃣️芋泥奶蓋小丸子（$42） 有芋泥、豆乳、布丁、小丸子、芋泥奶蓋既組合😍芋泥奶蓋超濃稠，中間既豆乳好濃味，然後一路飲會一路飲到啲布丁，同埋好綿既淤泥😋小丸子粒粒煙韌，幾有咬口，一杯飲落有好多口感～推介👍  

經過海之戀見到開咗間新店, 裝飾好有特色， 仲好多人排隊 👀 睇真啲原來係 — 新派豆乳主題店 SOYmart 豆乳狂人 店入面周圍都見到好可愛嘅AhSoy公仔👍🏻 忽然多咗好多打卡位之外, 其實大家仲可以睇到好多豆乳背後嘅製豆故事~呢度有好好好好多款式飲品同小食,  唔止單單豆乳, 仲有芋圓、仙草、桃膠 etc .... 我見到好多人都有講要試粢飯 (不過就等下次再黎先再試)⭐️ 鮮芋泥豆乳淺紫色嘅芋泥沉晒去樽底, 好杰... 我用左支長飲管搞好耐先搞番開D 芋泥. 果然係幾特別~  豆味真係好濃厚, 配合埋杰杰嘅芋泥, 真係抵佢咁多人排隊呢~我覺得佢非常之 "無添加糖" , 我覺得甜度適中, 但如果覺得唔夠甜, 呢度都供應獨立包裝糖水, 可以任你加到夠甜為止, 呢個都值得加分~ 下次我一定會番黎再試埋其他食品飲品~

無論任何時間行過，都一定大排長龍的店舖！SOYmart係豆乳狂人的副線。除了傳統豆漿，仲有好多其他豆乳製品。😋包括各式各樣甜點、鹹點、飲品都有，種類多。將以往有對豆漿的概念破舊立新，好新鮮，迎合到年青人口味。😀👍🏻第一次到訪，對五花八門的餐牌感到困惑。店員熱心介紹數款，講解清晰，最後揀選了其中一款熱門之選。🔥＊－。－。－。－。－。－。－。－。－。－＊🔘 #超煙韌豆花 （熱/凍）$42特別的食物名於餐牌上並無做特別介紹經店員講解，「超煙韌」原來指三色芋圓、小丸子、珍珠所有Q彈口感的配料放左一起，絕無違和三種配料有著不同的煙韌程度😝軟滑的豆花，帶淡淡的豆香味最頂層奶蓋，將整碗豆花昇華咗去另一個層次！奶蓋軟綿細膩，好Creamy豐盈😍一向都覺得奶蓋應該要配飲品或班戟類甜點無諗過原來奶蓋可以mix豆花咁好食🤤🤤🤤🤤新穎的做法，好味程度令我想再次光顧！＊－。－。－。－。－。－。－。－。－。－＊

今日去荃灣經過見到呢間店，又試吓先，我早上11點幾去到，已經好多人！我叫咗，和風白玉，多芒楊枝金露，狂人粢飯，和風七味炸脆雞，地道避風塘炸脆雞，十勝紅豆豆乳！粢飯好味，飯夠乾身，油炸鬼夠脆，有炸菜，肉鬆，好味！和風七味炸脆雞，雞用咗雞亦，一開二味道唔咸，炸粉夠薄身！地道避風塘炸脆雞，用炸蒜辣椒撈上雞到，都好惹味，唔咸唔太辣，小朋友都可以食！和風白玉，夠煙靭，有粒粒有咬口，好味！多芒楊枝金露，同我認識嘅一樣，好多料，有好多粒粒！好味！另外！十勝紅豆豆乳，唔太甜，感覺好健康！好味！

❍ 和風白玉 $45豆乳加上軟滑既布丁同煙韌既芋圓都算唔錯🤪 白玉既口感都唔差👌🏻 不過紅豆食落偏甜有啲膩🫘 可惜呢碗既芋圓同白玉既份量偏少 反而有好多紅豆 令到成個味道好一般🫠Toro ball was quite chewy and went well with the smooth pudding🍮 Dango was quite nice🤞🏻while the red bean was too sweet and the whole portion was tiny🥹 It’s not a must try item🫣評分: 7/10🌟❍ 蕨餅丸子 $45由仙草、蕨餅、芋圓同小丸子組成既蕨餅丸子份量明顯比和風白玉多好多😳 幾鐘意好似啫喱口感既仙草同埋好煙韌既三寶🤤 整體黎講唔會太甜仲要勁飽肚 值得一試🥰Toro ball with gross jelly, warabi mochi & mini rice ball had a huge portion size compared to the other one🙈 Loved the jelly-liked texture a

📍 📍 SOYmart by 豆乳狂人 (荃灣)荃灣大河道100號海之戀商場2樓2036號舖作為一個豆品愛好者已經唔係第一次食，但奈何經常大排長龍所以令我卻步，今日經過見到唔洗排即刻gogogo😀👉 7.6特濃豆乳💰😋😋😋😋/5我每次都係飲呢個，因為我只飲無糖飲品🫣 飲落好creamy，特濃大豆味，同埋質地好滑身🫶🏻🫶🏻👉 海苔肉鬆脆皮絹豆腐💰38😋😋😋😋/5個豆腐係即炸架！超級熱辣辣，豆腐炸到金黃香脆，一d都唔會油，個皮香脆，入邊豆腐超滑豆味又香濃，而且有超多肉鬆海苔鋪滿豆腐磚上面。完全無吝嗇肉鬆同埋海苔，食到最後仲有淨肉鬆😂😂回頭:yes ，豆品愛好者既我好岩食💕💕，仲有好多配搭。#kermit食在荃灣

天氣熱緊係想食甜品🤤不過又怕肥咁點算？！於是就試呢個用豆乳做底嘅甜品😍同自己講應該健康啲！假日夜晚去坐滿晒人唯有攞返屋企食～Oreo奶蓋珍珠豆乳✨ $48價錢少貴～味道係偏健康🤣唔會好甜！Oreo味道唔算重但有啲搶豆乳嘅香味🥲奶蓋又偏薄而且鹹，唔係好推介！2.8/5😋煙靭之選✨ $45呢個對比之下抵好多🤤豆乳布丁+椰奶+小丸子+珍珠+芋圓！真係煙靭之選！豆乳布丁超香超滑🤤加埋配料超有滿足感！不過配料唔算特別香同出色而且口感比較單一～會想試吓其他配料！但整體食落都好食而且感覺係健康嘅甜味😋3.8/5😋吉列豬排粢蛋飯✨ $45豆漿當然要配粢飯🤤揀咗個特別啲嘅口味！豬排炸得好香脆🤤調味亦都啱啱好加埋酸酸地嘅醬一啲都唔會膩😍但蛋存在感唔算太重～配埋肉鬆同其他配料好食😋不過如果口感可以再豐富啲會更好！4.2/5😋整體嚟講係行健康路線！啱晒想食甜品又想健康啲嘅人～不過店員嘅服務態度真係要好好改善🥲明白好忙但都唔應該令顧客有唔好嘅感受🥲

之前試過佢嘅豆腐花，正到食完即刻返轉頭再買🤣今次經過試埋佢嘅豆乳！！同之前一樣都係好多人排隊～-<桃膠豆乳>💰$30桃膠甜度屬微甜，煮得啱啱好，有啲limlim地嘅質感，口感係林林地，但又未去到一pat pat咁嘅狀態👍🏻豆乳本身無糖，佢會附送糖水俾你自己加。但我就冇加，因為加埋d桃膠嘅甜其實都夠甜luuuu🤪佢嘅豆乳本身重豆味同偏杰身，再加埋桃膠，成樽野好杰撻撻撻撻撻撻😂不過我又幾鍾意！！如果唔鍾意咁杰，建議揀返第二啲配料～-回頭率：🍼🍼🍼🍼🍼/5幸福感：🍼🍼🍼🍼/5飽肚感：🍼🍼🍼🍼/5性價比：🍼🍼🍼🍼/5不專業評分：8.5/10👉🏻簡而精咁形容：杰撻撻撻撻撻撻撻撻，飲完好似食咗碗粥咁飽🤣

如果鐘意食豆乳食品嘅人一定鐘意食呢間聽聞左好耐 但一直都覺得貴今次終於去買返屋企食 當甜品①豆乳抹茶🍵抹茶濃厚 不過有少少蓋過豆乳香味而且有少少粉粒②芋泥豆乳飲完一啖 嘩一聲豆乳配芋泥真係絕對唔會搶對方味道而且雙方互補但一次過飲野成杯應該會飽死③豆豆仙草豆乳味比想像勁濃厚豆腐花又滑又香終於明白點解比平時偏貴但係直得呢個價錢(講說係用左日本新機器嚟制造）味道：🥰🥰🥰🥰🥰/5價錢：💸💸/5CP：😍😍😍😍/5環境：🐮🐮🐮🐮🐮/5📍SOYmart by 豆乳狂人荃灣二樓 2036號荃灣海之戀商場

搭扶手電梯一到2樓，就聞到淡淡豆香，行得越近餐廳，氣味就越濃。餐廳設有少量餐櫈、餐枱，當日紅日下午3點半去到，已經坐滿人，另外仲有小人龍排隊買野。好彩食嘅野好簡單，好多食客食完就走，所以唔洗等太耐就有位。人氣NO.1芋泥豆乳 $32幾乎每位客人都會買嘅一款產品，雖然價錢唔算平，但對於從來無飲過嘅我嚟講，點都要試一試😅。先飲上層豆乳，豆味真係好濃、唔會有豆腥、唔甜、質地比較杰身；再飲下層芋泥，微甜、食到小顆粒、份量唔少、但芋香唔算濃；最後搞勻一齊飲，比較偏向豆香；芋泥奶蓋小丸子 $42除左芋泥、豆乳外，另外仲有小丸子、布甸、芋泥奶蓋；奶蓋存在感比較低，得個樣😶；布甸幾滑，結實度似嫩豆腐，比較有實在感，而非山水豆腐花咁水嫩。豆乳比上面果款甜少少，屬於少甜，另外唔知係咪有錯覺，試到有少少奶味🤔；兩款包裝係好靚，但唔方便飲用，尤其係小丸子果款，最尾果D好難啜，要啜好多空氣先啜野。個人覺得性價比唔高，試過就算😏。

荃灣 - 《SOYmart by 豆乳狂人》📍荃灣大河道100號海之戀商場2樓2036號舖完全係比間餐廳既裝修野食包裝吸引住🫶🏻本身對豆乳唔係特別有興趣，不過望落好似好健康～餐廳超多食物選擇！有甜有鹹，真係可以滿足哂幾餐💛狂人粢飯(💰32)粢飯既材料其實都係同普通既冇咩大分別～但佢優勝在份量十分多，即叫即整夠哂熱油炸鬼比起岀面食既脆口好多好鍾意呢隻油炸鬼啊(๑･̑◡･̑๑)飯既比例唔會特別多特別少，岩岩好都夠2個人食🤪和風七味脆皮木棉豆腐(💰32)好香七味粉！所以都幾辣下啊豆腐外皮炸得好香脆，又唔會好油膩入面就好軟滑幾得意呢個炸豆腐！Oreo 奶蓋珍珠豆乳(💰48)珍珠奶茶🧋飲得多～第一次試珍珠豆乳成杯豆乳整體係唔會好甜個豆乳底冇咩甜味主要係oreo同奶蓋帶岀個甜上面啲oreo幾脆，唔會淋哂😍奶蓋唔會好稀身，奶香味幾重飲品甜品價格比較高～但係好靚又特別，係值得試既🤍

真心覺得好食先會回頭買，買個甜品但要受氣，我個40幾蚊係買甜品，唔係買職員嘅脾氣。攞張單埋櫃檯攞甜品，個女職員一手搶單，再掉隻匙羹落枱面，問佢想要個膠袋，好聲好氣講咗唔該，但女職員入完袋之後大大放落枱面。問返收銀同事有無投訴電話，佢話無要我留低我電話講低咩事。或者上網睇返分店電話再打嚟，咁即係自己舖頭處理？？服務態度真係好影響購買經驗😔😔

豆乳狂人就當然係專賣豆乳，款式同口味都有好多種🤩 有樽裝豆乳、豆乳奶蓋、豆乳茶同豆花，呢到嘅豆乳比一般飲嘅豆漿竭身，飲落豆味好濃郁，好似飲緊漿狀嘅豆腐咁🤣🤣 另外仲有仙草、芋圓、桃膠嘅配搭，唔想食甜品嘅話，另外仲有賣粢飯同小食(不過呢兩樣就未試過啦🤫)•🥢 鮮芋泥豆乳 $32芋泥會沉晒喺樽底，要開蓋用筷子/長飲管攪返勻先飲到，扭實樽蓋成枝咁搖都唔太搖得勻🤣芋泥嘅口感真係好滑，唔攪咁勻嚟飲就有啲啲芋頭粒粒可以咬下～ 豆乳嘅豆味真係好濃，而且偏竭身，飲落好濃厚😍 (飲完真係好飽🫢)•🥢 特濃可可豆乳 $28飲落都有朱古力味嘅，但都係豆味濃啲🤣 雖然係可可味，但唔會好甜，所以飲落都唔會膩😌•🥢 鮮芋泥豆花 $32豆花豆味幾濃，好滑，唔結實易碎，豆花本身唔甜，甜味主要嚟自芋泥，而芋泥綿密，唔會好甜，夠填補返成個嘅甜味之餘食完都唔會覺得好Heavy😍•🥢 三色芋圓豆花 $32芋圓數量好多，有十幾粒，但三色嘅數量唔平均，唔算煙韌有咬口，但又唔淋，中規中矩～ （豆花上面講咗了 🙈）•🥢 Oreo奶蓋珍珠布丁 $52面有一塊Oreo餅同可以自己加Oreo碎，奶蓋都幾竭身，唔會溶晒落啲豆乳到，而且芝士鹹